泰廚房子 (德福廣場1期)

营业中

休息中

最近德福裝修完之後就開左d新餐廳，呢間泰國菜就係其中一間，係泰國人主理嘅泰國菜，望過餐牌唔貴又幾吸引，就入黎試下喇～馬拉盞炒椰菜苗$72食泰國野必點馬拉盞，鐘意佢咸咸香香嘅味道～呢度嘅馬拉盞夾雜住粒粒蝦米仔，食落仲多左分鮮味酸辣鳳爪沙律$72沙律菜加入洋蔥、甘荀等等，鳳爪係無骨的，方便食用，沙律都幾辣下，鐘意食辣嘅朋友一定要試泰式海南雞飯配冬瓜湯$85海南雞可以單點或者跟飯同湯，一直覺得油飯同冬瓜湯先係精華所在，一定要點埋一齊食～油飯夠香，唔會好油，去左骨嘅海南雞飯，肉質嫩滑，性價比好高海鮮喇沙$88大大碗超足料！海鮮有大頭蝦、魷魚、青口、豆卜、蛋，仲有兩條炸腐竹，米線底索晒個喇沙湯底，好好味～泰式奶茶餐加$18同泰國飲到嘅奶茶味道係一樣！鐘意飲奶茶嘅人必試！芒果冰沙餐加$22 朋友話無加糖水，好天然，幾好飲芒果糯米飯$45雖然已經好飽，但係再食埋呢個甜品就完美喇～趁糯米飯仲熱時食，芒果好甜

同男朋友無獨有偶，兩個都好鐘意食泰國菜，今次就發掘左呢間係德福既Khap and ka環境方面，二人枱唔算大張，但勝在坐得舒適，三至四人既話有機會安排喺梳化卡位。（當晚早早就黎到餐廳食飯，比較幸運既係當時人流未算好多，所以不用同其他人搭枱呢：）但七點過後，餐廳可以用座無虛席黎形容！人流相當多～假日既話恐怕要提早預約以防花上好多時間去等位呢～）落左單之後，食物好快就一一送上了，效率不錯。首先嚟嘅係沙嗲串燒（雞肉）$72六串，好抵食每串都多肉！雞肉嫩滑多汁，燒得好好，上枱既時候熱辣辣，正個沙嗲醬極富花生香，微辣，十分惹味泰式炒通菜 $62辣度介乎小辣至中辣之間，通菜唔老而食落爽口泰式青咖哩豬 $78咖哩好香椰奶味，微辣香甜，啲茄子吸哂啲汁都變得好好味呀豬肉應該係用上了豬頸肉，爽口而不失肉香～咖哩當然要配上蒜蓉包啦～ ($20)蒜蓉包上枱嘅時候熱辣辣，同出邊嘅蒜蓉包唔同，呢度嘅蒜蓉包好柔軟，十分適合蘸咖哩汁食用，本身亦都香得令人食指大動經典肉碎生菜包 $68肉碎份量非常多，所以相對下生菜就比較少，最後都食淨唔少肉碎肉碎瘦肉比較多，感覺比較健康味道方面就冇太大驚喜呢個泰式奶茶（$28）好特別呀

✿╮❤╭✿ ✿雜感女生 好味日記✿ ˚*•✰。泰廚房子．泰滋味。✰•*˚ ✿✿舌尖上的德福✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 去德福探朋友，順道一試新店子「泰廚房子」 由泰裔大廚掌舵，味道真有特色 既有服務周到的泰國、香港店員 卡位設計也令人感覺舒適自在 泰式炸蝦餅 $78 香噴熱辣又彈牙，有水準 更要留意的是：配來的醬料是大廚自製 朋友一試就知是用了梅子、蜜糖 味道與坊間的現成醬料不同，清爽甜味突出 招牌海南雞(半隻)$88 去骨雞肉香嫩，入口滑而不帶肥膩 三款醬都與別不同，我又用了炸蝦餅的配醬 帶出另類鮮味 泰式炒芥蘭$62 清爽不老，泰式炒法香口惹味 保留了菜的鮮綠與爽口，好味 泰式炒鮮蝦金邊粉$78 有鮮甜大蝦，配上泰國人最愛的花生碎、小辣炒 蛋香包住炒香了的飯粒，滋味無窮 冬蔭功(小)$85 足料香辣，有醒胃的香茅和酸香 更有小龍蝦坐陣，味覺充滿海鮮與辣味刺激，好好飲 泰式凍奶茶+青檸梳打 $28@ 泰國菜必備飲品！一款賞心激甜，一款清爽解渴 我真心喜歡這種來自泰國的香茶味

