泰灜

营业中

休息中

泰國菜係真心食極都食唔厭😇 今次黎仲要撞啱泰灜做緊一週年優惠 食滿$600就可以加$1有呢隻招牌火燒雞🔥🔥🔥 除左影相正之外 雞肉真係超級嫩滑 雞皮烤得入哂味 就算要比原價$188都算抵食！！其他野例如pad thai ($98)、菠蘿炒飯($98)等都質素唔錯又唔貴 唯一係個蟹肉炒蛋($98)太淡味 點埋醬都冇咩味😂 另外因爲呢度鋪面唔大 位置又極方便(澳牛隔離條街) 唔想換門釘就記住book定位喇P.S. 唔知淨係weekend先有定點 5條友去食都係得1.5小時limit 食得有啲趕 如果time limit可跟人數調整下會較好

星期五夜晚去食爆滿，好彩六點開門就去到，唔使book位都有枱。首先，一定要講講，waiter們真係好有禮貌同誠意，唔單止會講解餐牌，仲會真心推介菜式，呢樣野真係好加分，唔係間間餐廳都會有，真係好有親切感！泰式蝦醬炒飯，85分，好睇唔錯，好入味，如果啲臘腸可以大粒啲會更加好。關於呢啲馬拉盞炒通菜有一個小插曲，就係第一碟我發現左一條頭髮，佢即刻炒左碟新嘅俾我。咁頭髮我真係比唔到好高分，但其實炒得好惹味。劈開椰青見海鮮，90分！好有驚喜！紅咖哩撈飯一流！勁正！隻蝦炸到脆卜卜，成隻都食到，非常欣賞！仲有附送椰青水，好清甜呀！推介推介！

為食Meow又出動, 一如以往由我負責book枱, 7點幾去到, 飲住椰青先, 清甜肉嫩, 刮椰肉都係等朋友黎一個好好嘅活動. 惹味蒜蓉包（HKD48）將厚多士切成一條條, 每面都厚塗好香蒜蓉, 剛烘起又香又脆^^馬拉盞通菜（HKD78）通菜好嫩綠, 佐小小肉碎, 傳統馬拉盞咸香味道get.冬蔭功（HKD138）Portion大, 味道濃, 個人喜歡有舊火酒膏保持熱辣辣嘅溫度, 大部分湯料都俾我地清埋芒果糯米飯cake食泰菜點可以skip芒果糯米飯？說實在的, 在香港食的芒果經常有陣草青味, 總唔係太過泰國咁, 唸住嗌黎試下. 侍應哥哥收好枱面碗碟, 換哂另一套刀叉碟俾我地, 心唸難道真係一個蛋糕？等左陣, 原來真係會「嘩」一聲的蛋糕*首先係鋪天蓋地嘅新鮮芒果, 蛋糕面係以大片大片芒果肉砌成一朵花, 估唔到係用左幾個個完熟大芒果整呢! 食落無渣無青味, 椰奶比例perfect, 糯米夠軟, 有一刻感覺係企喺Mae Varee門口食緊阿姐揀手現切嘅美味

耐不耐都會想起泰國嘅味道, 四個女仔好易share, 住佐敦朋友大推, 先book枱make sure有得食. 入座後發現好幾個泰文流利krup👍🏻. 泰·生蝦 （HKD98） 無論係咪嗜辣嘅fd子, 必叫item當然非生蝦莫屬: 大隻+ 厚肉, 分別放上一片蒜頭+ 辣椒, 好爽口. 一人兩隻大滿足, 相機未食已清碟了. 冬蔭公（HKD138） 對比好多間泰式餐廳, li度冬蔭公份量多d, 4人share每人起碼一碗. 豐富泰式香料不在話下, 大量菇片, 蕃茄仔, 大蝦把湯煲堆得滿滿, 好香濃入味, 辣味屬tourist spicy, 正！ 沙嗲雞肉串燒（半打） 蒜蓉包/沙嗲串燒二揀一, 揀了雞肉串燒. 意想不到的是隨碟附上切成一個個正方形bite size蒜蓉包粒. 雞肉好嫩, 即燒等多少少時間, 沙嗲汁好香, 微辣, 一串串上碟嘅食物舜間清碟是正常的. 虎蝦炒金邊粉（HKD48） 介紹返個食法先：首先將碟邊青檸唧喺炒好的金邊粉上, 拎開隻大蝦（去我個碗）, 再將芽菜, 辣椒粉, 花生碎同金邊粉撈匀就食得. 金邊粉那種滑而不油膩口感, 碟內食材互相帶出香口

