泰廚泰國菜館

营业中

休息中

樓上老嘢阿姐服務勁串，一坐低就吹你落order，落單時態度又差，黑口黑面，勁串嘅語氣問你仲有冇，你講la，見你有空碟空杯問都唔問就即刻收走你，啲嘢食係幾好食，炒粉面飯咖哩都係六七十蚊一碟，份量都唔錯，食滿$200可以加1蚊換野，價錢又唔貴，一個人平均一百蚊多啲可以食飽，又唔洗加一（可能咁嘅服務態度都唔好意思收加一啦），不過更平更好食都無用，服務態度差成咁，唔洗錢都唔會再食，咁嘅態度都唔夠膽問多佢兩句，食完lala 聲走人。

14/10晚9:30收工約咗呀仔呀女去食嘢，之前都食過好多次，坐位已經唔係舒服，不過食物質素都ok，今次安排咗坐樓上，有個又瘦又老嘅服務員呀姐，態度十分惡劣，一坐低就問我點菜未，我話等埋呀女先，跟住見到隔離枱點菜，呀姐話有一款加$1換特價小食已換哂，咁啱可能人哋聽唔到，就係點果款，呀姐大大聲話頭先咪同你講咗換哂囉！之後到我叫佢落單，佢就不停叫我講啦！講啦！最慶係同佢講要冬蔭公河粉，佢大大聲話乜嘢河粉呀？菜牌係寫薯粉，我話菜牌話可以轉河粉㗎！如果我唔係帶住仔女，我肯定拍枱鬧佢之後走人，如果大家想見識下態度咁差嘅服務員就去幫襯啦！我就唔會再去喇！真係貼錢買難受

蟹肉炒飯這個炒飯有分成兩種價位，一種是我點的這種蟹肉滿滿的，另一種是比較便宜但是蟹肉只有幾塊的，具體就看自己需求！這個炒飯對於我來說無功無過！沒有特別的驚豔😳但是也不會難吃，上面的螃蟹肉非常的新鮮，但是我覺得如果要吃螃蟹肉，可以直接點它撥好的蟹肉也OK，就不一定要選炒飯，當時我在猶豫炒飯跟另外一個螃蟹粉絲煲要點哪個，最後選比較多人推薦的炒飯😉但下次我應該會嘗試看看粉絲煲😘

好耐冇嚟食，今日星期五收早見無乜人就幫襯下啦～串燒一如以往最好味，一定要食。蒜蓉包，菜及湯河正常。個咖哩大頭蝦真係不得了～星期五做特價$158～有三隻好大大頭蝦，但大頭蝦啲肉真係梅到好難食😭又冇蝦膏～咖哩係好味配蒜蓉包好正。下次叫其他料嘅咖哩穩陣啲。

去開屯門，年青友人話小曼谷好食帶我去食，九龍城過間小曼谷我就食過好有水準，屯門呢間只此一間同九龍城無關。晚上8點幾到，門口都好多人，不過大部分係2人，而店內都係2人枱多，我哋3人，所以等耐啲啲，10分鐘左右。店內都係泰國人(我估計)佢哋都係寫泰文。生蝦都係必點，除咗要微凍肉結實，個汁好緊要，呢個汁唔辣不過不失，一碟7隻，不過有一隻蝦仲有腸😅。生菜包太多汁，味道正常唔太特別蝦餅肉實香口，不防一試咖哩南瓜海鮮，海鮮料主要係魚塊，粉皮較厚、碎魷魚味道幾鮮，南瓜味就食唔到，不過南瓜多纖維有益。另外，叫咗個泰式牛肉炒飯，唔好食無乜味😖，都唔見有其他人叫，不過見到好多人叫炒粉。仲有油酥餅一份有3件，不過不失。蒜蓉包有5塊好味。有咖哩必要配埋餅/包食物份量細碟，啱晒少人嚟食，可食多幾碟。 講食泰菜，呢度係人少少食泰菜嘅平價之選，但住外區唔洗特意黎食，因為無乜特別。3人食，5碟主菜，3份餅包，3杯飲品，人均$155，真係平！

