泰濃麵 (樂道)

营业中

休息中

估唔到上個禮拜食完泰國船麵，一個禮拜之後又再有機會去到尖沙咀呢間泰國餐廳食。大約半年之前尖沙咀就開滿咗食船麵嘅地方，至於點解揀呢間？其實冇乜原因，只係因為佢係Isquare對面，非常就腳；門口裝修又好有風情，所以就揀咗呢間餐廳。價錢唔貴，大約七十蚊就有一碗船麵，小食都係25-40蚊左右，款式選擇多。船麵除咗船河湯底，仲可以選清湯同埋冬陰功湯底。我同朋友既然黎到船麵專門店，梗係要揀一個船河湯底；但係我哋又係鍾意食辣嘅人，所以都想試埋冬陰功湯底。.黑豚肉船麵有幾塊黑豚之外，仲有白蘿蔔、魚蛋、炸豬皮等等嘅配料。選擇左泰式河粉，河粉唔算好索水，所以即使湯底有少少鹹，食落都唔會好咸；黑豚肉索曬船河嘅味，其他配料亦都好入味，份量十足！一個女仔食完就差唔多夠飽。湯底有少少花生醬嘅鹹鹹哋。.另一個揀咗雞髀肉冬陰功湯底。金邊粉相對河粉更加索水，辣得嚟帶有椰汁味嘅冬陰功湯畀金邊粉吸曬，喺食完曬啲粉嘅時候，湯底其實所淨無幾。辣得嚟夠曬惹味，食完唔算好頸渴；雞髀肉之外仲有菇，秋葵，海鮮等等。.另外嗌咗三個小食，分別係青木瓜沙律、炸芝士雲吞同埋烚生菜配秘製腐乳醬。青木瓜沙律確實有啲辣，木瓜絲相當爽口。炸芝士雲吞

好少可會見到有泰國麵食通常都係食越南麵多但今次呢間有冬陰公湯底啊對我黎講係必食。因為我好中意食辣.飛驒牛之前日式打邊爐試過下估唔到呢度都有配金邊粉感覺好正個湯底好重海鮮味 仲有鮮蝦食架唔算好辣 好易入口個牛係好軟 入口即溶之感。.屋企人唔食得辣所以揀左魚湯佢地表示高質粉就唔算太多但真係好食佢地成碗食曬.我地加左個菜食下生菜配腐乳醬好少有通常都係通菜多估唔到又幾好食啊！啲菜好大條 又juicy! 腐乳醬好香.另外我地飲龍眼冰同蝶豆花特飲推薦 龍眼冰 超多龍眼肉呢不過冰就可以少返啲~~|

最鐘意食泰國野既我，見到尖沙咀泰濃麵有船麵食梗係要快啲試下啦🤤呢間店既店長服務態度有待改善，大聲講野命令客人，禮貌方面都做得唔夠好。雞脾肉船麵金邊粉 ($68) 叫翻個船麵感覺好似最傳統，湯底好濃，麵吸收咗湯既精華味道好正。叫船麵仲有魚蛋，好彈牙。雞脾肉份量唔多，但勝在夠嫩滑又冇骨。頂級安格斯牛肉冬蔭功黃麵 ($88) 冬蔭功湯辣辣地十分惹味😛 黃麵既係平時食開既油麵~ 安格斯牛肉生生地，浸一陣就已經熟哂，牛味好重，但份量有啲少炸雞翼 ($38) 冇落炸粉既雞翼，外脆內軟。一咬落去係岀哂煙，肉好嫩滑😛烚生菜配秘製腐乳醬 ($28) 生菜用油烚過，食落好滑，腐乳醬都好正

