泰昌餅家

营业中

休息中

記得小時候去飲茶必叫的沙翁，好美味的，鬆脆兼有濃濃的蛋香，加上沙糖，更加美味，真係難以忘懷。近年來d酒樓都無沙翁食，都有點可惜。知道泰昌有沙翁，當然試下啦。雖然沙翁沒有兒時食那些咁大個，但係都好好味，有豐富的蛋香味(希望它收得五蚊一個，唔會用大陸蛋啦)，哈，兒時的美味沙翁重現了!

五元一個的泰昌蛋撻，你一口我一口，可能因為是剛出爐的關係，份外好吃，蛋心又香又軟，曲奇皮又香又跪，一流水準。

同友人吃完飯，便到超出名的泰昌買蛋撻再醫肚。這裡的蛋撻有多出名和美味我不再多提了，一個小小的蛋撻，已經令人覺得很滿足。

今天心血來潮特地行上擺花街的泰昌餅家買了沙翁(5元)和蛋撻(5元)來tea 一tea ~ ~ 蛋撻 ~ 溫暖的蛋撻~ 很香蛋味~ 正~ 沙翁 ~ 外表真是上了很多很多的糖~ 我花了點時間幫他減肥(糖) ~ 還是滿好食~ 外面脆裡面鬆~ 10元就食左個令自己幾滿足下的下午茶~ 不錯呢~

又係因為openrice,所以去買嚟試吓!試咗叉燒批$6....d料咸咗少少,一定要飲水!蛋撻$5.....雖然唔係酥皮,但好好食,d蛋味好香,好食!我朋友話蛋散好食,我下次都試吓先得!

11-oct-08 2:45PM 繼ABC 的第二小格後, 再行到泰昌, 剛巧遇到一盤新鮮出爐的蛋撻, 又未見人龍, 真好! 付款時才發現已由之前 $ 3.8 加到 $5! 可知我很久沒拜訪了~當其他小餅店賣著 $2 一個蛋撻時, 我就會想到一分錢一分貨的道理.泰昌的撻皮是較厚的曲奇皮, 但它做得很鬆化, 而且喜歡它焗得皮邊略帶深金黃色, 香味更濃, 比芳叔的優勝.蛋漿嗎? 滑溜的秘密聽說是用上放過放夜的蛋漿才焗, 未知原因是什麼, 只知道很快溜入口中,蛋漿不會死甜, 帶著應有的蛋黃香.這$ 5令我飽肚度升至7成了~ 下一站, 公利.

係中環想食個有水準嘅下午茶... 忽然諗起泰昌蛋撻 + 蘭芳園嘅凍奶茶。$5一個蛋撻同其他餅店比, 真係有d貴, 但一咬落口就完全明白... 脆脆嘅餅皮邊加埋又甜又滑嘅蛋心, 真係物有所值

難得過海，去開中上環，路過點都要買黎試下，之前一直抱住"唔知為咩賣$5一個"既心態黎試，試過就覺得$5 一個係值得咖，我地買既時候並唔係新鮮出爐，不過都暖暖地，個皮真係做得與別不同，出面既蛋撻，只有兩種，一係酥皮，一係撻皮，不過，大部份既撻皮都係實實硬硬咁，唔多好食，只會覺得好厚，而泰昌，偏偏就做到鬆鬆化化既撻皮，甚至及得上酥皮既鬆化，真係好值!!唔知泰昌幾點會有新鮮出爐蛋撻呢，真係想再試下新鮮出爐既感覺!!

上星期爸爸由中環買返黎柴灣食..蛋撻同沙翁..沙翁我無食過, 望落去個樣ok蛋撻真係幾好食, 雖然凍唒, 個皮仲得的, 加上我偏愛油皮, 更覺好味..已經食過好多間其他餅店的蛋撻, 呢間可算係可以再幫襯的!

重陽節去山頂登高,去開中環梗係要揾D好嘢食啦.第一站,嚟呢度食番個蛋撻當前菜,可能係假日關係竟然唔使排隊,要咗蛋撻同沙翁,雖然開咗唔少分店但係始終係呢間D蛋撻最正,至於沙翁就真係食匀全港都無乜邊間可以做得咁出色,好鬆化,有蛋香,最重要係一D都唔油,可以話全港最正.

食完有飄的感覺 , 好耐都冇食完野之後覺得咁開心了應該係我一生人食到最好食的蛋tart好味過澳門的安德魯／瑪加烈我強調，我唔係空肚食，　個陣我已經食了晚飯都係總店好食ｄ　，　九龍灣個間都冇咁好食其實係一個禮拜前食的，　我都現在都依然念念不忘佢個蛋汁仲好滑，震下震下，　好誘惑

一行到黎~已經好多人排晒隊~個個OL一打打咁買~佢地好似唔休做~慢慢黎~蛋漿做得真係唔錯~滑滑咁~係曲奇皮黎既~而且勝在多人買~包保每一個都係新鮮出爐~$5值唔值~~如果係途經就值~專誠黎就不必喇~

咁橋又經過, 試一試.真係同周街或屋企樓下唔同, 貴好多, $5一個.熱熱的, 取走的時候還震下震下.咬落去, 個底厚得黎唔硬, 曲奇一樣, 正!d蛋仲震下震下又熱. 正!企係上山頂條電梯隔離慢慢食埋, 又是享受.

九月十九日(星期五)今日的早餐是昨日由泰昌買回來的,根據我們的經驗,蛋糕是焗過一晚才會好吃的今次的比起以往的大件呢我們都是依舊一個要原味一個要檸檬味!有了量,但是質素就下跌了.....沒有之前的香!...不知道是否包在一起呢蛋糕是鬆軟的,但是面層的沒有之前好吃了!

十幾年前我係泰昌的fans﹐細細個的時候同阿媽係巴士站等車﹐總要阿媽買光蘇餅同沙翁返屋企食90年代末﹐後來光酥餅同沙翁都唔好味了﹐但係蛋撻依然好味﹐熱辣辣的出爐﹐D蛋係中間仲係震震的﹐超級好味但係自從搬左鋪之後而家唔知點解越食越唔好味﹐又貴到離譜!!! (5蚊一個)其實要與時並進唔太難﹐但係退步成咁好難再有人龍買你D蛋撻﹐況且你都無其他野好食...附近仲有好多比你好食比你平的蛋撻﹐ABC﹐檀島﹐蛋撻皇....個個都有一定的水準﹐又唔使咁貴添...泰昌...我已不再愛你...Sorry