是晚朋友們約食飯其中一個老友系九龍灣番工由於佢經常都無得準時收工為免大家久等，所以都選址九龍灣🙈😂Openrice 搵到呢間新開既泰菜館感覺都吾錯，大家一致同意食呢間由於我放得比較早 6點45左右我已入座等佢地，好彩佢地都好快到其中我地揀左以下菜式海南雞半份d雞肉都好滑，配上不同醬汁，好味👍🏻瑪莎曼咖喱（牛）呢個咖喱汁可以揀選牛或者羊我地揀左牛肉, D肉片肉質都算軟腍，吾會硬實個咖喱汁非常惹味, 我地叫左個蒜茸包來配個汁睇個蒜茸包賣相無咩特別, 食落口出乎意外地鬆軟淋D咖喱汁上包面, 簡直一流 !海鮮喇沙用料都算幾豐富, 湯底都可以, 個人喜好來講如果再重D椰香同再辣D就仲正泰啤呢個都幾好飲，清清涼涼芒果糯米飯芒果夠熟甜甜地暖暖椰汁配上香軟糯米香，吾錯

約左阿媽食飯，於是又去試新野，上網見到呢間泰國餐廳新開又好多好評於是黎試下佢因為我好喜歡泰國，泰國菜啱晒我7 點未夠去到門口已經有好多人等位，之前打黎問，話未有得訂枱，想吃，那只好等位吧！！唔知係咪間野太新，服務員唔係好熟手，望落比較高級的都唔係好適合做呢行囉，態度有待改善呢度地方唔大，由以前1間餐廳，間開左做3間，枱數唔多，但好鬼嘈囉，想講野要坐隔離先講到。想坐多陣傾下計都唔得。。。講返野食先，叫左招牌海南雞飯，青咖喱羊架，馬拉盞椰菜苗，蒜蓉包，泰式奶茶同青檸梳打。先講飲品，2 杯都淡茂茂泰式奶茶好似奶水咁，青檸梳打又係加糖水沖個d, 仲要落得勁少糖水，咩味都冇。至於食物方面，相對比較好。青咖喱味道適中，羊架煎得香脆入味，可惜咖喱汁太少，唔夠點蒜蓉包。蒜蓉包ok, 用左牛油餐包去整，所以比用法包去整，更香更甜海南雞飯的油飯質地出色，但偏鹹，海南雞肉嫩但缺少了一點味道。總括而言，試過就可以了。

起動哦@Khap&Ka泰廚房子九龍灣偉業街33號德福廣場一期平台 P8A號舖是，又到照護妹妹小孩的日子，方便我接送，走不出九龍灣，幸好近來多了很多新食肆，當是試新餐廳我自己也忙中作樂。泰國廚師坐鎮，保証食到都是正宗風味哦！燒雞半份$98，每餐都要吃肉，低澱粉減肥讓我狂吃肉都瘦下來，又唔會涯餓。燒唔會肥，醃的入味食時就唔會淡而無味。留意要得30分鐘先有，因為是即烤，皮色澤好靚。黃薑飯$20，薑可以去濕，又添了點雞湯香，用來配雞妙妙妙。要加返蔬菜平衡，鮮蝦柚子沙律$88，大大隻蝦加埋多汁多水份，味道爽甜柚子肉，撈埋酸中帶辣泰國香料的醬汁,炸蒜乾蔥魚露同腰果，但乾蔥份量佔重多，太略為重味濃郁同鹹辣。這店子晚市好多人，証明受歡迎又好味，九龍灣真是個美食小天堂。

