泰濃麵 (樂道)

营业中

休息中

和朋友來尖沙咀行街，經國呢間船河餐聽lunch hour次次大排長龍，今日夜晚終於有機會試試！！餐廳入面座位其實都算多，枱與枱之間夠鬆動，有卡位，又又圓枱，decorations擺設都以泰國懷舊風格為主，牆上面有好多太多泰國船河水上市場相片，感覺已經似去左泰國街邊食船麵禁樣啊～！見到頂級安格斯牛肉船金邊粉個湯咁深色，再聞到個湯既味道就知道係泰國既船麵呀，大廚每日精心熬製， 放了多種材料同食材，再試一啖湯，味道層次豐富，好好飲～安格斯牛肉食落好淋身好有牛味，肉味特別濃，又唔會過肥，灼到啱啱好熟，食落幾嫩滑，白魚蛋好彈牙好爽，咬落口感豐富。泰式豬皮炸到脆卜卜，不過一浸左湯就無左脆既口味，蘿蔔燜得好淋，吸收湯的精華！船麵質感偏幼，夠爽夠彈牙，非常吸湯！卜卜蜆冬陰公湯金邊粉蜆肉鮮甜，爽口彈牙小食炸豬皮很鬆脆，充分吸收了湯底！海鮮有蜆，青口和蝦，食落夠新鮮，唔會有雪味！蝦原隻上，原汁原味，配合小辣嘅冬陰功湯底，酸酸辣辣真係越食越開胃！香茅味超香啊！泰式鳳爪酸甜開胃～再加埋新鮮嘅洋蔥絲、木瓜，蔥絲等新鮮蔬菜一齊食，非常清新！龍眼冰超大杯又夠凍，食完辣野飲番啖真係無懈可擊！泰式蝶豆花特飲顏色好特別，

又黎食泰國野，我真係好鍾意食泰國野，有時一至兩個人，淨係想食碗粉，輕輕加個小食，黎泰濃麵真係啱哂！今次叫左兩個冬陰功湯河，一個配安格斯牛肉，另一個配卜卜蜆，加左個炸蝦餅同泰式鳳爪，仲有杯龍眼冰添！先講門面，一入去侍應哥哥即刻招呼，面帶笑容（隔住口罩都Feel到），態度一流！食物價錢方面唔算貴，尖沙咀位置黎講，我食過貴好多的添。再講食物質素，泰式鳳爪夠酸夠辣，數埋都有8-10只，味道都啱我重口味。炸蝦餅脆卜卜，蝦膠又夠彈牙，口感極好。碗卜卜蜆湯河有6只大蜆，仲有蝦／青口／蟹柳等海鮮配料，都係$88，點會唔算平丫！安格斯牛肉相對少啲，但牛味重，貴精不貴多丫！反之個湯底有少少甜，唔係冬陰功濃湯嗰種，但湯河一般都會比濃湯淡味，所以我都覺得正常可接受！最後杯龍眼冰。。。。起碼8-10粒龍眼，叫左少甜更加突顯龍眼本身的清甜味。餐廳環境比較靜，播住悠悠的泰文歌，食住泰國菜。。。真係以為自己喺泰國丫～哈哈！

一直都好鍾意食泰國嘅船面 香港食泰國嘢幾乎好少地方有得食 係朋友推介之下嚟咗尖沙咀食呢一個泰國船面冬陰公湯美國肥牛湯麵($68)唔少女士們既至愛 -冬陰公湯，呢到有好多款唔同嘅餸可以選擇，而我個朋友就選擇左美國肥牛，牛味非常突出。冬陰功湯旁邊有大蝦，湯底酸酸辣辣，非常適合我朋友個胃口雞脾肉泰國船麵($68)我亦都嗌咗一份雞脾肉嘅船麵,有招牌嘅船麵濃湯，炸豬皮 魚蛋 湯底非常濃郁，充滿着泰式風味。雞俾肉啖啖滿足，滿滿嘅蛋白質！泰式燒腩仔($68)泰式燒腩仔同我地平時食開既燒腩仔好唔同，係將成個外層沾上炸粉炸一次 同時保持到入面既水份 但又唔會有燒肉果陣脆卜卜既豬皮 好特別原個泰國椰青($48) &蝶豆花特飲($28)黎得泰國餐廳最期待當然係泰國特飲啦我地就order左原個泰國椰青同蝶豆花特飲，椰青唔洗多講 多肉多水 正！ 而蝶豆花就酸酸甜甜咁好開胃🤣

