泰灜

营业中

休息中

七點幾鐘walkin黎到就有位 叫左羊架：愛羶味會嫌佢冇羶味 有肉汁 都有少少筋位咬唔斷 配埋個汁好食好多青咖哩軟殻蟹汁夠濃 柚子沙律清新 都好食反而金邊粉略為甜左少少 4/5分

佐敦係一個隱世既美食天堂，唔同國家既菜式咩都有，今日就試左間位於吳松街既泰國菜，泰灜。首先試左佢個翟道翟豬肉串配糯米飯，呢個配搭非常新鮮，一口糯米飯一口豬肉串，可以將串燒既油膩感完全消失！豬肉串又唔會話燒得太老，岩岩好！另外濃味既重可以要埋佢個醬汁，正！另外都試左佢個蒜蓉包，烤得非常脆口，而佢既牛油聽店主講係用上泰國既牛油，特別香口~食蒜蓉包又點可以唔叫埋青咖喱喎！個青咖喱唔太辣，任何人都食得！另外佢個青咖喱個味好香，食完個口都有一陣清香~同埋店主為左迎合香港人合味將咖喱既味道稍為整淡左，好細心！最後都試埋佢個蝦醬炒飯，炒都好香。加埋泰式肉鬆同埋蛋絲食， 多重口感，亦無咁清淡，大推！P.s 店主非常Nice, 介紹唔同菜式既特色同埋點樣適合番香港人既口味，令到食既時候增添一份風味，呢個真係要大大加分！同埋好多時食完泰國菜味道太濃會令到自己好口渴，而泰灜正正係無呢個問題！

意外地有啲料到嘅泰國菜，三款菜都幾有水準鮮蝦金柚沙律個甜酸汁調得好正好開胃，啲蝦冇諗過仲會有鮮味同幾有水份彈牙唔會乾爭爭，當然仲有爆哂汁嘅新鮮柚肉啦❤️青咖喱軟殻蟹就做得比較啱港人口味，冇咁辣得嚟仲有陣椰香味，軟殼蟹都炸得酥脆但份量偏少，而個咖喱汁都幾稀下，不過個底有啲腍哂索哂汁嘅茄子超好味😛雞肉串燒有埋蒜蓉包送，老闆話一啖包一啖肉再一啖醃菜咁最好食，串燒嚟講肉都幾嫩口，個包蒜味唔算重但拎嚟點汁食都唔錯，最驚喜反而係啲醃瓜，酸得嚟好開胃✨ 講真呢間質素真係唔差，係份量少咗啲囉😗

想特別d同一家人食餐生日飯，搵左幾日發現依間餐廳有個芒果糯米飯嘅生日蛋糕即刻打去訂位，經服務員指引生蝦，火焰雞同蛋糕係需要預先訂嘅，因為都知大家食唔到好多野由期糯米飯好飽肚，所以訂左個細size嘅。因爲預先訂左檯嘅關係所以係唔需要等位，入到去即時有位坐，我地4個人連埋預定好嘅生蝦，火焰燒春雞，，另外再叫左個細嘅小食拼盤，一碟菜（唔係好記得係咩菜），鹽焗魚，最後當然唔少得主角芒果糯米飯生日蛋糕，一見到個蛋糕個個到嘩嘩聲，哈哈，所以証明依個選擇無錯

