泰昌餅家

营业中

休息中

食過呢度既蛋撻, 就會覺得出面o個d不外如是~

我咁大個人聽就聽過呢間鋪頭好多次...不過就未有機會去試到...因為次次去都迷路...又唔係好熟o個區.所以我想搵日去試下...唔知大家知唔知出爐時間呢?? 因為新鮮出爐最好食ma....不過真係要等幾個鐘??好驚wor....

昨日去中環食午飯,本來想再買多次蛋撻食,想不到d 人竟然排到過了天橋底,心想最小要排一個多小時.其實我都想排的,但辣椒女就無興趣了,所以只好帶失望的心情離開.臨走時影了一張多人排隊的相片,相信都幾難得禁多人為蛋撻而排隊了.現在打算17號晚飯時,早d再來買返團,希望到時買到啦!

愛獨行的我來說，今天揍熱鬧，只因「老舖」、「犯賤」二字，查實明知她只是「搬」，之前又試過「一般」，都依然「等．．．寂寞到熱親」。中途有段小插曲，有位賓藉人士想插水式買番一個半個沙翁吃，卻遭店員SAY NO，解釋謂：「哩度個個，閒閒地等左成個鐘，梗係唔得啦！」，認同店員之做法，因為實在太多fans排長龍，何話此說？！只因間中有記者或愛好拍攝人士影「人龍」，個個十足時下fans掩面拎轉面，一見到偶像（是指蛋撻、沙翁、泰昌舖）拿出相機影過夠，哈！明白到被影的不愛見報，影的、寫的請有點「諒」度，體諒這點人情味，炎熱下排隊，真的很「興」哩！說回吃的，蛋撻跟久年前吃的，甜得很，勝在熱辣辣，香蛋香牛油味；沙翁明顯“火農”得很，應是急火趕出爐關係，但依然內裡夠鬆，蛋味尚存，就連太上老君吃罷都叫好，還問出處，一聽原來便是收音機提開被加重租的「泰昌」。本來是想買紙包蛋糕跟蝴蝶餅，奈何已買完了，再者，趕工做蛋達和沙翁，大師傅已忙過不停了．．．看來要寫一個醫貓給彭仔，他的致愛蛋撻要移遷，下次來不要摸錯地步喇！這類老舖買少見少，今日看「方向報A14 」有提及民園因持牌人逝世被食環署告無牌經營，限廿二號停止營業，

知道呢間野d 蛋撻同沙翁出名,咁大個女都冇食過,佢又就黎冇得係擺花街到做,今日咪專程去排lor,都知會多人,但係冇唸到要排個幾鐘咁誇,我開始排個時個位置係天橋底後1個舖位,但排左好耐先到,條龍又郁得慢佢每人限買1打egg tart同1打沙翁到我個時得番今日最後4個沙翁jar,好彩好彩,原本想買1打,雖然係冇咁多,但當然照要la,沙翁好味,又唔太甜,gd另外仲買左半打egg tart,因為屋企得5個人,費事再買多半打la,物以罕為貴ma,我鐘意佢個皮,我新鮮出爐同凍左既都食過,個皮即使凍左,但都好鬆化,d蛋漿都好味,唔太甜,同埋又唔係好似之前網友講咁稀wor

返公司前見仲有d空餘時間,於是一心黎呢度買沙翁(因旦撻已食過好幾次),去到已見到條"旦撻龍",我想盡辦法迫左入間舖裏面,但沙翁都系要等;最後買左雞尾包,棋子餅及牛油杯戟,total $9.雞尾包---新鮮出爐,十分軟熟! 椰茸餡極香牛油味!讚!棋子餅---水準之下!豆沙吾夠滑,餅亦偏硬.牛油杯戟---另一推介!牛油味香到不得了!旦糕軟熟非常!我諗無邊幾間可以整到咁超凡既牛油杯戟架啦!想試既朋友,記住把握時間啦!

