泰成菜館 (已易手) 新餐厅

星期六同屋企人落銅鑼灣行街，想起登龍街有好多食店，於是就入o左o里間泰成菜館。是次叫了煎魚餅、蝦餅、海南鷄飯、泰式炒金邊炒同冬陰公湯金邊粉。d魚餅，裡面有香茅同芫茜等香料，好味，蝦餅好大個都好好味，冬陰公湯金邊粉內有4隻蝦同好多件尤魚好味、金邊粉ok，海南鷄飯ok 。泰式凍咖啡好飲。HKD200有找。

跟bf來了dinner*試下呢度的泰國菜=D入到去2部電視都係播緊泰文歌=V=嘿嘿..叫了炒金邊粉,菠蘿炒飯*2個都幾好味!而且份量唔多唔少,夠飽!!泰式炒通菜*辣的!雖然本人唔愛食辣但係都頂得順味道較濃,好香,唔錯啦!! =)三色冰好普通既椰汁而入面紅綠黃色一粒一粒野就....食落似馬蹄咁又勁甜..好難食=o=環境及服務一般但整體上都唔錯埋單都係$140* 算抵了=]

lunch同媽媽一齊食首先個服務態度....唔知果個係咪暑期工我地一坐低,果時得兩枱人,服務應該更好,個女仔丟個餐牌o係枱面,我心諗,你咩態度呀...然後得三個套餐,另外仲有$40海南鷄套餐選擇好無奈然後媽在餐牌上點左菠蘿炒飯---無菠蘿,但有蠔仔等海鮮,好唔好就見人見志要左一個海南鷄餐海南鷄...差...唔好食,d肉又唔滑,有怪味送ge油菜...苦架送ge湯...豬紅湯,仲有好多葱,都唔知咩湯黎架...好難飲最掂係個蝦餅正如樓下食評所講超大塊,好好味都唔知俾乜食評好

岩岩去完泰國，想知道港式泰菜係點..食左蝦醬炒飯，好好味呀炒金邊粉就麻麻啦..冇乜味價錢都ok啦其他野好似不俗咁都想試下其他野啊

我們一行五個人(因為有朋友介紹抵食) 所以星期日(7/15)來到這店舖試試叫了泰式抄蟹、泰式金邊粉、抄雜菜、串燒、炸蝦餅先講講泰式抄蟹，d蟹肉冇蟹味，only一隻size稍為大既蟹... 唔抵食叫了份薄餅，份量好小抄雜菜--- 好苦, 味道苦即d菜好唔新鮮..>.< 而且d味道都怪怪的泰式金邊粉--- 味道超怪!! 入口即吐出來...從未如此難食過。串燒、炸蝦餅是唯一ok 的炸蝦餅，size 好大，味道不錯!

為了感謝男友的幫忙，於是請他食飯氹氹他開心!星期日的晚上七點多，我們剛好坐了最後一張吉木台!好在早來一步，不然就要等位了!由於之前食了donut，仍覺得有點飽，但都點了三個菜:炸春卷:香口的食物一般都好味，這個也不例外。蒜蓉炒油麥菜:特意點了菜，可以令飲食均衡一點!油麥菜新鮮，炒得又夠青綠，不錯!冬陰公炒飯:頗期待的一個飯，冬陰公湯常喝，原來用來炒飯也很不錯!炒飯不太辣，但也有少許冬陰公的味道，十分惹味。飯也炒得乾身，值得一試的。環境和服務態度都很一般，不過也就算了，畢竟這裡的賣點是價錢便宜!最後，真的謝謝你!

朋友仔想食蝦餅，原本想去新曼谷，但太耐冇去，忘記左格局，入錯左呢間。點菜時望到牆上面既午餐set，有豬頸肉炒濕河，照點，亞姐話晚餐冇set。我地都話ok，照落。但另一位待應送上黎既時候變左湯河，我地話冇叫，要求換過，知道可能人多，佢地搞亂左，所以我地既講法都好溫和。幫我地點菜位亞姐即刻拎番份menu過黎，仲要好惡咁同我地過，你明明點豬頸肉喎。係~冇錯係點豬頸肉，不過係炒濕河，唔係湯河。之後朋友仔仲指住牆上面既午餐set講，之前我地點o果一個豬頸肉炒濕河嘛。(我心諗你之前仲話冇set添，咁快唔記得？)點知亞姐好鬼惡邊瞪人邊講，邊一個呀，唔好o果個o果個，你指住餐牌上面既，唔好一陣落錯又鬧我。(無奈~鬧緊人既好似係你喎.....)之後我邊食邊留意另一位待應，心想希望佢唔好咁冇禮貌啦，咁都有機會再黎食過，可惜...我見佢幫客人點菜時，態度都唔係咁好。客人要求加辣，佢就話，真係好辣架喎，到時候食唔到，你唔好怪我地呀！(呃！乜咁答既)客人見佢咁講，答：咁加少少啦。佢又話，咁即係點呀，加幾多呀，師傅都係隨意加d辣椒咋.....客人聽都真係呆一呆。最後埋單，仲要找少左錢俾我地，唉~真係對呢間餐廳失望