佐敦美食多,想不到泰菜也令人一試難忘😋😋😍一眼就被招牌和門面吸引了進去~看得出店家的用心♥裡面的環境都很闊落👍當日是星期六的中午,客人不算十分多,店員姨姨👩非常熱情的為我們介紹餐牌上的食物~除了午餐menu上寫的,她還給我們介紹了兩款還未趕得及印上去的"隱藏menu"🗒..(說它是隱藏menu真是沒誇張的😂😂是在店員姨姨的手機入面呢!!)不負店員姨姨的熱情推介,我就叫了隱藏menu裡的"印尼炒飯"🍴印尼炒飯($55)哇哇哇..很驚喜有沒有!!😍😍材料超級豐富的一個飯~首先說說配菜,蝦餅超脆口好好吃,不用立即吃都超脆的!!😝煎蛋是我喜歡的做法,蛋黃保持一點少流心,不會太乾但也不會太生.. 串燒是雞肉串,都很好吃~至於那個飯..飯底炒很香,完全不辣,除了基本的材料,想不到入面竟然還有帶子粒和魷魚粒😲超正!!👍👍友人們都沒我那麼有冒險精神😂他們全都叫了午市menu上的套餐~海南雞飯配雞湯($58)我會說它是合乎水準和預期的海南雞飯😂相比起來,我還是私心的推薦我的印尼炒飯🙈🙈濕炒豬肉河($48)我沒有試吃,但友人說它的豬肉偏向像蒸煮過的豬肉,他不太喜歡😂所以最後他吃光整碟炒河..除了豬肉的部分

今日一行7人去左食泰國菜，我地叫左燒雞、鳳爪、炒粉絲、炒河、炸蝦餅、生蝦、冬蔭公。食物都上得幾快，份量都適中，揀幾樣comment下：燒雞比較有gimmick，會係你面前淋酒有火焰嘅效果，而味道ok，雞肉唔「鞋」，配泰式醬實無死！冬蔭公都唔錯，有大大一隻大頭蝦，湯唔係得個酸字，仲有香料嘅味道，小小辣岩曬唔食得太辣嘅朋友！生蝦其實無乜特別，但起碼食完無肚痛。兩個炒粉我就覺得粉絲好食啲，個牛肉炒河有少少油膩。本身食完正餐想叫甜品試下，最後走左無食到，因為店員催我地埋單，話張枱有下一個booking，但其實我地走嘅時候間鋪一半都未坐滿。

突然想食泰國菜 上OpenRice 搵 意外地搵到呢間就打左去訂位因為當日才打去book位 所以8點已經full曬最後係我地選擇左6點半時間「地點」：由佐敦地鐵站行2分鐘就到非常方便「環境方面」：星期六 6點半 4個人下層都係full曬 8點前要交番枱 下一輪的食客環境細細 感覺乾淨舒適「食物方面」：（龍眼冰）唔算太甜 味道不錯（泰式生蝦）要預訂生蝦好新鮮 但連個蝦頭都炸過 可以食（馬拉盞炒通菜）不會太辣，不會太咸但無咩馬拉盞味 但ok既（劈開椰青見海鮮）道菜連 一杯椰汁放杯另上椰青中間就放咗蝦,青口, 墨魚仔，魚肉，帶子咖哩味道偏咸 但無咩辣味同個蒜蓉包個味道都唔係好配合鹽焗魚-有一點鮮味，但點左汁之後十分惹味，條魚都好新鮮，肉質嫩滑🎈推介必食：金邊粉 菠蘿炒飯 蒜蓉包好岩香港人口味泰國菜（回頭再食：😋😋😋😋😋）「服務方面」：服務生見我們選擇左好耐會主動過黎介紹菜單所有服務生都好有禮貌一間小店黎講 服務算好好（整體服務態度很好 值得👍🏻👍🏻）「價錢」：四個人 七碟菜 一個飲品$764平均每個人$191

Nothing else to do except gathering with a group of friends on the raining day. There were 6 of us, of course we all think of our favourite restaurant- Thai-In. Garlic Bread $38 - the bread was toasted just well and full of garlic and butter. The staff recommended us to eat with curry, but we could not wait for that, so we finished them at once Spicy minced pork with lettuce - $78 - it tasted exactly like the one I had in Thailand. Yummy!Spicy and sour coconut soup $98 - apart from Tom Yum Goong

