泰濃麵 (樂道)

营业中

休息中

今日朋友選了這家未試過的餐廳，便一試吧~雖然看標題我好像叫了船面，其實我係點了黑豚肉冬陰功湯。朋友才是叫了船面，我為食所以試了幾口，覺得個湯好好味，幾甜，而且配料好多，有豬潤、魚蛋、炸既野食、秋葵等，很豐盛。朋友說這個很像泰國街頭的小食，我雖然未試過，不過都覺得很有特色~ 下次我應該會點船面。黑豚肉冬陰功湯 - 呢個都很不錯，小小辣，很開胃。我配了個金邊粉，個粉吸左D湯食，好好味，而且湯內仲有一隻蝦 (超好食)、青口、蟹柳、秋葵等，好豐富。特別一提個黑豚肉真係好好味，絶對唔係普通貨色，只有三片真係唔夠。整體份量不多(男仔食應該唔夠飽)，食完好想再食 XP

I love that there is a place in tst wholly devoted to Thai noodles. The place had boat noodles, Tom yum noodles and clear soup noodles which are all customizable with what protein and noodle type you want ( egg noodle, rice noodle or sweet potato noodle) additionally they had several appetizers to pick from. We ordered a kurbota pork boat noodles, chicken tom yum noodles, papaya salad and fried cheese wontons. Every dish was presented beautifully and service was fast. The soup noodles were flavo

《泰濃麵》 #食在尖沙咀 #船麵📍尖沙咀樂道7號嘉樂大廈地下A舖-係香港唔算好多餐廳可以食船麵 果種濃湯真係食幾多次都唔厭架；今次食嘅呢間係係尖沙咀isquare隔離 位置係超級方便呀！我地當日去就賣哂肥牛同埋金邊粉 咁試下其他啦🔹頂級安格斯牛肉船麵 $88 配河粉個湯好濃仲幾香 仲有2粒魚蛋同蘿蔔2片豬膶同埋秋葵豬膶都幾新鮮；魚蛋彈牙；河粉係幼身嘅 幾滑安格斯牛都有好幾塊 對得住個價錢 而且仲好有牛味🔹雞脾肉船麵 $68 配薯粉好似手撕雞咁 已經係細細舊方便食用 配料一樣薯粉無咁掛湯 但一樣好味 $68價錢中規中矩 可以一試🔹炸雞翼 $38好味嘅炸雞翼要做到外脆肉嫩 佢係做到嘅 即炸好好味 酸埋甜酸醬 encore左一碟🤭🔹生菜配秘制腐乳醬 $28成日都想加碟菜 呢個腐乳醬比起坊間嘅會淡d無咁咸 感覺健康d 唔錯🔹泰式蝶豆花特飲 $28蝶豆花飲品都係打卡行先🤣 幾清新好飲🔹青檸梳打 $28用原支泰國梳打水 抵👍🏻 但偏甜 可以嗌返小甜🍴8.5/10

第一次食泰國船麵✨我地分別叫左：雞髀肉黃麵、肥牛黃麵、黑豚肉金邊粉再加一碟泰式鳳爪首先湯底真係好濃郁！聽講係用左好多材料加豬骨熬製正唔正宗就唔知啦我都無去泰國食過但佢依個湯飲完唔會好渴會令人想不停飲所以應該真係熬出黎唔係味精湯麵既配料都算少…都幾孤寒有魚蛋蘿蔔秋葵炸豬皮豬潤除左炸豬皮外其他都係得1,2舊肉都係薄薄幾片但湯底實在太好味配料少d就少d啦泰式鳳爪酸酸地好開胃只係有少少辣左d但份量多👍🏻下次再黎試冬陰公湯😋 味道：★★★★★💰 價錢：$$

