泰昌餅家

营业中

休息中

係薄扶林食左個好差既lunch, 決定去買蛋撻食. 差唔多兩點去到, 有大約三四十人排隊, 心想平時排小巴都係咁啦, 照排! 結果排左十分鐘多d, 都可接受啦. 每人只可買半打, 專乘黎到就梗係用盡個quota買半打啦. 返屋企食, 個蛋漿偏甜, 無咁甜會好味d. 個撻底就幾好, 平時我好怕d餅既質地既撻, 因為大部分都又散又林, 不過呢個撻底就好脆, 亦好香.

食完lunch 唔夠飽，見到一條長長的人龍，心諗：是排小巴的嗎? 一看之下～～嘩！原來係排蛋撻的。好想試下泰昌蛋撻有幾好食，加上有時間咪即管等下咯。門口有個實Q維持秩序，可能係我見識少啦，咁大個女都未見過買蛋撻會有實Q既。我同男友好搞笑地叫佢做“蛋撻實Q”。排下又傾下計半個鐘之後卒之輪到我地啦～個蛋撻好香蛋味，加上新鮮出爐熱辣辣、幾好味。見到０的人個個都半打半打咁買（最多可買半打）就知０的質素唔會差啦～不過泰昌０的蛋撻係脆皮既，我個人都係覺得酥皮的蛋撻先係最好食。半個鐘排個$3.5 的蛋撻，值唔值就見仁見智了。

星期日特登去中環睇睇他們的新店, 原本不太確定位置, 但遠遠已經見到人龍, 所以根本不怕找不到. 到對面的時候, 發現竟然有專業的保安員負責維持排隊的秩序!!!賣撻賣到咁真算巴閉!!!排了15-20分鐘才買到, 再花30分鐘回家, 立即開盒食撻, 撻仍然是熱的! 雖然不是酥皮, 但泰昌的仍然好食, 撻皮鬆化, 很香牛油味, 中間的蛋很香, 而且夠甜,不會像那些所謂新派做出來那些不甜不香, 號稱健康但實質難食的東西, 老字號就是有這樣的膽量, 好野!香港像這樣的老店已經越來越少, 有水準的更是十中無一, 希望他們要努力保持這樣的高水準啊!

個人而言，新鮮出爐既蛋撻就多數好食~~泰昌既撻重牛油味，而且個蛋漿偏甜，好鬼佬tart feel.沙翁仲麻麻... 半打之中有4個自動"宿水"仲細過一隻雞蛋的size...味道普通，失望。其實檀島好味d!

係盛記食完飯,意猶未盡,沿行人天橋底上斜路, 右轉擺花街,終於搵到傳說中既餅家,話晒兩點幾,仲有十幾廿人排隊,唔通咁多人好似我咁得閒?排左二十分鐘左右,終於可以買到,但條人龍都無短過,依然有新血加入,而每人只可以買半打,餅又出得好快,所以d餅好熱辣辣,餅皮個人一向喜歡酥皮多d,感覺好似鬆化d,但可能新鮮關係,蛋黃幾香又滑,皮亦不覺硬,水準之作.

我今次專登去買俾屋企人食, 兩點幾去排隊, 不過條隊都唔係太長, 以前要等好耐, 宜家快左, 我諗係因為不斷出爐掛. 今次買左半打蛋撻, 半打沙翁(第一次試食沙翁). 唔知係咪今次我冇新鮮食, 返到屋企先食呢, 覺得冇咁好食, 個皮太易散, 以前比較實淨, 但咬落又好鬆化, 牛油味比較重, d 蛋又比較重蛋味. 宜家o個d 就冇咁好味, 不過, 都係好味過普通市面o個d 既.至於沙翁, 我就唔鐘意食喇, 太油, 唔係好夠糖, 同埋可能唔係即刻食, 所以唔好味. 不過我sister 就話幾好食, 個人喜好啦. 今次排隊, 如果淨買蛋撻可以快d, 因沙翁要等. 下次可以淨係買蛋撻都得了.

位置對於我尼講較"夾攝",舊店執粒前放工排左幾日隊都排唔到,殊為可惜!新店開張後, 有日放早工,即刻買(排)返半打蛋撻.喱度最好o既係你永遠買唔到唔係新鮮的出爐o既蛋撻,人流(蛋撻流)太快了.只有人等蛋撻,永冇蛋撻等人.蛋撻皮係餅皮底,較厚,但極鬆化,本人較喜歡餅皮多過酥皮,至少D餅碎唔會周圍飛,蛋極熱,而且甚滑,唔係咁甜,一流!母親極之欣賞.可惜o既係買唔到沙翁,原來職員表示沙翁會係三點幾就賣完,咁我永遠唔使食都得喇.