上星期三晚約咗舊同學聚舊食飯，想試下泰國菜，於是揀左喺尖沙咀嘅依間：泰濃麵。餐廳地點方便得黎又唔難搵，沿住地鐵站口步行幾分鐘就到達，對於路痴嘅我可說是非常輕鬆💆🏻由於森仔早一晚book咗枱，即使未齊人都安排到坐位俾我入去卡位坐低一邊睇menu一邊等frd，非常貼心☺️講下個餐廳🍴環境先。房間嘅燈光唔太猛，鋪面乾淨企理，伴隨背景音樂跑泰文歌，絕對係適合悠閒聊天嘅好環境👯而menu簡單易明，有好多款選擇配搭，方便食客選擇。🤗經過一番考量，我同朋友order一人一個湯面，分別係頂級安格斯牛肉船湯同飛驒和牛清湯，配薯粉同金邊粉，想飽肚得黎又試哂兩種口味😋湯底方面我哋就冇揀到冬陰功，打算試下招牌嘅船湯😌職員落單同出單都好有效率，上菜亦算快🤓首先上枱係和牛清湯面，大大碗嘅賣相幾吸引引😚牛肉非常可口，薄身而做到入口即溶嘅效果👅伴碟嘅野菇同秋葵都好fresh,感覺健康👍🏻然後薯粉同金邊粉都算爽滑，連同濃郁得黎唔太稠嘅湯底，一啖啖嘅香甜食落令人好滿足😍後上咗一小碟嘅烚生菜配秘製腐乳醬，唔油膩之餘又醒胃，絕對值得推介😚另外，我地亦叫左炸芝士雲呑❤️❤️雲呑新鮮炸起，十分脆口。當中亦有濃濃的芝士，味道很好。不過當

一進入這店，首先留意的是牆上掛著的相片，其中一張像是泰國的水上市場小艇售賣麵食的，令我想起了當年去泰國時遊覽過的湄公河，即時有衝動想去泰國旅行㖭！餐牌上有3款湯底選擇：船湯，冬陰公湯和清湯。可以配河粉，金邊粉，薯粉，黃麵和湯飯。我點了頂級安格斯牛肉船湯配金邊粉。這碗船湯金邊粉湯底好夠味，安格斯牛肉的肉味夠濃郁，除了金邊粉，還有很多配料如魚蛋，豬潤，秋葵，豬油渣，菇 ...... 等，完全泰式風味。另外點了兩款小食：泰式鳳爪和炸雞翼；鳳爪酸酸辣辣的好醒胃；炸雞翼熱辣辣配酸甜醬食到停唔到口。可能質素高，所以價錢唔算平，但如果下午茶時段嚟會抵好多！

今日來這裡食船麵。環境光猛舒服又乾淨。原本獨食，遇到朋友當然就一齊叫多一兩款小吃啦。飛驒和牛船湯，麵要了黃麵，$128。湯濃帶點甜，配料有蘿蔔，炸豬皮、魚蛋等。和牛軟嫩牛味濃好味得沒話說，有三塊。頂級美國肥牛冬陰公湯，配金邊粉，$68。冬陰公湯不辣但有其味。肥牛鮮美。整體OK。炸豬皮，$18。很香口脆卜卜。即使放入湯內仍然脆口，吃著有空氣感，很得意。青木瓜沙律，$48。彷如在泰國吃到的一樣。勁辣勁惹味爽口。怪不得朋友覺得冬陰公湯不辣了。烚唐生菜配秘製腐乳醬，$28。唐生菜鮮爽，腐乳醬比平常吃的多了一點甜。看見兩枱在吃原隻波士頓龍蝦海鮮船湯，本想要，但賣光了。那時才七點左右，想吃的真要襯早。

一行數人又到煩惱食咩既時候，今次有人提議呢間新開泰國船麵，天氣唔熱又見到有唔辣既選擇，大家便一致通過動議！本來一直擔心船麵好細碗會食唔飽，但黎到見到就解除我既憂慮了：木碗係拉麵大小，連裝小食既碟、筷子都係木製，攞係手好有手感。我叫左冬陰公湯底既豚肉，配河粉，但原來所有冬陰公湯底都已經配左好多菜/菇菇同大蝦！愛菇既我立刻心心眼😍試一啖冬陰公湯底，辣度對我黎講偏淡，酸味適中，唔會好咸所做完全可以當湯飲；蝦非常新鮮，蝦殼仲係硬的，大蝦雖然無挑蝦腸但佢既腸同蝦頭都好乾淨河粉有彈性唔會斷晒，吸左湯汁後變到好飽肚；唯一美中不足係秋葵唔夠熟，都可進食既但會偏硬。豚肉呢個主角切得幾薄，但竟然都好出味，肉質彈牙又富有豬油香，正$68一碗其實唔順，因為係好食既！（btw炸豬皮小食同青木瓜沙律都好食！）下次會試原味船河

