泰廚泰國菜館

营业中

休息中

未開始講嘢阿姐已經話：「我聽唔到你講嘢」朋友過緊黎，諗住幫佢嗌左先啦，阿姐又話：「你一次講完得唔得呀？」想加多個菜，阿姐又話：「落左呢啲先陣間再嗌」吓唔係你叫我一次講完嘅咩？同埋要將通菜咁簡單嘅菜炒到咁難食都真係要有啲水平先得

疫情之前閨蜜ABC就已經黎食過,當時我因為工作缺席,只記得佢地話超級好味.然後就相約下次聚會再食過.結果疫情三年,加上之後各自有家庭有小朋友,終於,今晚終於約到重聚lee間泰國餐廳.閨蜜A一早book左位,所以黎到就已經可以上二樓四人抬.我地order左兩串和牛燒烤,兩串豬肉兩串豬頸肉,三隻雞翼,一份馬拉盞抄通菜,菠蘿炒飯同大蝦冬陰功湯.而且食泰國菜,就不得不破戒飲左泰國奶茶.真係好正.但薑汁泰國奶茶都好特別好正,值得推薦.(食到咁上下先記得影相,好多其實都食左飲左大半)串燒好快就上,味道好正.特別係醬料!之後係我最最深愛嘅冬陰功湯,哇,真係正到飛起.隻大蝦應該係龍蝦仔.但我關註點一直係個湯本身就好正.令人想要一飲再飲!馬拉盞炒通菜分量好大,四個人都差D食唔曬!菠蘿炒飯非常足料!大大隻蝦,魷魚同肉鬆.味道適中.講講下口水都流曬.過兩日我肯定又要再去多次.為左冬陰功湯!

位置於金魚街旁邊一間唔太起眼既泰式餐廳。我買左下午茶好多次，真係好抵食，份量又大份，真係估佢唔到。佢地配餐的香茅冰我好鍾意，好味。有一個位要讚既係，佢地的外賣盒有花過心思，有設計，又防溢瀉👍🏻估唔到呢個價錢，會喺小事上都比心思👍🏻

幫襯咗泰廚好多年，見佢一路都冇點加價，現今以咁嘅質素同價錢嚟講，真係算係好唔錯！我偏愛甜辣，所以覺得好啱食😋 不過，尋晚碟馬拉盞炒通菜，啲汁多咗啲，唔得乾爽囉～～唔知收銀嗰位係咪老細？超好招呼，勁有禮貌！👍🏻另外，又見到阿姐有負評，我個人覺得佢係比較有性格同做實事嘅，上面咁多枱，佢一個人處理，又忙又要快手，難免會急咗啲，但待客都會有求必應嘅。我相信佢唔係刻意俾氣啲客受嘅，大家嘗試包容體諒下吖😊

晚上同朋友黎食不用等位上左樓上坐樓上既女待應態度非常差講野又快 未落完單就走左落單時講漏幾隻字都比佢串食物質素可接受既但比錢受氣真係不了另外枱上又有d 小昆蟲衞生情況欠佳

今日食咗兩個lunch set，每個lunch set都包飲品同埋一碗湯，飲品我叫咗青檸冰，而湯就係冬瓜胡椒肉碎湯。一個午餐叫咗泰式炒粉絲，粉絲同平時食嘅唔一樣，比較幼細，佢可以吸收更多嘅醬汁味道，令到成個粉絲都好夠味。另外一個午餐叫咗青咖喱豬頸肉飯，青咖喱同平時出邊食嘅其實差唔多，但係呢一度更勝一籌嘅係佢嘅豬頸肉燒得好香，肉質又好林好軟身。嘢食好食，不過個青咖喱就等得耐啲，而且兩杯青檸冰都唔記得咗俾我哋。

堂食落單，員工大聲叫唔得閒理你好忙。到落單果陣講完又話要等陣，未食就已經覺得唔需要再嚟。仲未計餐廳半滿被安排到尾位冇乜冷氣嘅地方坐唔俾轉位。環境服務差，青檸冰夠酸好飲，例湯好咸，炒牛河味道都唔錯

泰菜豬頸肉配海南雞豬頸肉飯金海南雞，雞肉嫩滑無骨，豬頸肉配店內秘製燒汁全個層次提升，再配椰青水，食得好爽快咖哩軟殼蟹配薄餅炸軟殼蟹金黃鬆脆美味可口，配搭濃味的泰式黃咖哩汁十分惹味。有白飯，配蒜蓉包，好食到停唔不了口。泰式生蝦刺身鮮蝦新鮮白淨入口爽脆，就算唔點辣醬夾蒜蓉片食都好好吃，蝦隻肥美大片好有滿足。冬陰功湯酸酸辣辣好可口，飲完令人大開胃口食指大動，一定要點唔好錯過。👍👍隱世泰國美食值得推介大家有時間就來試一試啦。

難得約到相聚先嚟一個必嗌嘅蒜蓉包，冇得頂又脆又多蒜蓉。仲好味過上次之後叫咗馬拉盞通菜，唔可以話唔好食，不過真係好咸，凍咗就完全入唔到口。上次嘅咸魚炒芥蘭好好多。生菜包保持水準，好味，不過唔夠辣。魷魚係好大碟，但唔係好覺燒完咁囉！不過真係要讚吓個椰青，新鮮，鮮甜今次嗌咗個拼盤，啱晒我哋呢啲選擇困難症嘅人，乜都有，少少哋。最後餐廳有一個優惠，食滿唔知幾錢就可以用1蚊換其中一款食物，咁我哋就要咗生蝦，唔吸引，唔知叫唔新鮮定唔好味。上次海蜇頭好味啲咁囉！今次得兩個人，嗌唔到海南雞，都有啲懷念，下次可以再試

