泰玖 (已結業)

住荃灣嘅朋友近日發現曹公坊開左間幾特別嘅泰國餐廳，裝修係型格嘅工業風，賣嘅係fusion泰國菜。餐廳成日都爆滿，好多人喺門口等位。餐廳有2層，每層座位唔多大概10幾個，屬小店一間，想試嘅要預早訂位，如果唔係就有排等啦😀泰式炸蝦餅🍤($36) / 泰式酥炸魷魚鬚🦑($36) - 先黎2碟炸物做餐前小食，炸得香脆彈牙，蝦餅有甜酸醬點黎食，魷魚鬚就食佢原汁原味。泰玖招牌蟹肉煎蛋捲🍳($98) - 呢味果然係招牌菜，口感有d似蠔餅，但蛋香味重d😋 蛋入面有蟹肉同洋蔥粒做配菜，好香口👍🏼泰式青咖喱雞🍛($88) - 傳統嘅泰式青咖喱，雞肉係雞柳黎啖啖肉，咖喱內仲有茄子同幾款蔬菜，連埋汁撈飯就最啱🙂

Thai nine 泰玖.泰玖招牌蟹肉煎蛋捲食剩指數:0/100煎蛋捲表面有蟹肉蛋捲煎得幾香幾鬆軟配佢個醬酸酸地幾夾.泰式酥炸魷魚鬚食剩指數:0/100魷魚幾軟身一咬就開表面粉漿剛好夠脆又唔會好厚.大頭蝦炒金邊粉食剩指數:2/100大頭蝦係炸過肉質都新鮮既膏都幾香炒金邊粉都幾入味辣度輕微.thai milk tea 泰式奶茶食剩指數:10/100泰式奶茶比一般淡少少如果多d煉奶就更正.整體都算唔錯其實佢仲有串燒同其他野有機會會再食😆

今次係我第三次嚟食，上一次應該喺12月中，直到今日再食已經唔係嗰陣時嘅味道啦，今日已經沒有泰國嘅味道…只有喊味唔知我以為自己食緊魚露,我哋叫咗冬陰功湯，生菜包，辣椒膏軟殼蟹，串燒雞，因為越食越嬲，都唔記得影相，不過都唔緊要，首先冬陰功湯，同上次飲嘅係兩樣野，今次味都冇，冇酸辣，飲完真係冇陰功 生菜包同辣椒膏軟殼蟹應該叫魚露生菜包…兩樣都喊都腎衰竭，真係比錢買難受最令我難忘嘅係串燒雞，我唔知佢係點唔樣燒，可以燒到有Gas味，本身雞肉味道好有泰國風味，但係唔知點解會有Gas味，唔通佢地換咗廚師？整體嚟講，今日之後我諗我要重新考慮會唔會嚟，如果味道同之前一樣冇變，我相信一定會再嚟,但係今日之後，我唔想個腎有傷害

今日年29 好多地方都冇晒枱訂 忽然想食泰國菜 又見有得book枱就帶屋企人黎環境可以 落單用QR code 野飲買一送一以為遇到間良心餐廳 結果………叫左個炒飯 通菜 雞 蛋餅 青咖哩 炒河 六樣野杯野都就飲完 一碟菜都未上…..每碟菜起碼等15分鐘 而且個前菜喺個主菜後面黎 我爸餓到咩咁 連急叫碗白飯都起碼等10分鐘…用餐時間90分鐘 個菠蘿炒飯差唔多80分鐘先送到食到一半就過黎話截單叫左六樣野 除左個菠蘿炒飯好食 其他都認真麻麻伏到一個點 唔會再黎。

🔺食物 🔸金不換炒鮮蝦河粉 $104✨「必試」✨河粉掛汁一流 夾起唔易斷 韌度十足👍金不換調配既醬汁 香氣強勁😍 蝦身肉質幾彈牙 配料如洋蔥、紅蘿蔔都好新鮮 甜甜的 .🔸泰玖金磗蒜蓉包 $42牛油勁多😍 厚切size✨ 睇落勁靚仔 勁吸引但蒜蓉味就唔多夠 美中不足.🔸泰式拼盤 $88蝦餅肉質一般 🤔 魚餅咬落香料唔夠濃味雞翼外脆內軟 唔錯🥳 大大粒雞肉丸🤩 惜味道唔夠惹味.🔸泰式酥炸魷魚 $36必試🤩‼️薄薄一層 炸到脆卜卜重點係！！ 魷魚新鮮 彈牙😍 熱辣辣👍.➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌕🌕🌕🌑自私評論：餐廳風格走型格水泥風，睇得出有花心思裝潢😍 前枱劃分吧枱，後面分上下層 地磚花紋有種80年代復古味道✨ 食物質素還好 但價錢勝在夠平 依家仲做緊飲品買一送一「啤酒都包‼️」➖➖ ➖➖ ➖➖ ➖➖ ➖➖ ➖➖ ➖➖ ➖