因為屋企無飯開,所以以左朋友出街食,我地一邊行街一邊傾旅行,講起要夾一日一齊去泰國,就係因為咁就想起不如晚上食泰國野,最後諗左好耐決定揀呢間食,因為我地比店外的menu吸引住,入到去地方唔大,有d迫又有d暗,但美食搭夠就算啦!!我地叫左劈開椰青見海鮮, 泰式乾炒河,香茅炸魚餅,馬拉盞炒通菜,同龍眼冰, 我哋超級期待劈開椰青見海鮮會係點樣,因為menu幅圖非常吸引等咗一陣間馬拉盞炒通菜就上枱 ,熱辣辣出曬煙嘅通菜炒得非常入味,不自覺係咁夾夾夾,唔使好耐已經食曬之後出嚟係香茅炸魚餅,擺得非常靚,一啖咬落去非常多肉,仲有好多一絲絲嘅香茅,我對香茅一啲都唔抗拒,所以真係好正之後泰式乾炒河亦都嚟到,佢同普通嘅乾炒牛河差唔多,驚喜唔算太多,不過都好味龍眼冰好凍,唔算好甜幾好飲等咗好耐終於等到我哋最期待嘅劈開椰青見海鮮,因為要劈開椰青,劃開中間啲肉同椰汁,所以椰汁放咗喺個杯度另上,椰青中間就放咗好多海鮮,有蝦,青口, 墨魚仔同魚肉等等,因為佢係紅咖哩,所以我哋另外再叫咗個蒜蓉包一齊嚟食,真係非常惹味,下次我一定會再嚟!

朋友去首爾，不食韓國菜。朋友食厭曰屋企飯，不食中菜。我去左西班牙十日，不食西餐。因此意見一致，就食泰國菜。由尖沙咀慢慢走到佐敦，發現呢間小店，鋪頭細細都坐滿，一定有吸引之處，即刻入：）豬串燒豬肉燒得剛好，唔會好似好多餐廳燒到柴咁。由於都幾厚肉，所以入口肉質還好好，配埋佢個酸辣燒汁，倍添惹味！青咖喱軟殼蟹軟殼蟹食起黎就最方便，成件炸左，無骨，可以成舊食。青咖哩一d都唔辣，但重椰汁香，撈飯點包一流。泰式炒牛肉河份量剛好，有好多配菜加埋落去，增添不同的口感，爽脆紅蘿蔔同菜。牛肉都係好滑唔老！泰式珍多冰估唔到嘢飲都好，同食物一樣出色。比起出邊嘅泰國餐廳，飲品絕對一流。我杯真多冰好重椰糖香，同泰國飲到嘅一樣，而且入邊仲有大樹菠蘿果肉條，非常比貨！

朋友生日話想食泰國菜，上網search時見到呢間有隻雞好威水咁，就去試試佢啦！我覺得最好食係個牛肉，真係好冧，好好味。侍應好friendly，會過嚟關心食物質素，同埋反應夠快。食前記得打去book枱同講完想食咩呀，否則到時未必會有架。

我昨晚同我朋友去左呢間野食， 其中一個係燒牛肉， 真係好難食， 好似食緊鹽咁， 咁我就同個每侍應講啦， 想話退比佢換過其他野， 佢就話換過第二碟比我， 話啲牛肉本身冇用鹽“葉“ 味， 只是燒好了再在牛肉上面灑了一點粗鹽， 佢話再換過就唔灑鹽啦， 跟住過了五分鐘就換過所謂嘅第二碟比我地， 照計應該係剛剛燒好， 但係冇煙嘅... 佢叫我地試下， 當我盲嘅， 我冇試， 我朋友再試多一舊， 跟住話同頭先嘅味一樣係勁咸...我同佢講， 如果係同一碟點會有變化呀？ 跟住我地又再同個侍應講我要退左呢碟， 換過其他野， 點知佢話唔可以退，咁嘅服務態度， 我點可以唔同大家分享一下呢？ 最後埋單時個侍應話唔好意思， 野食真係冇得退， 比個九折我地， 我朋友就已經覺得算啦咁， 但係我覺得不吐不快！如果我覺得碟野唔好食但係仲入得口我係可以算， 但係碟野係唔可以入口咸到嘔， 所以間野唔肯退係好有問題！

