泰廚泰國菜館

营业中

休息中

呢個暑假冇得飛番轉曼谷/清邁真係有啲可惜…不過喺香港你慌難搵到好嘢食咩😏即刻飛落旺角就食到地道滋味啦！Let's go！.呢間食店每次經過都見到有人排隊等買串燒！ 一於入去食個晚餐🍴發現佢哋星期一至日都有優惠菜式！(但今日星期三果款我哋唔啱食冇叫😅)先嚟兩串✨雞肉串燒沙嗲$15@✨即叫即烤仲淋上咗微微香甜嘅沙嗲汁好鬼惹味！跟住係餐牌上推薦嘅✨乾咖哩炒牛肉$80✨果然同一般食開嘅咖哩有啲唔同呀！聞落幾香幾特別！汁料甜甜哋！而且牛肉份量好足又唔韌！配埋豆角菜肉平衡👌再嚟逢食泰菜必叫嘅✨馬拉盞炒通菜$67✨偏辣少少！通菜都都炒得青翠😌無話黃哂！仲有叫埋澱粉質至夠飽架！✨泰式海鮮炒飯$75✨係睇得出嘅咁足料！除咗面頭有一堆櫻花蝦之外…仲有大蝦, 青口, 魷魚等等！而且炒得都夠鑊氣呀！食咁多嘢緊要飲番杯冰凍嘅✨咸檸七$22✨啦！成餐晚飯完滿哂！. 另外每點小菜滿200蚊可以揀一款『一蚊雞菜式』❗❗咁抵！就揀咗✨泰式生蝦✨雖然只得四隻！但係肉質絕對彈牙新鮮！超級性價比高！一蚊仲想點呀😍😍

成日經過比門口的串燒香味吸引住，今日就決定入去坐低慢慢食😋即刻叫返幾串先，豬雞各15元@1串，雞翼18元就要兩串雞、兩串豬、兩串雞翼，加上濃厚的沙嗲醬，好惹味🤤🤤下午茶餐要左個香茅豬扒撈檬加青檸冰$45好大碗，豬扒醃得入味炸得香脆，檬粉夠大碗，配菜都夠豐富🤤特式午餐-泰式豬頸肉炒飯加熱檸水$58豬頸肉又爽又多，炒飯不油膩，好香口，大碟👍🏽😋老闆話每星期轉一次，唔使怕悶最後要多個肉碎粉絲湯$60叫了咁多重口味野，要返個清淡些的粉絲湯，特別好味，材料一樣咁足，肉碎、粉絲、蔥、菜、紅蘿蔔🥕熱檸水、青檸冰酸酸甜甜好正全部埋單259元，飽到夜晚唔使食晚飯😅😅

女朋友最鍾意去旺角寵物街道睇小動物 而喺呢條街既街頭有間已經開咗好多年嘅泰國餐廳 我哋就入去食咗個豐富下午茶豬頸肉撈檬 大概有六七片豬頸肉 凍檬粉啱啱配上魚露酸酸甜甜 清新開胃 適合夏天馬拉盞肉片炒河炒河有鑊氣香口又惹味 裏面有肉片 蛋粒 青椒 芹菜等等 而且呢度用上我最鍾意嘅大片河粉 比起平時乾炒牛河一條條嘅河粉更有口感薄餅配青咖哩薄餅炸到脆卜卜 香而酥脆 配埋青咖哩 好味推介以上三個嘢食都跟嘢飲 香茅冰同青檸冰仲唔使加錢㖭香茅冰香茅味濃清涼加五蚊叫咗青檸梳打 配原枝玻璃樽嘅泰國梳打 超抵飲沙嗲串燒 叫咗雞肉 豬肉 和牛各一串呢度嘅串燒簡直冇得頂 尤其雞肉嫩口 豬肉爽口 沙爹汁亦一流馬拉盞炒椰菜苗椰菜苗平時喺屋企比較少會買到 所以通常我去泰國餐廳都會叫馬拉盞炒椰菜苗 呢度嘅馬拉盞炒椰菜苗夠濃味 我鍾意咩餐埋單先300蚊有找 抵到爛 特別係佢啲中午下午茶餐嘅價錢同份量真係抗疫價