德福開左間新泰菜，聽講都吾錯，老豆同媽子都好鍾意食泰菜，但去九龍城交通又吊腳，見到近近地德福開左間新泰菜餐廳，梗系要帶爸媽來試下啦😁是晚我地6點半左右就來到，食到7點多d時已坐滿人客，仲有人系外面等位添。我地早到所以一行4人被安排入座好寬闊既梳化位，真系好闊既位，坐6個都鬆動🤣 坐得好舒服😌睇下餐牌，一般泰菜有既菜式佢都有，我地都揀左一輪。最後揀左👇🏻👇🏻👇🏻青木瓜絲沙律 $68食材好新鮮爽口，味道甜酸好醒胃，食落比平時一般沙律辣啱曬老豆呢D好喜歡食辣既人，佢讚不絕口招牌去骨海南雞(半份) $88話明招牌無理由吾試下啊，點半份來試下，點知份量都算多而且肉質好嫩滑，媽子都話好滑而且有雞味😆椰汁雞湯(大) $95呢個係我食泰菜都幾鍾意食既一個湯，鍾意果種豐厚既味道濃滑既椰香，食落有冬陰公既味道同香味..我飲左兩碗...🙈菠蘿蝦魷魚炒飯 $88呢個飯有好豐富的材料，飯粒乾身，腰果幾脆口干咖哩炒軟殼蟹 $98呢個夠惹味，咖哩好香濃，軟殼蟹脆脆地，配上蒜茸包....好味😋蒜茸包 $20一開始睇呢個包外相一般般，食落原來超鬆軟，包面淋上咖哩汁，好快就食左兩塊包...個菜好爽口又惹味，好好食兩老都好

星期六約咗朋友去九龍灣行街同睇戲，當然要搵地方食過飯。德福有好多新食府，我揀咗間泰國菜館，雖然地方小小，不過我哋非常好彩，去到還有一張枱。餐廳出餐好快，但我哋見到好快已經要等位。先呢一個鮮蝦柚子沙律，柚子多汁鮮甜，鮮蝦又爽口彈牙配上少少辣嘅泰國風味，真係特別醒胃。經典肉碎生菜包好食到離曬譜。碎肉有肉汁配埋九層塔再俾啲新鮮翠綠嘅生菜包住，熱辣辣咁食落口，好滋味。炸蝦餅又係一樣傑出之作。去到泰國都唔係度度蝦餅好食。佢唔單止爽口彈牙，食落中帶有肉汁。要小心食，嘴都會熱親燒傷。芒果沙冰雖然等得耐咗少少，但係佢用咗泰國嘅水仙芒，飲落香味濃郁，特別透心涼。 飲埋龍眼冰唔好以為普通嘢。龍眼嘅香味充滿曬口腔，上面再放兩粒龍眼肉，又有視覺又有口感。今次食咗幾款嘢都非常好，下次要先打電話留位，約多啲朋友再嚟，可以食多幾款嘢。

近期德福廣場一期的平台餐廳進行裝修，係原中國銀行舊址分拆了兩間餐廳，一間主打中式粥粉麵飯，另一間就主打泰國美食。小弟就揀咗喺主打泰國美食嘅餐廳食飯。由於本身比較早去到餐廳食晚飯，約傍晚6點鐘，所以唔需要等就可以入去。當晚總共點左四樣嘢，分別係炒金邊粉、雞肉串燒、馬拉盞炒通菜同札肉雞絲湯金邊粉。想喺度分享嘅係客人比較常點嘅泰式炒金邊粉同札肉雞絲湯金邊粉。先講講泰式炒金邊粉，本身比較期待呢個金邊粉嘅主要原因係餐牌上展示該金邊粉嘅面蓋上左一層金黃色嘅蛋網，賣相頗為吸引，但到上菜嘅時候就發現無左原有餐牌上嘅蛋網，有少少失望。幸好，金邊粉的味道力保不失，餐廳賣嘅泰式炒金邊粉無一般喺香港嘅泰式餐廳所食到嘅炒金邊粉咁有好濃嘅甜酸醬味，相反，成碟金邊粉充滿非常濃郁嘅羅望子醬味道，加上有少少辣味，非常惹味。至於，札肉雞絲湯金邊粉方面，餐廳嘅札肉頗為鮮味，雞絲連帶黃油雞皮，因而金邊粉沾到少少黃油味，湯底亦甚無味精的味道，所以食完都無口渴嘅感覺，可以一試。

