泰然 (長發廣場)

营业中

休息中

今日係青衣約左好耐無見既朋友，出黎食晚飯，見呢排天氣熱辣辣，無乜胃口，所以個朋友帶我去食下泰式餐廳，酸辣甜，夠晒醒神醒胃！入到餐廳環境寬敞，座位都好舒服，多卡位，又乾淨既光猛。事不宜遲啦，咁睇下個餐單先！餐單有好多唔同選擇，有主菜，小食，海鮮，特飲等等。咁我同朋友叫左以下既菜式：海南雞配油飯好食指數：10/10雞肉同飯都係金金黃黃，唔單止賣相好靚，兼且都好好好食！首先個雞皮好滑，見厚適中，唔會太熱癡粒粒，又唔會太凍出現透明果凍。岩岩好，雞肉亦都非常之嫩滑。而油飯呢，飯香粒粒，唔會太淋唔會太硬！非常之鬆軟！蕉葉烤焗烏頭好食指數：10/10烤到啱啱好，一打開好多醃料，香茅，香蔥，醬油，姜蓉，醃得好入味，烏頭魚一啲都唔醒，仲好新鮮，魚肉一疏疏！勁好食！冬陰功湯金邊粉好食指數：9/10酸酸辣辣，又帶點甜，又帶點鮮味，個湯底非常之香濃，裏面有好多唔同嘅配料，有蝦肉，有鮮青口，有香菜，而金邊粉索晒啲湯味，香滑一流。燒菠蘿好食指數：10/10菠蘿非常之新鮮，非常之多汁多肉，非常之鮮甜，菠蘿熱食非常有口感，勁好食！青檸梳打，椰汁冰食完太多濃味嘅嘢，當然叫番杯特飲，去清一清個口味啦，咁我就照左青檸梳打，

之前見到樓下屋村商場有間新開既餐廳 一有時間就同男朋友去試下新野間餐廳雖然係屋村商場入面但係裝修都唔錯 又寬躺又乾淨☺️我地2個人叫左4樣野 先講下開胃菜😚泰國金柚子蝦沙律 $88柚子好新鮮爽口又多汁重點係甜 唔係酸既柚子平時出面泰國餐廳食的都會好辣 (本人唔係太食辣野) 但今次這間的辣度適中唔使食一淡就飲一淡水泰式鐵板蠔仔炒蛋 $88一打開menu 已經俾佢張相吸引住結果出乎意料之外，鍾意食蛋嘅我覺得佢太多蠔😆 啲蠔唔腥 仲大大粒淡淡都食到蠔蕉葉烤焗烏頭 $108平時去泰國餐廳都係叫明爐烤烏頭今次改試食烤焗烏頭 出來的感覺完全不同由濕口變做乾身魚肉 但又可以做到嫩滑口感而且佢用香料來醃製來焗 又香又鮮味仲冇明爐烤烏頭咁咸 可以再試👍🏻👍🏻蟹肉炒粉絲 $68粉絲加埋配料味道唔錯但係蟹肉相對比較少不過食落唔油膩 由於得2個人 又有好多野想食食得太飽 唯有甜品留返下次再試仲要叫埋屋企人黎食 😋😋😋

11點53分嘅單，炒金邊粉，12點35分先有得食，仲要酸到喊，勁難食。等到12點20先開始催，擺明漏單，一共催咗四、五次都冇人講一句唔好意思。啲海鮮有雪味，唔會再食。炒嘢整唔切就唔好學人擺落午餐度啦～好心！仲要一係唔出，一出出兩碟，擺明係等埋另一個人嗌先開始炒。咁以後嗌炒嘢嘅人自求多福啦～如果一直冇人嗌同款，似乎就一直唔會炒。餓死都未食到餐飯。人地返工返學俾你拖死！成班樓面行行企企懶係忙咁，但冇人真係幫到你。食餐飯本嚟心情好好，最後搞到勁炆憎，勁唔開心，都唔知為咩～本嚟諗住支持下新嘢，支持下非大集團嘅店，點知搞到冇晒胃口又谷氣。同場仲有其他人催單，唔該係做就俾心機，新開唔係你地疏忽嘅藉口。

泰然比到我好多驚喜。店員好有朝氣咁同我打招呼,見到我需要濕紙巾就會自動拎比我,服務好!呢度既價錢都親民,叫左個焗烏頭魚,原條上,好多肉,真係啖啖魚肉,好豪華!個大頭蝦比我想像中大好多,同樣有蝦既鮮甜,蝦頭仲爆膏添呀!紅咖哩芝士青口有成6隻咁多,烹調方式好泰國,有諗頭呀!甜品我就叫左燒菠羅,酸酸甜甜咁,次次食泰菜都會叫。飲品就叫左個多汁既椰青。今餐自覺食得好健康,而且埋單都只係330元,真係好抵呀!