放假可以四圍去👯‍♀️👯‍♀️👯‍♀️最興奮莫過於出去覓食🥢上網見到火燒雞🔥咁吸睛嘅食物👀吃貨嘅小妹要去試試啦火焰燒春雞🐣店員將酒點火，倒落隻雞，做出火焰效果（記得影相啦📸）春雞通常比較細隻😎現實比想像大隻雞皮香脆😌食時雞肉嫩嫩的😋好多肉汁提提🙌🏻去之前記得預訂呀泰式酸辣魚🐟一上枱即嘩嘩嘩聲🎉🎉🎉勁大的一條魚🤩鋪左好多蔥同辣椒絲😎賣相吸引仲鋪左粉絲係魚上面🍄仲有一些菇類魚肉完全吸晒湯嘅精華👍🏻粉絲當然都係啦👍🏻4個人KO左條魚！好味！

佐敦呢幾條街都好多出名餐廳，又有澳牛、又有米線、又有雲吞麵等等，去到呢間泰國餐廳見門口無人排隊就諗住試吓點知入面都好full，係咁啱有人無嚟先有位俾我地兩個，原來平時係要book嘅。不過兩條友食泰國嘢其實食唔到啲咩🤣翟道翟豬肉串配糯米飯呢碟餸幾特別，無係其他泰菜餐廳見過。店員嚟到就教我地話要糯米飯黐住啲豬肉串嚟食，因為啲糯米飯真係一啲味都冇，反而啲豬肉串有少少酸酸地開胃嘅味（唔係啲肉變質嗰啲味🤣），肉質鬆散易咬。另有醬汁可以點馬拉盞炒通菜通菜炒得爽口唔會太老，味道啱啱好無過鹹，入面仲有啲辣椒粒同蒜粒令到成碟餸更香更惹味泰式蝦醬炒飯可能啲通菜好夠味，所以食呢個炒飯嘅時候冇特別驚喜，味道嘅濃度同馬拉盞差不多。飯粒乾爽，入面配有肉鬆、臘腸粒等等，令味道更豐富更有口感木橘冰一心諗住試新野所以叫咗呢個飲品，點知真係唔係人人接受得到嘅味道🤣 所以揀呢款飲品要三思我哋比安排到餐廳上面嗰層坐，好彩店員都會經常上嚟，唔使擔心有需要嘅時候冇人幫手。不過餐廳比較細，環境狹窄，所以坐嘅空間會迫啲食物唔錯，不過選擇唔算多，仲有海鮮嘢食可以揀不過就貴啲，下次可以多啲人嘅時候book枱黎依度食大家share～

成日黎佐敦食野都唔知澳牛隔離條街有間咁既泰國野😮 星期六晚黎到 樓下已full 被安排上樓上既座位。樓上得4-5張枱 地方幾細有啲迫 同埋冷氣唔係好夠 食啲辣野熱野出哂汗😧好彩食物質素唔錯 特別係隻火燒雞 肉質非常嫩滑 雞皮燒得夠乾 同埋著火嗰下用黎影相拍片唔錯😂 係要自己手撕有啲啲麻煩菠蘿炒飯正正常常 份量夠大。金邊粉幾好食 相反串燒同馬拉盞通菜一個就太乾 一個就太咸 唔係好掂😅另外7個人黎比個半鐘時限真係完全唔夠 佢上菜唔係話好慢但我地都食到好趕 仲要甜品食到一半佢話樓下有枱等緊 「真係要走喇」我地o哂嘴 未試過趕到咁 唔知以為食緊限時放題