差不多9點先找野食, 但估唔到都仲要等位!! 不過唔算耐, 15分鐘到啦是次叫了4樣野食, 每樣野都幾滿意...1. 炸蝦餅 好大件呀! 三件剪開一半, 變成六件!! 炸得香脆, 而且唔似好多粉, 幾好幾好2. salay串燒 個salay汁做得好好食! 我忍唔住用黎撈飯! chicken, pork都不錯啦... 唔會燒得太乾冇哂味, 所以都值得一食3. 辣椒炒蜆 我都知呢野食唔泰式, 但心血來潮想食... 呢個反而係中式有wok氣d...4. 泰式炒飯 一般咁啦... 唔算好味因為個味唔重, 幾淡下呢到真係好平! 怪不得咁多人queue, 而且久不久會有人refill water, 都算意外架喇. 但環境好迫! 你完全可以同隔離搭爹!

曾在這裡吃過湯粉，不錯，是晚就一行3人來吃晚飯。知這裡舖面細細的，沒有訂位，純抱著碰運氣的心態來看一看，幸好不用等也立時有張四人檯，不過是迫迫的，這也能理解。要了個小的併盤、青木瓜沙律、椰子雞湯、甜咖哩雞、脆炸腩肉炒椰菜芯及蝦醬炒飯，這裡碟頭都不小，應該已夠吃了。小的併盤有例牌的香葉包雞、春卷、魚餅、蝦餅各兩件，因為最快上檯，所以轉眼吃清。大家一致裁定，炸蝦餅是最美味的，一致決定要追加一客。一客三大塊，一人一塊，都米話唔飽。熱辣辣又脆口，當然要叫支泰啤來送口。蝦餅都幾真材實料，吃得到蝦的鮮味，都吃得過；去吃泰菜，叫青木瓜沙律差不多是指定的考牌菜色。這裡的青瓜絲很多，花生碎下得不夠，不夠酸，也不夠辣，亦不夠鹹。跟阿姐反彈，她答應下次做個又鹹又辣的給我們，聽住先。不過只賣24蚊，都算交足功課的了；椰子雞湯都幾美味，椰漿的香加上各種香料如香茅及香葉，微微的辣，喝得開胃。雞肉只得啖笑，不能以中式雞湯的標準視之；甜咖哩不太辣，有香料的味道，但咖哩就不夠冶味。汁底下飯就很好，所以又叫來白飯一碟；炸腩肉是炸的肥肉，吃落香口又甘美，都幾鹹香，美味。椰菜芯就梳當失色，跟炸腩肉互不相干，炒第二樣東西可能更

好地道嘅泰菜館，食物夠正宗，環境就普普通通。第一次嚟食時，仲以為自己去咗泰國，店內不停播住泰文歌，匙羮同叉又似足係泰國用果d咁。價錢唔貴，抵食之選。但就唔多鍾意佢海南雞飯嘅飯，太鬆散。冬陰公-酸辣度啱啱好，飲到正宗嘅味道芝士炸蝦丸–蝦丸唔彈牙，但配埋芝士一齊食幾特別蒜茸炒椰苗–椰苗炒得剛好，有咬口，唔苦燒豬頸肉–香口，但唔夠入味，點醬料同食會好d柚子沙律–成碟都係拆咗肉嘅紅柚子，非常美味青木瓜沙律–木瓜絲好爽口，怕辣嘅人小心食到辣椒籽綠咖喱雞-椰汁味重，汁較稀唔辣，配菜小青瓜都好味蝦醬炒飯-飯炒得夠乾身，配上幾塊泰式臘腸，必食

昨晚同朋友兩個女仔去完南丫島出銅鑼灣，已經8時多好肚餓，去到登龍街想食煲仔飯，太迫人沒有等，就去食泰國菜，平d。叫了煎魚餅，泰式炒通菜，海南鷄 飯餐同泰式炒金邊粉。最好食係煎魚餅，裡面有香茅，好惹味，通菜好辣不過好有鑊氣，金邊粉一般，最差係海南鷄 飯，d 鷄好碎，無鷄 味，d飯又碎又硬，幾難食。以此價錢，都不能要求太高了。同場仲播泰國卡拉ok，雖然無人唱但幾嘈。

