泰昌餅家

营业中

休息中

ususally the egg tarts are good, but they weren't last week, I bought a dozen, the crust was salty & the egg custard was too sweet, everyone who ate said so too.

間唔中都會黎買野食，通常都係買蛋撻、蛋球、紙包蛋糕又或者蛋糕仔。蛋撻- 個人黎講好喜歡，一來因為曲奇皮，二來又真係做得唔錯。撻皮做得好鬆化，而且d蛋好香好滑，兩者夾埋真係非常之好食。不過食完一個都已經幾滯。蛋球- 另一出名之作。食落有淡淡的蛋香，不油亦不膩，唔錯。可能個人口味關係，覺得不夠甜。但朋友又覺甜度剛好。紙包蛋糕- 鬆軟，好香雞蛋味。蛋糕仔- 呢樣反而一般，質地實了一點，味道平平，可以不試。眼見店內亦有賣包類，但光顧多次亦未有衝動去買，有機會都會試試。

對我黎講久別很多年又重逄既蛋撻...我巳唔記得佢係咩味了昨日行經果頭,雖然明知自己on diet, 都忍唔住買左可能係期望實在太太太太高,所以食左都唔覺好好食,個蛋的確真係好滑,我係鍾意食餅皮的,但哩個令我有d失望,冇咬口,又易散~其實我又覺得只要係新鮮出爐既熱蛋撻就一定好食ga啦...唔知哩間既蛋撻凍左又係咪都咁好食呢..

皮鬆蛋滑好味! 正! 一定要試!

某天到附近工幹，應同事要求，於此買了一打蛋撻。回到公司，人人稱讚，無不欣賞。小弟挑了一件，覺得一般而已。作得好的曲奇撻皮，有「快樂xx」和「批&x」，作得好的蛋奶漿，有「蛋撻x」和「義順xxxx」的燉蛋。心想：是因為羊群心態！？值唔值得排隊去超額應購！？

其他食品如蛋球麵飽就好一般o下，蛋撻就真係掂！

沙翁，蛋撻都非常好食。蛋味好濃，七點幾仲有新鮮出爐，好鬆化，又唔會過甜，仲要幾大隻下，極力推介。

今日去郵政總局寄左封信之後係中環行左一陣，差唔多行到擺花街既時候忽然間諗起泰昌就係呢頭，於是就走左去買蛋撻食啦......食過先知，泰昌既蛋撻果然名不虛傳—皮夠軟，蛋又夠滑，雖然我食得論盡左少少，但下次行中環一定再吃!!!

今天和爸爸到泰昌試試他們的蛋韃. 果然美味!!!! 剛出爐的蛋韃皮軟蛋滑. 我心急大啖吃一口,被燙了一下,但超幸福~ 下次澳洲朋友來訪必再吃!!!

記得o個時香港重係英國殖民地時, d報紙雜誌成日話末代港督肥彭好鍾意食呢一間既蛋撻, 於是自己按住地址去搵...第一次去到, 見到呢度有好幾張肥彭食蛋撻既相, 咁我都急不及待咁買左一打食下啦... 實在太好味喇~~~ 我一向都唔食酥皮蛋撻, 呢間正正唔係酥皮, 咁點可以唔鍾意呢?呢間蛋撻個皮真係好鬆化, 入口即溶呀, d蛋又夠多喎, 絕品呀!!!我第一次o黎呢度買蛋撻已經係... 大約九年前lu... 咁多年來我經過中環都會忍唔住去買番一打返屋企食, 新鮮熱辣係最正, 但凍左一樣係好味...咁多年o黎質素都冇差到, 值得一讚!不過呢間... o係三點幾四點時, 係要排隊買蛋撻架...排隊時有d外國人經過, 重以為發生緊d乜野事, 好攪笑...

食過雞尾飽, 菠蘿飽, 墨西哥飽, 椰絲飽, 餐飽, 全部都係$2.5一個. 菠蘿飽普通, 餐飽唔軟, 雞尾飽, 墨西哥飽同椰絲飽都幾好味, 尤其係墨西哥飽個面, 放咗幾個鐘都仲脆脆地, 又夠厚, 好味!

個沙翁食到我成口都係糖,都幾好,好香蛋味,不過...我都係鍾意beard pap a果d有吉士果d.........出爐蛋撻好味,撻皮唔太咸,D蛋都好好味呀,不過叔叔俾左個燶邊既我>________<

間唔中蛇去買tea time 要排隊架蛋撻好香牛油味不過食極唔飽o既空心沙翁先係極品!

飲完茶要買埋下午茶先可以返公司, 同事吩咐要買蛋撻同沙翁, 1:45 去到都排緊隊買出爐蛋撻喇! 由中環返到佐敦個蛋撻都仲幾熱, 我地個個都話好味; 沙翁好鬆軟, 鍾意多糖, 好香蛋味!

沙翁唔錯,甜度ok,唔油蛋撻d 蛋太甜, 個皮無試,因為我只愛酥皮,不過mom 話好過出面o個d cake shop