係青衣搵到間靚裝修泰國餐廳❤️離遠睇到間餐廳以為係酒樓😂呢度嘅菜式都係正常嘅泰國菜式。但係！佢嘅份量係好多，好抵食，啱晒大食嘅朋友🤓蝦醬炒通菜。一上枱已經聞到好香嘅蝦醬味😃沙嗲串燒。其實呢個串燒嗌一打係會抵啲，但想試多啲唔多嘅菜式就只係嗌左半打🤪佢呢度嘅串燒得豬同雞，兩樣都唔錯😙海南雞飯。隻雞睇個樣都知佢靚仔🤓呢度嘅雞好滑，加埋個酸辣醬，送飯一流！香芒軟殼蟹米紙卷。雖然個menu寫話要等20分鐘先有，但感覺上好快就出🤔呢個菜無咁多調味，而且有芒果係入面，感覺上比較fresh🤓食泰國菜一定要嗌啲凍嘢飲中和下。呢個椰青大大個，一個都夠兩個人飲🤩食到咁上下飲啖冰涼嘅椰汁真係好爽！🤣

是日去左青衣探朋友，佢帶我黎左長發廣場呢間新開既泰然食晚餐。餐牌選擇好多，目不暇給，由於太肚餓關係，我地點點下都叫左好多野。頭盤先黎個冬蔭功湯，個爐好靚，冬蔭功味道濃郁，而且入面料頭好足，有成3隻大蝦！之後再來12隻既生蝦刺身，擺設得好精緻，生蝦食落去爽口新鮮，仲有2款唔同泰式醬添！之後試埋個燒魷魚，原隻上，一樣大大隻爽口又彈牙。黎到主菜就試左海南雞同辣椒膏炒大花蝦，海南雞肉質滑嫩，配埋油飯一流！辣椒膏炒蝦好夠味，蝦身大隻而且唔黏殻，炸過先再炒，啲味道入晒蝦肉度，好味另外呢度既泰式奶茶好濃味，無溝水沖，值得一讚！

今日嚟到青衣食呢一間叫做泰然新開嘅泰國菜餐廳餐牌嘅種類十分之多元化而且可能餐廳開係青衣地段價錢十分之平民食泰國嘢一定要叫佢嘅招牌泰式生海蝦個賣相非常之靚已Cocktail做靈感，用紅辣椒汁同青辣椒汁做配色好有心機將蒜同埋辣椒放喺每一個海蝦上面令到你可以將兩樣配料夾埋一齊嚟食海蝦非常之鮮甜，配埋今次刺激嘅味道非常之開胃金柚子蝦沙律嘅份量超多作為一個開胃嘅沙律，佢係做得非常之出色調味酸酸辣辣極度開胃柚子嘅甜味增加左成個沙律味道嘅層次香芒軟殼蟹米紙卷配搭亦都非常之唔錯芒果生菜同埋軟殼蟹嘅口感配搭一齊非常之清新炭燒豬頸肉熱辣辣配上泰式辣醬汁非常嘢味肉質好食火山排骨好大舊肉質相當之鮮嫩加埋酸酸辣辣嘅汁非常之好食脂肪同肉嘅比例唔錯我覺得整體上來講好食過泰國夜市嗰啲西瓜芝士沙冰同火龍果芝士沙冰解渴得來個芝士賴蓋唔會好膩

很久沒來了!長發商場改變了不少,進駐左好多食肆和商店!看見了新開的泰國菜於是同朋友去食晚飯,環境設計好有叢林風格,令人感到放鬆座位寬敞和舒適🙆‍♀️食物種類很多,而且價錢合理👍真心不錯!泰式生蝦⭐️生蝦肉質厚實大隻鮮甜😋酸酸辣辣超好味推介!而且有兩種醬汁,味道差唔多但青醬辣度會比較高!泰式辣椒膏炒花甲⭐️抄得好惹味👍花甲肉好大隻食落爽口彈牙新鮮!而且辣度岩岩好,超過癮😋飛天炒芥蘭⭐️味道不錯!芥蘭抄得好嫩加埋蒜蓉冇得頂😋蟹肉炒粉絲⭐️蟹肉鮮甜無比,粉絲爽口,配菜有蛋碎,芽菜, 青蔥,紅椒,所以口感比較豐富十分推薦抵食又好味😋椰青⭐️解暑神器👍味道清甜,但如果更冰凍就好了!