近來隔晚同佢都撐檯腳既朋友仔問點解同親佢食飯既食肆可以次次都唔同有乜計丫晚晚都係呢頭食飯星期五晚早收左少少有得揀當然要衝出灣仔揀呢間都係因為佢夜收者阿姐重複五次都講左濕海炒鮮河文法上其實都無錯既廚房近炒河上檯仲超級熱超夠鑊氣芡汁剛好夠稠海鮮配料都非常充足仲要只係三十五蚊加埋一杯lime soda下下火抵食店仔細細人手當然唔多夠但其他野都相當唔錯

星期三睇完黃子華第一場棟篤笑都成11點，銅鑼灣食野既地方唔會太多，本來想試登龍街新開o個間越南河粉，但點知己經打烊，仲記得同一條街呢間野好似收好夜，所以就黎左呢度啦...2個人叫左：青木瓜沙律::: 基本上次次食泰國野都必叫既之一，味道都ok地道既，酸酸地辣辣地好開胃燒豬頸肉::: 燒得好香好入味，份量唔係太大冬蔭功海鮮炒飯::: 呢樣好似係一般泰國菜館冇既，所以試試啦... 冬蔭功味唔係好出，但辣辣地都幾野味，海鮮就只係得蝦同魷魚，但兩樣都算新鮮彈牙地方冇乜裝修，好似o係九龍城既泰國菜館食緊咁!!可能我地咁夜先黎，所以都唔係太多人，但我諗平日食飯時間都應該會幾嘈!!

真係要多謝Openrice﹐如果唔係我都無得試咁多新o野﹗昨天我哥朋友突然悶悶地就約行街食飯﹐行街就陪唔到佢喇(工作勁忙)﹐食飯就好啦﹐橫掂都係要食﹗相約了8 點半在Times Square 等再覺得食咩好。本來有朋友介紹去W's Entrecote﹐坐得舒服又可以傾下計﹐但我個friend 話唔想食咁多肉﹐所以要另覓地方。呢排上得Openrice 多﹐先知原來登龍街開了很多食肆﹐就過去看看吧﹗見到泰成﹐記得它的食評好似都唔錯﹐價錢又相宜﹐居然又不用等位﹐就試試佢啦﹗裡面真的好逼﹐不過如果食物好味都冇所謂喇﹗見到人地隔離檯好似樣樣都好好味﹐真係好難揀喎﹐得兩個女仔唔食得幾多咋喎﹗先要了個Tom Gar Kai (椰汁雞湯)﹐裡面有雞肉﹑草菰﹑番茄(第一次見有番茄咋﹐乜要落既咩﹖)﹐好足料﹐d lemon grass 好香。不過就好似稀o左d﹐而且不夠辣﹐應該是遷就香港人的改良版﹐不過我就覺得麻麻﹗另外捨棄了柚子沙律﹐要了鹹魚炒椰苗。椰苗好似個小椰菜咁﹐樣子麻麻﹐不過原來食落好爽﹐好有咬口﹐我好鐘意食喎﹗不過d 鹹魚就祇得鹹字﹐冇乜靚鹹魚應有的鹹香味﹐是有點美中不足﹐不過都是那句﹐呢個價

9 August 2006 (Wed) - 晚飯之前曾經打算黎食晚飯，但係要排長龍，所以冇食到，尋晚係成9:30至食晚飯，所以唔駛排，不過入面都冇晒位，只有兩個位！同好好友叫咗一個海南鷄飯餐\($38)，一個炸蝦餅($42)，同一碟泰式鳳爪($38)！樣樣都好正，個海南鷄飯雖然就細碟啲，但係都幾抵食，有四件鷄，有碗湯，有杯嘢飲同一碟好細碟既油菜！泰式鳳爪好好味，幾辣下，好正！炸蝦餅好好好大件，有三大件之多，好好友驚死佢\比咗大既我哋，仲問佢\哋係咪細既，佢\哋話係，好犀利呀！我哋都食唔晒，所以食淨一件攞走埋！Overall啲嘢食係唔錯！入面既所有人好似都係泰國人，所以佢\哋好少講嘢！舖位就非常細，坐位好密，不過都係因為想做多啲生意啫，想坐耐啲就應該唔得架啦，不過食物質素真係唔錯！