Schedule滿滿的是last day飯局，希望大家前程似錦啦「雖然我覺得工字都是不出頭...」同事想食呢間【SiamNoodles 泰濃麵】，那我就陪陪佢，油尖旺區沒什麼多，泰式食物都多選擇，但她說想食泰國船麵，那當然找間專門店吧！想不到價錢也挺抵食的。泰國船麵本非新鮮事當地人多視之為街頭小吃，一碗幾口吃完，價錢便宜得出奇！呢度餐廳款式非常簡單直接：原味/冬蔭公味；牛肉/手絲雞等，再選各式粉麵，就可以搞掂啦！價錢為$68-$168而小食有七款大約$12-$48。！而等食期間望望餐廳裝修，可能是新開不太耐。簡潔的黎非常企理光猛，每個位都好衛身乾淨！雞肉船麵，可以揀黃麵＄68雞肉油比例真係好平均，肉質都算嫩！船麵配料好豐富，炸豬皮炸到脆卜卜，點湯再食都依然夠香，有點油膩感但食多幾嚿都無傷大雅呢！而豬潤食得出係新鮮因為沒有帶點奇怪味，又夠爽口，魚蛋彈牙，蘿蔔腍身無渣湯底香濃惹味，配上黃麵好煙韌，好吸湯十分可口。每一家店也有自己獨特的湯底口味，濃濃的豬膶味就是尖沙咀這家新店的記認啦。頂級安格斯牛肉船麵$88轉左做河粉這種深棕色湯 …湯底香料不太重，味道偏香甜帶有牛骨湯和香葉的複雜百感味道！

自從上個月去完泰國旅行後, 就念念不忘果到D美食, 係既, 九龍城有好多泰國餐館, 但食黎食去都係海南雞都有D悶, 今次去左尖沙咀食泰濃麵,為的係果碗深啡色的船麵。呢到D 船麵可以揀唔同的麵底同主菜,麵底有河粉/ 薯粉/ 油麵/飯等等,而且主菜可以揀手撕雞/ 安格斯牛 甚至到飛驒和牛tim~有平有貴今次叫左飛驒和牛船麵, 油脂就好似雪花般均勻, 肉嫩味濃, 和牛在口內慢慢溶化, 成口都係牛香味。而深啡色的湯底用大量泰式香料, 加埋豬骨、雞骨煲出來, 深沉濃郁，鮮甜濃郁, 啖啖惹味配料有秋葵、豬油渣、魚蛋等等, 論味道，夠層次另外仲叫左碗冬蔭公安格斯粉, 安格斯牛本身已經好味已經不在話下,冬蔭功湯味道酸辣開胃, 味道貼近泰國地道風味,粉底非常煙韌,配料有蝦、青口、蟹柳等等,都幾豐富。除此之外,我地仲叫左炸雞翼, 炸得香口, 又皮脆肉嫩, 最正係唔會炸到入面乾淨淨。炸豬皮配粉一齊食非常一流。

又係唔想煮飯既日子，出街食。呢間餐廳就係tst H出口行一陣到，超方便。食過tst另一間船麵，於是又試下其他餐廳。類似茶餐廳既裝修:飛驒牛船麵，個湯底好正，仲有炸豬油渣伴碟，仲有仲有最中毒既九層塔。豬肉船麵，可以揀黃麵，豬肉唔un。叫碟菜，感覺上健康啲😂班蘭香茅梳打，唔算好勁班蘭味，但好香香茅味。解辣之選。好好彩抽到兩個椰青都非常嫩口，食晒啲椰肉。次次去泰國餐廳必叫既青木瓜沙律，辣到好刺激，跟住飲啖椰青解下辣。

突然想飲🇹🇭冬蔭功，醒起前排有間新開既泰國鋪，就去試試，睇下咩味道，個店員啲態度都唔錯，👍🏻叫左個冬蔭功豬肉金邊粉，下午茶仲送汽水🥤添外賣自取🥡🥡🇹🇭返到去一打開，全兜都紅卜卜，一睇就知應該超級辣，試第一啖湯，我「族」左一下，不過味道同配料其實都好好，只係個人食唔到呢個辣度。如果可以改進下，可以揀唔同既辣度，可能會更多唔係好食得辣，或者中意食辣又唔食得好辣既人，再黎幫襯呀👍🏻

