泰濃麵 (樂道)

营业中

休息中

冬陰功成日食 但卜卜硯冬陰功就未食過係ig見到啲post介紹好似幾好食 點知去到已經賣晒🥴咁就唯有下次，，雞脾肉冬陰功湯薯粉 $68雞脾肉就麻麻 湯可以酸同辣多小小 但薯粉好出色😋😋黑豚肉船麵 $68魚蛋有魚味彈牙 蘿蔔清甜 炸豬皮香口 湯清清底 唔太重藥材味 岩我口味👍🏻泰式炸蝦餅 $38香口彈牙 蝦片脆卜卜😋👌🏼總括而言 可以再試，希望下次可以食到卜卜硯😉

Lunchtime 想食個泰式船河🇹🇭好耐無食船河，啲個泰濃面有船河湯同冬陰功湯揀😋肉類可以揀雞髀🍗肉，美國肥牛片，黑豚肉。如果想特別啲，仲有莞茜山、卜卜硯同安格斯牛肉😋船河：湯底好濃，好正宗泰國🇹🇭風味。有齊船河嘅元素🤗炸豬皮、魚蛋、蘿蔔，配搭埋金邊粉吸左啲湯，好正冬陰功陽底：夠味，但唔會得個辣字。香茅、南薑味好濃🥰仲有大大隻🦐、青口（如果叫船河湯、就無蝦🦐同青口）黑豚肉好冧唔硬👍🏻

超抵...泰式下午茶 $48 👍🏻性價比高主要食泰式船麵🍜 湯底味道又香又濃郁😋 好地道、食碗麵都可以幻想下 去左泰國🌴 魚蛋幾有驚喜🍡 好好味😋 行過尖沙咀不妨試吓，地點方便就脚👍🏻🍭泰濃麵📍尖沙咀樂道7號💰人均 $50 (下午茶)

有次因為太晏食飯 想快快手搵間餐廳食 禁岩經過見到啲間好似吾錯禁 好似好多人都讚佢泰國野食正宗😍佢地送餐速度好快 基本上5分鐘已經齊曬野-🧏🏻‍♀️溫馨提示：我果次去佢出名嘅湯麵已經無曬 同埋我嘅朋友或者一啲食評都話佢嘅湯麵成日都無曬 所以想試嘅最好問定佢先啊🙈禁就吾會一場歡喜一場空-▪️泰式海南雞飯配黃飯 $68▪️泰式小食拼盤 $68▪️泰式鳳爪 $48▪️青檸梳打 $28▪️泰式蝶豆花特飲 $28-#泰式海南雞飯配黃飯啲款係佢地嘅新款，因為無湯麵下，只可以叫海南雞飯。佢嘅雞同埋飯偏油身，食落去油味比雞味更重，而且佢嘅油飯食落去有啲硬身。#泰式小食拼盤小食拼盤包括炸雞翼、炸蝦餅同埋炸芝士雲吞，份量各兩件，佢嘅小食做得比較出色，配埋泰式酸辣醬更加好食😋雞翼就不過不失，油份都比較多，配埋酸辣醬好夾。蝦餅非常彈牙同脆身，蝦味都重，無偷工減料嫁。另外，炸芝士雲吞做法係薄身做法，側邊都係炸脆皮，但芝士味一啲都吾出😢#泰式鳳爪 鳳爪就不過不失，酸酸辣辣，份量都大份，食落爽口，以啲個價錢都中規中矩，食落去都開胃。小食嚟講佢算比較吸引嫁。————————————————————-—————-📍Location

同朋友去到尖沙咀諗住食泰國粉麵，就去試下泰濃味。先講環境都坐得舒服👍職員嘅態度都好好，好有善。見到個芫茜山好似好勁咁，同埋未試過Mix 冬陰功湯底所以就試吓.滿滿的芫茜，但好老，好似食草咁芫茜浸左好耐都唔淋身，但個冬陰功湯個味係OK嘅，內有少量海鮮（蝦🦐、青口）我朋友試豚肉清湯金邊粉就ok既。我諗下次試其他會好d...芝士雲吞有驚喜，皮好脆，內的水牛芝士咸味十足，配上甜辣醬，酸酸甜甜下次會再試呢個食泰國粉梗係配返個青檸梳打舒服下

本來想食海南雞船粉，點知賣晒🤦🏼‍♀️唯有叫安格斯牛肉船湯要蛋麵：哩間個湯底好好味，安格斯牛肉冇得輸，魚蛋好爽，豬皮香口，索埋湯一齊食好正！不過蘿蔔唔甜而且唔入味，哩度扣左少少分。香茅斑斕梳打：佢攞左三分一杯”香茅斑斕汁”另外再俾枝泰國梳打汽水，我先試一試個”汁”，好香香茅同斑斕味，但加左梳打汽水落去就完全飲唔到味！所以又扣左少少分。泰式拼盤：雞翼炸得香口；炸芝士雲吞，有驚喜，加埋泰式辣醬食，一流；炸蝦餅，超彈牙，推介！

