泰成菜館 (已易手)

系铜锣湾就近做野，午餐成日周围揾下有咩好野食，登龙街餐厅选择好多，但一系就太贵，一系就太多人，行左两转，见到有边泰国野有六十几蚊既午餐套餐，又无人等位，就入左去食。入到去环境都几逼下，人手亦唔太够要等下先有人serve你。平时既冬阴冬呀炒金边粉就食得多，见到餐牌咁得意有红汤河粉，就叫一叫黎试下，再配左杯青柠水。青柠水酸酸甜甜，好爽口醒神。红汤河粉上枱时有一pat红色酱，要捞一捞先食得，汤底味道都几特别，小小辣，又酸酸甜甜咁，好开胃！河粉用左粗河粉，海鲜料同配菜好足，口感好丰富！最后埋单要加一，盛惠69蚊，系铜锣湾地般算系咁，会想再帮衬！…查看更多

我都真系几钟意食泰国野，时时都会试好多唔同嘅泰国餐厅，当日约开朋友去铜锣湾，就试下呢间啦。其实之前人妻喺铜锣湾番咗年几工都无食过呢间，所以今次行开之后就决定试试佢。入到去铺仔细细，但感觉都干干净净，同埋店员俾我感觉都系nice nice 嘅，所以食足一餐都舒舒服服。讲食物，佢都算系其中一间，难得我觉得全部食物都好味所以可以 encore 嘅泰国野。特别系个生菜包，我唔食得辣嘅人黎讲，辣住都食咗半兜你就知有几好味大家不况试试份量方面，你眼见我地两个女仔叫左咁多样嘢食就知道，实际份量唔算多的，算系正常啰…查看更多

每日lunch time 都要烦食咩好，有时想食平平地既泰国野，最近先发现登龙街都有平民选择。下午2点左右到，店内正在用餐人数不算多，环境装修还可以，干净企理。餐牌选择多，汤粉、炒粉面饭同海南鸡饭都有，听同事讲之前点海南鸡饭等得比教耐。我今次就拣左炒金边粉，可配鸡肉、猪肉或x (仲有一种唔记得左，都系大路野啦)，我拣左鸡肉。平时都好钟意炒金边粉，但口味上这家比我以往食过的有点不一样。它比较甜 (我喜欢咸少少，惹味少少)，好彩有花生碎同辣椒粉伴碟，可以自己再略略调味。总结，餐牌选择多，价钱公道，下次会试下冬阴公汤河!…查看更多

如午餐想食泰国菜，我都会豪不考虑走到登龙街呢间。为的是他们的泰式炒金边粉😋。最近转咗新餐牌，其实同之前差不多，不过冬阴公汤河，多咗配料选择，今次我要转軚了🤣。午市套餐价钱大约$6-70，铜锣湾区嚟计好合理。套餐包冻或热饮，今次叫咗冻香茅茶，清新解渴，食辣嘢时嘅好选择。我叫嘅冬阴公河以木制大碗盛载，好有东南亚风味，先试下汤，对味！酸酸辣辣加埋香茅香叶等，令人食欲大增，河粉我转了金边粉，爽口啲又唔洗咁滞。𩠌都几多，有两只虾，鸡扒，猪颈肉，全部都几好食，今次都无拣错👍👍…查看更多

登龙街除了拉面馆，今次我们就选了泰国菜。中午的套餐数十元有交易，有汤有饭有饮品，份量充足饱肚无花假。而且它的店员都是会说广东话的泰国人，待客有礼貌又有笑容，还会细心解释菜单，令人有种到了泰国渡假的感觉。绝对是帮衬香港人餐厅享受不到的😝海南鸡做得出色，肉质滑而不会过熟，油饭亦是粒粒分明的，有嚼头但又不会过硬。汤是没有味精的好汤，喝后绝对不会有喉咙干要喝水的问题。美中不足的是伴菜的份量较少，下次可能要多点一碟菜与别人分享。我是第一次试冻的香茅茶，不会太甜但有股清香，好喝得很。同事说拉茶也绝对值得一试。…查看更多