泰爸爸

营业中

休息中

早陣子周遭氣氛緩和下來，趁機出外走走約見失聯數個月的朋友。事隔數月再步入奧海城，走著走著發現大眾書局那一期地下原來也有食坊。毗鄰高尚住宅區，更設有bar、室外室內座位，餐飲定價可說是平絕該區。午市五十餘塊，下午茶則四十多，與茶餐廳價錢差不多。入座時剛換了下午茶餐牌，所以又加購兩款優惠價小食。串燒$4X四串，可以雞/牛/豬中選其二。串燒雖不是明火炭烤，卻不會濕漉漉，略微有少少焦香效果。肉串份量比較多，有香茅輕輕調味，沾上粒粒花生的沙嗲汁更惹味。第二份炸蝦餅再平少少，蝦餅非常厚肉，怕油膩可以點酸甜汁。蝦餅炸粉好鬆化，蝦膠結實彈牙，即叫即製無投訴啦。另外要一份下午茶的雞絲撈檬，二人分享也足夠。夏日吃生冷食物我會特別留意新鮮程度，生菜絲脆爽青綠，檬粉之下碗底亦沒有多餘水份，合格! 唯一可能是下午茶套餐，加上與其他食客點的海南雞飯有比較，雞絲份量顯得較為少。男朋友聲稱酸辣食物刺激胃口，未夠飽於是再加單。泰式牛仔骨有六七件，肉質比較淋，牛肉味也好濃。特別是筋膜位置也可以輕易咀嚼，相信小朋友都可以食到。這一碟酸辣汁我超喜歡呀！我會形容是近似炒肉碎既味道，金不換的香，帶有洋蔥的辛，香茅的清幽，辣椒的勁

「泰爸爸」是一間位於奧海城的泰國餐廳，餐廳設有室內室外雅座，環境優美，雖然今晚只點了兩道菜，但已品嚐到這間泰國餐廳的誠意👍第一道菜是泰式生蝦刺身，新鮮的海蝦經冰鎮後，肉質緊實富彈性，味道爽甜鮮美，再配上大量生蒜、辣椒、調製的醬汁，不但能起殺菌作用之外，也有助帶出蝦肉的鮮味，其酸辣的味道，非常醒胃。非常喜歡生蝦的口感及醬汁，生蝦大大隻啖啖肉而且爽口，配料十足，配上兩碟泰式特色醬汁，非常美味可口！只能用一個「正」字形容。第二道菜是泰式冬陰公明爐烏頭，烏頭魚大大條，好抵食👍烏頭魚加入了冬蔭功湯後，再於明爐中煮熟配料，就有點像似中式火鍋，熱騰騰的烏頭魚，散發著味濃而不濁的香氣，味道清香，配上白飯一起進食，簡直人間美食😋

行開奧海城 見到有間好chill既泰國餐廳 就深深俾佢個feel吸引咗🤩🤩好有去咗泰國既feel haha 但個晚熱得濟所以都係揀咗坐入面涼冷氣叫咗第一樣野食係泰式拼盤 $138可以見到有好多款小食 啱哂想試唔同野食既我😆炸蝦餅、炸魚餅、雞串、春卷都好好味特別中意炸蝦餅同埋雞串 蝦味好濃厚 而且啲肉好實淨而雞串配上啲汁好惹味 肉質好掂春卷裡面餡料好豐富 食起上嚟超有口感！推推推！第二款叫既係蝦炒金邊粉 $88啲蝦都算大隻 食落好有咬口而且金邊粉炒得好出色 個味道係好令人食到停唔到口個種而且配埋花生碎一齊食昇華到另一個層次啊暫時係食過最好食既金邊粉食泰國野邊少得野飲椰汁沙冰 $30好重椰汁味 唔會超級甜 正！兩個人食到好飽 加一完都唔洗$300 都算抵環境好chill 下次可以試下室外添

