泰濃麵 (樂道)

营业中

休息中

返工返到好頹既日子，lunch要食好d既！食完返去再努力加油💪🏻 泰式燒腩仔 ($68)好少見泰國餐廳餐牌上面有燒腩仔食😍 一見到唔洗諗就梗係要試下啦🤤黎到份量都唔少呢，兩個人食都好夠，但唔知點解愈食愈似豬頸肉😂 反而唔似燒腩仔呢肥牛冬陰公湯河 ($68)除咗主角肥牛外，仲加左其他配料，包括有蝦、青口、蟹柳等 都幾足料😌唔會食到悶😂 但湯底較油同濃味，要加$5要番罐汽水先得😂鴨胸冬陰公湯金邊粉 ($68)鴨胸湯底同上面一樣加左其他配料，而鴨胸都幾香👍🏻 同埋食泰式麵就梗係要金邊粉啦🤣 🎈泰濃麵 (樂道) (尖沙咀)地點：尖沙咀樂道7號嘉樂大廈地下A舖

成日喺度諗幾時可以飛去泰國🇹🇭食船麵，諗得來都唔知幾時可以食不如係香港揾間泰國麵店食住先呢間無論裝修設計都係泰國風味，仲要係聽住泰國歌好有泰國feel呀✨波士頓龍蝦冬陰功湯麵好大隻龍蝦🦞好似睡公主👸🏼瞓咗係碗麵度真係好大隻龍蝦鉗，呢間仲有拆殼鉗提供真係好貼心啊，我叫咗小辣冬陰功湯底，有香茅、芫荽、草菇、辣椒就咁睇都好足料 ，飲一啖湯底味道啱啱好唔會太辣有微微甜味(本身唔係食得太辣)我揀選左黃麵，底麵非常彈牙有蛋香味道✨泰式炸蝦餅平時食嘅炸蝦餅一片片，呢個中間會穿咗個窿，即炸蝦餅彈牙爽口，點甜酸醬簡直Perfect✨青檸梳打我就最鍾意飲青檸，因為比起黃檸檬冇咁酸，仲要係泰國🇹🇭梳打水添，食麵當然要配梳打，飲一啖好爽呀

疫症期間無得去泰國旅行唯有不停喺香港食泰國嘢😬星期六放工約朋友仔出嚟尖沙咀食船麵同行街，餐廳喺isquare 側邊，有卡位有圓枱，乾淨闊落！呢度主打船麵，只係需要擇食咩配料 & 湯底（清湯/冬陰公湯/船湯) & 粉麵飯（湯飯/金邊粉/河粉/薯粉/黃麵 )，完全唔會有選擇困難症😛另外亦有泰式小食、甜品同飲品。我擇左黑豚肉船湯金邊粉，湯底真係好濃郁，一啖金邊粉一啖湯好正！黑豚肉大塊，肉味濃，朋友食過話好食過佢個雞髀肉好多🤣 配菜都好豐富，有一大舊蘿蔔、炸豬皮、魚蛋、秋葵，所有餸夾夾埋埋對我黎講呢個Lunch已經夠飽～

突然好想食船麵😆喺尖沙咀樂道揾到呢間決定一試！入到去，店員安排我哋坐低，仲幫我地將餐具放喺水入邊洗乾淨，幾貼心😳🛶頂級安格斯牛肉|配冬蔭功湯+蛋麵($88)個湯唔算太辣，酸酸甜甜好開胃惹味安格斯牛肉幾有牛味，軟淋好咬🐮配菜有隻幾大隻嘅蝦，蝦肉仲幾嫩滑彈牙，呢個真係幾驚喜🤣🛶雞脾肉船麵|配船湯+蛋麵($68)船湯湯底好濃郁，相信落咗足料豬紅～雞髀肉份量好多，不過我覺得比較似雞絲🙈除咗雞髀肉之外配菜仲有豬油渣、魚蛋、秋葵同白蘿蔔，大大碗好足料😙食船麵我最鍾意配蛋麵，因為蛋味重又有咬口可以掛湯，正！🐔炸雞翼($38)全晚最鐘意嘅嘢食😆4隻炸雞翼好大隻又多汁，雞翼無落炸衣，炸到金黃色好靚，真係啖啖肉，好𝑗𝑢𝑖𝑐𝑦🤤🍹泰式蝶豆花特飲($28)顏色比其他碟豆花飲品較為深色，不過味道清新，飲落有𝐷莓味，唔會話好甜，幾好飲～

