泰斗 (中達大廈)

营业中

休息中

跟朋友在尖沙咀做完運動，出咗一身汗，覺得口淡淡，好想食泰國菜，貪佢味濃醒胃，向朋友提議搭的士去九龍城食泰菜，但朋友reject,佢仲叫我follow him，原來佢带我去咗九龍公園對面中達大厦四樓既泰斗。佢真係好介紹，地方寬敞兼仲有個露天大平台，大平台對正九龍公園，非常開揚，大電視正播放足球比賽，如果有國際賽事舉行，我相信呢度唔止淨食泰菜咁簡單。做完運動好肚餓，本來叫咗泰國燒鷄，但侍應話燒鷄醃唔夠時間，轉叫鹽燒盲曹($188)，夾開燒得香脆既魚皮，鹽香味四散，但魚肉鮮漱不帶鹹，夾一口魚肉點一下泰國辣醬，即時感覺魚味更濃郁。鹹魚炒芥蘭($98)，好喜歡蒜頭爆香後加入鹹魚炒芥蘭，因而吊出鹹香既味道特濃，比較喜歡用芥蘭苗炒，因用大棵芥蘭，入口比較硬身，芥蘭苗易咬口兼鹹香入味濃。一小窩泰式魚肚羹$(148)，黏黏的似泰式魚翅味道，用荀，魚肚，冬菇芽菜仔和鷄疍，材料頗豐富。濃濃的粉絲蝦煲($248)，用大頭蟹加入蒜頭，豉油，黑椒和肉碎，爆香後再放入粉絲炆至稍乾水，粉絲吸收了所有食料的汁，入口味道帶點點黑椒味，頗濃泰國feel。再食泰式椰青海鮮焗飯加一個椰青水($48)，同是椰子，味道各異，泰式椰

我不太喜歡太熱的地方，尤其是一年四季都是夏天，所以對泰國印象麻麻，但對泰式食物就讚不絕口。跟朋友去了位於海防道既泰斗食泰菜，一入内未經侍應帶位已自行走出大平台的位置坐低，大平台面向住九龍公園，樹木婆娑，微亮街燈，唔講根本唔知置身鬧市中。打開餐牌，本來心郁郁想飲冬蔭公，但飲得太多所以今次想試吓泰式魚肚羹(小$148)，有筍，鷄蛋，魚肚，冬菇絲和芽菜仔，味道似泰式魚翅, 用魚肚代替魚翅，我是舉腳贊成的。再來粉絲蝦煲($248)，大頭蝦開邊配肉碎，蒜，葱，黑椒，香香的大頭蝦入口有濃郁的蒜葱黑椒味，尤其是煑過既汁被粉絲吸收晒，食過這個粉絲蝦煲就衹講咗三個字，正，正，正。見侍應遞上腰果肉鬆各一碟，初時以為是小吃，原來是跟泰式棷青海鮮焗飯($148)撈埋一齊食，青豆甘筍粒與一隻隻炒得香口的中蝦再放埋一片片椰肉在椰子内焗，椰汁味加入飯香，入口後椰香在口中四溢，真係每一粒飯都要慢慢嗒真味道。鹽燒盲曹($188)，魚皮燒得金黄香脆，揭開整塊魚皮，魚肉十分鮮漱，味道完全不带半點鹹味，再點一下泰式辣醬，微辣即時带出整條魚的鮮味。食飯點能夠無菜上枱，鹹魚炒芥蘭($98)是首選，大大粒的鹹魚跟芥蘭炒埋一碟，味道