今日下午出左佐敦見客，好不容易才做完工作，已近黃昏了，又餓又熱又攰，就在附近找間餐廳休息和醫肚吧！見到身旁有間泰灜泰菜餐廳，見放在門前的餐牌食物都適合我，價錢合理，就入去食晚餐。餐廳侍應招呼都不錯，我一個人都好細心介紹食物給我，他推介紅咖哩燒鴨，我也接納，食泰菜我一定會叫串燒，也點了沙爹雞肉串燒，因為太肚餓，所以再加個泰式蟹肉炒飯。天氣太熱，當然要枝啤酒解解喝。首先來的沙爹雞肉串燒，份量都有6串甘多，雞肉燒得好香，熟度剛好，肉質軟嫩入味，沙爹汁夠濃甚惹味。泰式蟹肉炒飯，份量也是不少，一大碟，剛好我今日勁肚餓，否則可能食吾晒，飯炒得好香，蟹肉也香甜。紅咖哩燒鴨，咖哩汁比較香濃，不會太辣，燒鴨入味夠嫩滑，之前食咖哩通常是配雞多，原來配鴨也很好吃喔！

今日請左半日假去佐敦整眉，同事提議我做完可以去吳松街的泰灜食晚餐，佢話果度最出名是火焰燒春雞，而且食過好好味。有好野食當然要試試，所以等埋老公一齊去食。餐廳地方整潔，是食泰國菜為主。晚飯時間全店滿座，我們等了一段時間才可入座，當然第一時間點了火焰燒春雞，，因為怕遲左會賣晒冇得食。Thai-lN 火焰燒春雞，上枱時是一盆上，燒雞直立在架上，在旁有特製醬汁和酸瓜。侍應說燒雞之前用了40種香料醃製，再加上茄汁等燒製而成，上枱後，侍應會將酒點着火，再倒落雞上，做出火焰燒雞的效果，本來有刀义，但我和老公喜歡戴上手套，用手撕方法食，雞還是很熱，小心燙手，雞皮香脆，雞肉入味鮮嫩有汁，本來已經夠味，但再點些醬汁味道更提升，十分惹味，值得推薦！泰式干炒河(豬肉)：泰式干炒比廣東的干炒濕一點，但也有穫氣，河粉滑豬肉片有口感但不會硬，味道不錯！紅咖喱燒鴨：紅咖哩好濃郁，味香帶微辣，鴨肉夠林滑。

青咖哩蝦炒飯青咖哩味道溫和，很是開胃，炒飯帶有椰香味，口感不錯👍🏻大蝦鮮甜爽口泰式生菜包好夠鑊氣，夠晒熱辣辣，配生菜惹味非常金柚沙律上台已被它的賣相吸引著柚子清新香甜，腰果香脆可口，炸椰絲好美味椰青食泰茶必嗌的飲品解渴又新潤

每逢星期二都會在油麻地上堂，上完堂都會在附近食個宵夜醫肚，今次想食泰國菜，見到依間都幾吸引，就同朋友黎食.門面充滿泰國風味.因為比較夜，所以今次就冇食好多嘢lu，首先叫左個泰式鮮蝦金柚沙律，首先調味好足！好開胃之餘個金柚唔會酸，好好味，蝦都有好多隻，有七八隻到，加上泰式香料，依個真係食唔停口！.惹味泰式燒生蠔同朋友去好鐘意食生蠔，依個燒蠔係燒得剛好，不會冇左生蠔個鮮味，重點係，d配料好特別，好香，混合左香茅等，辣度算係大辣，如果唔係好食得辣既朋友要注意一下。總括整度菜都好開胃好鐘意！.Thai-in虎蝦炒金邊粉依個同平時岀面食開既有d唔同，佢上面會鋪滿左唔同嘅調味料，等你自己攪勻佢，大蝦十分新鮮，整個金邊粉味道十分濃郁，而且濕度適中，唔會覺得太乾或太濕，辣到屬於小辣，推薦！.餐牌