✍︎︎最近新開嘅泰日Fusion 餐廳🇹🇭工業風型格風路線^o^除咗泰國經典菜式，仲有日式串燒🍡🍢用QR code落單方便快捷🥗泰式馬拉盞炒通菜🥬 $78嚟到泰國餐廳，我同男朋友都要點炒菜食🥰味道惹味又有大量蝦米仔🌟值得一讚係可以選擇少油，好似罪惡感會無咁高🤣🦀招牌蟹肉煎蛋捲🍳 $98揉合日式煮法，將蟹肉混合蛋漿厚身蛋捲，口感蓬鬆🍛黃咖喱炒軟殼蟹🦀 $148可以選擇小/大辣揀咗小辣，配上洋葱香茅西芹等配料，令薑黃咖喱味道更有層次大概有6-7舊軟殼蟹🦀，外皮炸得香脆唔油膩😳原來軟殼蟹下面有炸麵條，黃咖喱沾滿麵條上非常惹味，小小驚喜吧🤤叫咗一碗油飯($22)撈汁食，正 ！❥如果餐廳有薄餅提供就好喇😆😆••••••••••••••••••••••••••••••🔎泰玖 荃灣曹公坊5號地舖••••••••••••••••••••••••••••••

今天我們等我們大太子動身, 由早餐等都晚餐, 看看有咩好食. 看到有間泰式, 新新地禾 (未吃過便是新), 裝修幾特別禾 (我食view架麻), 就去試下. 一到去, 樓下像吧抬的, 我們四個人便上樓上的, 樓上地方都 ok. 有卡位, 有圓抬.  這間也是 QR code 下單的, 下完後...它有一句溫馨提示的, 好像 '做菜需時, 請耐心等候'...類似這樣吧, 都沒看清楚, 便按 ok; 唔通按 '唔同意' 咩? 因我們由早等到晚, 超級肚餓...點知...等...寂寞都夜深, 夜已靜荒涼, 夜已靜黑暗....唱完成隻歌都未來...咩事呀...不知是否只有一個廚師..嘩...奉勸各位, 等得吃先好去. 我們這餐, 吃了20min, 等了40min...最耐人尋味的就是來了主菜, 便叫個 '靚仔（白飯）' 啦, 都要等15min...唔追都唔去拿...點呀...雖然個姐姐都 ok 的.  但真是唔掂呀咁等法...我細仔叫了個青咖哩雞, 可能無睇清楚, 這不包飯的, 所以自己要叫個飯, 味道不太濃, 不辣, 尚算 ok. 我是重口味的, 我就略嫌不夠香料. 我就叫了 黄咖哩軟殼蟹,

最近發現屋企附近開咗一間泰國菜🇹🇭門口感覺好有神秘感，工業風style裝修，而座位亦分上下2層，咁特別吸引咗我地嚟試一試🤭🍽️食物1️⃣ 泰式蟹肉炒飯$118: 炒得夠乾身夠鑊氣，份量都幾多，味道就較偏清淡。2️⃣蒜香炒通菜$78: 好有蒜茸既香味，炒得夠爽口，唔會油膩。3️⃣香茅蒜香雞翼$36: 炸到外皮勁香脆，裏面雞肉好嫩滑有肉汁！絕對喺送埋酒小食之一😆4️⃣泰玖金磚蒜蓉包$42: Size好大條，仲有4條咁多幾抵食👍🏻顏色金黃色好吸引，咬落脆卜卜！加上牛油蒜蓉味好香濃😛5️⃣芒果糯米飯$58: 賣相做到壽司咁好特別，分別用黑白糯米做了2款，芒果都幾甜，鍾意再甜啲可以加埋椰漿一齊食🤤

食開隔離個間，今次行過見新開又試下，點知好伏。第一次食船麵係米粉。。。可能係我大鄉里？之前食開間間都default 係金邊粉🙄諗住加錢試埋個菜，點知得一注仔。。。chicken wings 又係得兩隻咁大把。。但整體仲貴過平時食開個間。。。只可以話無下次了。 不過又咁，佢環境唔錯，侍應們都好有禮貌，期待食物可以好啲。

喺網上見到呢間泰日fusion餐廳店內有兩層地下設有日式吧枱座位裝修走型格工業風環境望落唔錯，幾啱打卡呢📸-🥢泰式乾炒牛肉河粉（$108）上枱果陣，驟睇望落似堆炒雜菜初時以為係上錯菜 睇真啲先發現係啱嘅！牛肉係底，好細碎得3細塊🔍乾炒河粉一啲都唔乾身份量極少，連一人份量都無😞味道方面，正正常常嘅但香辣味就唔太似泰式果種喇！🍤泰式青胡椒爆炸大頭蝦（$178）大頭蝦每隻開邊一共得兩隻蝦肉無吸收到青胡椒嘅香辣味好似食緊普通嘅蝦以呢個價錢嚟講，勁中伏😂（openrice網上訂座會有九折優惠，但都係唔值！）-P.S 餐廳採用QR code 落單Tt我由落單到有嘢食上枱，大約等咗半個鐘！另外，餐廳有漏單情況😅最後只係食咗呢兩款菜咋！唯一值得讚嘅係，員工好有禮貌喔👍🏻