今天約了閨蜜Connie 談天說地，我們最愛吃泰菜，所以選了奧海地的泰爸爸吃lunch, 地方環境很舒服，最令人開心還有露天茶座，感覺真的不錯呀!今天天氣太炎熱了，所以我們先叫了兩夲青檸梳打，實在太解喝了，而且又清新!我叫了一個泰式鳳爪沙律，酸酸辣辣的，而且鳳爪十分爽口，我們吃得停不了口!另外Connie 無菜不歡，我們叫了一個炒芥蘭，鑊氣十足，很有味道!我叫了一個冬陰光公湯配金边诃粉，很辣而且湯底濃旭，鮮蝦麻菇很香，蝦肉很彈牙，我很欣賞湯底，雖然有点辣，我還是很欣賞!Connie 叫了一個雜錦湯河，豬頸肉很香口，她也十分滿意!雖然今天的天氣十分炎熱，但泰國藥是最開胃的選擇，我們很欣賞泰爸爸，我們又叫了一客椰汁糕，為快樂的午餐劃上一個完美的句號!

久違來到了奧海城和朋友行街朋友突然提出想吃泰國菜於是便上網找了找 發現了這一間就奧海城三期的泰爸爸 就在附近 而且網上評價亦不錯於是便一起來了試一試款式選擇多 價錢實惠和朋友決定一人點一個主菜再加上一個前菜一起分享鮮蝦扎肉米紙卷傳統米紙外皮包着蝦、扎肉、芒果、蘿蔔和粉絲等 厚厚一卷很足料 點上酸酸甜甜的醬汁 十分開胃 前菜之選 不錯不錯香葉辣椒肉碎炒飯加入了肉碎 以香葉和辣椒炒香 十分惹味而且炒飯份量十足 滿滿的一大碟 飽肚之選海南雞湯河粉海南雞肉量也不少 而且吃下去肉質十分嫩滑想必這裏的海南雞飯也一定很出色而湯底則加入了蔥花和菜乾等 滑甜香口配上軟滑的河粉 好味道 和友人都好喜歡椰青原隻椰青上 最緊要夠凍椰肉嫩滑 清甜解渴 正

附近收工，就去左奥海城食晚餐。呢間餐廳好有泰式風情，有好多户外嘅座位，特別係夏天可以感受到夏日炎炎。點左泰式拼盤，有雞肉串燒，春卷，魚餅，蝦餅，十分豐富。飯前小食一定要叫呢個！炸得好香口再點上醬汁，美味可口。蟹肉芒果炒飯，好多芒果都超鮮甜。可惜蟹肉比較少，如果加上肉鬆點綴，會令賣相更好看。啲飯有些濕濕的，而且應該落了調味料，好香好野味，少少鹹，不會啖而無味。椰汁千層糕，迷你的，加上椰汁，口感煙韌，微暖，十分喜歡！餐廳的座位不算很多，當晚有兩枱已經預留了，如果想確保有位，記得早啲留位啊。

臨近父親節，正日要陪爸爸，咁小朋友的爸爸唯有提早慶祝,雖然西班牙菜係我大愛，但最近使咗好多錢，要論好味又平價，首選泰菜 ,今次就選了奧海城新開咗幾個月嘅泰爸爸，最主要係因為商場有泊車優惠。兩人叫了生蝦，炸蝦餅， 生菜包，海南雞湯河，龍眼冰，真心抵，每樣都係幾十蚊。生蝦刺身賣相一流，有乾冰係底，有苦瓜，蝦肉爽口，夠大隻，對得起個價錢。炸蝦餅，肉厚，彈牙不油膩。最鍾意佢夠厚，啖啖肉， 因為出面唔食嘅有d會好薄，好小家。生菜包，呢個真心抵食， 味道濃郁，帶點檸檬味，如果再加多幾隻辣椒仲正，份量大， 直頭可以當主菜享用。海南雞湯河， 雞肉嫩滑， 最鍾意雞肉嘅皮同肉中間嘅啫喱，超好味， 湯底濃郁，河粉吸收曬湯的味道。埋單都唔使400蚊滿意嘅一餐