到處走走 在路上見到辣的湯麵店原來是泰式的 就試試吧冬陰功湯底 微辣的吧 配上雞脾肉 $68嗯 今天居然沒有選擇困難症真好 食物很快就到先飲啖熱辣辣的冬陰功湯甜甜的 帶有醇厚的椰香味 淡淡的辣 清清的湯具彈性的黃麵放有秋葵 青口 蝦蝦 在下忘了冬陰功本來就有海鮮..全放在碗裏有一種豐盛的感覺但雞髀肉是否小了點😅再加客炸豬皮$18對在下而言有點太硬所以在下把它們都倒進湯裡泡一泡 軟軟了不會流失的豬味加上冬陰功香味變好吃了🤣最後再加粒鮮椰青止止渴 $48希望每一餐都能跟你一起吃在下不要自己一個😶

第一次去泰國愛上左行頭一袋袋既船麵，晚晚都要買一碗做宵夜，所以成日都係香港尋找泰國既風味。《頂級安格斯牛肉船麵》首先講講佢個湯底，佢除左充滿牛肉香，濃郁惹味不見底，仲有船粉獨特既香料同豬血，相當正宗。至於安格斯牛非常薄片，上台時半生半熟，油脂足夠；魚蛋彈牙，蘿蔔十分入味，而且豬皮炸得好脆口，可以一解思鄉情。推介！《牛肉冬陰公金邊粉》佢個冬陰公偏甜，我個人就比較鍾意偏酸同辣，所以冬陰公我就不推介了。《炸蝦餅》炸蝦餅又係我食泰國菜必叫既，依個蝦餅炸得唔夠脆口，其實睇顏色都知，亦唔夠彈牙起膠，$38/3件都不推介了。

襯天氣難得仲涼涼哋，約咗個鐘意東南亞食物嘅朋友食飯，揀咗喺isquare隔離嘅呢間泰式湯麵店😝我揀嘅卜卜蜆冬蔭公黃麵，夾咗一小碗出嚟先就得影相😝 湯底係甜甜哋辣辣哋咁，非常惹味，我哋食完個麵之後都忍唔住係咁飲湯😋😋 蜆係大隻蜆，蜆肉唔會太削，食落都有海鮮嘅咸味，除咗蜆，入面仲有蝦同青口，兩樣都正常水準。呢個麵非常值得一試👍🏻朋友揀嘅豚肉船湯黃麵，船湯有少少藥材味，我唔太好藥材味但覺得接受到；豬肉厚身但稍為老咗少少，配料仲有炸豬樣、魚蛋、蘿蔔同芽菜，個人覺得不錯😋泰式鳳爪沙律，汁酸酸甜甜，食到個底好辣😂 鳳爪有5-6件左右，覺得有少少唔夠喉😝總結呢間麵店嘅湯底幾出色，尤其係冬蔭公湯，價錢方面晚市有加一，個人覺得略貴，如果想試嘅話最好就lunch time嚟啦😆

食過幾次，佢哋嘅船湯湯底濃味得來又唔口渴，真係唔錯！今次試咗芫荽船麵，真係多芫荽到痴線，疊到成座山咁高，仲多過menu張相😂😂😂湯底一如既往咁出色，但係啲芫荽好生，好似食緊草咁😅😅😅😅下次都係叫返肉好啲😅😅😅同埋啲芫荽吸晒湯底嘅油😢😢😢朋友嘅肥牛船麵就正好多啦🤪🤪不過佢就話啲肥牛有啲韌，可能煮得太耐？🤨🤨🤨🤨不過金邊粉好正，同個湯底好夾😍😍😍下次我都係叫肉嘅船麵！