為了試試蛋撻，唯有排隊。人龍足足有半條行人道，更要勞駕保安員實施分流措施。$3.5 一個的牛油皮蛋撻，的確新鮮出爐，難怪不少人特意過來買。

等了很久終於能再吃美味沙翁，我同事2pm排到3pm才可以買到半打，都要靠排他前面的好心人幫他買多半打才夠分，龍中有些人知道每人只可買半打，他們即叫好幾個同事插隊一起買，所以大家才要排很久呢！>_<希望熱朝過後我們可以輕輕鬆鬆買到啦，這樣長時間又要有數量限制真的不過癮唉！

早前因業主加租結業的中環「泰昌餅家」，今日在擺花街舊舖斜對面復業，新店仍會以舊價出售蛋撻。店主表示，店舖的面積較過去大了一半，而租金亦由舊店的3.8萬元，增至6.2萬元，但他們不會加價，仍以舊價出售蛋撻及沙翁等食物。泰昌餅家在擺花街經營了51年，「末代港督」彭定康曾光顧，令餅店大出風頭，於今年5月因業主加租結業。

今日係泰昌新店開張的子,我見今日有空,就來看看及買返個蛋撻食,可惜沙翁已賣完！真係可惜。一去到，已見很多人在門口，也有一條長長的人龍，差不多排了半小時才排到；看到一盤盤推出來，以為一定係新鮮熱辣的，但食落才知係凍的，真係唔明點解。原本想在那裏買杯咖啡飲，但可能怕今日多人，今日不買咖啡，下次要來試試先。說回食物，蛋撻的外皮味道和之前差不多，但沒有這麼香，而且比較，口感上差少少；蛋黃味道也相差不遠，但比較上甜；總括來說，係比舊店時差了點；而且沒有可能剛推出來就是凍的，相信係預先做好很多，而不是新鮮做的。有點失望添！雖然味道比之前差了點，但還是好味的。

好多人都係食佢既沙翁同蛋tart, 其實佢既麵包都好好食架, 佢麵包既款式唔多, 得最傳統既腸仔...餐肉..., 佢麵包好食在佢個包, 唔係d 腸仔..餐肉, 我以前返工真係日日食佢都唔厭架! 我個人好鐘意食麵包, 咁大個女, 食過咁多間麵包店, 都無一間有泰昌整得咁好食, 佢仲要係好香好香, 香到我公司成個department 都聞到, d 同事都係因為咁而愛上食佢既麵包呢, 大家有機會可以一試啊

A delay comment to 泰昌. Several years ago when I worked in Central, I did try 泰昌many times. On May 16, we went there to try again, wait for 1 hour. but it is worth the wait.1.蛋撻:8分, we ordered 4 pieces of 蛋撻. It is very hot! High standard.2.沙翁:10分. 沙翁is even better! After you eat it, you won't feel a very sweet taste.Unluckily, we need to say goodbye to this wonderful 沙翁. Please allow me to paste this 食評to give 沙翁the final applause.

上星期六放工去排, 1點去到, 2點幾先有得食新鮮出爐蛋撻真係無得頂d 蛋多到好似碗燉蛋咁估唔到佢一日整咁多個都可以keep得住水準, 抵讚!希望佢可以快d到新舖位啦!

今日(24/5)係尾二一日, 25/5係last day, 所以專登一早o黎買蛋撻俾班朋友食...咁11點9 o黎到, 已經排長龍, o係我前面有三四十人... 太恐怖喇... 排左一個鐘先買到...買左半打蛋撻同半打沙翁, 用盡晒佢個quota...一路都好怕食甜野, 所以都唔敢食個沙翁, 全部係d朋友食晒, 但我見佢咁出名, 撕左少少食...原來真係好好味架... 我食既時候佢已經凍左, 但都好鬆軟, 一d都唔"lum", 同埋唔係好甜架咋...真係好正... 出面其他地方好多沙翁都係食砂糖...今日食既蛋撻都係保持一貫水準... 不過冇以前咁d蛋多到滿瀉lu...不過前日亞哥買左半打蛋撻返o黎屋企食, o個半打就差少少... 似乎求過於供, 水準有時有d flucturate 喎...$21半打蛋撻, $21半打沙翁...