尼尼幾年開咗好多船麵，而#泰濃麵 食過幾次都覺得唔錯！.⭐頂級安格斯牛肉/豚肉船麵呢度嘅船麵，可以自由配搭，好似車仔麵咁。🥢船麵的靈魂 - 深啡色湯底都已經夠正宗，濃郁嘅香料味湧出來。配上頂級安格斯牛肉🐮即刻令成碗全面升級晒。豚肉🐷對比牛肉相對失色，但其實都不過不失。而配料亦都好多：配料亦都好魚蛋、炸豬皮、秋葵、蘿白，令成碗粉錦上添花🍜.⭐炸腩仔金黃色嘅外皮，入口香脆，有肉汁，肉味濃郁，好邪惡，但係令人忍唔住一口接一口，而且個醬汁都好夾。😋.最後叫咗兩杯泰式特飲，椰青同泰式蝶豆花特飲，為成餐飯作上完美嘅句號。

抗疫至今很久沒有外出吃飯，上星期疫情舒緩特跟女兒撐枱腳，她很喜歡泰式麵。今次來尖沙咀一嚐船河裝潢簡單實用，多款美食相片分佈在牆上，令人食慾大增。貼心加高座位之間的分隔，餐桌之間亦保持充夠距離，令我感到安心。先來一杯龍眼冰涼一下，真材實料，香甜可口，不像是龍眼蜜稀釋的味道。安格斯牛肉薯粉 - 船河湯底濃郁，跟薯粉極配，口感彈牙，另外配菜像炸豬皮丶秋葵和籮白都嚐得出心意。卜卜蜆船湯金邊粉 - 個人比較喜歡因為蜆突出船河湯底。蜆肉肥美無沙炸芝士雲吞 - 即叫即炸熱辣辣鬆脆多料，芝士味不算香，不過味道夠，配酸甜醬不覺膩，跟女兒一人一口掃光。

近日到尖沙咀返工，和同事在附近閒逛時，看到泰濃麵，睇個名就覺得吸引。先看餐牌：其實定價是有點高，附近吃個午餐也未必去到六字頭。不要緊，即管試試。很注目的圖片：我同事看到300g的芫茜山覺得很有趣，就點了這個。小弟沒有勇氣，還是叫其他好了。最後看到我同事那碗芫荽山是這樣的：一整碗就像綠巨人，很震撼！船麵會有魚蛋，和湯底非常濃郁！小弟點了冬陰功煙鴨胸金邊粉。原來冬陰功湯會有蝦、蟹柳和秋葵，有點意外呢。原來份量亦不小：湯底很濃郁，甜酸適中，如果帶點辣就更好了。金邊粉很好吃，會索湯。雖說$68不便宜，但比預期大碗，好味之餘對得起價錢。另外，天氣炎熱，店員姨姨服務不錯，在店內飲杯大冰水真的透心涼。可惜店內人手不足，看到有食客等得太耐憤而離去，實屬可惜。

［尖沙咀］泰濃麵.頂級安格斯牛肉船麵（薯粉）食剩指數:0/100船麵個湯底好濃但係唔會好咸食完唔會口乾薯粉唔係粗身果隻好彈牙有啲啲似芋絲既口感安格斯牛肉都有5/6片入口好腍好食比肥牛只係貴20$我會揀安格斯～.卜卜蜆船麵（黃麵）食剩指數:0/100呢碗都係船湯底黃麵係egg noodles有啲似油麵都幾掛湯卜卜蜆一碗有5隻隻隻都好大隻肉質都幾鮮甜順帶一題你無論叫咩餸佢都有跟兩粒魚蛋～.小食拼盤食剩指數:0/100小食拼盤幾抵食有炸雞翼、炸蝦餅、炸芝士雲吞芝士雲吞有少少溶溶地咁要第一時間食！炸雞翼好脆肉都唔會好乾蝦餅呢個都彈牙蘸泰式辣醬超夾～

