泰斗 (中達大廈)

营业中

休息中

尖沙咀ge lunch hour真係人山人海，朋友推介呢間泰國菜唔錯，咁就試下啦！十二點搭八左右上到去，唔使等位，店鋪好大方，我地兩個人都俾左張四人枱我地坐，位置鬆動。坐底冇耐侍應已經放底兩碗冬瓜湯。Lunch menu一律62蚊加一，包一碗冬瓜湯同飲品，凍飲另外加3蚊。落左單唔到十分鐘就有野食。兩碟野賣相唔錯。Pad Thai: 份糧好足，味道唔錯，唔會太酸太甜，但好奇怪，佢地加左d有骨ge雞件。。。海南雞飯：雞夠滑，飯夠味，正！下次食坐室外會唔會好feel d呢～

友人推薦去食泰菜，奇怪不約在九龍城，反而到就間尖沙咀上樓泰菜一坐低，天氣咁熱，即時嗌杯凍飲，當然唔少得大熱既芒果沙冰同青檸梳打梳打不過不失，芒果沙冰超大杯，賣相吸引，略甜，不過有泰國芒果味三人叫了細份拼盤，好味過九龍城行貨，春卷脆卜卜，未映相已經忍唔住夾嚟食，蝦餅一流酸辣魚湯好好飲，啖啖魚肉，只係食完好口渴軟殻蟹沙律西由粒粒彈牙好食，讚！咖哩蟹反而不過不失，可以不試整體味道同價錢都滿意，只係食完好口渴

難得一個清閑的晚上，可以帶個頑皮仔去見吓世面，同幾個朋友一齊食飯，叔叔姨姨焦點除咗放在牙仔身上，就係不停用面前嘅美食喂食相機。喺樓下行上去呢間泰國餐廳，想唔到上面環境係咁舒適，仲有個有冷氣涼嘅露台，夠晒開揚，坐得好舒服，職員服務又好。蝦肉黃金卷大家有啲肚餓，好彩先上咗個春卷頂頂肚，春卷外皮好脆，裏面嘅餡料填得好飽滿而且好香，有濃濃嘅香茅味，估唔到小朋友都咁鍾意食。姨姨話係遺傳咗媽媽嘅重口味!咖喱蝦橙黃色呈糊狀的咖喱醬，裏面含蛋量甚高，所以質地好厚又好滑身，加上幾隻又大隻又爽的蝦肉，好惹味！蒜蓉炒西蘭花炒菜的味道控制得剛剛好，不會太重蓋了菜本身的清新，都不會太輕手令人覺得淡而無味。海南雞叫咗海南雞，每件計都滑溜溜，而最珍貴的雞髀位，當然係留俾個小朋友食啦，大家都好錫佢，由於隻雞好好味，大家一人幾件夾下夾下，冇耐就食完成碟。酸辣青檸明爐魚壓軸好戲，就係呢味酸難燒魚！本來又酸又辣，聽起上嚟我覺得唔係我杯茶，但係食落，原來青檸嗰種酸酸的味道，夾雜着辣味，係勁開胃，而且同魚肉的鮮味，又幾夾架喎！最正就係，有啲粉絲，煮到好林，又索晒啲餸汁，好好味。芒果沙冰唔單止夠冰凍，中充滿果香！

第二次黎呢度，貪佢方便得黎又帶點安靜！發現菜式多左，難揀左！襯等人叫左個椰青先，正常大細，但d椰肉好厚，未叫野食已經飽左一半先黎開胃菜木瓜沙律，大碟到同主菜有得揮，又足料！墨魚亦都好彈牙，只係淡左d！泰式生蝦好正，新鮮爽口，但最重要係個汁，辣得黎又有好濃既香料味，點個生蝦一絕配！細既冬陰公湯，我一向都鍾意冬陰公湯，今次飲呢個好足料，有好多菇、蝦！超越酸超級辣，每啖湯都食到辣椒籽，辣得黎你又會想繼續飲青咖哩黑墨魚配薄餅，諗住試下新野，但又一路諗佢會唔會係伏，食落又唔覺好伏，粒墨魚丸好彈牙，只係黑色配青色既汁感覺有d怪泰式炒金邊粉，冇咩料既，但個味都係好濃，個汁又收到剛剛好，唔會有'漏'既感覺！但唔明果3條蔥係有咩作用？！

