泰爸爸

营业中

休息中

黎奧海城睇戲之前食嘢先，揀咗泰爸爸，喺奧海城三期呢邊，有露天位同室內揀。星期六2:30下午茶時間😍下午茶餐嘅選擇都好多，而且價錢同附近餐廳比較起來好平，仲包埋嘢飲添！海南雞飯$40真係超抵，份量都算多，雞肉都幾嫩，個泰式汁同啲雞好好餸飯。油飯唔會好油。仲配碗冬瓜湯添！豬頸肉湯河粉豬頸肉有輕輕燒過既，湯底幾香濃，仲有舊蘿蔔好入味！！泰式炸蝦餅個人覺得泰式炸蝦餅最好食，爽口彈牙！香茅炸雞翼肉質好滑，咬落去好有肉汁，而且個粉漿唔會太厚，都唔錯👍🏻泰式鴛鴦串燒豬同雞各兩串，個沙嗲汁好食，唔辣，甜甜地嘅，咬起嚟啖啖肉。兩個主食叫咗一杯青檸梳打，一杯泰式凍奶茶，呢個天氣飲真係一流！夜晚冇咁熱嘅話可以坐露天位，好有氣氛！仲有泰式炸蝦餅賣，可以買返屋企食。