泰成菜館 (已易手) 新餐厅

早前知道這間食店，看食評都幾好，便在星期日中午和辣椒女兩個來一試，鋪頭都幾細間，坐位放得太迫，根本就唔夠坐，雖然係四人，但我們都只可坐一邊，因為另一邊根本坐唔到人，很失敗的格局。我們叫了香脆豬腩肉炒椰苗、泰式辣味炒鮮魷河和泰式乾炒肉片米粉，另加兩杯青檸梳打。香脆豬腩肉炒椰苗- 看食評這菜幾好，當然要試試，但菜來到時就知唔對路，豬腩肉死實實，一d都唔香脆，可能係曾經香脆過，再返炒後，做成這樣的差的效果；又韌又難食，真係想退貨。椰菜係椰菜心仔，比較硬身，我就唔多喜歡，而且太多油就更唔想食了。泰式辣味炒鮮魷河- 最好味的一樣，辣辣，味道很夠，魷魚煙韌有口感，河粉也炒得很入味，而且還是我喜歡的闊身河粉。泰式乾炒肉片米粉- 肉片唔新鮮，雪櫃貨無味又韌，米粉偏幼身，炒得就比較乾身，但很入味，也算不錯，如肉片可以改良一下就更好了。青檸梳打- 青檸又係得一片，只得很淡的青檸味，當梳打水飲算了。如這樣想，就算不錯吧。一樣很差、一樣很好、一樣普通，都算打平啦，就當普通吧！環境真係好一般，侍應就一位幾好，一位明明見到你叫他，就當見唔到，看你好唔好運叫著那一位啦！

當睌order:泰式併盤(炸魚餅、炸蝦餅、舂卷、香葉包雞)，整體不俗，特別是炸蝦餅，真係見到有蝦肉喎~~靑咖喱雞，都幾大窩，亦算多料，不過略覺唔夠椰香亦唔咖喱味，平淡咗D。如要白飯另叫。生菜肉鬆包，呢個good呀，夠辣好好食!價錢亦唔貴，百六蚊左右埋單。

兩個人晚飯點了4樣野,泰式生蝦:不過不失,蝦夠肥但不夠新鮮,個汁都ok,以$70的價錢有8隻,算合理.煎魚餅:好味,用左好多香料,熱辣辣上碟,正!值得推荐青木瓜沙律:另一味個人非常喜歡的食品!泰式雞肉炒粉絲:唔得,一pat野咁,唔好食!!

This is absolutely local Thai, both dishes & waiters and chef, they even playing Thai karaoke song all the time!Despite the limited place, most of food is above standard, like pomelo salad, don yum gong, pineapple fried rice, fried noodle, satay etc. Worthwhile for trying if you wanna recall your memories of real Thai food.

第一次帶朋友黎食飯，點知…一句講晒，一肚氣！！！！叫完野食無幾耐，佢放低左幾個椰青又乜都唔講，見到隔離檯又有，以為係送o既，咪照飲囉。點知佢幾個字之後走埋黎話：你地叫左椰青丫嘛係嘛？！？！我梗係話：無喎！佢話：但係你飲左喇喎！我咪話：我以為你送先飲咋喎，你放低就走左去！乜都冇講！佢話：但係你飲左喇喎！我咪話：但係我冇叫喎…跟住佢唔理我地就走左去！！！！！！到最後照樣計我地三個椰青錢！！！！！！！！！！！過份呀～～～～～～～～～～～～～～～～～～無理！！！！！！！！！！！！！！！！！！真係燥！！！！！！！！！！！！！！！野食係ｏｋ，但係ｄ無禮貌兼唔講道理o既waitress，大家要諗清楚！！！！！！！！！

平日食飯時間經過都有人係門口等位，同行前少少既曼谷差唔多。今日唔想等位所以買外賣，可能由於佢地好忙，所以叫外賣既時候覺得佢地都唔係好想做咁，要等一陣先有人幫我落柯打，我叫咗個雞生菜包同pad thai, 共$76。pad thai $26幾抵而且唔錯。雞生菜包就不過不失，略遜一啲chili。整體唔錯，又幾抵食，美中不足係服務係水準之下。

19/10 5pm5點左右行左過黎食tea,要左個泰式豬肉炒絲粉$24,加$4要左泰式凍咖啡.個粉絲系濕炒,味道甜甜酸酸咁,幾開胃!杯咖啡就麻麻地,無落奶,味道怪怪地.埋單$28,普普通通啦.

這間泰國菜好好味同好地道(價錢算扺0係銅鑼灣嚟講). 我地兩個人叫了炸蝦餅,泰式湯河粉跟扎肉,綠咖哩雞加白飯..炸蝦餅--好大塊,好鬆,好好味見到係有蝦肉..泰式湯河粉跟扎肉--好大碗,好多扎肉..0的湯味道亦都好出息..綠咖哩雞加白飯--係我最愛..去到任何泰國菜館我都一定會試的...佢地0的綠咖哩雞,好大鍋, 好多料...0的綠咖哩..一個字"正"..好香滑,好香甜..入口又有辣味..好難用文字嚟形容...食唔晒,仲有好多雞肉同綠咖哩汁所以要打包今日帶飯...總括嚟講這間泰國菜係值得一去再去...