今日試左間新開張既泰國餐廳晚上8點半全場爆滿店內主打麵, 有船麵, 冬陰功, 同清湯三款湯底。 肉類都係高質靚肉, 有黑豚肉, 雞肉, 安格斯牛, 日本飛驒牛同龍蝦。 麵底有金邊粉, 河粉, 薯粉炸雞翼$38有4隻, 醃得幾入味, 雞翼size大, 食落脆卜卜。 加上泰式甜醬。 泰式蝶豆花特飲$28初嚐蝶豆花飲料, 係酸酸地, 藍色飲品睇落好開胃。龍眼冰$28有9-10粒龍眼肉, 味道唔錯。飛驒和牛冬陰功薯粉$128和牛肉好嫰, 半生熟咁上。 份量只有幾片, 加多d會開心d。 而冬陰功色澤唔錯幾香, 可以再辣同酸d。 薯粉都係靚料。

係香港黎講食船麵既地方唔算好多，呢日近近地出左尖沙咀試下新船麵😛入到去餐廳裝修、服務態度、座位安排都同茶記差唔多，但係衛生程度會比茶記好既🤤👁‍🗨 雞脾肉船湯 + 金邊粉（7/10）💲68呢碗雞脾肉船麵湯底相當濃郁，所以當金邊粉索埋啲湯一齊食會好惹味🤡雞脾肉比得慷慨，食到最尾都仲有，而且雞肉尚算嫩滑👁‍🗨 頂級安格斯牛肉船湯 + 薯粉（7/10）💲88呢度既湯底由香料、豬紅、豬骨熬製而成，味道都算香濃既🍜重點之一既安格斯牛肉，有三片左右，口感嫩滑，牛味不過不失🐮幾鍾意佢既香脆炸豬皮，仲有豬潤、秋葵，而魚蛋可以再彈牙一點🙈粉有四款選擇，蛋麵、薯粉、河粉、金邊粉，薯粉滑溜得黎帶有彈性，不過份量唔多，大胃既我食多一碗都仲得🤭👁‍🗨 炸芝士雲吞（7/10）💲28唔好以為一講芝士雲吞就一定係意大利嗰種，呢度有種炸芝士雲吞🤔食落都炸得夠脆身，唔會話太油膩，中間係一舊仔既芝士，可以一試🧀👁‍🗨 泰國原個清新椰青（7/10）💲38大大個既椰青，椰子水夠清甜，椰子肉係較為軟身嫩滑🥥食完船麵夠曬解渴🔛 整體評分（7/10）

餐廳係 尖沙咀H出口, 過條馬路就到。 位於市中心十分方便就腳。餐具十分乾淨, 俾個like俾洗碗姐姐。 menu簡單易明, 有小食, 麵同甜品。 主打特色船麵。要蚊龍蝦海鮮船麵就最特別, 留意每日只限售10碗, 想食就趁早黎試下喇。 今次我星期五晚上7點到就已經賣哂喇。泰式鳳爪 $48無骨鳳爪混合芹菜，洋蔥及芫茜，再加特製調味料。 食落有甜酸辣味, 醃得好入味, 酸辣開胃！頂級安格斯牛肉船湯$88船麵個靈魂係湯底。 餐廳用了牛骨, 豬骨, 雞骨加上20幾種香料泡製而成。 呷一口濃郁深啡色湯頭, 精粹盡在於此。 安格斯牛畫龍點晴，加上香脆炸豬皮, 魚蛋, 豬潤等配料, 食落有濃郁鮮甜的味道。 共有5款麵式可揀, 我揀左金邊粉掛湯力最強, 吸盡湯底精華。 特式糕點拼盤$38應該有3塊椰汁糕, 3塊千層糕。 餐廳俾多左塊椰汁糕。 椰汁糕西米軟綿綿, 有栗米加強口感, 配上香濃椰汁味十分match. 千層糕熱辣辣蒸好, 好軟熟。 $38有6塊特式糕點好抵。新鮮椰青 $38椰青殼薄身, 椰青肉厚而不老。