上星期有日中午慕名而來試試呢度既蛋撻同沙翁,一點多來到雖然都有幾個人等,但都唔算好墟冚(相信呢兩個星期會好多人). 買左蛋達即刻一路行一路食,剛剛出爐既蛋撻仍然熱辣辣,但曲奇餅皮似乎太厚了一點,而且同意之前有食家所講,真係幾咸. 至於蛋漿則太稀太甜,整體黎講只係好一般,亦幾失望,個人覺得加路年餅屋既蛋撻較好味亦較抵食. 另外亦買左馳名沙翁一試,$3.5一個好的式,買時已唔熱了,放在紙袋內隔了個多小時才食,結果整個紙袋也透滿油,都幾得人驚. 可能唔係熱食,食落覺得亦不過爾爾,係有蛋味,質感亦唔差,亦唔太甜,但感覺亦好普通,絶對唔值得特登去買黎試,當然行過又想試下亦無妨.呢度長期咁多人幫襯,我諗除左彭定康效應及附近冇乜對手外,香港人始終對呢類舊式老鋪有一份感情. 講真食物質素就一般啦,感情分搭夠~

其實大家唔駛咁失望！“泰昌”遲些會在附近開番一間ja！所以大家仍然有機會食到泰昌的蛋撻和沙翁。

今日去諗住買蛋撻,真係估唔倒會多人到咁,真係冇心機等個幾鍾...所以都係唔排,直接去買椰撻,係餅皮的,好脆口,我覺得個皮重好食過佢地既蛋撻皮~椰蓉方面就唔多甜, 好討好

這裡賣的餅都好好味，以後可能再無法品嚐了，我好同意，這些香港文化，一日一日的，越來越少了，遲Ｄ可能會絕跡了。

知道這裡可能快將結業,昨日又到灣仔Happy Hours,所以特意來這裡買了一打蛋撻拿去一起食.可惜沙翁一早已賣完了.知道KC話人多,所以特別打過電話問問還有冇得賣,知道最後出爐係七點十五分;所以早d去等,等了差不多半小時才買到.這裡的蛋撻係曲奇外皮,很鬆化,又香又好味.內裡的蛋黃,好滑好熱,真係值一再三回味.椰撻,椰絲味幾濃,可惜凍了一點.感覺自然唔多夠好.期望不是結業,後會有期吧!

這裡的沙翁好好味的!以後都不可以再食到,真是可惜!香港人除了金錢, 是否真的不會珍惜老香港文化!

香港人係是侯又要團結起來,要幫幫泰昌呀!要全民投票-全民抗議~點解咁好食咁有紀念價值既鋪頭都要結業無良既業主係唔係要親手眼白白將泰昌毀滅希望可以全民團結幫幫泰昌可以保留原址,繼續供應美味既蛋撻!

見食家和報紙講它要關閉，所以今早特登行去睇吓。未到八點半已見有四個人買緊，其中一位小姐仲買成兩盒。所以就排隊買了四個蛋撻，行返公司後，就立即食件試吓。真的如食家講的，蛋撻又香又鬆化，蛋醬亦又香又滑。不過就涼咗d，鬼叫自已行到返公司都要成十五分鐘咩。自己就食了兩個，其餘的就分給了同事食，她也話幾好。不過我同佢講冇下次了，除非遲些老細找到鋪位再開張哪。

大大話話，都食左十幾年泰昌，家陣佢要結業，真有點可惜的。尤記得以前在這裡買的菠蘿油，出爐菠蘿包加冰硬的牛油，正到不得了！雖然這裡的麵包及餅，嚴格來說不是頂級的好，但食左咁多年，沒有感情就是假的。今日在Soho Square食完飯，諗住來買打沙翁返去同班同事食下，但見這裡的陣容是無比咁墟埳，門前的人龍是橫跨兩個舖位﹝見圖﹞，還不斷有人加入的跡象。人龍中，還有不少是後生仔女，可見時下年青人也不獨吃英王或美心的。無奈回公司，個多小時後，再請同事去買過，一樣咁墟埳。結果叫佢有咩買咩，最後令我們懷勉泰昌的，是幾個棋子餅。凍了的，味道不算好，但充滿回憶。在日本，還類老舖是飲食文化遺產，一早有有心人保護。在香港就因為地產市道回升，而又消滅了一處好地方。真箇可惜。再見了，泰昌。