好耐冇黎喇，今次特登再去幫襯兩個人都叫左好多野食等左一陣 第一道菜係燒雞翼我鍾意佢夠汁多，不過已經唔同以前係出面燒， 而家係係廚房煮好再拎出嚟本身都幾期待，點知一咬..唔熟嘅…..同職員講都立即話換過俾我地，雞翼一早整好再翻熱，所以唔夠新鮮juice,肉質比較硬，唔係好推介蝦餅好彈牙，又夠脆，每次黎都會點👍🏻椒鹽海鮮炒飯有兩隻大大既蝦，有青口魷魚，都好好味，啲飯唔會炒得好硬👍🏻晚市夠$300就可以加$1生蝦，非常抵食！個汁酸少少會更好味😋椰菜苗平時少見啲，同未食過，原來都幾好食，成碟清晒！榴連波波即叫即炸，榴連控可以試吓，同平時放題食開個啲味差唔多泰式奶茶同青檸檬茶泰式奶茶好香，職員介紹試青檸檬茶，唔洗篤都好香青檸味，同平時既凍檸茶味道有少少分別，我始終鍾意港式檸茶多啲，仲有！飲品記得少甜！我地叫左少甜味道岩岩好😆總括嚟講除左雞翼之外，所有食物都好好味😋雖然餐廳環境係真係麻麻地，不過我會再黎幫襯

今晚真係好難得約齊人聚舊，又要就齊人，又要啱放工時間同就腳嘅地點，真係好有難度，好彩呢間有得訂枱啫！地方就唔係好夠我呢啲身型嘅坐.不過講到食物真係好好味。先嚟一客蒜蓉包（勁好味）有機會外賣佐酒都一流，今次再嗌咗生菜包（人多可以要兩份），勁大個菠蘿炒飯（是日特價），海南雞（又真係幾滑），串燒（和牛，豬，雞，豬頸肉）。咸魚炒芥蘭一定要嗌最後連幾杯飲品都夠晒冰涼最衰今次掛住講，冇影食物相。下次幫襯真係要相機食先

下午茶牛肉冬陰功河粉配青檸冰＄33光顧多年的小店，難得於下午茶時段到訪，裝潢如傳統茶餐廳一樣。如果你喜歡很酸但微辣的話，不妨可以試試這一個。湯底濃烈，牛肉稍遜一籌，不過牛肉份量多且大件。個人比較推薦午餐的冬陰功湯飯，順帶建議少飯，因為正常飯量會落椰奶，然後酸辣味就會明顯比較淡。

每次經過聞到好香，想試咗好耐。佢哋嘅午餐真係好抵食！份量夠多而且全部都好惹味！叫咗一個泰式肉碎煎蛋飯，泰式炒金邊粉，唔會太油，好正宗嘅泰國味道。👏🏻😋食食吓好開胃，於是叫多咗份大蝦同木瓜沙律，佢既蝦食落好新鮮，不過以$200黎講感覺會偏細隻啲，木瓜沙律個汁一流，酸酸辣辣勁開胃🙈整體有8.5-9/10分，絕對推薦大家過嚟食！食咗五六樣嘢暫時都冇伏👍🏻👏🏻🙈💕而且好近旺角地鐵站，食完仲可以喺附近睇吓貓貓狗狗添😛

其實都講講，我係呢間店幫襯左好多次🥰🥰🥰因為真係好好食呀，用心記住既一定係呢間！！位置係太子花園街m記下面地舖，有2層！上下好多重點野食推介！第一：菠蘿海鮮炒飯，真係十級好食呀,菠蘿唔酸，海鮮超足料好好食，有青口，大蝦等等，重點係好香好開胃，加上肉軟綿綿既肉鬆！食完再想食！之後就係冬陰功湯，超多香茅好香，配上秀珍菇，芫茜香上加香！飲完再想飲多2碗！之後，仲有串燒醬汁好香好惹味！！仲有就係海南雞飯，雞件好滑，加上甜醬油好好食，當然仲有炸魚餅蝦餅絕對唔小得啦🥰🥰最後飲品我叫咗個椰汁冰，呢間野質素食左十幾年都冇點變過！！gd ar

是新開幕的店家內用有9個位子，目前暫時不能訂位聽說這家甜點很厲害但老闆最近燙傷了手不知道是不是因為這個原因所以那天去沒有甜點😭希望能好好養傷早日康復啊！■特製打拋豬一上來被份量嚇到很大的盤子 飯不是只有擺一半而是滿滿的飯 而且打拋豬的份量也很足吃下去 九層塔的味道非常的香配著酸辣酸辣的味道以及脆不嗆的洋蔥再加上那半熟蛋！咻咻咻就完食了份量足但也很開胃甚至吃完還會想讓人點第二碗(⚈ ̍̑⚈͜ ̍̑⚈)也想要每天都來吃 真的是很好吃！這個的辣度固定 不過我本人吃很辣所以覺得微辣 但朋友倒是覺得蠻辣的😆■泰奶