濃湯船麵店在香港越開越多，今次開正喺我公司尖沙咀附近仲要好味道啊，我以後午餐又多一個選擇了餐廳地方都算大坐得幾舒服，而餐廳上除咗船湯外仲有冬陰公及青湯，小食方面都有架，而特飲都多選擇 今日試咗飛驒和牛船湯配金邊粉，湯底真係十份濃郁，入面除咗主角嫩滑飛驒和牛外仲有其他配料，蘿蔔好腍身入味，仲有甘香豬潤，而豬皮及通菜吸哂濃湯好好食飲品叫了龍眼冰，午餐加18咋，超多龍眼肉好清甜潤喉，啱哂呢啲秋冬天滋潤一下

船麵聽就聽得多，但吃真的未吃過，因為我們去泰國旅行都沒去過泰北。雖然現在還未去到泰北旅行，暫時我們先在香港品嚐一下，香港都有正宗泰式船麵好吃的。想胃口大開，最好當然是先嚐泰式鳳爪，鳳爪非常爽彈，酸甜醬汁混搭洋蔥，芹菜這類脆甜蔬菜，特別能讓鳳爪香氣滿滿，精髓都滲進裡頭。炸雞翼光看香脆的雞皮，已很想吃吧。大口咬下雞翼，香茅，檸檬葉香味隨之而來，內裡雞肉水嫩多汁，光吃美味非常，當然如果愛吃甜酸口味可以沾上甜酸醬吃。牙齒碰到炸蝦片那咔嚓咔嚓的聲音，多麼迷人，尤其蝦片邊邊的部炸得極為薄脆，蝦的海味更濃醇，漸漸炸蝦片的脆香在嘴裡化開，滋味極佳。芝士控朋友看見炸芝士雲吞馬上會心一笑，金黃酥脆的餃皮毫不油膩。一口咬下，脆脆的雲吞皮伴隨綿密濃郁的芝士，微微鹹香為雲吞豐富味道層次。本午餐主角頂級安格斯牛肉船湯河粉來到了，深啡色的湯頭以豬骨，香料熬煮而成，喝到湯底的濃重香甜。同時船湯河粉配上彈牙的魚蛋，酥炸的脆豬皮，鮮甜的蘿蔔，豬肝，一極碗好料讓我吃得津津有味。頂級安格斯牛肉每片都厚實萬分，並且燙至嫩粉色，咬時久不久流出肉汁，保有彈性，鮮味可口，牛肉控完完全全被它收服了。泰式青檸梳打特飲冰塊與梳打分開上桌，

就係尖沙咀 Isqaure 商場隔離街，見到開左呢間一睇就知係食泰國船麵既餐廳，鍾意泰國既我，無奶油唔去試下啦係咪先 !睇睇 Menu，食物真係以船麵為主既，主要分左 3 大款味道既湯底，有傳統 船湯，冬陰公湯 及 清湯，所以真係可以按返自己既口味去揀你碗麵既湯底 ! 而每碗價錢就由 $68 至 $168不等 ; 另外重有幾款小食，甜品及飲品我自己揀左好似好吸引既頂級美國肥牛船麵 $68，味道係冬陰公湯味，麵質就我揀左我自己好喜歡既黃麵  成碗船麵既賣相都唔錯，顏色吸引，因為冬陰公湯既原因下，除左本身既頂級美國肥牛配料之外，重有原隻鮮蝦及香料等，所以感覺都比較豐富黃麵既口感真係好好，因為佢本身掛湯能力較高，口感帶有少少煙韌，蛋味比較重之餘，亦吸收左湯底既味道，所以食呢個船麵果陣，冬陰公湯味係幾重既帶有微辣既呢個冬陰公湯船麵，味道真係做得唔錯，當中既原隻鮮蝦都幾新鮮，食落起碼蝦肉係唔痴殼既，所以都好易食，唔會覺得麻煩，真係可以試下冬陰公湯味既船麵喔友人就揀左黑豚肉船麵 $68，味道就揀返傳統既船湯味道，麵質就揀左金邊粉，當然同樣吸引啦，賣相同泰國既正宗船麵一樣同樣地，除左主角黑豚肉之外，