九龍灣真係冇幾多間Thai Food restaurant，德福個邊開左間新的，裝修幾contemporary又有格調。聽聞係泰藉主廚主理，菜式又相當地道，放工就去試一下。餐具都好有特色。招牌海南雞半份($88)都幾大份，雞肉好滑溜，配薑蓉、泰式酸辣醬和醬油。黄薑飯($20)很入味。鮮蝦柚子沙律($88)有不少大蝦和柚子，仲有脆脆的腰果，味道偏辣，但係好醒胃。泰式炒椰菜苗($72)炒得很香，少少辣，新鮮的菜食幾多都得。青檸梳打($28)和泰式奶茶($28)椰汁千層糕($38)賣相十分精美，而千層糕的椰汁味濃郁，真係唔夠食。Encore甜品芒果糯米飯($45)，熟透的芒果好甜，糯米飯夠咬口，配椰汁和白芝麻食，味道不俗。下次要試下椰子肉雪糕和椰汁木薯。

我們的聚會選址九龍灣德福商場，這個地方很方便，幾個朋友放工後來這裏都很方便。 餐具幾靚，美中不足的是崩了一點點。鮮蝦柚子沙律，柚子多汁，調味偏辣了一點。我注意到幾乎每枱都會點炸蝦餅。蝦餅彈牙、爽口，炸得香脆，吃起來不會油膩。用筲箕擺放蝦餅，賣相吸引，多餘的油分會從竹枝間滴到桌上。雖然會弄髒桌面，但蝦餅會比較乾爽，使蝦餅口感更出色。炸軟殼蟹味道不錯，可是炸的時間控制得不好，不夠香脆。不過，只需$78 就能吃到這個質量軟殼蟹，的確相當不錯。肉碎生菜包的味道是酸辣為主，用生菜包著肉碎來吃，味道適中。肉碎帶一丁點麻辣，香料味道重，我十分喜歡。沙嗲雞串燒，肉質比較鞋。沙嗲汁是典型泰式的，味道不錯，但始終不及港式沙嗲香。招牌去骨海南雞，叫得作招牌菜，果然不負所望，雞肉非常嫩滑，非常出色。不沾醬汁的話，味道會略嫌淡一點，沾一點點醬汁，味道會更佳。泰式豬手的肥肉比較多，不過豬皮及肥肉很爽口，多吃亦不會膩。食物真的很不錯，水準很高，而且價錢不貴。其實我們很想吃甜品，但我們吃得相當滿足，已經吃不下甜品了。下次再來的時候一定要試試甜品。

朋友係九龍灣返工，佢約我同老公今晚去德福新開的泰國餐廳食泰菜，佢之前已經食過一次覺得幾抵食，所以推介我地呢d九龍東之友一齊去刷返餐。😀我地係門口等左一陣就有位，餐廳唔大間不過座位都唔迫。我地幾個每人揀幾款，結果點左好多野食。小食我地點左生蝦，炸蝦餅同蒜蓉雞翼。我唔食生蝦，不過朋友都覺得生蝦爽口鮮甜，炸蝦餅我食左一件，外層香脆，蝦餅彈牙，蒜蓉雞翼好惹味，炸蒜味道濃郁，$58有好多隻，都幾抵食。👍我好怕辣，不過呢個冬蔭功我都飲到，酸酸辣辣，蝦味都重，而且蝦肉爽口，大冬蔭功分到六碗左右，份量都好多。海南雞半隻都好多，雞肉嫩滑，去左骨食得好爽。😙咖喱我地揀左羊架同炒軟殼蟹，兩款味道完全唔同，瑪莎曼咖喱比較多咖喱汁，椰香味濃，我地加左白飯同蒜蓉包配咖喱汁食，好夾。干咖喱炒軟殼蟹味道比較似椒鹽，好香口，軟殼蟹份量都多。飲品大部份都係泰式特飲，我地點左泰式奶茶，芒果冰沙同龍眼冰，味道都唔錯。最後當然要食埋個芒果糯米飯啦，芒果好甜，糯米飯充滿椰香味。我地飽到要捧住個肚走。😂