Never coming back.1) The cashier gave me poor tone and attitude when I placed my order, saying I was taking long (it was 2 mins max). When I mentioned that the person in front of me took even longer, she said its ok for them because their order was more expensive than mine. So I’m less important? RUDE! Also, no one was waiting in line behind me.2) My order was takeaway, and it was hot out, so I asked if I could wait inside. I was willing to scan LHS and would give the table back when a dine-in c

店外串燒香味十分吸引，今次終於入去試試。 小店雖有2層，但店舖較細，座位較迫，冷氣唔夠，真係好熱 唯有當去咗泰國大排檔。每日有唔同優惠食品，假日剛好係$1生蝦雖是特特價，絕無hea，蝦好彈口，醬汁唔係好辣不過就好野味，夾蒜食剛好辣返啲叫咗雞同牛串燒，2款肉味都好似差不多，食串燒個醬真係好緊要，滿滿沙爹醬真係好正。生菜包叫咗走西青，肉碎有點香辣，生菜好新鮮好靚好味小併盆，嘩，每件嘅份量都唔細，味道ok。通菜脆嫩香辣野味食唔晒個生菜包，外帶，店員特別另比袋分開個菜，話咁樣先可以保存到第二日都唔黃好食 果然第二日食仲好脆同綠雖然店內真係熱(下層角位)，食物質素同價錢合宜，值得去食 可叫杯凍飲解解熱

眼線女服務態度差到冇人有，食物的味道真係ok，不過真係因為眼線女，可一不可再，好食嘅泰國菜大把，俾錢受氣。奉獻大家唸清楚再去食，相信因為佢少佐好多回頭客，一定唔會介紹朋友過去

下午茶時間特登出黎左太子，太懷念佢啲串燒😍泰式肥牛湯河 （冬陰功湯）生菜包，肉碎炒得好好味，份量都ok。雞肉串，即時烤的，肉質嫩滑，仲配埋濃郁美味嘅沙嗲醬（好少地方嘅沙嗲醬咁好食）👍🏻👍🏻蝦餅，非常熱辣辣，外皮脆，肉質彈牙，略嫌少貴。泰式奶茶👍🏻👍🏻👍🏻食物真係唔錯，好好食，但服務態度需有待改善，唔知係疫情關係定咩，落單佢唔會行去你面前問你食咩，而係我就咁大叫食咩😒 佢就企係佢部機到落單。

⚠️⚠️呢個市道，大把值得幫助嘅餐廳可以食，呢間可以byebye，或者好鍾意受氣嘅就去囉⚠️⚠️真心講食物可以，都大碟，賣相就一般‼️收銀男同侍應女態度奇差‼️入門口叫你掃針卡好似喝狗咁，佢部電話有問題，又不停話個客隻手震所以掃唔到，叫你將部電話放喺呢度放喺嗰度一坐低個女侍應就不停問你叫咩食，諗唔夠2分鐘又黎追，再諗多2分鐘又同你講好叫埋喇，啲嘢都未食晒就不停望住你，食完一碟就收走你一隻碟，我又唔係食特價餐，又唔多客，你使唔使咁急要趕我哋走⁉️

好耐冇試過晚餐都可以免加一嘅餐廳明明待應有服務，餐廳竟然唔收加一，仲要搞埋加$1 有一款泰式小食，實在太正一入到就去左樓上坐卡位當日我唔想食明爐烏頭就叫左其他，至在叫夠$200 可以食生蝦😍出面閒閒地都7-80蚊先有得食，呢到$1 真係大放送，而且d蝦都好鮮甜，點埋青醬同蒜就仲正！仲叫左半隻海南雞～ 勁肥美足料，淡淡肉，個醬唔會辣同太酸，一切都岩岩好～菠蘿炒飯好大個！ 佈滿肉鬆又咸又酸咁幾趣致，食到呢到就發現老闆好似做緊蝕本生意又慷慨椰汁冰+珍多冰我鍾意椰汁冰多d, 濃郁香甜嘅椰子～