我最近識左一個泰國朋友，呢日就約埋一齊食飯，泰國人梗係鍾意食番啲家鄉菜啦，我乜都鍾意食，所以就跟佢去食呢間叫泰斗嘅正宗泰國菜館，價錢一啲都唔貴 有泰式燒雞半隻$168 ，一上枱啲雞味香噴噴湧出嚟，成間舖都聞到，食落雞肉肉質豐富，新鮮嫩滑 ，佢嘅泰式煮法真係另有一番風味跟住佢個冬陰功湯，小嘅只係$148，香味四溢，湯味濃郁，正宗嘅泰式師傅真係與別不同，就算唔食得辣嘅朋友，都唔會抗拒㗎，佢嘅甜品都好豐富，又出色有椰汁紅豆冰$42，士多啤梨沙冰$58 夠清新有feel~當你食完辣味嘅嘢之後，再飲呢一個涼冰冰嘅甜品，真係享受，仲有叫一個朱古力加榴槤雪糕，濃濃嘅朱古力味加上榴槤雪糕嘅香甜，鍾意食榴槤嘅朋友千祈唔好錯過。

朋友一早訂枱安排好這餐泰國菜晚餐，去到大概7點多，可能時間仲早都不算太多人，餐廳就安排左我地坐在出面露天的位置，環境氣氛不錯💡 雖然當日天氣悶熱，不過室內的冷氣會對流吹出來所以感覺上都舒服💨餐廳貼心地在出面設置大熒幕，如果身邊有鐘意睇波既朋友就岩哂，可以約埋佢地一齊出黎邊睇波邊傾計食泰菜 👍點左菜一陣全場已經爆滿，看來朋友擇得沒錯有點質素保證😈飲品我地叫左椰青同埋薄荷沙冰，椰青好大個，椰青水清甜解渴，而且挖到很多椰肉超滋味👍朋友叫左杯薄荷冰，佢話有點中伏😕，薄荷個種浸涼涼的感覺久久不散，是很舒服，不過同飲漱口水是沒分別😲來到泰國餐廳點生蝦刺身絕對是指定動作吧，擺盤很美，一碟有8隻，隻隻生蝦都大隻肥美，肉質爽彈又夠凍，配埋酸酸辣辣的醬汁，令人食慾大增，胃口都立刻變大👅冬蔭公湯有分大細，侍應話細煲可以分到4碗，大就6碗，我地4個女仔，所以叫左個細既，侍應服務周到，會問你要不要幫忙分埋的，每碗都有隻蝦，估吾到都幾大隻下同新鮮，不是霉霉的，仲有菇類等既配料，而酸度正合我意，又是開胃菜色🙆 但要提一提這裏的菜色都偏辣，成碗冬蔭公都是辣椒子，所以不食得辣的朋友未必食到♨小食拼盤跟冬蔭公一樣有分大細

上個禮拜行開尖沙咀，就諗住食埋飯先返去。所以就喺附近搵咗啲嘢食，我哋搵咗間泰國嘅餐廳。佢係有分室內同埋室外嘅，我哋揀咗出面室外嘅露天座位，仲可以望到出邊嘅公園，好有樹林feel我哋揀咗幾樣小食，其中依款就係廚師推介嘅蝦肉黃金卷。外型好似春卷咁，不過入邊就有蝦同豬肉既餡料，仲配埋一啲泰國嘅香料，味道好甘香跟住叫咗個燒豬頸肉，燒得好香喎，豬頸肉好爽口，點埋個酸酸辣辣既醬汁，好開胃！跟住仲叫咗個泰式燒雞，我哋驚食唔晒所以就叫咗半隻，雞肉吸收晒醬汁嘅精華，外皮十分惹味。點埋個秘製嘅醬汁，更加美味可口最後我哋叫咗個菠蘿海鮮炒飯，入面有各種唔同嘅海鮮包括蝦，魷魚，八爪魚等等...飯吵到粒粒分明，味道甜甜地。仲可以配埋腰果同埋肉鬆黎食飲品方面我哋叫咗芒果冰同椰青，芒果冰夠晒冰凍，味道酸甜，清涼又夠可口。椰青就有夠晒泰國風情，味道清甜，可以食埋入面啲肉添

