泰屋

营业中

休息中

來到旺角找 泰式吃就找泰國菜食醒醒為呢間泰國菜館都幾鬼多人地點 非常之好好近太子地鐵站行五分鐘就到職員服務態度非常之好， 細心介紹各類食物給我們呢度仲有好多鍾意食咖哩可以食咖哩蟹咖哩雞咖哩羊肉咖哩牛肉鍾意食菜 又可以叫馬拉盞通菜我哋就首先叫咗個麵包咖哩蟹咖哩蟹用上軟殼蟹啖啖肉個咖哩汁唔算太辣甜甜地咁囉上少少嘢執最正就反而係個麵包個麵包給日系的精華配上惹味咖哩汁成個包我哋幾乎食曬叫咗杯珍多冰珍多冰混合得非常好飲仲有個心先帶嘢車個椰青好鬼羨味泰式濕炒麵配料豐富有豬肉冬菇海鮮粟米濕炒炒得你又唔熱氣 咬落口感豐富 仲係好想維嘅甜甜地酸酸地配料仲有木耳可以清清腸胃

最近迷上了歌手黃明志，一整天腦袋裏都是我泰傷心了～泰傷心了～（歌名：泰傷情歌）男友就帶我到很就腳的旺角726吃泰國菜。紫色情迷～menu設計得滿有異國風情。在726用餐另有好處是窗外環境不錯。有時晚霞的天空很浪漫，你也能想像一下真的跟另一半來到泰國用膳。（男朋友還未到）碟的設計很人性化，非常貼心的讓你放筷子。先來的當然是頭盤泰式炸蝦餅，金黃色的外表，即叫即炸，蝦味鮮，再加上廚師炸工了得比較意外驚喜的是這裡有印度類的食物選擇。男友點了印度咖喱牛腩，可以用三多來形容，量多汁多肉多我很愛湯，可是又愛澱粉，所以點了這份冬陰公湯河，河粉擺得很有心思，兩隻青口是眼睛，蝦的尾巴是鼻子，那條炸魚便是嘴巴。令人會心微笑的餐廳。最後當然有新鮮的菜啦！這裡水準不錯，而且老闆天天監埋，用心製作、路過又就腳不妨上來726吃吃！

因為自己一直都好鍾意食泰國菜，所以喺香港都會尋找一啲特色嘅泰國食物。早一排先喺泰國返嚟，間唔中都會好掛住泰國嘅食物，所以今日就搵到一間叫泰屋嘅餐廳，喺旺角市中心所以非常之方便。今次去到就叫咗幾樣食物，最唔少得嘅就一定係咖喱雞，配埋印度薄餅食就真係非常之好味,咖喱嘅味道係甜甜地嘅同埋醬汁都幾多,不過,肉就會少啲,如果我一樣都係鍾意用咖喱汁來送薄餅嘅應該一定要試,因為掂咗汁嘅薄餅係非常之入味然後叫咗一個粉絲什菜煲，材料都非常之豐富而且食咁多肉食返少少蔬菜平衡返就啱啱好，雜菜煲裏面仲有粉絲所以都幾飽肚。然後就叫咗一份豬頸肉沙律，因為我鍾意食豬頸肉，配埋沙律酸酸辣辣咁樣非常之有泰國風味。然後飲品方面就叫左一個椰青，餐廳係用即開嘅椰青，椰青嘅味道非常之香甜有冇人同我一樣都覺得食泰國菜一定要開返一個椰青先夠地道呢。不過餐廳嘅人都比較多所以都建議先訂位再去咁就避免要排隊

726全棟都係食肆商廈, 好多食肆質素都唔錯泰屋空間感好大, 吾會覺得迫之餘, 裝修都唔錯迷你小食雙併, 在泰國餐廳經常食既，除了蝦餅仲有炸魚餅, 魚餅味道香香辣辣，微微的辣度浮出, 帶着檸檬葉香氣，相當滋味豐富蝦餅外層炸至金黃香色, 夾起蝦餅，輕咬了一啖，口感恰到好處，爽彈, 並不會炸得太乾, 蝦肉的鮮味被保留下來, 加點甜酸醬就已經非常好吃超級香濃惹味的粉絲雜菜煲, 非常有鑊氣, 放在唔少菜係里面, 好抵食, 香噴噴之餘, 芥蘭則鮮嫩帶甜，一點也不苦, 每一條粉絲都吸滿湯汁, Q彈非常!菠蘿冰, 嘗起來酸酸甜甜的, 加了不少菠蘿肉，整體滋味都帶著一股菠蘿的香甜, 有得飲又有得食, 正!