近日天氣涼而不冷，十分舒服清爽，十分適合在室外享用晚餐，於是決定今晚相約好友到距離地鐵九龍公園出口不到3分鐘的中達大廈。除了地點方便外，4樓的泰國餐廳泰斗更有室外座外，有情調之餘更只望到茂密的大樹，實在有遠離塵囂的感覺。《咸魚炒芥蘭 $98》泰式咸魚比中式咸香淡口，筆者反而較喜愛此味道。芥蘭新鮮爽口，大粒的泰式咸魚有提味的作用。《泰式椰青焗飯 $148》原個椰青上，飯面微焦增加香口感。焗飯中有椰青肉、青口、蝦、魷魚、菜絲、紅蘿蔔粒、洋蔥粒、青豆粒、粟米粒等等，口感豐富！焗飯拌勻椰肉更香甜，更用了椰汁焗香，所以椰香陣陣令人食慾大增。除此之外，此焗飯同時配有腰果及肉鬆，拌飯一流！《粉絲蝦煲 $248》大約有5隻開邊大頭蝦，多肉且彈牙入味！粉絲更加入味濃郁，同樣以黑胡椒癖腥，微辣刺激。粉絲連肉碎、薑絲、大量蔥及蒜炒香，惹味非常。《泰式魚肚羮 $148》分到3碗，嚐到黑胡椒味，所以完全無魚腥而且帶微辣。有芽菜、荀、蛋花、原隻切開蛋白、雞肉、冬菇片、魚肚、苟菜等，十分多料，味道香濃而質地不會杰。《鹽燒盲曹 $188》魚大條，屬3-4人份量。魚身用鹽醃過調味，而且只要輕輕翻開魚皮，就見到鮮嫩的魚肉

跟同事食團年飯，由於大家都不想飲茶，於是選了間泰國餐廳。午飯時間很滿座，幸好早已預約，餐廳安排我們坐在室外有梳化的大枱。午市套餐都是62元起，尖沙咀水平來說不算太貴。點餐後首先端上跟餐的湯，見到呆了一下，怎麼好像被人飲了一半的。是冬瓜湯，飲得出落了味精。輪到主菜，煎蛋肉碎飯。煎蛋好像是破了似的，感覺煮得有點求其。煎蛋味道還可，肉碎則一般，不夠香辣，肥豬肉亦偏多。套餐還有飲品，可選擇加5元轉珍多冰之類飲品，冬天又坐室外還是點杯熱檸檬茶好了。餐廳食物水準很普通，cp值中等，不過餐廳安排的位置不太吵，可跟一班同事輕鬆聊聊天還不錯。

十二月已經到了，但多次懷疑冬天其實未到，雖然天氣仍然好熱，但喜歡火鍋的心卻是無四季之分！泰斗是近期喜歡的一間泰式餐廳，它的露天位置令人有種渡假的感覺。他們最近推出了泰式冬陰公配肥牛黑墨丸火鍋，十分足料惹味的冬陰公煲放在小火爐上溫熱，每喝一口都是暖入心的。另外，配上肥牛與自家手打黑墨丸，又多了一份新鮮感！黑墨丸由師傅選用鮮味十足的墨汁親手打製而成，咬下兩口，十分彈牙，而墨魚汁的鮮甜味道亦開始慢慢滲出來，那猶如一份打從心底裡散發出來的甘甜。墨魚汁含豐富的鐵質，能抗氧化，更有研究指出，墨魚汁能增強免疫力，也有抗癌效果。享用美食之時，也可以了解一下相關的小知識。除了火鍋之外，還選用了青咖哩配這製的黑墨丸，青咖哩的味道相對清爽，有著多種不同香料淡淡香味，配上黑墨丸就能夠互相幫助發揮其自身的特性，更突顯出黑墨丸的鮮甜。

