見呢間泰國野好似係新開，又好多人排隊，就入左黎食
同屋企人食晚飯叫左幾樣野，味道都唔錯，又多一個選擇
豬頸肉生菜包🥬 $88
平時食開都係肉碎生菜包，呢到仲有豬頸肉生菜包！因為未食過所以就揀左佢！豬頸肉嘅油脂加埋生菜完全balance，而且豬頸肉加左紫洋蔥等等嘅調味料炒過，夾住菜食好似食緊韓國BBQ咁！豬頸肉份量好多，大約一條菜可以包3-4片，推介！
咖哩牛筋腩煲🍛 $108
白飯🍚 $12
咖哩汁微辣而且濃厚，牛筋同牛腩都有好多，亦都燜得好淋又有咬口，啲汁用黎撈飯一流。咖哩係唔跟飯嘅，白飯要另加
小食拼盤（小 ）🍤$108
食泰國野叫拼盤是常識吧🤪，拼盤有大有細，我就叫左細份，驚食唔晒。細嘅拼盤有炸雞翼、春卷、蝦餅同埋串燒。雞翼炸到熱辣辣，脆卜卜，春卷入面都係素菜，唔會膩，蝦餅啖啖肉，口感彈牙，串燒有一串雞一串豬，份量兩個人食啱啱好。
燒菠蘿🍍$32
菠蘿燒得好靚，鮮甜多汁，仲連埋個皮做伴碟，擺盤OK。菠蘿上面加左少少鹽黎燒，仲更加帶出到啲甜味，做飯後甜品都唔錯
店員態度都好好，落完單會confirm一次，而且有禮貌。餐廳新裝修所以都好乾淨，坐位舒適，好有泰式風格