對上一次來泰濃麵已經係年幾2年前了，今日突然好掛住佢啲船面，便特地過嚟幫襯一下。舖面依然十分懷舊有特色，餐牌一目了然，有多款主食船面，然後有小食同飲品。我地叫左: 黑豚肉船湯配薯粉吾好睇佢啲湯底黑蚊蚊，但係味道係甜甜地，非常好味😋識食緊係配薯粉，薯粉口感好煙um ，可以索曬啲湯汁來食。至中意粒魚蛋，超滑又彈牙。上面仲有邪惡既炸豬皮，食落一啲都吾油膩，好香口。另仲有配菜秋葵同蘿蔔。芫茜山船湯配金邊粉呢碗嚟到俾佢嚇親，真係勁多芫茜啊🤣成座山咁高，唔怪之得叫做芫茜山👍😂用湯浸左一陣，先慢慢變返正常份量。中意既芫茜既人真係吾好錯過！配料同上面碗一樣，都係一樣甘好味啊😋泰式鳳爪以為小食份量冇咁多，原來都好大碟。味道偏為辣少少🤏，唔食得辣㗎人，會覺得佢係有啲辣嘅。鍾意食辣嘅人就一定好歡喜啦！鳳爪口感爽口，食泰菜必叫既小食之一。至中意食埋上面啲蔥，同蘿蔔絲，不過吸晒辣汁，越食越辣😌炸雞翼好大隻雞翼，炸到好香口，記得點埋甜辣醬食。4隻俾我一個人KO曬😂野飲就叫左泰式香茅班蘭梳打特飲同熱柚子蜜。本來想叫埋個甜品拼盤，但因為今日食得太飽了，唯有下次再幫襯😆

放工約左同事黎到尖沙咀樂道食泰國野，聽講呢間主要食船麵，既然咁耐無去泰國，過下旅行癮都好嘅。餐牌上有好多食物配搭同麵類揀，呢次我地揀飛驒和牛船麵配金邊粉，因為想試下日系野同泰國野呢個組合會唔會有驚喜呢。點知真係有，和牛有入口即融嘅感覺，船麵湯底嘅濃郁同和牛係好夾。我地仲叫埋炸豬皮，因為可以浸住湯或者就咁食，香脆可口。另外仲叫左泰式小食拼盤，裡面有蝦餅，雞翼，芝士雲吞，其實芝士雲吞係好得意，香脆外皮加埋濃郁嘅芝士餡料，值得推薦。而飲品就叫左青檸梳打同泰式蝶豆花特飲，都係好清新，好飲嘅。

這間泰濃麵地方不大，裝修走懷舊路線。一頁的餐牌，選擇不多，主打船麵及冬陰功湯麵，另有一些特式及傳統小食。先選湯底，再選配料，後選麵底。配料連鮑魚，龍蝦及和牛都有，份量都頗大碗。我選了酸酸咪咪的冬陰功湯底，夏天夠開胃，湯底本身已有青口，蝦，蟹柳，秋葵的配料，另外我選了卜卜硯（$88), 大隻無沙，又鮮甜，配上健康的薯粉，好味。另一碗就選了船湯，湯底濃郁不油膩，食到有花椒，八角，丁香，香茅的味道，本身已有魚旦，蘿白，炸豬皮，秋葵的配料，另外配上煙鴨胸（$68)及金邊粉，食完一整碗都沒有口渴的感覺，應該沒有味精吧。另外點了泰式鳳爪作小食（$48), 酸酸辣辣入晒味，味道頗辣，岩晒嗜辣的朋友。配上梳打水（$15)及泰式碟豆花特飲($28).

最近愛上食船麵，今日喺尖沙咀行完街之後，上網搵吓附近邊度有船麵食，就search到呢間泰濃麵。先嚟一個泰式小食拼盤，包括有泰式炸蝦餅、炸雞翼、炸芝士雲吞各兩件，呢個份量對於我哋兩個人來講真係啱啱好。炸蝦餅夠彈牙，點埋甜酸醬好好味，而芝士雲吞出面就比較少見，味道亦充滿驚喜。我就揀咗頂級美國肥牛船麵配薯粉，船湯味夠香濃，肥牛呈半熟狀態，所以入口仍然保持鮮嫩。朋友就揀黑豚肉船麵配金邊粉，原來黑豚肉浸過船湯之後味道變得非常豐富，再加埋金邊粉彈牙煙韌嘅感覺，配搭充滿驚喜。飲過濃濃嘅船湯之後，再飲啖椰青，真係以為自己去咗泰國現場咁有風味。

