泰爸爸

营业中

休息中

黎奧海城睇戲之前食嘢先，揀咗泰爸爸，喺奧海城三期呢邊，有露天位同室內揀。星期六2:30下午茶時間😍下午茶餐嘅選擇都好多，而且價錢同附近餐廳比較起來好平，仲包埋嘢飲添！海南雞飯$40真係超抵，份量都算多，雞肉都幾嫩，個泰式汁同啲雞好好餸飯。油飯唔會好油。仲配碗冬瓜湯添！豬頸肉湯河粉豬頸肉有輕輕燒過既，湯底幾香濃，仲有舊蘿蔔好入味！！泰式炸蝦餅個人覺得泰式炸蝦餅最好食，爽口彈牙！香茅炸雞翼肉質好滑，咬落去好有肉汁，而且個粉漿唔會太厚，都唔錯👍🏻泰式鴛鴦串燒豬同雞各兩串，個沙嗲汁好食，唔辣，甜甜地嘅，咬起嚟啖啖肉。兩個主食叫咗一杯青檸梳打，一杯泰式凍奶茶，呢個天氣飲真係一流！夜晚冇咁熱嘅話可以坐露天位，好有氣氛！仲有泰式炸蝦餅賣，可以買返屋企食。

疫情之下，加上工作忙碌，好耐冇出過去食野啦黎到泰爸爸，室內室外位置各佔一半，座位加左隔版都唔會覺得好窄我地一人叫左一個麵食，加多個小食拼盤，貪佢可以試多幾樣唔同野食LUNCH 都係由四十幾蚊就有交易叫左個什錦撈檬D檬粉索汁後酸酸地，幾惹味，呢D天氣食都幾啱豬頸肉帶少少炭香，質地爽滑另一個叫左喇沙鮮蝦湯米線其實份量都比我地想像中大碗配料都唔少，有蛋有蝦有豆卜等湯底唔算濃，亦唔係帶辣味既喇沙，不過椰味都幾出飲多幾啖都唔會覺得好鹹最後亦係我地好期待既小食拼盤配上梅子醬同泰式辣醬魚餅都幾重香料味，都幾可口唔使點其他醬料都夠晒味道相比魚餅，我更鐘意炸蝦餅厚實得黎又彈牙，亦唔會覺得好油膩春卷同串燒都值得一試整體黎講，大件夾抵食丫PS:見隔黎台食既雞飯都幾吸引

1 冬陰功海鮮湯河粉湯底唔算太辣，味道都幾好。雖然食得出材料都係急凍嘅為主要～但係份量足夠、種類較多，食到最尾都仲有海鮮d配菜，晚市$72算好食之列👍🏻 2 泰象啤酒🍻樽裝麥味幾足夠👍🏻 配埋下面嘅串燒，好夾！口感順滑，最緊要夠凍。3 沙嗲串燒豬肉配牛肉餐廳都幾為顧客着想，可以俾你雙拼三款肉（豬牛雞）嘅其中兩種。味道方面，雖然都係主要由醬汁帶動，但係肉質方面，一啲都唔輸蝕，入口夠林，同埋又有肉味；最緊要係唔痴牙，之前食過一間牛肉串燒，價錢差唔多，但就好un 4 芒果糯米飯芒果新鮮又甜，唔酸嫁。重點係佢有紫糯米再拼埋白色糯米。上菜嘅時候仲係熱辣辣，有蒸氣！環境：雖然坐戶外，但係最正在於佢個冷氣風扇，即使夏天一啲都唔會覺得焗/流汗！

大角咀附近有好幾間泰式餐廳，早前去左奧海城三期的［泰爸爸］食下午茶☕️餐廳環境不算大，但坐落舒服亦有設戶外座位，仲有因應疫情關係而加設隔板，令食客更安心下午茶套餐定價不貴，平均四十蚊就包粉麵/飯連餐飲，非常抵食～再望望主餐牌，發現海鮮類定價都不高，可以點多幾款試試海南雞飯 $40下午茶份量都沒有減少份量，我地轉左要白飯，一樣咁大碗飯呢雞肉嫩滑鮮味、不油膩生牛肉湯粉 $40大約有五、六片牛肉，有少量脂肪，口感軟腍入味酸辣檸檬汁蒸鱸魚 $138之前試過去別的餐廳，一條魚平均都要價$200左右，今次見到百幾蚊就即刻點左條鱸魚食調味一樣足料，酸辣汁非常惹味又開胃魚肉夠嫩滑，加上唔多骨，值得一試！另外，我地都加左個椰青 清甜又消暑