第一次幫襯加用外賣自取，試左冬蔭公湯，一個食豚肉薯粉，一個食安格斯牛金邊粉。湯底好味，但牛嘅唔知點解甜啲，豚肉少少鞋但肉味唔錯，配埋夠酸夠辣冬蔭公，好食！配料仲有秋葵，蝦，青口，都好新鮮，整體好豐富。不過揀牛的話，可能成本貴，得幾塊比較少，同埋食薯粉會飽肚啲。女仔食分量就剛好，輕食之選。舖頭做外賣好準時，無論接單定預備，都好快。係預定時間前已經包好哂，去到即時攞得，要讚。加上外賣自取有折，更開心，下次想試下船麵

星期六晚上6點幾去到冇乜人，即刻有位坐。店員主動攞杯熱水幫我地浸住筷子匙羹，餐牌簡單易明。1️⃣揀餸 （我叫左頂級安格斯牛肉）2️⃣揀麵底 （我叫左金邊粉）3️⃣揀湯底（食得辣既朋友就要試試冬陰公啦）頂級安格斯牛肉冬陰公金邊粉 $88 🥢餸 - 一黎到成碗麵都紅卜卜咁🔥辣味十足，不過吸引我既係配料，有蝦、青口、蟹柳、秋葵、菇，同埋主角牛肉🐃。全部材料都新鮮好味。🥢湯底 - 一般正常野，冬陰公味比較稀，但食落辣辣地🥵。🥢麵底 - 我叫金邊粉，朋友叫黃麵，我地兩個碗麵都係碎屑屑，直頭要用匙羹先食到，係呢個位扣分最多😥。泰式小食拼盤🥢人人都話好食既炸芝士雲吞 - 我覺得一般般啦，唔係話超好食，但唔係必叫個類，不過都幾特別既，我都係第一次食。🥢炸蝦餅 👍🏼👍🏼- 真係好食😋 佢呢個冬甩形狀既炸蝦餅，食落啖啖肉，食到實實在在既蝦肉，好滿足呀🤤😍🤩諗起都流哂口水，我會為左個蝦餅再黎多次。🥢雞翼👍🏼 - 呢到既雞翼包滿肉多，完全唔係發育未完成個啲，有淡淡既牛油香味，熱辣辣咁咬一啖，😋出色既雞翼，唔會炸到過哂火。枱側邊放有香料：有魚露、辣椒粉、辣汁。整體上都有70分啦，對蝦餅印象真係好深🤩，其他食物都中規中矩。仲

是咁的！本人同老婆耐無食木瓜沙律，本身食開屋企附近間泰國名店，行到樂道見到有間本地薑「泰濃麵」，本住幫下自己友心態買盒「泰食木瓜沙律」外賣返屋企同老婆一齊share！ 一返到屋企拆開外賣盒就精彩啦！份量少到好難用言語形容我嘅憤怒！空氣麵包我食得多！空氣木瓜沙律我真係第一次食！你好嘢！你贏！我輸！唔怪得咁多本地舖頭執笠，都因為太短視！為賺錢不擇手段！呢間已經back list，以後唔會幫襯！上載了圖片，但圖片好難睇到份量有幾咁離譜地少！最後，建議去呢間舖頭食嘅朋友仔，真係諗清諗楚！泰式餐廳好多選擇！講完！