從來都沒有寫過差評......這次破例！朋友一年前來吃過覺得不錯所以推薦了這家泰國料理來慶祝生日！在openrice也看到不少好評，可是卻令我們十分失望！我們訂了4位，安排了4人座後，長髮女店員就叫我們換到6人座位，心想坐得更舒服當然沒問題！而且也只有數桌客人。 可是再過5分鐘後又叫我們換去門口4人座？！這樣安排客人換來換去也太麻煩了吧！而且門口位風大我們也不想換了點餐的時後一共點了5-6道菜，長髮女店員沒有用紙筆抄下來，而且不斷重複問我們點了什麼，態度十分散漫之外最後還漏單！點了一條鹽烤烏頭卻說沒有貨，比我們遲點餐的隔壁桌都有？！ 這樣也沒關係，至少也要問客人要換其他魚之類的吧？直接說沒貨就不再跟進？？服務差也算了，食物價格貴也沒關係，尖沙咀地區也差不多這種價位，可是水準不如以往！味道差之外，生菜包的生菜十分髒份量也很少！不再考慮一年一次生日餐讓人很無言！

今日同三個姊妹去食tea! 㨂咗泰國菜食！原來有個好值得推介的下午茶2人套餐！可以試曬d小食+4隻凍蝦，仲有甜品同野飲（椰汁冰同杧果冰 推推介，好正）但因為我們四人，想試下不同的食物，就叫了一個下午set，再加個冬蔭公湯（小），都有5碗，味道好喜歡，微辣又帶點酸，再加大蝦炒金邊粉同埋青咖哩墨魚丸！墨魚丸意外的好彈牙，青咖哩就有少少微辣，唔食辣的都可以接受。大滿足

下午去尖沙咀辦事~行過海防道見到呢間泰菜，lunch set幾抵所以試試。餐廳環境唔錯，有outdoor位，今日天氣廿幾度非常舒服，坐outdoor都幾好。嗌左香葉肉碎配白飯加蛋(少辣)，$62蚊有飲品有湯。點菜後3分鐘內就上菜快到呢..味道還好，又不算太辣，但不算突出，屬平價快食之選。

11月有太多功課，測驗和project , 令到成個人好攰，好緊張 所以同朋友仔下午黎呢度差差電 好鐘意下午黎，因為靜啲舒服啲，下午必坐露天位，十分chill ~~ 上次一碟墨丸為飽左我地，今次揀開胃沙律  呢個沙律一啲都唔Hea , 入面全部都係蝦，仲要好多蝦 酸酸辣辣好好味，蝦質感爽脆，食得岀對烹調時間都好講究，成熟程度啱啱好，讚！🏻 我地每人Oder 一杯泰式 cocktailred-love $118 黑加侖子味比較搶，溝龍舌蘭酒 又幾好飲 yellow-sea star $118 有菠蘿味 好香甜 就算唔係好嗜酒既都唔抗拒️ indigo-challenge $118 青檸同金巴利汁令到成杯野好清新好泰國風味，好特別 完全感受到泰國風情🏼想試特別野 必嗌！

之前黎過呢度食tea 覺得質素，味道都唔錯 好鐘意 所以經過有時間就再黎 今次叫左新菜式 青咖喱手打黑墨丸拼薄餅好少會見到青咖哩，更小見既係黑色墨丸 墨魚加墨汁打成既墨丸勁爽口好彈牙呀~~ 咬開左都係黑色架～唔會食到牙仔變黑 可以放心大淡咬 好有驚喜 岀乎意料地好足料，食得岀唔係坊間嗰啲溝左麵粉同其他既去既丸 而且仲食到有墨魚鮮味🏻🏻有8粒 青咖哩帶微辣 配薄餅一流 十分惹味薄餅既食法我試左點醬食同包住墨丸食 同樣都好味 我地2個食完其實都有啲飽，因為好實在又足料！！值得一試

我是十分喜歡吃泰式菜，因為小食種類選擇多樣，而且酸酸辣辣十分野味醒胃，一開始便冇法停口，而這間位於尖沙咀海防道的泰斗，就令我一試難忘因為食物質素高之外，環境也十分優美主色以比較清新的綠色為主，鬧市中竟覺得舒適，尤其晚上前來往外望，會有到了泰國那令人心情愉快的感覺泰式生蝦新鮮爽脆膠口，醬汁辣度適中，如果很怕辣的人也可以多吃幾隻沙嗲更是一絕肉汁豐富，香濃野味無法抗拒炸蝦餅十分彈牙蝦味濃厚到我的最愛泰式炒金邊粉酸酸甜甜，尤其是那條九菜令味道層次更上一層樓