疫情好似有所好轉， 大家都多咗出街食飯 ，但大家千萬不要鬆懈， 要繼續勤洗手戴口罩。今日就去咗奧海城三期嘅“泰爸爸“食泰國菜。 頭盤我哋先叫咗個生菜包 $88。如圖所示生菜包份量十足，生菜亦都十分新鮮爽脆。 生菜包熱辣辣，同生菜嘅口感十分配搭。另外地仲嗌咗半隻泰式燒雞 $98。 燒雞做得十分出色， 雞肉一啲都唔鞋口，肉質仲有幼嫩， 而且配有淡淡嘅炭燒香味 ，配上特製嘅酸汁 ，味道更上一層樓 。除此之外我哋仲叫咗一個鮮蝦炒金邊粉$88。 呢個基本上每次食泰國菜都會叫嘅一道菜。 好喜歡佢嘅酸酸甜甜味道，十分醒胃。同埋蝦球嘅肉質好爽口，同金邊粉啲味都好夾。最值得一讚嘅就係餐廳有好開揚嘅露天位置。還好今晚天氣唔算太熱，坐露天位置就可以好好咁同朋友傾計食煙吹水。

位於奧運站既泰爸爸，夜晚去好多燈色係出面，望落好靚，少有餐廳坐係戶外，又唔洗食廢氣既，所以都幾唔錯，特別適合d鐘意chill d, outdoor d既朋友仔，佢另外佢都有d室內座位既。裝修方面，就無咁傳統泰式既裝修喇，一般既燈飾黎營造下氣氛，簡簡單單咁喇。食物方面，叫左佢個青咖哩雞，咖哩好有椰香味，仲有幾重既椰奶味，食落就唔算好辣既，仲有d甜甜地，岩曬唔食得辣既朋友仔喇。另外，特別推介大家叫佢個蒜蓉包，因為好夠味，而且又夠乾身同脆，點落d青咖喱黎食，就好一流喇。仲要一碟有成6件，好抵食。個香葉肉碎炒飯，飯底夠粒粒分明，炒完出黎粒粒都幾有油香，同埋唔會爛埋一堆咁，食落幾香口。最後個甜品叫左西米糕，夠凍，唔太甜，唔錯。

奧海城3期地下泰菜，有露天座外/室內選擇，室內座位較狹窄芒果沙冰🥭新鮮芒果製造，冇添加糖水但已經好甜，夏天夠曬冰涼鮮蝦炒金邊粉🍤旁邊有小青檸和花生磅🥜份量適中，蝦大約有4個🦐味道都偏向正宗泰國🇹🇭黃咖哩薯仔雞，味道偏向港式少少😻但正正係我鍾意食嘅味道❤️雞塊去骨，份量較薯仔多🥔薯仔應該炒過，外皮較實，配菜添加紅青黃椒，令味道更香，呢個送飯係一流🤤不過我今次冇食飯，就叫咗蒜蓉包，表面全金黃，每塊都沾滿蒜蓉，十分惹味香脆👍🏻平時岀面真係得個少少蒜蓉就算🙃每一淡再沾咖哩食，係十分正👍🏻甜品🍮$50芒果糯米飯，芒果肉較實和十分甜🥭分開白色和紫色糯米飯，紫米較有口感，飯是暖上的，配上暖椰汁🥥☺️泰國味道🇹🇭