之前睇網上嘅介紹, 知道德福廣場平台新開左間由泰裔大廚Smith. S 同埋佢泰國團隊主理嘅泰國菜, 叫Khap&Ka, 泰文中Khap同Ka係指男仔同女仔。我同兩個老友都好鍾意食泰菜, 難得係九龍灣咁近大家嘅地方開左間泰菜, 我地當然要聚埋開返餐啦。🍴我地3個Khap👦7點左右到左餐廳, 可能係星期五關係, 咁早已經坐滿客人, 等左10分鐘左右我地3個就安排入座左係一張4人枱。餐廳裝修都幾有情調, 燈光再加上泰式風格嘅壁畫都好配合泰菜呢個主題。菜單有10頁, 菜式選擇都好多, 我地點左3款小食, 1個大冬蔭功, 半隻去骨海南雞, 2款咖哩同芒果糯米飯。飲品就點左凍泰式奶茶, 龍眼冰同芒果沙冰。我飲果杯凍泰式奶茶唔會太甜, 奶味比港式重, 入口香滑, 朋友點的龍眼冰同芒果沙冰佢地都話唔錯。🍹冬蔭功份量都幾多, 每人都分到2碗多少少, 而且材料都好豐富, 有大大隻嘅蝦, 蝦肉好爽口, 冬蔭功湯辣度適中, 帶微微酸味, 嘅惹味又醒胃。😋蒜蓉包好香, 外脆內軟, 入口香甜, 唔知係塗了蜜糖定係呢款麵包本身帶有甜香, 好好食, 咖哩未上枱我地已經食哂d包。😂泰式鮮露生蝦好鮮甜爽口, 不過辣椒比

九龍灣d商場近年變化都好大,吾行都吾知道有咁多餐廳!係德福平台見到間開泰國菜餐廳,就決定今晚食呢間!入座時間約6點幾,人流仲未算好多,好快可以安排入座!餐廳吾算好大, 但每枱之間既空間足夠,特別卡位可以坐6個人都無問題!坐低即叫左杯青檸梳打,超解渴又透心涼,正!前菜方面揀左豬頸肉沙律,原本我以為係有沙律醬個款,點知似韓菜形式,有一碟生菜比我地包住豬頸肉食!個肉本身調左味,食落辣辣地好爽,配合生菜包住食個感覺好fresh!食得辣既朋友仔可以點埋伴碟個汁另外揀左2個小菜:泰式豬手同瑪莎曼咖哩配羊架豬手連皮切成絲狀,醬汁甜甜地幾惹味!而且連皮食埋d脂肪更加香口!至於個咖哩好濃椰香,吾會好辣,中意辣既可以揀黃/紅/青咖哩!羊架有3件, 肉質嫩而且夠冧,羊味都幾香,同個咖哩配合相輔相成!我地吾拾得浪費d咖哩汁,仲要客蒜蓉包點黎食!值得一讚個包係用豬仔包而整,又香又脆$20/4大件好抵食! 下次一定encore食到最後當然要芒果糯米飯作結糯米飯熱辣辣,淋上椰汁勁香.而且芒果夠甜,正!呢餐泰菜食得超滿足,價錢吾算貴,下次出九龍灣可以再黎過

呀媽今晚做「無飯主婦」，唯有一家人出街食飯去左間泰國餐廳，好耐冇食過泰國菜喇！幾好味，好滿足呀！去骨海南雞（$168）配上黃姜飯perfect match呀！海南雞入口啖啖肉，雞嫩肉滑，入口散出絲絲既雞油香味！泰式炸蝦餅（$78）香脆金黃，🍤彈牙爽口，再點上泰式醬汁，酸酸微微既味道係我最愛唷！不過略厭蝦餅唔夠厚。泰式炒金邊粉賣相好精緻，外層有網狀蛋花包住金邊粉。金邊粉有青檸、辣粉、花生碎伴碟，可因應個人口味攪拌辣粉，味道方面，個人覺得金邊粉甜味足夠，但唔夠酸，味道一般般。蒜蓉炒通菜蒜蓉味突出，菜夠嫩夠軟，幾惹味！飯後甜品叫咗椰汁千層糕，同我想像既千層糕賣相有點分別！一碟四件，岩岩好同家人一人一件。整個千層糕全是綠色的，不過椰汁味很濃郁。