約左朋友仔既未夠鐘, 又未食嘢當然係搵食醫肚先啦之前搵食已經對泰濃麵有D興趣一黎因為主打食濃湯二黎好一段日子無食泰國嘢啦唔知係咪因為介乎lunch同tea time之間, 食客唔算好多雖然話唔多人 但樓面唔大(得幾張卡位同圓枱)都坐左一半枱麵食選擇唔算多 得豬牛雞同龍蝦牛仲有細分肥牛 安格斯 同和牛而湯底就有清湯 船麵同冬蔭公麵底仲可以隨你揀所以menu簡單, 但都有唔少組合＋$3可以有罐裝飲品, 或者＋$18叫泰式特飲响諗緊食乜個陣已經聽到有D特飲已經售罄或者係weekend多人唔係好夠存貨簡單食的我揀左黑豚肉船麵 配金邊粉($68)因為唔算多人所以好快有得食碗麵有豚肉, 魚蛋, 蘿蔔, 炸豬油榨, 豬潤, 菜同秋葵每樣餸份不多不少 砌到成個面都有餸賣相不俗 而且仲好豐富叫得泰濃麵, 第一樣嘢入口就梗係試下個湯啦之前睇介紹話用左好多種唔同香料同豬骨淆製對某D泰式香料有點抗拒的我..其實好怕陣香料味好濃呢個濃湯顏色同味道濃郁, 望落有D似星馬嘅肉骨種濃味並不是因為香料, 而係香濃肉骨味飲完仲唔會口乾, 完全可以接受d粉好彈牙, 吸埋D湯味道啱啱好蘿蔔就更加係又甜又有湯味, 好好食但可惜

今日午餐嘗試了這間泰國菜，舖面好乾淨，感覺好舒適，菜單的款式不多，店員好有耐性講解湯底的分別，上菜也很快。船湯看上去好濃郁，但一點都唔咸，材料特別要讚賞個豬潤，好夾控制時間好好，食材新鮮，炸豬皮還脆脆加上少許湯超正，魚蛋唔同香港的魚蛋口感，雞肉切得小小的一口，好放便進食、整體要扣分就是個蘿苩就稍為未夠入味，最後是完全一點味精都沒有，可以講真材實料。椰青的肉好嫩，好清甜，下次一定要再試埋個豚肉和冬陰公湯底。

🌟炸蝦片($12)好香脆嘅蝦片 好有蝦味而且大大塊 可以當前菜 而且份量好多 🌟青木瓜沙律($48)呢個前菜係醒胃之選 d酸辣味夠而且又有蕃茄 食落唔太飽 .每碗船麵都有幾種配料: 魚蛋、豬皮、蘿蔔- 魚蛋彈牙 食得出係泰國魚蛋 唔會好粉- 炸豬皮夠脆 唔會有種油味 令個麵更香口 不過要記得快啲食 如果唔係會腍晒- 蘿蔔夠腍 冇渣 好入味 如果有多幾粒就好🌟黑豚肉船麵($68)豚肉非常簿切 份量適中 入邊仲有豬潤 可惜我唔識 而個薯粉好有咬口 好鍾意 當然最重要係湯底 夠濃 好正宗🌟頂級安格斯牛肉船麵($88)安格斯牛本身已經好正 好嫩 無筋 個湯都無影響到個味 可惜只有三片 又薄 感覺太少 都係有炸豬皮加分 而亦都好正宗泰國風味 金邊粉係可以完全吸晒啲湯🌟泰式蝶豆花特特飲$28有漸變嘅顏色 可惜係鐵杯 打唔到卡 不過音樂好fresh 同埋用咗青檸 感覺比檸檬更加清新🌟泰式香茅斑蘭梳打特飲$28呢個幾特別 班蘭蛋糕就食得多 嘢飲都係第一次試 估唔到同香茅又幾夾

平日食泰國菜總是離不開冬蔭公湯，聽朋友推薦尖沙咀的泰濃麵的船麵特別出色，價錢適中，便趁著難得假日便和朋友來試試。一共有六款船麵可以選擇，由$68的黑豚肉船麵起，以至$168的原隻波士頓龍蝦海鮮船麵，豐儉由人。麵條可配河粉，金邊粉，薯粉或黃麵，自由配搭。當中最吸引我的莫過於安格斯牛肉船麵($88)。湯底濃而不膩，質感不算稠，味道稍甜。金麵粉不會太稔，每條都掛滿湯汁，香口惹味。安格斯牛肉入口軟稔入味，肉汁和湯底融為一體，令人齒頰留香。另一碗黑豚肉船麵亦相當足料。白魚蛋彈牙可口，豬潤軟稔，炸豬皮香脆，蘿蔔吸盡湯底的濃郁。木瓜沙律($48)木瓜爽口，配上花生，口感豐富，酸辣惹味，愛辣之人必試。泰式碟豆花特飲(跟餐+$18)深紫色的碟豆花上有一小片青檸，味道特別，不知為什麼我聯想起以前雀巢推出的檸檬冰冰，微甜帶點檸檬的清香。椰青(跟餐+$18)-非常好吃的船麵，湯底濃而不膩，麵的份量不算多，但對我而言就剛剛好。