泰爸爸位於奧海城三期地下外圍嗰到出面有一排唔同餐廳有酒吧，漢堡之類  有得坐外面，望下風景飲下酒咁位置都幾CHILL架因應疫情關係，枱與枱之間都圍上紙板其實個人覺得待疫情過後各餐廳都可沿用呢個做法至少大大增加食客嘅私人空間感鮮蝦炒金邊粉個人覺得金邊粉幾考功夫有啲店做得太濕，有啲太乾呢到拿捏得幾好，有鑊氣之餘 酸、甜、鹹三種味道平平均均鮮蝦都大大隻  爽脆新鮮擠一點青檸汁，好食到痴線兩個女仔食，怕眼闊肚窄所以一個粉一個小食盤，應該唔出事啦呢個拼盤有炸蝦餅、炸魚餅、春卷、燒雞各兩件全部都新鮮炸起上碟，油食得出唔係用千年油春卷好好食，酥脆黎得炸皮唔厚，材料豐富，香口非常蝦餅食得出無偷工減料，咬落有蝦肉嘅彈牙口感魚餅其實係整得好食的，但有點食唔慣呢隻味道但成碟拼盤黎講，必點椰汁三色汁唔會淡茂茂咁 椰控要點呢間泰國野性價比其實幾高雖然只試過幾樣野，但都係好好食嘅野下次可再同多啲朋友試埋其他

We didn't expect much when we sat down at Phat Papa for food. It was from a mall that served a lot of uninteresting fare. But I was hungry so we just randomly went in.Phat Papa serves up Thai cuisine. During afternoon tea time, they have a tea time menu. Menu in English and Chinese. Set includes a set drink or possible option for upgrades.I had the Hainan Chicken Rice ($40). I was surprised by the portion size and the addition of soup. Whenever I order this for afternoone tea, it's usually small

疫情之下相約兩個朋友仔出嚟聚下， 想食泰國菜而且希望近旺角區，於是就揀左泰爸爸。雖然店舖唔係太大，但係因為有戶外座位， 加上嗰日天氣都清涼所以我哋決定選擇坐戶外；戶外個景好有feel, 我哋都忍唔住影左幾張相。因為大家都末食 午餐，所以一人叫左一個set, 仲額外叫多3個小食，埋單都係每人$104。因為當日吾算太多人，所以我地坐左2個半钟都冇比人趕。

夜麻麻九點幾想食泰國菜，上op搵到奧海城有間泰國菜收11點，即刻揸車出發！😍😍 唔黎都唔知道有個咁既地方，成條路都掛滿Led燈，好有氣氛！除左呢間泰爸爸之外，旁邊亦有其他餐廳，見到不少朋友、情侶都坐出面食飯傾計本身諗住奧海城區價錢一定會貴d，原來唔係喎，價錢合理！叫個椰青飲下先，好清甜☺️ 泰式生蝦4個字形容，大隻！厚肉！XD 香芒軟殼蟹米紙卷 米紙晶凝通透，口感柔軟，軟殼蟹紅蘿蔔等等的餡料突出來好搶眼，成件事好清新泰式明爐烏頭 平時屋企都係檸檬蒸烏頭，但黎到泰國餐廳必定係明爐煮法，keep住熱辣辣，魚肉嫰滑，仲可以飲埋湯汁，好醒胃！馬拉盞炒通菜本身已經好大碟，估唔到仲有魷魚，好入味！呢度甜品好抵食，椰汁西米糕 $20 / 4件😍 另外再叫芒果糯米飯，裡面係雙色糯米飯，暖笠笠好軟熟，芒果大粒又香甜，飽晒～

這日去開油麻地附近，到傍晚時間行左大約15分鐘，來了奧海城的一間泰國菜：泰爸爸晚餐餐廳室內位置大約有5張枱，另外外邊都有戶外位置，夜晚坐戶外位置氣氛都唔錯餐牌中泰式食品選擇好多，我哋點左三樣食物，一粉，一飯，一咖喱。餐具碟用傳統款式，都幾特別。疫情期間，餐桌加上膠板，客人入店內前也量體溫，感覺乾淨衛生。先來嘅係生牛肉湯河粉。份量都幾大，湯底好濃，材料好多。白蘿蔔好入味牛肉味道都幾濃郁，牛肉夠腍湯河粉都好滑青咖喱雜菜一上枱已經味道好香，咖喱香料及椰汁香味好吸引！雜菜份量都好多及幾新鮮，雜菜類別亦都有好多款。香葉辣椒肉碎炒飯都幾重口味，飯一粒粒，夠乾身，炒得好香。總括而言今天的晚餐不錯，好滿足😊店員常常主動問我哋添水，也會問我哋啲餸菜合唔合口味，感覺有善

