泰廚泰國菜館

营业中

休息中

14/10晚9:30收工約咗呀仔呀女去食嘢，之前都食過好多次，坐位已經唔係舒服，不過食物質素都ok，今次安排咗坐樓上，有個又瘦又老嘅服務員呀姐，態度十分惡劣，一坐低就問我點菜未，我話等埋呀女先，跟住見到隔離枱點菜，呀姐話有一款加$1換特價小食已換哂，咁啱可能人哋聽唔到，就係點果款，呀姐大大聲話頭先咪同你講咗換哂囉！之後到我叫佢落單，佢就不停叫我講啦！講啦！最慶係同佢講要冬蔭公河粉，佢大大聲話乜嘢河粉呀？菜牌係寫薯粉，我話菜牌話可以轉河粉㗎！如果我唔係帶住仔女，我肯定拍枱鬧佢之後走人，如果大家想見識下態度咁差嘅服務員就去幫襯啦！我就唔會再去喇！真係貼錢買難受