在香港食泰國菜, 好多時都會想到在九龍城吃, 但是實在太不方便, 不過食泰國菜不一定要去九龍城, 其實尖沙咀也有許多選擇. 今次就嚟到尖沙咀九龍公園對面的泰斗 , 一上到去, 雖然是平日晚上, 但是座無虛席~ 可以坐在露台看看街上的行人, 如果天氣再涼一點的話, 這裏就會作為露天吃飯的地方, 很有情調, 不過現在還熱, 所以店家就用透明膠泥封住, 等客人可以涼冷氣. 食泰國菜當然要叫返椰青 (HKD48) 啦, 雖然店員已經說可能現在的椰青會老一點, 但是飲落去都是清甜十足~ 另外友人再叫杯青檸梳打 (HKD38) 在店員的推介下 , 我們就叫了這個 蝦肉黃金卷 (HKD128), 蝦肉非常新鮮, 沒有雪藏的味道, 見咬落去除了黃金卷外脆香口外, 蝦肉肉質都非常彈牙入味, 鮮蝦味十足. 食泰國菜當然要吃咖喱啦, 我們就叫了這個咖喱蝦 (HKD298), 雖然我覺得有點辣味不夠, 不過店員都同我們說其實客人可以特別要求加辣變成普通咖喱, 因為他們的普通咖哩對於香港人來說實在太辣, 所以為了迎合香港人的口味所以就變為少少少辣咖喱啦, 不過咖哩仍然非常香及野味, 加上這個大蝦

忍唔住要寫出黎...都唔知啲好評係咪假既係Instagram見9月生日有優惠仲有甜品送先諗住試下呢間 一入到坐低得一份menu 要問佢先比份lunch menu我地 叫野食個時有但長髮無著uniform(好似整左容)既女staff serve我地 佢過到黎一粒聲都無出過個樣好𣎴滿咁 咁我地就照嗌野食啦 未嗌野飲就收起左份menu又無問我地飲咩 但明明係包埋係個餐度 我frd就大聲d問我:err你飲咩啊 個staff先轉過黎聽order 佢全程一粒聲都無出過 我再問佢係咪生日有甜品送 佢🙄咁問:下你生日啊 然後再問老板送唔送(我估係) ***原來lunch係唔會送甜品***個女staff之後係格離枱落單都有同其他客講野 比我感覺我地後生啲就唔想招呼我地咁野食黎個時又唔會問個份係邊個order反而求其放係枱度 食物普通 有青檸個飲品偏酸* TERRIBLE STAFF MANNER * NOT RECOMMEND TO GO

響尖沙咀呢一條必經之路我留意到有一間泰國菜好耐，因為經常有射燈射落嚟地下，今日終於同朋友試吓！ 上到去被安排左半露天可以望街嘅位置，餐廳加左簷篷所以可以唔使捱熱涼冷氣。望住人來人往嘅海防道用餐又有一番風味。食泰國菜點可以冇生蝦？一碟有六隻。生蝦肉好厚，又厚又大，食落好鮮甜，我個人應為唔需要用其他醬汁配搭， 已經好好味。另外要左一份小食拼盤，入邊有單骨雞翼蝦餅魚餅同埋春卷，樣樣有啲，啱晒我呢啲心大心細乜都想食嘅人！單骨雞翼醃得好入味，炸得外脆肉香。春脆無咩特別，但蝦餅好有鮮蝦甜味又彈牙！另外亦都叫咗一份細嘅冬陰公share，一邊材料好豐富，雖然係細份量但都有兩隻大蝦同大量嘅菇菌類。冬陰公辣得好刺激但帶甜，好醒胃！唔太油膩，職員仲好細心將兩隻蝦分為四份！你個湯越飲越開胃！辣椒膏煮大虎蝦，初頭以為好辣， 但其實唔係，醬汁仲要帶茄汁甜味，配料有大量嘅洋蔥同青椒黃椒，用來送飯一流！大虎蝦好大，肉結實，蝦頭有膏！炸過後殼好香脆！配埋個醬汁食幾特別！蝦肉甜甜彈牙！ 明爐烏頭係我其中一樣最耐嘅泰菜，我選擇咗配青檸酸辣湯，味道酸酸甜甜更能突出與嘅鮮甜香味，魚肉好滑，湯底仲有少少肉碎同粉絲。最後食埋個芒果