尖沙咀少有的粉麵開張 作為尖沙嘴區慣常食客一定試試 因為剛開始寫食評前後去了此店三次 希望盡量中肯 直到今天看到他們在蘋果賣一蚊廣告 説到自己有多大抱負 終於忍不住不吐不快頭一次去為試業期間點了一碗 和牛船麵 感惠百餘元以一碗粉麵價格來說是ok 豪的但我本著新開要試他們最好的心態，自己又是牛肉愛好者 決定一試湯底濃厚，豬血豬骨味道，配料跟機自動配上魚蛋羅白豬皮全部索湯配撘是有腦想過的當天我配撘了粗身的泰國河粉，粗度如陝西刀削麵，有囗感亦滑漏。不錯可惜最大最大問題是和牛只有三片 薄過翻版tempo. Size 細到兩個五蚊銀咁大！！！可惜得很，可能和牛太貴，此餐廳老闆比唔起 成本太高 我吃後有點不能盡興 唯有下次再來試試其他機會在一星期之後 我再次光臨今次點了美國肥牛船麵 他們已經沒有再做陝西刀削款河粉 唯有改做普通河粉再一次失望！！！幾十蚊碗美國肥牛麵都係得兩塊！！！！！有冇搞錯！ 食材好貴咩！咁慳唔好賣淨係賣湯麵la !我都犯賤同老婆去第三次，仲叫多左杯碗豆花梳打。 甜到糖尿！店員仲要話d味較好左冇得少甜！一樣份量！唔講我以為佢就執要縮皮唔係新開！D湯係好但成舊幾水收人碗野賺到盡唒仲

去到尖沙咀成日都係食嗰啲野，今次個fd就介紹我去食泰國船麵，雖然唔知係乜味🧐，但作為一個麵精黎講，就非常想試吓喇😘間舖喺I square 旁邊，好鬼就腳🤙🏻我哋早去到都唔駛等就入得了呢度除咗船麵之外，仲有冬蔭公嗌，不過今次係為食船麵而來，梗係食佢啦😆我地嗌咗手撕雞河粉同飛驒和牛河粉黎試試😜另外想嗌炸豬皮黎食，但可惜未有😢碗麵好快就到，除咗手撕雞之外，裏面仲有魚旦，豬潤，秋葵同少少香口豬皮，都彌補到食唔到炸🐷皮既失望個湯底一睇就知好濃味吓，但想係食唔出係乜煮出黎，不過啲河粉薄薄地，吸哂個湯味，又幾好味🤣🤣而且手撕雞份量唔少，但略為有啲大件，要自己再拆絲先索番啲湯汁一齊食😛同行食既和牛，拎咗佢一塊黎食，就覺得好正，牛脂豐富，質感軟滑，果然一分錢 一分貨吖😄呢個麵真材實料，絕對係食得過💪🏻👍🏻椰青都好鮮甜腐乳生菜，冇晒通菜😢😢😢

去泰國食完船面之後念念不忘😫。見到呢個專賣船面嘅餐廳即刻過來試下！😎先食小菜泰式鳳爪$48，都幾大份，而且好多配料，夾埋一齊食好爽好滋味😍主菜係個飛驒和🐂船面，同埋頂級安格斯🐂船面前者就比較軟同多脂肪，後者牛味重，各有各風味。湯底真係好濃🍜！配料有豬潤，魚蛋，炸豬皮，通菜，都幾夾。🤤份量偏少，男士可能唔飽。🤔最後叫咗個椰青，好甜但冇咩椰子味。泰式鳳爪$48飛驒和牛船面$88頂級安格斯牛肉船面$128泰國原個新鮮椰青$38