呢間主打泰式船麵嘅餐廳，有多款船麵選擇，配料選擇都多，粉可揀河粉、金邊粉、薯粉、黃麵及湯飯。另外仲有多款小食及甜品。咁熱叫左飲品先！叫咗椰青及青檸梳打。椰青大大個，超甜，正呀！青檸梳打酸酸甜甜好夠氣，爽呀！▶️頂級安格斯牛肉黃麵船河$88牛肉幾有牛味，上碗時紅紅地，可以自己調校速度。夠林多夠香！仲有魚蛋。黃麵彈彈地牙，幾好味！▶️黑豚肉薯粉船河$68薯粉幼身，煙韌好食，可以掛湯！黑豚肉份量都唔少。有炸豬皮、魚蛋、白蘿蔔等。

在香港食船麵一定要食泰濃麵,有兩間分店，今日我哋就去左尖沙咀樂道的呢間食晚餐。雞髀肉船湯河粉，湯底真係好濃郁，蘿蔔清甜，炸豬皮同湯底好夾，非常惹味，真係太幸福了，在香港都食到咁好味的泰式船麵，呢個湯底！唔系到到都搵得到架！蘿蔔一d渣都冇，我鐘意呢隻船河湯底，濃而不咸，船麵湯底用豬皮、豬紅、豬骨熬製，我就揀左河粉，雞髀肉沾湯口感好有層次。芫茜黨黨員請注意，呢度有芫茜山船河食！賣相勁誇張！系一座芫茜山！淨係視覺效果已經贏晒！芫茜山浸入船湯，又香又fresh ！蝦餅大大粒，飽滿的蝦膏，很有口感.蝦片也是香脆可口，好正！

係尖沙咀行完街就係附近求其搵啲嘢食算，六點半dinner time 唔算多人，所以都唔需要點排隊，加上依家天氣咁特🔥、真係唔想食外面慢慢排隊食飯🥲泰濃麵鄰近地鐵站，食完唔需要行太遠就搭到地鐵🤣因為天氣太熱完全唔想係戶外😄芫荽山(300g)金邊粉冬陰功湯 $68 其實一直都好想試吓芫荽套餐今次見到有就一於試吓啦！啱啱上台嘅時候見到滿滿嘅芫荽山、綠油油嘅一片好吸睛。冬陰功湯底偏酸但係唔會太辣、配搭新鮮嘅真係口感好Flash，好開胃。仲有蝦、秋葵 、青口，蟹柳作為配料。整體都好豐富好足料！卜卜蜆金邊粉冬陰功湯$88卜卜蜆嘅數量都頗多，兩個人share好似起碼每人有五隻左右，同埋佢嘅口感都幾新鮮有啲鮮甜!同埋啲冬陰功湯簡直係絕配！都係一樣啦佢嘅配料有虾、秋葵、青口蟹柳。但係呢呢個嘅湯底就冇芫荽嗰個嘅冬陰功湯底咁濃! 泰式鳳爪$48呢個泰式鳳爪有好多其它嘅配料、雖然我食唔出係啲乜嘢😂但係就係唔差，味道比較偏辣,辣味嘅後勁好強、但係都會忍唔住一隻一隻食曬泰式青檸梳打特飲$28依個係屋企都會成日飲嘅、出到餐廳都係必點泰式龍眼冰特飲$28龍眼粒好多但係佢嘅口味就係比較偏甜啲.整體來講係食嘢好貴嘅尖沙

夜晚去都坐滿人 唔簡好大間 格局有啲似車仔麵店😛 船麵湯底有3款：船湯 清湯 冬蔭功湯 麵底有5款 最特別應該係有湯飯同薯粉揀～ 食材就有10款而且都幾特別：雞脾肉 黑豚肉 芫茜山 連高級野龍蝦🦞同和牛都有😳.▫️頂級安格斯牛肉冬陰功薯粉 $88😋👍🏻：👅👅👅👅/5分冬蔭功味幾香 酸味夠出同時又唔會太辣 湯底竟然仲有蝦青口蟹柳菇吊味 所以多佐陣鮮味 都幾足料～薯粉就比較似粉絲好幼滑但好索湯😛 安格斯牛唔算好厚 薄薄der 肉質軟嫩同帶有牛味.▫️卜卜蜆船湯蛋麵 $88😋👍🏻：👅👅👅.7/5分 船麵都幾濃味 鹹淡適中 枱仲有三種配料可以加 加完魚露之後個鹹味再出啲😚 今次湯底有白魚蛋 蘿蔔同脆雞皮 船麵竟然會食到蘿蔔😍 索晒湯好正!! 仲用佐秋葵做伴菜幾特別🙈好少見到船麵有卜卜蜆 都起碼有5大粒 但唔算好特別 蛋麵質地好似油麵 不過都卦到湯keep到濃味🙆🏼‍♀️.▫️炸芝士雲吞 $28😋👍🏻：👅👅👅.2/5分 驚唔夠飽都可以嗌泰式小食 又唔算太貴～ 見依款幾特別就試下 食到中間真係勁芝士 好邪惡🙈 襯熱食先可以脆卜卜 仲有泰式辣醬可以點😚.▫️泰式龍眼冰特飲 $28😋👍🏻：👅👅👅.7/5分 都幾