泰斗一直都係我想試既泰國餐廳，因為試過既朋友都會推介一試，而且食評人氣高，今次一行4人聚聚一試。泰斗餐廳位置都算特別，係一幢舊試大廈既4樓，一出lift 重驚喜，繁華既尖沙嘴街道上面竟然會有間噤悠閒舒適既泰式餐廳，重要超好采比我地擇到個露台位。雖然露台位，但有透明膠蓋住，所以有露台景之餘，又唔駛熱辣辣，望住樓下熙來人往既街道，自己舒適嘆泰菜，加上柔和既燈光，真係好RELAX。朋友極力推介試呢杯芒果沙冰，飲品一黎到已經令我地嘩左一聲，因為真係好大杯，入口芒果味道濃郁，口感好滑溜，有種食緊棉棉冰既感覺，清新又解喝，必試！我地先叫左個小食拼盤，全部食物都係新鮮整出黎，蝦餅最好食，蝦味十足！生蝦刺生，新鮮又爽口，配埋個辣汁，一流之作！冬蔭公湯，酸辣配合適宜，容易入口，材料更加令人開心，大大隻既鮮蝦肉同菇，飲完胃口又大左！辣椒膏炒老虎蝦真係啖啖肉，好新鮮既海鮮，加上炒出黎既蝦肉一d都唔老，重好彈牙。酸辣青檸明爐魚都係好值得推介，酸辣青檸汁配上條魚到，好fresh 好開胃，魚肉軟得適中，入口好有鮮味！黃咖哩牛腩用黎撈飯真係一流，牛腩好足料,煮得好淋好易入口。甜品我地有芒果糯米飯同椰汁糕，芒果糕米飯

星期一，朋友說帶我去吃泰國餐，他說這裏的選擇多，而且也有我很喜歡吃的東西。這裏的情調很好，有很多特色的泰國擺設。看看餐牌，我們叫了幾款特色小菜，這裏的選擇真的很多，幾乎我愛吃的全都有。炸蝦餅 $108這是炸蝦餅，一份有8件，分量也是挺多的。蝦餅炸得很香脆，肉質很結實，點上酸酸辣辣的醬汁，很開胃呢！泰式燒雞半隻 $168我本以為泰式燒雞與我想像中的燒雞是一樣的，泰式燒雞外皮不是十分酥脆，是有點滑的感覺，肉質也是嫩滑的，令我有點驚喜！粉絲蝦煲 $268這個粉絲蝦煲十分香，粉絲上還有大量的蔥，粉絲十分入味，有很香濃的蝦汁味，十分惹味！煲內還有蝦，蝦肉爽口，蝦膏甘香鮮美，如果配上白飯就更加好菠蘿海鮮炒飯 $148最後我們還叫了一個海鮮炒飯，這個造型很美，整個都是菠蘿形狀的，旁邊還有肉鬆及腰果。味道酸甜，很開胃呢！

