影片
更多
2020-03-06
125 浏览
疫情下都少左好多人出街，而自己都係一樣好少出街食飯，不過今日約左一個好耐無見嘅朋友，大家講講下都好想食泰國菜，於是就去左呢間到食，呢到係佢地頭，邊到有好野食一問佢就知。呢間餐廳有得揀想坐室內同室外，如果飲酒傾計就岩坐室外，我地就揀左坐室內，因為燈光比較光猛，我地揀左幾道菜食，全部都係我地去泰國必點嘅野食。鮮椰青侍應同我地講佢地呢到嘅椰青係新鮮，好靚，推介比我地試試，於是我地都叫左一個。椰青水份好多，好清甜又解渴，飲到咁上下仲可以食埋啲果肉，味道都係唔錯架。菠蘿沙冰我好鍾意飲沙冰，夠哂冰涼，估唔到個份量都幾大杯，菠蘿味都幾香，味道好自然清新，飲得出係用新鮮菠蘿製成，味道清甜中帶微酸，好醒胃，好有夏日的感覺。碎肉生菜包生菜包係次次食泰國菜必點，如果好似我地咁唔係好食得辣，可以order叫小辣。肉碎嘅份量係當相多，肉碎炒得好香，而且食落仲微微散發有好香嘅青檸味，加埋生菜包埋一齊食就係絕配。冬陰功海鮮湯(小)所用嘅材料係相當豐富，我地揀左海鮮冬陰功，入面就有魷魚、魚片、青口等等，食落好新鮮，特別食魚肉好滑好鮮而且仲要無魚骨，連我呢啲唔係好鍾意食魚嘅人都對佢充滿好感。冬陰功酸、辣、鮮、香味都好足
呢間餐廳有得揀想坐室內同室外，如果飲酒傾計就岩坐室外，我地就揀左坐室內，因為燈光比較光猛，我地揀左幾道菜食，全部都係我地去泰國必點嘅野食。
鮮椰青
侍應同我地講佢地呢到嘅椰青係新鮮，好靚，推介比我地試試，於是我地都叫左一個。
椰青水份好多，好清甜又解渴，飲到咁上下仲可以食埋啲果肉，味道都係唔錯架。
菠蘿沙冰
我好鍾意飲沙冰，夠哂冰涼，估唔到個份量都幾大杯，菠蘿味都幾香，味道好自然清新，飲得出係用新鮮菠蘿製成，味道清甜中帶微酸，好醒胃，好有夏日的感覺。
碎肉生菜包
生菜包係次次食泰國菜必點，如果好似我地咁唔係好食得辣，可以order叫小辣。肉碎嘅份量係當相多，肉碎炒得好香，而且食落仲微微散發有好香嘅青檸味，加埋生菜包埋一齊食就係絕配。
冬陰功海鮮湯(小)
所用嘅材料係相當豐富，我地揀左海鮮冬陰功，入面就有魷魚、魚片、青口等等，食落好新鮮，特別食魚肉好滑好鮮而且仲要無魚骨，連我呢啲唔係好鍾意食魚嘅人都對佢充滿好感。冬陰功酸、辣、鮮、香味都好足，兩個人每人都可以分到兩至三碗，好值。
泰式燒鮮魷魚
原條魷魚燒得岩岩好又新鮮，而且燒汁非常入味，食之前點埋個泰式辣汁，吊出個鮮味來。不過如果唔係好食得辣嘅朋友仔就唔好點得太多，因為個醬本身都幾辣。
鮮蝦炒金邊粉
熬辣辣送上，味道甜甜地好夠鑊氣，金邊粉好彈牙，唔會黐埋一舊，加埋花生粒，令到個口感更加豐富之餘，味道又更香。鮮蝦好鮮甜彈牙。
順帶一提，呢度嘅服務態度幾好侍應幾nice，朋友果然無介紹錯。
张贴