我今晚去了泰爸爸吃泰國菜， 因為夏天所以想食少少酸辣嘢 。泰爸爸方便就腳， 好適合我哋住旺角太子嘅人去食。沙律種類選擇繁多，有又酸辣鳳爪啦和青芒果絲炸魚等等。佢嘅泰式濃湯都選擇很多 ，有海鮮喇，又椰奶喇。我和朋友叫了魚蛋，魚片，豬頸肉湯河， 湯底非常濃郁 ，食得出湯底冇味精。 魚蛋豬頸肉非常彈牙可口。青木瓜芒果沙律， 有少少辣 ，但非常惹味， 好有泰國風情，用料新鮮。我們非常喜歡。碎肉生菜包 ，係我哋必叫之選 ，肉碎淡淡嘅清香， 有少少辣味， 非常香口可 ，食得出好有鑊氣。生菜也非常新鮮。甜品也是我們的最愛 ，芒果大菜糕， 很特別的甜品， 非常清香嘅芒果味， 夏天食呢個甜品係非常之適合，而且口感非常之特別 ，軟得嚟又有點硬。

講到食泰國嘢可能好多人會諗到去九龍城食，但如果想食泰國嘢正宗得來，觀感上亦有泰國feel嘅話，我會推薦你黎泰爸爸。泰爸爸係一間半開放式嘅餐廳，可以揀室外，亦都可以揀室內，之前嚟過幾次坐喺室外真係有種去咗泰國嘅錯覺，啱晒而家冇得周圍走嘅香港人。除此之外，泰爸爸嘅嘢食當然都相當出色啊，今次專登揀室內，就係為咗俾你地睇吓嘢食幾咁精緻好味🤤我哋分別叫咗生菜包，冬陰功烏頭，香芒蟹肉炒飯，同埋椰青。生菜包既肉碎調味好出色，香料嘅味道唔會蓋過肉碎本身，食得出每一樣材料嘅原味，生菜亦好新鮮，如果肉碎可以再炒乾身少少嘅話就真係完美一百分冬陰功烏頭就啱晒啲好似我哋咁貪心嘅你哋，有得食魚，側邊仲有一碗冬陰功俾你淋上魚身，剩返嗰啲仲可以飲添🤤🤤正香芒蟹肉炒飯落足料，入邊見到一絲絲蟹肉，食落口每一啖都有蟹肉味，加埋芒果嘅甜味，異常地夾，推薦雖然只係帶咗三個餸，但係已經完全夠飽，每一樣都好足料好大份，正

今日同朋友趁住疫情有所緩和嘅時候，即刻去食佢想食好耐既，新屋樓下商場嘅泰爸爸泰國餐廳食餐勁既。依間餐廳環境唔錯，而且有店內同店外可以坐。但因為今日太熱啦，所以唯有下次先試下室外。我哋叫左自制肉碎生菜包，香矛雞中翼，曼谷鮮蝦炒金邊粉，金屋乾炒牛河同埋甜品（椰汁西米糕）。跟餐嘢飲就叫左凍檸茶。自制肉碎生菜包好野味。佢放左好多洋蔥同乾 蒜去炒豬肉碎，再加少量辣椒去調味。肉碎量又多又入味，配上生菜既清新，真係一流。香矛雞中翼炸得好香口，外脆內嫩，唔點佢D汁就比較乾身，點埋佢D汁就剛剛好。而且一份有4隻。曼谷鮮蝦炒金邊粉就真心抵食，有爽口既大蝦，有豆乾，有芽菜，蛋碎，有蒜乾。最後加上青檸汁，成碟金邊粉酸酸甜甜又有口感，十分好味。金屋乾炒牛河係同出邊食開有好大分別。出邊既乾炒牛河通常都係用少量牛肉加菜心去炒河粉。但依度係用大塊牛肉加蛋再加芥菜去炒。無錯，係用芥菜呀。因為芥菜處理唔好會好苦，所以好少餐廳會用芥菜。但依度敢用芥菜炒，而且處理得好，唔多苦，但好爽脆，令成碟牛河昇華唔少。椰汁西米糕就最喜出望外既係佢椰汁味好濃，加埋西米既煙韌，椰肉既可口，真係細細件已經有多重享受。