見呢間泰國野好似係新開，又好多人排隊，就入左黎食同屋企人食晚飯叫左幾樣野，味道都唔錯，又多一個選擇豬頸肉生菜包🥬 $88平時食開都係肉碎生菜包，呢到仲有豬頸肉生菜包！因為未食過所以就揀左佢！豬頸肉嘅油脂加埋生菜完全balance，而且豬頸肉加左紫洋蔥等等嘅調味料炒過，夾住菜食好似食緊韓國BBQ咁！豬頸肉份量好多，大約一條菜可以包3-4片，推介！咖哩牛筋腩煲🍛 $108白飯🍚 $12咖哩汁微辣而且濃厚，牛筋同牛腩都有好多，亦都燜得好淋又有咬口，啲汁用黎撈飯一流。咖哩係唔跟飯嘅，白飯要另加小食拼盤（小 ）🍤$108食泰國野叫拼盤是常識吧🤪，拼盤有大有細，我就叫左細份，驚食唔晒。細嘅拼盤有炸雞翼、春卷、蝦餅同埋串燒。雞翼炸到熱辣辣，脆卜卜，春卷入面都係素菜，唔會膩，蝦餅啖啖肉，口感彈牙，串燒有一串雞一串豬，份量兩個人食啱啱好。燒菠蘿🍍$32菠蘿燒得好靚，鮮甜多汁，仲連埋個皮做伴碟，擺盤OK。菠蘿上面加左少少鹽黎燒，仲更加帶出到啲甜味，做飯後甜品都唔錯店員態度都好好，落完單會confirm一次，而且有禮貌。餐廳新裝修所以都好乾淨，坐位舒適，好有泰式風格

被稱為美食沙漠青衣最近增添泰味 位於青衣長發商場，附近有巴士總站相當方便當日同友人食晚市座無虛席，食友們要預早少少餐牌設計清晰易明，亦貼心提示有d食物制作需時可以叫店員先安排由於食物多樣化，先試具泰國代表性香芒軟殻蟹米紙卷米紙薄薄卻包得好穩，芒果香甜軟殻蟹夾脆，再加上蔬菜。口感豐富之餘即使不配醬汁都好好食泰式生蝦絕對係重頭戲之一，與一般冰底做法有別以酒杯形式賣相一流，好適合打卡。而我最欣賞浸滿醬汁外加一塊薄荷葉，有種清新既感覺小食拼盤大種類相當多，有春卷魚餅串燒香葉包雞蝦餅，適合一班大細開心share 即叫即制熱辣辣，炸物好脆明爐青檸汁烏頭湯底夠酸好惹味，魚肉嫩口無腥味一滾起即刻食得，有驚喜係底有粉絲，吸哂d味好正馬拉盞炒通菜抄得爽脆，味道好濃，份量都好足夠另外亦有其他菜揀泰奶&椰青為整個泰國美食之旅畫龍點睛，相當滿足

我好鍾意食泰國菜，見新開張就去試下。媽媽坐輪椅，餐廳都能夠安排叫左以下食物，等我每樣都比D意見先。豬頸肉啫啫椰菜苗煲馬拉盞 >>>> 豬頸肉切得太幼，椰菜苗好似烚熟咁太淋，沒有馬拉盞味鐵板蠔仔炒蛋 >>>> 呢個好味道豬手煲 >>> 話煲但用鐵板上，欠左煲嘅鑊氣，味道不過不失海南雞油飯 ( 半隻 ) >>>> 雞好滑油飯一D都唔油好正沙嗲串燒 >>> 太"鞋"泰式乾炒豬肉河 >>> 好味 蒜蓉包 >>>月亮蝦餅 >>> 總括嚟講都OK嘅

My friends and I went to Tsing Yi today. We found a thai restaurant which starts running business recently. There was a long queue at the peak hour. We still managed to get in before 1330. The services were nice. Waiters and waitresses were friendly. They gave us a cup of hot water to wash clean the bowls and chopsticks. Everything was soooo clean as it’s new. My friends and I ordered: 1. Pomelo salad with prawns 2. Thai style spicy & sour clams on stove tray3. Tom yum goong with seafood 4. Thai