入座一個鐘 只有一個金邊粉上左樓面職員很悠閒 餐廳廚房燒烤爐很細 無法handle客流量但接好多網上外賣平台掛住上外賣order就怠慢堂食客人 一個半小時先上到第二道菜燒豬頸肉 個豬頸肉仲要唔熱 肯定係俾錢買廣告 體驗非常之差 下次一定不會再試

今日去荃灣香車街睇吓咩食，見到有間新開泰國菜，有lunch set，全部都78蚊，就試一試佢😚.餐廳行工業風，有兩層，樓下係bar枱，樓上有十張枱左右，咁岩無乜人，可以揀坐邊一層。我地揀左樓上，但金髮女店員就無帶路，我差d走左入廚房😓又話有人book左枱，叫我地坐細枱，咁不如直接帶位啦，實唔會坐錯😓走廊有d滑，要小心d行.講返食物先，我地兩個人叫左兩個set，各包一杯飲品。我地叫左海鮮金邊粉、牛肉船河、雞翼（+$18）、芒果糯米飯（+$18），野飲叫左鮮橙冰茶、泰式奶茶（+$5）😊.✨海鮮金邊粉✨賣相幾靚，聞落都好香好惹味，味道比平時街外食既酸少少，有蝦同魷魚兩款海鮮🦐🦑但海鮮無乜調味，金邊粉個調味正d，加埋青檸汁好味道😋😋份量唔算大，女仔食岩岩好.✨牛肉船河✨牛肉上枱果陣仲紅紅地，食落唔韌，佢有兩款粉係入面，應該係米粉同金邊粉，但要食得快d，因為d粉吸湯吸得好快，想飲多啖湯都無😅船河上面仲有d炸豬皮、通菜、牛丸、豆卜、肥豬肉咁😋.✨雞翼（+$18小食）✨有兩隻雞翼，都好香脆，味道正常.✨芒果糯米飯（+$18小食）✨可能係餐廳細心，去到後段先上甜品，我地無主動叫，有三件整到好似壽司咁既

開左幾年openrice account，一向只係要黎訂位用，第一次食完d野難食到想即刻打番篇食評。我原本以為路德圍間泰特色已經係泰菜入面最難食，估唔到一山還有一山低，見到openrice咁多好評先試下呢間野，點知原來伏到咁。炸蝦餅，炸到過左龍，外層有d硬，裡面唔夠彈牙而且食落鬆鬆地，明顯冇乜落力撻過d蝦膠，而且真係好細粒。不過36蚊就算數啦。炸雞翼，得面果層有味，入面係雪味，不過叫炸得ok，同樣36蚊，算數。泰式海鮮粉絲沙津，叫得做沙律，我真係冇預過d粉絲係熱既。而且得陣辣味，冇乜酸同其他香料味，咁都叫泰菜？D海鮮又係低質到痴線，兩舊魷魚又韌又冇味，隻蝦好明顯係超市最平果D急凍白對蝦，呢碟野收人78蚊，粉絲已經唔值錢，用靚小小海鮮得唔得？全晚最嬲係黃咖喱炒蝦，一拎到出黎碗野只係微暖，一食落去隻蝦凍既，叫佢拎番入去整過。再整出黎，依舊失望。D咖哩得個甜字，完全冇咖哩應有的香味，斷估都係只係用咖哩粉沖開，冇乜落香料炒過。蝦就霉霉地既。全晚最正常係燒魷魚，緊係正常啦都唔洗你煮，你個廚師都唔識煮野既。圖係食到最後放唔落口既咖哩（難食到撈唔到飯）加粉絲。冇下次。荃灣最難食泰菜當之無愧。

荃灣隱世工業風兩層高泰國餐廳泰式菠蘿炒飯 $118菠蘿炒飯真心推介，配料多到你食唔晒，泰式嘅味道均勻咁入晒飯香，加上海鮮配料嘅鮮味真係不錯！泰式豚肉串 $28啖啖肉豚肉，肥瘦配搭剛剛好，再加泰式另有一番風味，燒嘅火喉不錯，入口唔會太韌！日本番薯仔 $18 / 翠玉瓜 $18 / 秋葵 $18/ 豆腐 $18蔬菜類都夠晒新鮮，估唔到都有得比你揀大中小辣，窩心嘅選擇令你食都食得滋味，再另上一個泰式風味醬料，令串燒更加惹味！泰式芒果糯米飯 $58最特別係芒果糯米飯，佢用咗日式嘅方法將去過程壽司咁樣擺盤，令你可以一口一啖糯米飯，加上新鮮香甜嘅芒果，食法係新鮮特別，一口嘅口感都不錯幾豐富，加上份量加大大塊芒果層次都好滿足！加一服務費泰玖 (荃灣)荃灣曹公坊5號地舖

菠蘿炒飯好油 成個碟底都係油，成碟炒飯得3粒菠蘿金磚無味連所謂嘅蒜味都無 只係四舊脆嘅麵包通菜唔知點解咁細碟 每人食得一注仔 唯一係啲通菜好嫩無喳泰式拼盤內雞翼無調味 最好食係蝦餅