食得多放題，有時都想叫餸食飯，可以食啲更加高質素嘅食品。撞到老朋友，佢話鍾意食泰國菜，一於約出嚟食一餐泰國菜。揀一間地點又就腳，而且環境舒適，又高質素嘅實在不容易。經過精挑細選之下就選擇了這間「泰斗」泰國菜館。(太夜離開時已有多台客人離開了~故相中人數不多)由於係樓上鋪，所以個露台唔使直接對住街邊，可以望到海防道景色，不過今次落雨都會有好安全嘅措施，完全滴水不漏。朋友最鍾意食蝦，所以揀咗兩款蝦。揸車嘅緣故，都係揀返Mocktail，費事揸車出事。蝦肉黃金卷$128其實佢係好似個春卷，外皮非常香脆，當然都可以點返泰式酸辣醬做調味，咁就冇咁乾身。外皮真係好金黃，裏面主要係打碎左嘅蝦肉，仲有啲其他配料，有啲香茅嘅味道，做到外面脆，裏面爽口彈牙而且味道香濃。咖喱蝦＄298蝦都可以食得講究，店員話呢度嘅Curry係師傅自己調配，絕對唔係出面買啲調味包草草了事。既然收得呢個價錢都唔會求其，都試試會唔會中伏。咖喱嘅份量好多，仲有洋蔥同埋裝飾嘅花。廢話唔講，咖喱蝦大大隻已經開哂邊，非常方便而且乾淨。食落去爽口擺明係夠晒新鮮，特登食真啲個咖喱，果然夠晒香，不過始終黃色咖喱你唔好預佢好辣，如果食唔到辣都唔

朋友約咗我食泰斗，間餐廳喺海防道，好近尖沙咀a出口，餐牌嘅款式非常之多，而且圖片好吸引，比較真實，酒水款式也眾多。我哋二話不說嗌咗一個小食拼盤（細） ＄128 分別有炸魚餃，炸春捲，炸蝦餅和炸雞翼。炸春捲真真正正做到皮薄餡靚，中間嘅青瓜胡蘿蔔絲非常之爽口，炸蝦餅香茅嘅味道非常之重，還帶有其他香料理味，不錯不錯，炸單骨雞翼外表非常香脆，同時唔會太鹹，能夠食到雞肉的鮮味，雞翼鮮嫩多汁，好食！！菠蘿海鮮炒飯＄148 呢度嘅菠蘿炒飯超好食，原因係菠蘿超甜，胃口大增，唔會話酸到唔想食 ，朋友食到青口同魷魚，可惜我食唔到青口，可能係分量比較少的原因。炒飯比較林身，但係好夠鍋氣，中間有提子乾，紅蘿蔔粒，青豆粒 同埋中國腸，肉鬆腰果可隨意加入。由於唔飲酒的關係，我同朋友都叫咗mocktail們，分別是Pussy Foot$68和Shirley Tempo$68。賣相非常之唔錯，杯上面有一朵花，我的Pussy Foot橙汁的味道比較出，而菠蘿和石榴汁的味道冇乜，飲落的口感帶一些橙肉，成杯野甜甜哋又唔會過甜，味道很好。食物好食之餘又有特色，比較特別嘅係佢 位於4樓，用露天帳篷，睇到海防道上的路人，好有格調

泰國嘢真係邊度都有得食架，但係尖沙咀呢一間就唔同啦，有好多唔同嘅嶄新crossover！一上到去已經覺得風景非常優美，上面有得揀坐出面定坐外面。雖然落緊雨但係佢啲傘做得好好，落雨嘅時候都可以坐係外面。我就叫左呢度嘅嘢飲，同朋友每人一杯，難得可以嘆世界梗係叫下杯酒精飲品。叫咗杯Master king同Shirley Temple，一聽Master傾就知道佢係王者嘅意思所以用嘅顏色都係黃色裏面有菠蘿汁等等嘅黃色水果，其實我唔係好飲得酒，飲一兩啖已經覺得佢酒精濃度都算高，我已經有少少紅紅地啦塊面。至於我朋友個杯Shirely Temple，就係用七喜同埋青檸，另外仲加左少少紅莓做底，甜甜地又有少少酸酸地，慢慢飲都唔錯嘅。嘢食方面我哋就叫咗幾個餸，分別有泰式炒蜆同埋菠蘿炒飯。呢個炒蜆平時喺泰國餐廳都比較少食到，因為平時我都會飲冬陰公為主，絕少會食海鮮。但係呢一個黑椒炒蜆有啲似新加坡嘅黑椒炒蟹，感覺好新鮮有唔同嘅伴菜，真係好好味架。另外想提及呢一個菠蘿炒飯，菠蘿炒飯好大個，而且我睇得出呢個菠蘿都一定唔會係重用，人哋成日話餐廳可能會拎返同一個菠蘿黎裝啲炒飯，但呢度絕對唔會有啲咁嘅事翻炒成一粒粒，有