影片
更多
2024-10-21
133 浏览
一餐Thai，勁多海鮮，勁豐富，但勁抵。可能嗎？可能。行入旺角金魚街(寵物街)，除咗有好多街邊小食同茶記，仲有間泰廚，好受街坊歡迎。點解？打開餐牌，完全明晒。一堆堆難以置信嘅價錢 、套餐，仲有額外優惠等等。但同時地方尚算闊落，唔會坐到好迫。淨係咁，未食嘢，我都已經覺得好難輸了。泰式生蝦 (食滿$300/$600加$1/$2)價值$2嘅8隻泰式生蝦(?)，質素係超過其他餐廳嘅正價版本。新鮮，大隻，彈牙，但最緊要其實係夠凍。串燒雞/豬$18，豬頸肉/和牛$28串燒相當厚肉，咬落好大啖，串燒汁就一定係好食。比較特別嘅，係和牛用嘅係酸酸地嘅汁，開胃又解膩。跟住係一系列海鮮…泰式炒白貝 $120嚟到係相當大盤。白貝即係大隻啲嘅蜆。呢度菜式醬汁相當夠，而且完全冇沙。兩個人食足夠有餘。蒜爆鮮海蝦 $109正常食咁重味嘅海蝦，都係要慢慢剝殼。但呢個海蝦特別啲，我好多隻都連殼食😂。份量味道，相當足夠。泰式燒魷魚 $140全晚最抵食嘅菜式。一個魷魚可以分開兩排，可想而知佢原本幾大條。我哋夾嚟夾去好似食極都食唔完咁。肉質相當鮮嫩彈牙，完全冇我討厭嘅痴牙質感，醬料亦相當香口合適。泰式薑汁凍奶茶 $22相當奇特
可能嗎？可能。
行入旺角金魚街(寵物街)，除咗有好多街邊小食同茶記，仲有間泰廚，好受街坊歡迎。點解？打開餐牌，完全明晒。一堆堆難以置信嘅價錢 、套餐，仲有額外優惠等等。但同時地方尚算闊落，唔會坐到好迫。淨係咁，未食嘢，我都已經覺得好難輸了。
泰式生蝦 (食滿$300/$600加$1/$2)
價值$2嘅8隻泰式生蝦(?)，質素係超過其他餐廳嘅正價版本。新鮮，大隻，彈牙，但最緊要其實係夠凍。
串燒
雞/豬$18，豬頸肉/和牛$28
串燒相當厚肉，咬落好大啖，串燒汁就一定係好食。
比較特別嘅，係和牛用嘅係酸酸地嘅汁，開胃又解膩。
跟住係一系列海鮮…
泰式炒白貝 $120
嚟到係相當大盤。白貝即係大隻啲嘅蜆。呢度菜式醬汁相當夠，而且完全冇沙。兩個人食足夠有餘。
蒜爆鮮海蝦 $109
正常食咁重味嘅海蝦，都係要慢慢剝殼。但呢個海蝦特別啲，我好多隻都連殼食😂。份量味道，相當足夠。
泰式燒魷魚 $140
全晚最抵食嘅菜式。一個魷魚可以分開兩排，可想而知佢原本幾大條。我哋夾嚟夾去好似食極都食唔完咁。肉質相當鮮嫩彈牙，完全冇我討厭嘅痴牙質感，醬料亦相當香口合適。
泰式薑汁凍奶茶 $22
相當奇特嘅飲品。大量薑味嘅奶茶，反而令人覺得置身泰國。落單時可以叫少甜/少冰，甚至可以叫佢”濃啲”。
泰式椰汁燕窩 $72
作為甜品，呢個係隱藏大佬。好熱好甜好椰汁，最重要係大量嘅燕窩，飲完個人舒服晒。
兩個人五百幾蚊，食到好似大型海鮮餐咁。睇到個個街坊食完又食，呢度一隻蟹，嗰度一條魚，個個行去cashier都good comment一番 (我坐cashier後面)。所謂街坊餐廳，就係咁簡單。
张贴