我同朋友兩個人分別點左頂級美國肥牛船湯金邊粉同雞髀肉冬陰公湯金邊粉，仲有一碟泰式鳳爪同一碟生菜配秘制腐乳醬，一杯泰式蝶豆花特飲同青檸梳打。食物頂級美國肥牛金邊粉個湯底ok，但係啲肥牛質素一般，𡁻極都唔爛。雞髀肉冬陰公湯金邊粉同泰式鳳爪就冇乜特別生菜配秘制腐乳，個人覺得個腐乳稍甜。態度話說點解話職員態度差，係因為我地臨走既時候我地問個女職員想要2個蓋蓋返好2杯野飲(本身係膠杯盛載)，然後另一個男職員就代女職員拎個膠蓋，並只係拎左一個，然後女職員同返佢講係兩個，男職員個樣係非常不滿咁講(下? 2個？)，然後先俾2個我地。起初都不以為意，但原來佢地個膠蓋仲硬過個膠杯，蓋好左杯青檸梳打之後，第二杯想用力蓋好果下，個膠杯側就裂開左一個口，入面既飲料好自然瀉左岀黎，個男職員見到呢個狀況，唔選擇幫手之餘，仲擰頭話”做咩啊？倒瀉野啊？” “你唔洗理架喇我地一陣間會執”然後先私私然俾幾張抹手紙巾俾我(我成對大髀連鞋濕曬)，最後我同朋友抹完一輪都無一個職員關心我地既情況。我此前仲黎食過一次，覺得唔錯先再黎食，估唔到今日我所受既服務態度咁樣，我實在唔推薦呢間野俾大家。

平日的午飯時間, 12:30到達, 店內人不多,我叫咗卜卜蜆冬陰功湯底黃麵；友人叫了頂級安格斯牛船麵，兩款都係招牌菜，侍應亦有提醒今日有海南雞飯（menu 上沒有寫,因此不確定幾錢), 不過由於今日主要想試招牌啲嘅嘢,就不作考慮.卜卜蜆冬陰功湯底黃麵 - 我鍾意呢個冬陰功湯底,因為唔係超級辣, 可以話係完全唔辣偏甜,啱我口味, 如果要求正宗冬陰功湯嗰隻辣你可能就會失望.卜卜蜆有五隻，都算大粒，仲有一隻蝦，一條蟹柳，幾塊蘑菇咁樣，都夠料既，不過面份量唔係話好多：頂級安格斯牛船麵- 牛肉份量不多，有點兒失望，下次再食會叫返普通肥牛（平$20）。湯底一樣非常濃郁，有兩粒魚蛋同蘿蔔：由於食完碗麵未覺得飽😂之後再叫咗一碟炸蝦餅（$38）有三大塊，稍嫌唔夠脆，不過都好食嘅：價錢參考：

✨我係芫荽控！呢間位於尖沙咀既［泰濃麵］,佢地海量既芫荽真係未食先興奮🥳！當然我都好鍾意食船麵啦😝‼️.💬芫茜山船麵 $68呢碗麵黎到放係枱既時候,真係覺得佢無改錯名！啲芫荽多到唔知點樣開始食🤔...成座山咁😂！講番味道,佢既湯底好濃好杰身,同之前食過既船麵湯底口感有啲唔同,我自己就幾鍾意！未試過既話值得試！至於啲配料,除咗個豬皮炸得幾好食之外,其他無咩特別😝,如果想去試嘅話，我覺得可以試吓其他配料😂！..📍 泰濃麵 (樂道) (尖沙咀)尖沙咀樂道7號嘉樂大廈地下A舖📍 泰濃麵 (蘭芳道) (銅鑼灣)銅鑼灣蘭芳道13號地舖..

呢日咁岩有野出尖沙咀整，約左老公順便出去食lunch，揀左呢間泰式船麵想試；呢間船麵走中高價位，平時3-50幾蚊食到嘅一碗泰式麵，呢度最平由$68起去到最貴嘅$188午餐我地都唔想食到咁貴，加上第一次食，叫左最基本嘅$68 雞髀河同牛河；湯底都麵底都可以自己選擇，不過我地都係想試船湯底雞髀肉河牛肉河船麵湯底都唔錯，雖然無喺泰國食嘅咁香濃，但覺得個湯底都算係有7-8成似；每碗麵都配有魚蛋、炸豬皮同蘿蔔，令到碗麵無咁單調，不過個人覺得配豬肉丸會開心d同埋會更似泰國風格；炸蝦餅不過不失炸芝士雲吞覺得可以再脆dd,食落唔係咁香口

今次第二次去泰濃麵🍜員工服務態度快速👍🏻好適合上班族黎光臨🥰因為3:00左右食 🕒 所以收下午茶價錢 💰好扺食呀 小食重有半價添🥰 佢哋嘅冬蔭公湯底真係好出色👍🏻唔會好辣🌶雖然叫豚肉薯粉 但佢會另外比好多配料，例如：青口 鮮蝦 秋葵 ... ❤️值得加分 haha下次會叫返肥牛 豚肉有點失色喔 食落去唔順口☹️而我好欣賞佢哋既芝士雲吞 好好食😋 芝士唔會太膩 越食越開胃 重即炸 熱辣辣添 👍🏻❤️ 加埋泰式辣醬真係100分💯💯炸雞翼都係即炸🍴一咬啲雞汁就滴曬出嚟🤤🤤 不過雞翼好難唔好食嘅🤪🤪