最近都少咗好多出街食嘢，今日終於同朋友去奧海城食嘢，朋友話想搵間泰國嘢食下，我哋就搵到呢間三期嘅泰國菜。餐廳有分室外同室外，怕熱嘅我哋就揀咗坐入面歎冷氣 我哋兩個人食，就叫咗兩樣嘢試下。第一樣就係朋友揀嘅「豬頸肉撈檬($68)」，估唔到平平地又咁大份，兩個人食極都食唔完咁，好足料，豬頸肉又好好味！另外就係我揀嘅「泰式拼盤($138)」，食泰國嘢總係想樣樣小食都可以食到，呢個就啱晒貪心嘅我哋炸蝦餅、炸魚餅、春卷同串燒雞都各有2件，每件都係好大一份！好抵食，自己最鐘意就係個炸蝦餅，蝦味好重，好足料呀！我同朋友都各自叫咗飲品，我就叫咗杯「椰汁三色冰($30)」，唔甜又好重椰味！朋友就叫咗杯「龍眼冰($28)」。

今日同媽媽去食飯，經過見到呢間餐廳個露天茶座幾悠閒既感覺😌’🍤泰式拼盤‘ 拼盤既小食各有2件，有春卷，雞串燒，炸蝦餅同泰式炸魚餅。個炸蝦餅比個十分Like👍🏻, 好彈牙同味道好鮮甜有蝦味😋。雞串燒都好出色💃🏻，燒到香口又保留到肉汁🥰。‘🦐蝦炒金邊粉‘D 蝦都幾大隻同彈牙💓，金邊粉煙銀有咬口‘🥥椰青’好多椰青水，飲到有新鮮既味道。而且椰青肉挖出來食，yummy 😍‘🍸青檸梳打‘好refresh Overall 呢餐都好滿意，野食落完order 都好快到。露天都幾chill, 下次同朋友黎啤一啤

最近天氣好熱呀，瞓到晏一晏先出門食野。奧海城呢頭勁多餐廳勁有選擇困難症😹，同男朋友講起好掛住之前去泰國旅行就決定搵間泰國菜食喇。間鋪有室內同戶外位，咁啱黎到時有人食完走，好幸運有得坐室內～雖然鋪頭係外圍，但冷氣都足夠唔會食到熱辣辣。地鐵站穿過黎就沿路行室內。下午茶好抵食，40蚊左右就有一個餐加特飲。由於好抵食又餓喎，一於叫埋小食啦～豬頸肉飯燒得幾香，點個醬好正。我叫咗黃咖哩牛飯，個汁撈飯係好好食，好有水準。最驚喜係飯量都比得足，下午茶size黎講仲多過中環啲lunch xdd炸蝦餅同生菜包都係水準之上～總括黎講成餐飯都好有驚喜，以前仲會特登走去九龍城食，依家就多個好選擇啦，好推薦大家weekend黎食個下午茶，再行下奧海城或者去附近玩superpark。最抵讚係餐具仲有熱水浸住，食得安心

今日同朋友去咗好耐冇去既奧海城度行街街同食泰國菜lunch~~餐廳有室內外座位，因為外面座位都比較滿，於是就決定坐入面~裝修都幾有泰國風情~座位數量唔算好多，食飯途中都聽到有客人打黎book定夜晚位~lunch set同下午茶選擇都幾多，價錢都好合理。因為貪心想試多d野食，所以同朋友share個冬陰功海鮮湯粉，另外再叫個泰式煎蠔餅、招牌炸蝦餅、泰式鴛鴦串燒同埋三色冰~炸蝦餅炸得夠香脆惹味可口，炸粉份量適中。海鮮冬陰功湯粉~海鮮份量十足，有青口、有大蝦、有秀珍菇、有魷魚等等，冬陰功味都幾夠。三色冰唔會過甜，椰奶夠香。熱騰騰既炸蠔餅嘅份量比我哋想像中大!!!亦都唔會過油，蠔仔嘅份量都非常之豐富!!!煎得非常之香脆可口惹味!! 大推!!泰式鴛鴦串燒雞肉同豬肉，串燒嘅肉質都幾嫩滑，燒得幾香。很喜歡這店的店員很有禮貌，亦都好親切，想在這裡食晚餐的朋友可能都要提早打黎book定位~