下午茶時段，同家姐一齊食碗泰麵🇹🇭選擇唔係好多，三款湯底（清湯，冬陰功湯，船湯）肉類選擇有黑豚肉、雞脾肉同美國肥牛粉麵類有5款，金邊粉、河粉、黃麵、薯粉同湯飯。🔸冬陰功肥牛湯金邊粉冬陰功湯味道適中，酸酸辣辣好開胃。雖然選擇肥牛，另外都有其他配料，例如青口，蝦，秋葵，蟹柳，菇。🔸船湯肥牛金邊粉船湯味道不過不失。但味道唔算超級濃郁，期待重口味嘅朋友可能會有d失望。但肥牛質素好好，上枱時仍然肉質仍然粉嫩，稍為係熱湯浸一浸就剛剛好熟！船湯都有其他配料，例如蘿蔔，魚蛋，炸豬皮，秋葵。🔸泰式鳳爪涼菜勝在夠凍！👍🏻醬汁都剛剛好，值得一讚配菜唐芹都好新鮮清爽！🔸炸雞翼醃製味道唔錯，就算唔需要點泰式甜酸醬都OK！總括🔹下午茶時段湯粉$48，份量都好足！性價比唔錯，指定幾款小食有半價。lunch 時段就貴d啦～

雞脾肉船麵 湯底濃郁，味道鮮甜！除了雞脾肉還有魚蛋、秋葵、蘿蔔等。雞脾肉份量毫不吝嗇，雖不是嫩滑的那種，但也不鞋口，幾乎每口麵也可吃到雞肉，很有飽足感。魚蛋超級爽彈，頗出色！蘿蔔清甜無渣，吸收了湯精華～黃麵配這個湯非常惹味🤤卜卜蜆冬陰公湯薯粉 酸酸甜甜很適合炎炎夏日。蜆肉飽滿多汁，還有青口、蝦、蟹柳、秀珍菇等令味道非常豐富，薯粉吸收了香辣鮮甜的湯汁，愈吃愈辣🔥泰式小食拼盤有三款泰式小吃：金黃香脆的炸蝦餅、薄脆的炸芝士雲吞、魚露炸雞翼配一杯青檸梳打是常識吧！或喝杯龍眼冰也很透心涼😎⛱

今晚黎左TST Li間泰式麵餐廳, 係好多款料揀嘅船麵呀, 湯底有冬蔭公, 船湯n清湯, 見到附近每枱都有個拼盤一於都嗌黎食.🍜泰式小食拼盤 (HKD68)三樣炸野都係我嘅favourite: 炸蝦餅+雞翼+芝士雲吞, 即叫即炸個雲呑奇脆! 然後蝦餅啖啖蝦好濃呢, 係2個人必食之選👍🏻.🍜黑豚肉•冬蔭公湯•金邊粉 (HKD68)冬蔭公夠哂泰式辣呀, 雖然唔會成碗都係香料但係味道勁豐富; 除左金邊粉之外仲有湯飯, 薯粉, 河粉, 黃麵揀. 一片片黑豚肉份量OK多, 68蚊一碗抵食wor.🍜卜卜蜆•船湯•薯粉 (HKD88)有5隻蜆咁多👍🏻, 魚蛋, 炸豬皮li兩樣船麵必有嘅材料都有齊哂, 薯粉QQ, 船湯底夠哂甜正宗正宗.🍜泰式龍眼冰特飲 (HKD28)會唔會勁多龍眼😂😂.

泰濃麵 (樂道) (尖沙咀)尖沙咀樂道7號嘉樂大廈地下A舖❤️‍🔥高質泰國菜😎小食湯麵樣樣掂頂級安格斯牛肉船麵$88✔️啲牛肉好正，生熟度完美✔️牛肉香滑無肥膏但香濃牛味✔️勁多炸豬皮，吸埋湯嘅精華，香口又送麵✔️湯底香濃，回味無窮小食拼盤$68✔️有芝士雲吞/炸雞翼/蝦餅✔️芝士雲吞最正！炸得香脆，夾住Mozzarella✔️雞翼同蝦餅正常質素，新鮮炸起一定好食❤️加埋杯青檸梳打就完成左餐地道嘅泰國菜，我哋仲煮多咗一份炸豬皮，食唔停口🤪同香腐乳味嘅生菜🥬Igable:8/10Taste:8.2/10Worth revisiting:8.5/10