天氣熱熱地，想食吓泰菜，酸酸辣辣特別醒胃。喺旺角一行落天橋就見到此店-泰廚。睇落幾抵食，星期一至五都有菜式特別優惠。而且食滿$200，仲可以叫一蚊嘅小食。送嘅生蝦幾新鮮，蝦肉彈牙，個青綠色的汁特別好味，清甜又唔會過辣。串燒雞及牛，個沙嗲汁好香，有花生香又好惹味。我最愛的泰式豬手，豬肉夠嫩，外皮一夾就化開，必須有的配菜-酸菜都好有入味，點理個酸酸甜甜嘅泰式汁，就冇咁油膩。辣椒膏炒青口，泰式嘅辣椒膏，加埋好重香茅同埋九層塔嘅味道，味道非常之濃郁，青口份量好多，都有成八九隻。泰式咖喱雞，咖喱汁勁送飯，配埋蒜蓉包就一流，飯都唔使叫都好飽肚啦！餐廳餸菜都幾大碟，啲醬汁特別出色，唔怪之啲人叫外賣都叫佢俾多啲汁。價錢算幾公道，仲有咁多優惠，係旺角來講是不錯嘅選擇。

旺角向來都係平民餐廳所在的集中地，當中泰國菜館唔算當，今日就揀左間近地鐵站嘅餐廳試下。當天是下午茶時間，人唔算多，可以上二樓坐下，相信人多時候亦唔需要點等位。我們先點了份火車炒飯，火車炒麵用甜醬油炒成，所以食落甜甜的，很適合小朋友進食，當中亦有加入些雞肉，菜，雞蛋等炒成，增加口感外，亦帶來不同層次的味道，相當有趣。然後是點了下午茶中的豬扒撈檬，豬肉上加了點炸蒜，增加香味，豬肉亦製得香口之外，亦保留了滿滿的肉汁，值得一提的是店家很貼心地預先切開了，很細心。撈檬，配上酸酸的醬汁，更是相當開胃，全果比我全部食曬，很是出色。下午茶時間人均$50，便食到好飽，果然平民餐廳係大件又好食。

超粗黑眼缐女侍應語氣差到極點，佢的對答—-》講啦！電腦未得等等啦！講！冇！再講多次！張枱比個位黎呀！一係唔應機！完全覺得自己好似欠左佢甘！我地9:00想再點燒魚，就話煮都要45分鐘，你哋食唔切，我地收十點，最後我地冇再叫其他野叫佢落單，慘過問呀媽攞＄！間野員工態度一般，一向都係，平時都係外賣多，估唔到坐係度，感受係甘!食物方面串燒都很好，生蝦&海蜇頭唔爽餐廳的廁所極度原始，要攞個筒裝水，冲個痞廁

泰式豬頸肉湯河茶餐好思念冬陰功湯，+$5可以將個湯底轉為冬陰功湯底，味道很香濃，豬頸肉經過炭燒後份外惹味，還帶有少少爽口感覺跟餐仲有杯青檸冰，在炎炎夏日十分解渴 泰燒和牛串少有泰式店舖會有和牛串，只需 $25 就有一串，份量都叫做多(因為厚度取勝)價錢合理，還配上自家制的醬汁，真係要一人一串先會過癮串燒沙嗲叫左一串豬肉同一串雞肉的串燒，食得出真係即燒出來的泰式炸蝦餅炸蝦餅因為都幾大塊，店舖幫我們切開一半，蝦膠好彈牙又熱辣辣店舖有兩層，坐位舒適又闊落，店員似係泰國人感覺很地道