唔知點解經過吳松街。想食晚飯又唔想使太多錢。左度右度揀左呢一間。點菜叫左碳燒豬頸肉同蒜蓉炒通菜。兩味菜正正常常好味，但就無乜特色。反而呢度有糯米飯就比較少見。都常正常係食白飯。但呢度有淡糯米飯，唔係甜的。用紙筒裝住幾靚。埋單價錢叫合理。

見到用另一個apps book位有半價，當然要去一試。Book咗6點先，早咗去到未開門，會6點先開門同其他食客一齊入。一入去的感覺不錯，食物的價格略比其他泰菜高，但有半價優惠，所以覺得可以接受。點了西柚蝦沙律，生菜包，燒雞，金邊粉及兩杯drinks 。沙律好食，無諗過西柚溝酸汁加腰果會咁夾！（我見身邊其他食客都有叫呢個，真心正！跟大隊就係無錯的，哈哈）生菜包都好食，但生菜太細塊，最後只能做到生菜肉碎pizza ///生菜三文治。而燒雞呢真係唔錯，店員會先問你影唔影相先開始點火，慢慢淋有火嘅汁落隻雞到。雞下面隻碟嘅汁好食，係有酒味嘅甜酸汁 ，但好可惜碟底太多鍋屎，點汁時要留意啊！肉質方面，隨雞胸外，其他位都好滑。建議連脆卜卜嘅雞皮一齊食！好夾咖！最後，金邊粉就略為太油& 蝦走油時間長咗少少，肉質好梅。豆腐干亦太硬。飲品方面，很多呢到的有蓋奶茶杯，我可以搖匀杯奶茶都無漏水。而香芧茶有d甜，下次落order 要叫少甜！最後，好重要，就係我坐個位同枱有好多蚊仔不停飛來飛去！希望餐廳除左提供手套俾叫燒雞嘅食客外，仲會俾幾張濕紙巾，thanks !*可留話意拌碟同隻碟都好靚

好耐冇食泰國菜啦，今日係廟街附近行街睇團，想順便食下泰國菜，見到一間泰國菜館好多人，咁我就入去睇下啦。蒜蓉包$38每次食泰國菜都要嗌蒜蓉包呢，呢度嘅蒜蓉包有四大條，每條好厚好長，係一個大型嘅方包切出嚟嘅，都幾脆身，可惜個麵包有少少靱，點汁就更好食。泰式生菜包$78泰國菜之中，我都好中意食生菜包，依度既生菜包，嘩，大得好緊要。肉可以揀雞或豬，我哋揀豬，豬肉就係半肥瘦嘅，香料味重，大碟又掋食。青咖喱雞$98記得蒜蓉包，緊係要整個咖喱啦，我哋就揀左咖喱雞。望落去以為好細碗，點知其實都好大碗架，唔係好辣，而甜甜地既，點包就好適合，雞係雞扒嚟嘅，味道都幾好啊。

位於佐敦的泰瀛，是一間深受街坊喜歡的泰國菜店。天氣漸熱，胃囗可能變差，吃泰國菜就最適合不過了。豬肉串配糯米飯$78餐廳的串燒只有雞和豬肉可選，聽服務員指，豬肉串燒更具泰國風味，我就選擇一客吧。串燒共六串，肉質結實帶軟，調味充足，吃一囗串燒吃一囗米飯，更像泰國人哦。泰式蝦醬炒飯$78泰國菜的主食，個人認為勻非常惹味，例如是次選擇的蝦醬炒飯，白飯吸收濃列醬汁，變成深咖啡色，把蛋絲和肉鬆拌勻，甜鹹夾激，更配泰式臘腸，青瓜等等，腸仔油脂豐富，好好吃哦。椰汁芒果糯米飯$68從前的我，是不吃芒果糯米飯的，長大後卻很喜歡這甜甜的米飯，人大囗味果然會變阿。芒果大粒，鮮甜多汁，糯米飯熱辣辣，微硬黏糯，淋上稠稠的椰汁，散發出來的椰香十足，甜甜的糯米非常開胃，一人獨吃也可以阿。

