影片
更多
2024-12-18
176 浏览
今日同朋友去尖沙咀科學館道14號新文華中心地下10號A地舖食晚飯，這間泰國餐廳叫做泰絕，係我個同事介紹我哋嚟食，佢仲推介幾款菜式俾我哋來食。我哋入到餐廳見到環境不錯，地方寬闊，枱凳都擺得整齊，令人坐得舒服，店員有禮貌服務態度又好，不斷介紹泰國嘅正宗菜，而餐牌嘅食物款式都不少，有廚師推介、泰式船麵、泰式沙律、主菜、小食、泰式海鮮、泰式蟹肉系列、泰式咖喱、泰式小炒菜、正宗海南雞、泰式酸辣魚、泰式甜品、泰式飲品，睇落樣樣都想選來食，尤其是啲食物照片都好吸引。✌🏻最主力嘅泰式船麵，泰國必食嘅食物，係正宗曼谷三口船麵，有曼谷招牌豬肉河、曼谷招牌牛船河、曼谷招牌牛腩河，當然叫來食，曼谷招牌豬肉河和曼谷招牌牛船河就選了船湯，曼谷招牌牛腩河就選咗干撈，船湯底香味濃郁，干撈嘅醬汁惹味香口，唔係太鹹太辣嘅味道，豬肉牛肉鮮味嫩滑，牛腩肥瘦相間，肉質腍中帶爽，肉丸就爽口彈牙，河粉順滑可口，連埋啲配菜一齊食真係非常好食。✌🏻斑斕神仙水帶住香甜嘅味道，而斑斕好含維生素，所以飲這杯斑斕神仙水，感覺非常健康。✌🏻蜜糖青檸水味道酸酸甜甜， 有好香嘅青檸味同埋清甜嘅蜜糖味，好配合來食泰國菜。✌🏻蟹肉奄列份量不少，外層金黃
✌🏻最主力嘅泰式船麵，泰國必食嘅食物，係正宗曼谷三口船麵，有曼谷招牌豬肉河、曼谷招牌牛船河、曼谷招牌牛腩河，當然叫來食，曼谷招牌豬肉河和曼谷招牌牛船河就選了船湯，曼谷招牌牛腩河就選咗干撈，船湯底香味濃郁，干撈嘅醬汁惹味香口，唔係太鹹太辣嘅味道，豬肉牛肉鮮味嫩滑，牛腩肥瘦相間，肉質腍中帶爽，肉丸就爽口彈牙，河粉順滑可口，連埋啲配菜一齊食真係非常好食。
✌🏻斑斕神仙水帶住香甜嘅味道，而斑斕好含維生素，所以飲這杯斑斕神仙水，感覺非常健康。
✌🏻蜜糖青檸水味道酸酸甜甜， 有好香嘅青檸味同埋清甜嘅蜜糖味，好配合來食泰國菜。
✌🏻蟹肉奄列份量不少，外層金黃香脆，入口不油膩，裡面夾雜著絲絲蟹肉，蟹肉非常飽滿，啖啖真材實料，讓蛋香與鮮味融為一體，吃時配上醬汁，盡顯泰國地道特色。牛奶燒豬肉有2串大大串，搭配牛奶燒豬肉，肉質非常嫩滑鲜美，仲即叫即燒，上枱都熱辣辣，配搭埋菜粒醬料，吃上令人念念不忘嘅味道。
✌🏻泰式生蝦有6隻，蝦肉嫩滑爽口彈牙，亦有鮮甜嘅海鮮味道，而每隻蝦都配有蒜片辣椒粒，加上醬汁帶有酸辣、微甜和微辣的風味，一齊食非常好食。
✌🏻椰汁西米糕有4件，食落口西米露彈牙和有濃郁椰奶味，搭出香濃不膩的口感，亦唇齒留香，不錯好味嘅甜品。
张贴