🍤喇沙鮮蝦湯米線$52🍤滋味喇沙湯底，夠濃郁同入味，啱嗮喇沙愛好者。米線份量足夠，麵質到位。碗粉仲有好多餸，半隻蛋，蝦，魚蛋片，豆卜，好足料。🍤跟餐仲有三色冰（+$8）🍤上碟個時好吸精，椰汁裡面有三種唔同顏色既“啫喱”，好有咬口，加上椰汁甜甜地，係夏日解渴之選☺🍤泰式海南雞飯($58)🍤海南雞飯d雞好滑，唔會有好多肥膏，肉較多，又冇骨，加埋個辣汁點雞，同埋啖飯一齊食，正!海南雞飯通常都會跟餐有埋個湯，呢間亦唔例外。碗冬瓜湯好大碗，又有渣，又有肉，大滿足。跟餐叫左個泰式奶茶，呢間唔會太甜或太濃味，適合飲比較淡味味既人。🍤招牌炸蝦餅三件$38🍤蝦餅熱辣辣上檯，遞上黎嗰時仲要有煙，加印象分😍😆咬落去外脆內軟，唔係得個粉味，有蝦味，同個醬呢個組合💯💯🍤椰汁千層糕（四件）$20🍤椰汁千層糕拿出黎都係有小小熱，似係啱啱出爐。呢間既性價比高，亦唔太甜，係幾健康同適合屋企人

e幾日打風天氣勁熱 食秦國菜就最岩 聽講奧海城有間cp值高既秦菜 就試下佢雖然鋪頭細細 但裝修一d都唔馬虎 張櫈又舒服 同朋友坐一晚都ok首先黎既係泰式炒椰菜苗 落左炸蒜同辣椒炒非常之香口 雖然有辣椒但唔係好辣果隻 配落椰菜苗既甘甜好開胃之後就有菠蘿海鮮炒飯 d飯裝到成個山咁好睇得 海鮮份量足料可以講一定好過茶記d雜錦海鮮炒飯 炒飯夠乾身分明 但菠蘿飯最重要就係d菠蘿 菠蘿唔係罐頭糖水果d 係新鮮菠蘿 好味到食兩碟都ok😂明爐烏頭好大條 兩個人差d食唔晒 香料好多鋪滿晒成條魚 d辣汁係分開上既 DIY辣度e個我最中意最後甜品叫左椰汁西米糕 甜度同size都適中 一份四粒兩個人食岩岩好埋單三百幾蚊下次再黎試其他菜

好耐冇黎奧海城行街，咁岩經過呢間泰國餐廳，見到有唔少人買外賣，好似唔錯咁，所以決定坐低一試！呢間餐廳可以揀室內或室外， 今日比較熱，所以揀咗入面坐，如果唔係坐室外都好有渡假feel😍😍呢度嘅lunch set都有唔少選擇，有飯類，湯粉，撈檬，炒金邊粉等等，每款$48起，都幾抵食👍🏻👍🏻豬手飯$58，豬手肉質林身，醬汁相當入味，配上泰式辣醬食簡直一流，仲有隻滷水蛋，以呢個價錢黎講相當抵食！冬蔭大蝦湯$88，份量都幾多，每人可以飲到三碗左右，蝦肉亦都新鮮，好鮮味👍🏻👍🏻泰式炒金邊粉$62，一嚟到見到大大碟，有蛋絲，豆乾，大蝦等配料，炒得相當有鑊氣😋😋兩個人食咗二百幾蚊😆😆😆總結：呢間餐廳店員態度友善，全部都係泰國人，嘢食都十分正宗，下次黎開奧海城都會再幫襯呀！

星期六打風之前，黎正食同事話奧運開左間新既泰國野。環境係半開放式，唔好expect 冷氣好勁。都有把大風扇吹著，但老婆話佢好熱流晒汁。叫左4樣野1. 青木瓜沙律hkd72正路野，唔會太spicy, 份量都夠。2. 泰式海南雞hkd98食左幾舊先記得影相啲雞暖暖地，味道唔錯，係有啲鞋鞋地。個汁好夠味。3. 泰式鹽燒爐魚hkd128最後先到既餸，等左都幾耐下差唔多半個鐘。大大條啲肉算滑，有魚味，無辜負等左咁耐。4.鮮波蘿海鮮炒飯hkd98味道唔錯，啲海鮮都唔少，有青口，蝦，由魚,算係咁。係啲腰果淋左啲。服務都ok, 自動加左一次水。整體我比8.5分，會再黎。