五月份飯局太多，自己又忙，同契媽提早慶祝母親節，上Openrice搵食肆時，意外發現這間泰菜，食評唔錯，便打嚟訂檯，並訂了火焰雞及生蝦。我們一行六人，叫了12款食物，火焰雞，上檯時，很有視覺及氣氛效果，成檯人都哇哇聲，但試食後，只有少部份皮是脆，雞脾位才是嫩的。生蝦爽口彈牙。燒蠔，怕唔夠分，我叫了兩份，不過不失。金邊粉味道唔錯。冬蔭功不會太酸，辣味適中。忘記名字的甚麼蛋及甚麼菜，沒失望，也沒太大驚喜。串燒雞肉，好嫩。劈開椰青見海鮮，賣相一流，個名好有霸氣，但味道只是合格。蒜蓉包是唯一失望的，蒜味不大，也不脆。幸好食到近尾聲，攝影師幫我們影咗張即影即有照片作留念，更送了一客母親節獨有甜品之大菜糕，為這頓飯添上美麗的回憶。總括來說，食物平均有七分，另三分是留給他們再加努力的，但服務態度及店主心意滿分。

<佐敦又一好味泰菜>🙂佐敦不嬲大把野食 泰菜都有唔少 呢間喺吳松街既泰菜 泰瀛 味道十分唔錯 四週既佈置都幾有泰國特色 😍🍴排檔海鮮炒粉絲 78 蚊🦀🦐好好食既泰式粉絲 十分夠鑊氣 有蘿白 蕃茄 菜絲 葱花🥕🥦粟米仔 好清新 粉絲爽滑 落油剛好 調味適中 唔會話好咸 海鮮有好多彈牙蝦肉同八爪魚仔 🦐落足料 正😃🍴沙嗲雞肉串燒 6 串 78 蚊 🐥🔥放得好靚既串燒 . 聽經理講話呢個係泰國人近排興既食法 串燒 側邊會有蒜蓉包 🍞同一d青瓜 🥒洋葱絲 一邊食串燒 一邊食包點香濃既吵嗲醬 夠哂特色 , 雞肉就算唔點醬都好夠味 🐥 肉質嫩滑 如果點埋吵嗲醬就配包好d 🙂🍴劈開椰青見海鮮 (紅咖哩) 118 蚊🥥🦐🦀外表美觀 用左新鮮椰青包住唔同既海鮮一齊整成 有鮮甜蝦肉🦐 新鮮青口 仲有八爪魚 🐙魚肉🐟 而且入面充滿香茅紅椒 同碎蛋🥚🌶調味 味道香濃 仲帶少少椰香味 配邊仲會附送埋新鮮椰汁 正 🥥😄Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value

happy birthday之選糯米飯蛋糕(需预早訂)店員細心配 上(生日蠟燭)朋友好驚喜芒果片砌出大朵玫瑰(好花心思)糯米飯暖暖地~糯米有口感，配上椰漿食(好美味)芒果肉味道好甜店員(點火燒雞)好震撼嘩~外表雞皮燒得好香口燒春雞(店員建議手撕)斯文d(有刀和义)方便分雞肉因為有酒做火焰效果(雞肉有小小酒的味道)失望位肉質方面(雞皮好香脆，無奈雞肉煮得太熟，好乾身)有點失望推介~燒牛肉牛肉口感好鲜嫩，燒牛肉仍保留到肉汁(惹味)柚子蝦沙律(店員推介)柚子配上酸甜調味(好開胃)蝦好爽口大隻泰式生蝦(預早訂)蝦頭炸過(好香脆)蝦肉爽口(味道鲜甜)馬拉盞炒的通菜(惹味)驚喜位~Narin威士忌配香茅(及其他香葉)的泰式雞尾酒:味道有香葉的味道，威士忌的酒味好濃(完全無烈酒的苦澀味)入口好清新:龍眼冰(味道好清甜)青檸梳打(好清新)全單$949 整體味道不錯