雖然冇咗自由行，又有限聚令，但呢間位於尖沙咀嘅泰國菜餐廳，都算係人氣餐廳，人氣餐廳要排隊入座是常識吧。而且用餐時間限45分鐘，侍應都好貼心咁派餐牌畀排隊等嘅客人，一邊排一邊揀，坐低就點餐，唔洗急最緊要快。餐廳主打泰式船麵。我哋揀咗頂級安格斯牛肉船湯薯粉。黑色嘅船湯底非常濃郁，據聞泰國當地係加豬或牛血去熬，不過我諗香港嘅做法應該就唔會啦。牛肉肥瘦均勻，食落甘香牛味十足，啱上枱時仲係7成熟，一定要快食，如果唔係浸得耐會變全熟，口感就冇咁好。薯粉煙韌有嚼口，魚蛋就略嫌唔夠爽口彈牙。黑豚肉冬陰功湯金邊粉。冬陰功湯底唔算酸都唔鹹，但係好辣。配料有蝦、蟹柳、青口、菇等，增加咗湯底嘅鮮味。黑豚肉雖然都係瘦肉，但肉質鮮嫩。金邊粉索咗湯汁好惹味，美中不足係太碎冇乜口感。炸芝士雲吞。大大片嘅炸雲吞有別於我地食開嘅樣，好得意，炸到好酥脆，芝士心煙煙韌韌咁，蘸泰式酸辣醬食味道口感都一流。泰式炸蝦餅。大大件份量足，外面同樣炸到金黃酥脆，但裡面嘅蝦肉略嫌唔夠爽口。

我鍾意食泰菜，去泰式餐廳必點冬陰公同椰青！而呢度雖然係粉麵檔嘅格局，但係比到泰式餐廳的質素同感覺我。平時食粉麵的冬陰公湯底，通常都係稀一點頹一點，但呢間個冬陰公湯底，係同平時去泰國餐廳點一個冬陰功湯係一樣嫁！味道濃郁，帶點椰奶香，食完麵係會想飲埋個湯底，仲有齊配料包括蝦、蟹柳、青口、秋葵等。我點了卜卜蜆冬陰功配薯粉（$88），就額外多左卜卜蜆，大隻無沙，同冬陰公最夾。朋友就點了頂級安格斯牛肉冬陰功薯粉（$88），有3/4塊牛肉，肉質都不錯！薯粉質感類似韓式粉絲。呢度小食都幾抵食，我都幾推介泰式炸蝦餅（$38），有三大件水泡狀蝦餅，皮脆彈牙，還附上幾塊蝦片，性價比甚高。除了冬陰公，呢度都有船麵湯底，會有炸豬皮、魚蛋蘿蔔等配料。我地沒點船麵底就決定散叫炸豬皮（$18），大大碗，兩個人分都夠哂！脆卜卜索下湯食都好正！雖然一碗麵價錢睇落唔平，但質素幾好，食得開心滿足，整體都很滿意同覺得物有所值，會再回頭😋6pm後加一服務費

#小秘書為咗個 #BabyMilo #咖啡杯，特登下晝走咗出去 #尖沙咀，搞得嚟已經三點幾，個肚餓到打鼓😅 #朋友仔 提議我可以去 iSQUARE 後街試吓個 #冬陰公湯，包我一定愛上佢。哦 原來佢講嘅係「泰濃麵」，我之前都嚟過，確實係唔錯🤩 本來今次我好想試吓佢哋個 #船湯 㗎... 不過見 #口淡淡，都係揀我至愛嘅 #冬陰公湯 回味吓🥢 除咗有 #肥牛 做 #主食，估唔到碗邊嘅 #伴菜 都 #好精彩🤩 #鮮蝦、#青口 都好 #鮮味，#湯底 裡面嘅 #菇 同 #河粉 索哂 #冬陰公湯 嘅 #精華，#酸酸辣辣真係好惹味🤤 最後啜埋啖 #可樂 落肚真係爽呀🥳

開完會好攰要食番d野補充體力，唔想食太heavy最後揀左這家泰國小餐廳，舖面唔算好大但選擇很多，有驚喜！泰式青檸碟豆花疏打泰式風情，紫色幾靚味道清新🍹冬蔭功湯底+黑豚肉+薯粉我們二人都偏好冬蔭功湯底，味道辣辣地夠野味😋湯底好足料，有蝦、蟹柳、青口、秋葵及菇類，選了黑豚肉及煙韌薯粉，黑豚肉入味朎身很配合個湯底呢😋同事選了美國頂級肥牛+金邊粉要贊一下肥牛肉，份量足夠之餘仲幾有質數肥瘦適中肉質唔會太腍，很不錯呢😋加點了二款泰式地道小食，炸豬皮及蝦餅，香口野味，泰國感覺番灑黎😋