泰國菜式選擇多兼五花八門，而五花八門的調料配備強烈香料作靈魂為美食添出新趣味，在眾多傳統菜式當中保證會有一款合你的胃的確讓人滿心歡喜 !細嫩鮮味嫩滑用上錫紙包著上枱，肉質少骨夠地道融入烤出昀味道既吸引而不膩很讚，原汁原味封在魚肉身上啖啖清新口感細緻迎合不同口味的你以質取勝好夠熱度，味道香濃紮實一串串Order食幾多叫幾多份量、採用即叫即燒將肉塊醃製拌醬汁燒增添口感味蕾，難怪Q彈入口即溶澎湃外脆經油煎過程非常香口，金黄色澤外皮身影混合蝦膠打至起膠，食夠$200再送四選一簡單一頓菜滿有驚喜

難得疫情稍稍平靜，大家都出來聚聚見吓面，就簡簡單單食個泰國菜先，但又何須去九龍城，因旺角都有間不錯嘅泰國菜館「泰廚泰國菜館」其實這間泰國菜館就在很多人都常去的寵物街，一落自動天橋便能看見，餐廳雖然不算太大，但有兩層能接待食客，裝修不是太奢華極為樸素使人感覺很舒服分別有很多唔同的菜牌及每天推介、更有一些只需加很少錢便能品嚐的美食頭盤叫了一個《泰式明爐烏頭》，當然唔少得上枱時有文火烤煮，魚的份量很足夠兩至三人享用，食落口很鮮甜軟滑今天適逢星期四，所以除推介《明爐蒸烏頭》外更可加$1享用泰式生蝦，咪以為只係一蚊雞，但係生蝦也很新鮮彈牙食得泰國菜，豈能少得《泰式炒通菜》，食到尾，通菜都不會很油膩，蝦醬味也不會鹹，通菜仍保持爽脆另外加叫了一個小食拼盤，雖然是細拼盤但係份量都很足夠有爽脆的蝦片啦，串燒豬肉及雞肉，還有蝦餅魚餅每件都彈牙多汁鮮嫩飲品就叫了一杯龍眼冰＠珍多冰，兩杯冰冰都很好味，又不會太甜正中和剛才所食的食物

旺角行完街搵左間泰國野食😋 抵到我都唔信🤣😂🤣😂「小食拼盤-小」蝦餅，魚餅，雞肉串，豬肉串，😄唔錯唔錯👍🏻多款小食，而且串燒剛剛燒起，配上沙爹醬😋正呀！「大蝦冬陰公湯」大大隻大頭蝦，而且仲有肉食😋「泰式炒金邊粉」份量大碟，材料足夠👍🏻「泰式豬手」豬手炆得夠淋，尤其最正係外皮😍「泰式生蝦」$1 抵到癲左🤣😂🤣😂 而且新鮮呀👍🏻備註：🔺每天都有指定菜式優惠，抵呀👍🏻🔺惠顧$200，可以$1換小食，抵呀👍🏻🔺樓上雅座😄😄

這一間泰國餐廳門口有串燒檔吸引了我的眼目燒得又香又靚，決定入去試試！-1. 串燒揀左兩串雞，一串和牛熟度剛剛好，熱辣辣！肉質嫩！加上香濃沙嗲汁！勁好食！-2. 燒豬頸肉份量多！而且肉質好幼嫩！特別推介！醬汁酸甜辣度混合得天衣無縫！好足香料味！-3. 炸春卷拼蝦餅炸物都係熱辣辣！好香口！春卷餡非常多！蝦餅肉質彈牙！-4. 馬拉盞炒菜菜勁入味，但又吾會太咸！必食之選！-5. 推介飲品：龍眼冰龍眼嘅數目非常誇張！一杯有十五粒！好！足！料！甜度岩岩好！未見過咁足料的餐廳！-重點介紹一蚊小食！我揀了生蝦！一蚊有四隻！勁抵食！隻蝦大大隻！肉質彈牙！推介！希望下次叫埋其他試下！-餐廳環境充滿泰國風情而且每一日餐廳都有不同的優惠！係旺角食泰菜都有這高水平，又咁抵！大家都去試下啦！