逛完「藍精靈．十分勁！」村莊，去海港城欣賞完日落，窩夫與蝦子餅去泰斗吃晚飯。每次光顧泰斗，窩夫與蝦子餅都會點泰式生蝦($118)，蝦子餅特別喜歡這裡的秘製辣汁，辣得來很香很香，生蝦亦很新鮮彈牙。小食拼盤(小$128)也是以前吃過的，蝦餅和魚餅都很有水準，窩夫特別喜歡魚餅那種獨特的香料味道，值得一提的是這裡的單骨雞翼比Greyhound Cafe的大隻得多。蝦子餅不喜歡吃椰菜苗，那便點飛天通菜($88)試試看，加了麵豉來炒，味道不錯。最後加了一客芒果糯米飯($68)，芒果很香甜，但個人認為糯米飯不夠乾身煙韌。

想book 位啫，叫我聽日先打過黎book,因為要收工。我23:35打去，明明寫明收零晨二時。甘就唔好聽啦，我聽到你地把聲，衰聲衰氣。我都唔知食唔食好，未食先受氣！

一到週末，女孩子最喜愛的活動一定系血拚完再同好姐妹嘆個Tea，大聊特聊絕對係weekend最快樂的事，但邊個話食Tea一定要去酒店食甜品鬆餅架，今次我地就試試泰式下午茶，餐廳在海防道附近，九龍公園對面，位於中達大廈四樓，十分方便易找的。餐廳的裝修得美觀舒適，很有泰國風味，而且地方寬敞，感覺梳乎梳乎的，最岩姐妹們傾計聊天，這裡有露台的位置選擇，環境開掦，鐘意影靚相既我地緊係揀係露台開餐啦，都有冷氣架。Thai Jeng Tea Set $298x2三層高既TeaSet，材料超豐富頂層有脆卜卜春卷第二層有皮蛋蝦餅，炸蝦餅，魚餅和雞翼，當中蝦餅很讚，炸得剛剛好，每塊厚度差不多，而且蝦膠很彈牙，蝦味又濃。泰式魚餅也不錯，皮蛋蝦餅是第一次吃，外脆內軟的，皮蛋很Q彈，點埋個甜酸醬，可以平衡番油膩感。第三層分別有木瓜沙律，柚子沙律和泰式鳳瓜，三道都非常清新，酸酸甜甜帶點辣，推薦泰式鳳瓜，愈食愈開胃啊～～～仲有呢杯賣相精緻既泰式生蝦食泰菜必叫架！新鮮爽口，加埋秘製辣汁，食唔停口ღ(๑╯◡╰๑ღ)我地仲叫多左個爆炸蟹，有大量炸蒜茸，很香很惹味個蟹鉗多肉到～～真係啖啖肉啊～好彩蟹鉗有兩隻，我地一人一隻唔洗

友人提議在這裏食飯，難得有人提議，當然樂意出席！一般泰式餐廳裝潢，設有露台座位，有冷氣設備但唔覺太涼！點了幾款前菜，有柚子沙律，份量一般，柚子幾甜，比較大舊，若然整細舊d同其他配料一齊食會好d！酸辣鳳爪，份量頗對眼，鳯爪幾入味，唯食到底個汁都幾咸，唔夠酸同辣，敗北！再來個泰式拼盤，有炸魚餅、蝦餅、春卷及單骨雞翼，只有單骨鷄翼味道較好！菠蘿炒飯，份量幾大，配料有菠蘿（幾甜）、蝦（肉冇味）、魷魚、青囗、腰果及肉鬆，飯粒幾乾身，整體味道唔錯！總括黎講，食物水準唔太高，價錢唔算平，平均菜式八十幾蚊，侍應服務態度一般, 過程中都要催食品及飲品！