自從一次在泰國食過冬陰功湯麵之後，一真念念不忘。今次來到位於尖沙咀的泰濃麵，主打泰國湯麵，全由泰國廚師烹煮。餐廳裝飾富泰國風味。餐廳提供三款湯底選擇，船湯、冬陰功湯和清湯。有5款麵底可選配，或者配白飯，還有多款泰國小食和甜品。飛驒和牛冬陰功湯 金邊粉 $128冬陰功酸辣醒胃，夠地道。飛驒和牛出名肉質鮮嫩，油脂甘香，入口即溶。牛肉燙至半熟、粉嫩色，牛味濃郁，非一般牛肉可媲美。原來配冬陰功湯底也不錯。金邊粉滑溜，吸湯力強，啖啖冬陰功湯精華。配料豐富，有大蝦、青口、秋葵、蟹柳、野菌。份量啱啱好。食冬陰功湯麵，配埋泰國原個新鮮椰青更加地道，清甜可口，中和冬陰功的酸辣。炸蝦片 $12脆卜卜，就咁食又得，沾湯食又得。烚唐生菜配秘製腐乳醬 $28秘制腐乳味道帶甜，配新鮮唐生菜不錯。泰式特色糕點拼盤 $38泰式椰汁糕&泰式千層糕 熱辣辣、軟糯的泰式千層糕，令人念念不忘。泰式椰汁糕 用班蘭葉摺成的小盒子裝著香濃椰汁糕，底層是軟糯西米，口感層次豐富，香甜不膩。

船麵是泰國傳統和地道的麵食，價錢相宜，無論在大街小巷都輕易吃到，所以船麵在當地非常受歡迎。但當船麵遇上日本的飛驒和牛，就立即由平民版變身為一碗高貴版的船麵了。這碗日本聯乘泰國版的船麵，又怎能錯過呢！飛驒和牛船麵（$128)👍👍👍👍餐廳主要提供三款湯㡳，分別是船麵湯、冬陰公湯和清湯。麵條亦有多款選擇，分別有河粉、金邊粉、黃麵、薯粉等。這碗飛驒和牛就配了船麵湯底加金邊粉。船麵的基本配料有通菜、魚蛋、豬膶、秋葵、蘿蔔和炸豬皮，另外當然就是主角 - 飛驒和牛，和牛幼嫩、肉味濃郁，令平實的船麵變得矜貴。説到湯底方面，肉味濃厚加上泰式香料的香氣，味道十分地道，風味十足。飛驒和牛冬陰公湯麵($128)👍👍👍👍這款湯麵就選擇了泰式冬陰公湯底，主角當然是飛驒和牛，但配角也不弱，有青口、大蝦、蟹柳、青葵和秀珍菇等，材料豐富又新鮮。飛驒和牛上到枱時，還呈現著半生熟狀態，如果喜歡吃生一點，只需浸一浸熱湯就可以吃到嫩滑味濃的和牛。冬陰公湯底味道酸甜，泰式香料味道天然，我們選配了黃麵，味道和口感也十分合拍。泰式香茅班蘭梳打特飲（+$18）👍👍👍👍原價$28，但如果在11:00-18:00，泰式特飲只需加$18。這