泰成菜館 (已易手) 新餐厅

自從呢間由雜貨舖入面搬出之後, 今次係第一次! 好多人, 要等位; 檯依然逼, 電視依然播泰文MV; 而舖比以前光猛同乾淨少少咁!叫椰子雞湯, 海鮮炒乾麵, 炸蝦餅同炒通菜. 椰子雞湯好多料, 好香, 可惜雞肉淡而無味, 超級雪藏雞也! 叫海鮮炒乾麵係因為見人地果碟靚先叫, 可惜, 又失望喇, 料少唔夠味, 又係淡某某.... 唯炸蝦餅同炒通菜交到功課咋!不過招呼依然好!

價錢抵！用料好，我們二個人叫到一枱都係：1.炸蝦餅-每枱必叫，熱辣辣，賬卜卜，蝦肉新鮮，加埋醬汁酸咪咪，勁正，都只係三十蚊。2.紅咖喱燒鴨-有荔枝、菠蘿、燒鴨、同埋有Ｄ綠色圓形的粒粒（泰式咖喱內實有）。。。好香，不太辣，足料，燒鴨夠味！3.泰式炒通菜-其實沒有什麼特別，有些菜食吓嘛。4.泰式椰汁雞湯-有香茅做材料，酸酸地，不知道，就好像冬蔭一樣。。。5.靑檸梳打一杯、熱龍眼茶一杯、白飯一碟多謝一百九十一元，食唔曬呢:-)

足料,扺食,冬陰公湯勁多料,幾十蚊已經好飽! 正!平實既裝修,有家庭feel~

我去過幾次，價錢好合理，暗暗地咁幾有feel，仲會播泰國歌手concert tim。野食我覺得冬蔭公幾好，落足料，煆餅都幾抵。另外炒飯好過粉，salad我就覺得唔岩食，好spicy又有d 唔知咩配菜。

前日早返早放，下晝繼績閒遊，去銅鑼灣送手信給朋友，順道自己都shopping。過了食飯時間才行入登龍街，見這裡相連的隔離，是同名的泰國雜貨店，看樣子是幾正宗，起碼有來貨的保證嘛！就來試下。兩點三是一個客人也沒有，連店員也在打點她們的午飯。眼見全店店員都是泰藉，食物應該幾地道泰式卦？兩點開始有多款下午茶餐，皆18蚊，好似幾抵咁，就叫了個鴨絲湯米及沙爹雞，再加杯椰汁冰。雖然人客少，都要等左一等至有得食。鴨絲湯米的鴨絲原來是斬件的燒鴨，而非鴨肉撕成絲，有點失望。米粉是即食米的樣子，湯底有層油在面，亦幾深色，雖然蔥花及薑落足，但賣相一般。渴口湯，又比預期中好一點，至少不帶很多的味精，亦有點點鴨的臊味，唯獨是油膩了一點；沙爹雞有三串，是炸及煎而不是燒的，在香港用上炭爐燒的沙爹也真的沒有幾間。雞肉都算嫩滑，另上的沙爹醬幾香有甜味，但不辣，用來醮雞串都不錯；椰汁冰不太甜，幾香椰漿味，都幾好。埋單41蚊，不收加一。單以吃過的兩款計不算十分出色，但計及價錢又真的便宜，屬一試無妨。