影片
更多
2017-09-10
168 浏览
響尖沙咀呢一條必經之路我留意到有一間泰國菜好耐，因為經常有射燈射落嚟地下，今日終於同朋友試吓！ 上到去被安排左半露天可以望街嘅位置，餐廳加左簷篷所以可以唔使捱熱涼冷氣。望住人來人往嘅海防道用餐又有一番風味。食泰國菜點可以冇生蝦？一碟有六隻。生蝦肉好厚，又厚又大，食落好鮮甜，我個人應為唔需要用其他醬汁配搭， 已經好好味。另外要左一份小食拼盤，入邊有單骨雞翼蝦餅魚餅同埋春卷，樣樣有啲，啱晒我呢啲心大心細乜都想食嘅人！單骨雞翼醃得好入味，炸得外脆肉香。春脆無咩特別，但蝦餅好有鮮蝦甜味又彈牙！另外亦都叫咗一份細嘅冬陰公share，一邊材料好豐富，雖然係細份量但都有兩隻大蝦同大量嘅菇菌類。冬陰公辣得好刺激但帶甜，好醒胃！唔太油膩，職員仲好細心將兩隻蝦分為四份！你個湯越飲越開胃！辣椒膏煮大虎蝦，初頭以為好辣， 但其實唔係，醬汁仲要帶茄汁甜味，配料有大量嘅洋蔥同青椒黃椒，用來送飯一流！大虎蝦好大，肉結實，蝦頭有膏！炸過後殼好香脆！配埋個醬汁食幾特別！蝦肉甜甜彈牙！ 明爐烏頭係我其中一樣最耐嘅泰菜，我選擇咗配青檸酸辣湯，味道酸酸甜甜更能突出與嘅鮮甜香味，魚肉好滑，湯底仲有少少肉碎同粉絲。最後食埋個芒果
上到去被安排左半露天可以望街嘅位置，餐廳加左簷篷所以可以唔使捱熱涼冷氣。望住人來人往嘅海防道用餐又有一番風味。
食泰國菜點可以冇生蝦？一碟有六隻。
生蝦肉好厚，又厚又大，食落好鮮甜，我個人應為唔需要用其他醬汁配搭， 已經好好味。
另外要左一份小食拼盤，入邊有單骨雞翼蝦餅魚餅同埋春卷，樣樣有啲，啱晒我呢啲心大心細乜都想食嘅人！
單骨雞翼醃得好入味，炸得外脆肉香。
春脆無咩特別，但蝦餅好有鮮蝦甜味又彈牙！
另外亦都叫咗一份細嘅冬陰公share，一邊材料好豐富，雖然係細份量但都有兩隻大蝦同大量嘅菇菌類。冬陰公辣得好刺激但帶甜，好醒胃！
唔太油膩，職員仲好細心將兩隻蝦分為四份！你個湯越飲越開胃！
辣椒膏煮大虎蝦，初頭以為好辣， 但其實唔係，醬汁仲要帶茄汁甜味，配料有大量嘅洋蔥同青椒黃椒，用來送飯一流！
大虎蝦好大，肉結實，蝦頭有膏！炸過後殼好香脆！配埋個醬汁食幾特別！蝦肉甜甜彈牙！
明爐烏頭係我其中一樣最耐嘅泰菜，我選擇咗配青檸酸辣湯，味道酸酸甜甜更能突出與嘅鮮甜香味，魚肉好滑，湯底仲有少少肉碎同粉絲。
最後食埋個芒果糯米飯做甜品就圓滿結束。不過可能唔啱季節，今日芒果唔太甜，帶酸，如果甜啲就仲好！
但值得一讚嘅係呢一杯芒果沙冰！打得好滑！唔太甜，芒味香濃！而且份量好大杯！絕對抵飲！
原來呢度仲首創的泰式high tea!! 咁特別，下次一定要來試吓！
张贴