今日同屋企人出旺角買野，諗住係附近食埋晚飯先返屋企，就揀左間泰廚泰國菜館食晚餐。惠顧滿$200加$1就可以係四款菜式任揀一款菜式，我地揀左泰式生蝦，生蝦質感鮮甜，配上生蝦汁非常美味。泰式海鮮湯夠酸夠辣~，對於屋企人平時都食小辣程度既味覺黎講，覺得辣得好過癮，但都一邊流鼻水一邊食。所以如果平時怕辣或者係吃小辣既朋友，可能會覺得有D辣! 泰式咖喱軟殼蟹係屋企人必點既食物，黃咖喱有著濃濃既奶香味，軟殼蟹吸附著濃郁的咖哩醬汁。軟殼蟹炸得酥脆，一口咬落去裏面係滿滿的蟹肉，勁推介👍泰國椰青大大個，好多汁，椰青味非常濃郁，清甜解渴。

今晚好想食泰國菜 就黎試下啦 平時成日路過今日終於有機會啦滿200蚊可以加1蚊有生蝦個汁好正宗沙嗲串燒（豬/牛/雞）好夠味馬拉盞炒通菜 好好食太陽蛋肉碎炒飯 超級好食加埋椰汁冰冇得頂

每次朋友叫我推介泰國菜，泰廚都一定榜上有名！其實每隔一段時間就會返去食，今次終於的起心肝寫返篇食評！餐牌唔多講，泰國菜要有嘅都應有盡有。值得一提嘅係，星期一至日，每日都有一款菜式做優惠價，超級抵食！另外如果叫滿$200，仲可以用超抵價$1換一款小食或者甜品，大家記住唔好走寶！今次同男朋友兩個人，叫唔到好多嘢食 ，我哋揀咗肉碎生菜包、黃咖喱海鮮、薄餅、優惠價嘅泰式明爐烏頭、+$1換嘅泰式生蝦、珍多冰同埋青檸梳打。泰式生蝦$1有四隻，真係抵到不得了！配上泰式酸辣汁、蒜片同辣椒，作為前菜真係超級惹味。之後就係肉碎生菜包，唔好睇佢一碗好似好細，其實份量十足，夠包晒咁多塊生菜！  黃咖喱海鮮入邊有魷魚、大蝦、青口等，材料夠多，香濃咖喱汁配上薄餅，真係perfect match!泰式明爐烏頭真係原條連埋火爐一齊上，另外店員仲好貼心仲俾咗碗湯，等唔夠嘅時候可以在加湯。烏頭魚肉嫩滑，湯底用上唔同嘅泰式香料，味道酸酸哋又係開胃之選！   老實講，泰廚真係名副其實又平又好食！之前嚟嘅時候都試過其他嘢食好似串燒、小食拼盤等，全部質素都好好！今次兩個人食咗咁多嘢埋單都係$342，人均$170，真係好抵！之後都

位於旺角天橋附近的這間餐廳不算顯眼，，於是便試試看，餐廳內有不少泰國文化的裝飾，例如國旗、泰王畫像，感覺像是當地人開的。餐牌選擇很多，圖文並茂，而且菜式名中、英、泰文都有。先上菜的是火車炒飯，用料很多，有蕃茄 菜心 雞肉 雞蛋等等。另外點了青咖哩配雞肉，味道鮮甜，除了青咖喱特有香料和雜菜外，上面還鋪了一些瑤柱絲，香氣十足，而且是無骨雞。然後我們點了一個馬拉盞炒雜菜，可以看到醬汁鋪滿在芥蘭、椰菜、西蘭花上面，雜菜爽口，而且辣度適中，配上青咖喱和炒飯剛剛好。 另外，點食物滿$200還會送自選小食， 我們選擇了生蝦刺身，肉質鮮嫩，配以泰式酸辣醬汁，雖然是額外送的，但是份量都算多，我們差點吃不了所有食物。