成日去銅鑼灣都食日本野食到厭晒, 咁0岩今日行過登龍街, 就順下bf 意思去食泰國菜~order左泰式通菜$30, 黃咖哩海鮮$60, 同bf最愛的菠蘿炒飯$50.泰式通菜係正常水準, 唔錯~黃咖哩海鮮就唔抵了, 海鮮得果幾粒, 薯仔得數舊, 洋蔥反而好多, 咁就$60真係唔抵食.幸好有菠蘿炒飯挽回返我們的信心~ 首先已經好大碟, 材料非常豐富, 似食d料多過食飯, 蝦, 魷魚, 青口, d海鮮料仲多過個"黃咖哩海鮮", 味道都好好, 不淡不太咸剛剛好~ 最後雖然已經好飽, 但因為見到有成兜咖哩汁係度好0徒, 所以點都要叫個白飯撈左d汁食~ 好味好耐未食得咁滿足, 價錢也不貴~

我都算喜歡食辣, 但一定不夠我的朋友咁食得辣. 我對登龍街的印象只停留在煲仔飯, 唔係由"辣妹"帶路, 都唔知有間咁細咁平但咁好食的泰國菜館.兩個女仔, 一碗冬蔭公湯金邊粉, 一個泰式醃粉絲. 冬蔭公湯金邊粉抵食wor! $30兩個人食都夠飽, 就咁冬蔭公湯最細size都要$40碗.泰式醃粉絲多料, 又肉碎又魷魚咁, 不過好辣! 可能我冇留意, 食哂d辣椒乾, 辣到我紅都面哂. 朋友反而食得津津有味, 都話佢係"辣妹"啦!另加一人一杯珍多冰, 飲哂成杯我先至解到辣咋>.<

今個月都唔知同第幾個同事farewell喇！~ 0係登龍街行0左陣，見泰成個門面簡單得0黎又幾型，於是就揀佢！！岩岩1點鐘，所以都有幾多位揀。同事& 我一樣揀紅咖哩雞飯，分別配汽水(佢)同珍多冰(我)。紅咖哩雞飯- 紅咖哩唔似『亞活』(香港口味：勁辣,無香料)style，味道明顯唔係根據香港人口味調出0黎，食落好『泰國』，椰汁同香料味道好重，我撈汁都食0左成碟飯咁滯，配菜相信係泰國特產，一d圓形開邊0既青瓜，又係入晒味，正~珍多冰-睇到佢成包紙包裝鮮椰汁倒出0黎溝落綠色0者喱(我唔識稱呼果d原材料，見諒。)度，落本誠意之作。飲落啖啖鮮椰子味！食食0下發覺天花0既燈好似會轉色，成間0野都有晒mood！

次次都要排隊, lucky don't need to wait for a long time, 我唸最出名當然是炸蝦餅, 因為差不多枱枱都有order; 冬蔭公抵飲又平又大碗; 泰式雞腳夠辣, 正!!香葉炒辣肉碎飯好野味, 可以order加太陽蛋, 夠特別........埋單都好抵, 唔算太貴

我食過好多泰國野, 這間d野平夾抵食又地道, 雖然地方狹窄d, 但咁平喎又無加一算係咁啦......生蝦價錢ok個汁好正; 木瓜沙律好似我係泰國時食咁一樣(好味); 炒咖哩蟹好野味, 唔食飯可以叫roti送汁,落單後雖然有d野等好耐, 原來老闆話d飯菜係即叫即做所以有時要等耐些少食完飯可以去隔離雜貨店買d泰式小食

如果你不是食裝修, 是平及好味, 這間是必去試試, 蝦餅好好食, 唔係平時食薄chichi 個d, 蝦肉打到好鬆, 我都係第一次食過咁做法, 好好味. 泰式炒通菜就越食越辣炒蝦就五十元一碟, d蝦是好細隻, 不過正宗泰菜炒蝦是細細隻, 我去泰國食都係咁, 佢地係無開邊個d煮法總之佢真係好正宗, 我覺得好像番去泰國d平民餐廳食咁, 只是冬陰公唔似泰國咁辣

其實間野好無裝修又黑媽媽, 不過個日想食thai菜先走去食, 點知就成大錯啦!!!!!!!!!!order一個thai炒金邊粉$25,青咖哩豬肉$48,炸皇帝蝦$58,青檸梳打$16同三色冰$16, 由於趕時間, 落單已同thai姐講明要快, 當時只係得四五枱人唔多, 上菜都應該快啦, 等左成20mins都無野, 要催單都重要等, 青檸梳打無咩特別啦, 三色冰個d料係三色粉圓入面加左一粒好似馬蹄的物體, 超甜, 好怪, 搞到飲椰汁個時好似好淡口, 青咖哩豬肉個d汁超稀, 香就ok, 但味淡了點同埋唔得辣, 汁有好大兜,但豬肉超碎同埋超少肉, 成個兜都係汁同埋個d茄子, 食完好似無野落過肚咁. 炸皇帝蝦就唔錯, 有成8隻,由於係即炸, 所以好脆, 賣相ok, 雖然有幾隻蝦好幼, 但其他都ok, thai金邊粉都係一般水準啦, 都ok,佢個廚房抽氣勁唔掂, 成間鋪都好大霧, 最大鑊係個廚房煮香料d味勁過頭, 煮勁味個時搞到成間鋪d客都係度勁咳, 好難頂, 但係佢咁超慢的service, 以佢咁地點同裝修用咁嘅定價, 食物重有咁嘅水準, 我以後都唔會再黎