最近呢兩年都冇得去旅行，想喺香港食下唔同嘅菜式，又想食到泰國地道嘅味道，我覺得旺角呢一間泰國菜暫時係我喺香港食過最地道嘅泰國菜。 餐廳嘅裝修唔算好華麗，反而有一種泰國街邊小店嘅感覺。餐廳整體嘅食物質素偏高，種類多，價錢親民，切合唔同人嘅需要。我最鍾意食呢度嘅青咖喱雞肉飯，用蒜蓉包沾上濃郁青咖喱，味道一流。青木瓜沙律，生木瓜口感好清爽，醬汁酸酸辣辣，酸甜辣中帶點花生粒嘅香氣同埋香脆嘅口感，讓人胃口大開。雞肉串燒係即點即烤，烤嘅過程中將肉香與肉汁烤出，把肉的美味發揮得淋漓盡致，再搭配上濃郁嘅花生沙嗲醬，一大享受。另外一個重口味選擇就係泰式肉碎生菜包，肉碎嘅份量非常之多，鹹香十足。另外亦都好推薦加一蚊就有四隻嘅泰式生蝦刺身，蝦肉新鮮爽滑，泰式酸辣汁惹味。

前排同朋友到旺角睇戲，出黎便行到去花園街附近覓食。去到天橋邊離遠見到有個大大招牌「泰廚」，當下就決定試一試。店員好細心為我地推介食物，上菜速度快。整體食物味道不俗，而且價錢非常親民，日後要食泰國菜唔洗再出九龍城啦🤭馬拉盞肥牛炒通菜 $75份量非常充足，肥牛食極都仲有😂 通菜夠嫩夠爽脆，同時亦吸收了肥牛及馬拉盞嘅味道，味道濃郁帶微辣咸香，炒得十分惹味👍泰式炒金邊粉 $68即叫即炒，夠哂獲氣之餘又乾身。金邊粉口感微微煙韌，整體味道酸酸甜甜，加上多種配料如大蝦和肉絲等一齊炒，再伴上碎花生和青檸，既香口又滋味🙈泰式三味魚(比目魚) $128上枱時熱辣辣，顏色鮮豔令賣相十分吸引。比目魚鮮甜美味，而且肉質嫩滑不帶腥味。配料亦十分豐富，有菠蘿、紅椒、綠椒和洋蔥等，配上酸酸甜甜的醬汁，開胃得黎好好食😌肉碎生菜包 $72泰國餐廳必點小食之一，朋友唔太食辣所以叫了微辣。用新鮮生菜把炒得十分惹味嘅肉碎包住送入口中，清脆嘅生菜加上香嫩嘅肉碎，調味足夠，簡單又美味😋三色冰 $26/杯泰國餐廳常見飲品之一，當然要叫杯試下。每杯都有三色馬蹄，外層煙韌清甜、咬落帶有爽脆口感，加上椰漿味道好香濃。整體味道唔錯，口感層次

因為經過旺角買 寵物嘢順道在旺角食飯, 太耐冇去過泰國所以想食啲泰國菜咁啱行過門口俾佢啲串燒吸引住, 所以就入咗去食飯.{泰式生蝦} {泰式海蜇} 呢兩個頭盤係買滿$200 加一蚊就會有,生蝦食得出非常之新鮮 ,而海蜇調味就有泰國特色.{豬頸肉沙律} 非常惹味, 豬頸肉又多,絕對可以撈飯 .{拼盤半份} 拼盤真係好抵食,炸物香口 ,串燒豬肉同雞肉大大串燒得好香沙嗲醬又好味, 送酒一流{馬拉盞炒通菜} 食落好香用咗好多蒜頭去炒.{蝦膏炒飯}{香葉辣椒肉碎炒飯} 兩碟飯份量好充足, 炒飯食落去唔覺得油膩, 味道都唔會太鹹.

泰國泰廚房 泰好味你到旺角想食泰國嘢 就去到呢間老字號 雖然招牌翻新咗 但已經食咗超過十年。呢間泰國菜好近地鐵站 火車站一落橋就到好方便 泰式生蝦我最鍾意 叫滿200蚊加一蚊就有四隻 門口有當日是令小菜 適合 唔使點用腦的我 泰式炒金邊粉 泰式醬甜甜酸酸 金邊粉好爽口彈㗎 金邊粉炒落乾心惹味 泰式甜酸比目魚 比目魚帶過 比目魚的肉質爽脆彈牙可口 配合甜甜酸酸的醬汁 非常之好味嘢未 薑汁泰式奶茶 冬天用來成為驅寒就最啱 泰式奶茶嫩滑可口 配上 薑汁 把體內的寒氣驅走