星期五，周圍都難搵位搵左呢間係旺角同太子中間的泰菜，諗住會人少d, 原來，都係咁座無虛席清炒雜菜 因為有小朋友，叫左個清炒雜菜菜炒得唔錯，幾有鑊氣， 不過以清炒黎講，味道比想像中濃 黃咖哩牛肉咖哩好稀，味道偏淡，辣味都好少個牛肉勁厚，又干又硬係整晚的敗筆叫左個手抓餅 （不是Naan). 質感同味道都唔錯， 用來伴咖哩食一流，不過唔知係咪漏左單，好耐先上。耐到我認記了影相🙈🙈菠蘿炒飯味道甜甜地，飯粒都炒到幾干身，唔痴口。飯入面有好多料，份量大，3大1小都好夠食拼盤 (小）拼盤炸物基本全部都幾好唔太油，炸得都夠鬆脆雞翼都做到皮脆肉滑春卷皮都好鬆化蝦餅雖然蝦味不太濃，但都彈牙爽口魚餅味幾濃～芒果糯米飯芒果夠熟夠甜糯米有少少硬，無左煙韌的口感還好個椰汁夠香濃，補救了硬飯的不足呢度環境開揚，有大玻璃窗，枱夠大，坐得都舒適。雖然有客等位，都無迫我地走，算係咁 食物都好快上，但出場次序有d奇怪，出左菜同飯，之黎先出拼盤，如果調一調個次序會好d😅坐低時，有個待應，一聲唔出，就拉開我地張枱， 俾佢嚇親🙈 其實講聲讓一讓都唔係好難者🙈🙈

又去旺角食好野次次都要個朋友帶路今次終於到我提議好彩我既吃貨朋友都滿意地點都幾近MTR B出口行條行人天橋就到醒目既我一早訂左位啱啱好唔洗等位雖然唔算好大不過都坐到幾多人建議大家揀梳化坐會舒服D交比朋友發板食咩好野好彩佢夠大食所以我地可以試到多D款哈哈青木瓜沙律係必點吧因為怕辣叫另上個汁 好多時侯都無得分開因為啲沙律都係撈定左青木瓜條爽脆新鮮另上既汁有成碟不過原來都唔係好辣反而以酸為主所以我都差唔多落哂D汁 好開胃如果多D花生口感會再UPGRADE呢到湯有最常見既冬陰公椰汁雞果D不過我地諗住食咖哩所以叫個清淡D粉絲豆腐雜菜湯雖然係清湯底但配料好多 粉絲好有咬口彈彈地 唔會煮到過淋豆腐係玉子豆腐我覺得仲好過平時磚豆腐估唔到有肉 係豬肉碎!!!而且好多量 但又唔會係好肥既肉碎所以個湯的確係好清淡但因為好多配料唔會過淡味好岩食咁多油膩餸用左平衡下仲有好多菜生蝦又係泰菜招牌之一通常都係用碟上然後平鋪D生蝦架MA呢到用酒杯上好搞笑生蝦好新鮮 幾柔軟又唔會梅個汁辛辣得要飲水平衡下但每隻蝦都有D雜菜絲撈埋幾豐富到我地既主角咖哩農夫包!落左單之後好快就上枱一個大既農夫包將面再切成4舊份量相當之多見到

成日都話要去泰國旅行, 就係為左食餐好既泰國菜, 但又唔係下下都去到九龍城先有得食, 今次去左彌敦道一間泰菜試下, 終於唔洗再去九龍城都食到好味既泰菜啦~~~彌敦道726都唔係第一次黎, 成幢大廈都係美食, 呢間近近地係2樓, 一出Lift就係。雖然我七點鬆啲黎, 但都差唔多滿座, 好彩有book位… 不過二人枱就細張少少, 我黑洞要點好多野食架喎XDD餐牌選擇非常多, 無論係燒物小吃、粉麵飯等等都好多選擇, 揀到天黑都未揀完XD 另外一個特別之處係竟然有印度野叫, 一次過可以食到泰菜同印度菜都幾新奇。柚子鮮蝦沙律 $92柚子沙律可以話係每次泰菜沙律必點!!!因為柚子比起菜做沙律更特別, 呢到柚子沙律好特別, 因為真係用左柚子皮做碗, 同菠蘿炒飯用菠蘿裝住有異曲同工之妙呢!! 份量比起平時用碟裝仲多, 重點係柚子夠鮮甜, 一啲都唔苦澀!!!!正值中秋既福利吧~~~ 而且撈好個汁辣甜度都好夠, 超級開胃!! 蝦都有四五隻, 幾大隻, 蝦肉爽彈紥實! 推介呢個沙律呢~ 生蝦刺身 $108朋友愛吃生蝦, 所以點左個比佢食, 因為本身我唔好食生蝦, 結果我都左一半XD 用酒杯仔裝住呢個pres

呢幢大廈好近我公司行5分鐘就到， 726好多嘢食，今日揀咗泰國食泰國嘢。下午茶好抵食，兩點開始。嘢飲任添。免收＋1 , $32起。凍飲加＄5 乾炒泰式金邊粉，好有鑊氣，甜甜地，金邊粉煙韌，有好多雞肉。撈埋啲花生碎好有口感。扎肉泰式湯河，白蘿蔔好甜，索晒啲汁好林。紅蘿蔔都好清甜。今日冇晒牛丸所以叫咗札肉，呢度嘅札肉比出面嘅好味。個湯好清甜。食泰國嘢點少得生蝦，生蝦用六個杯仔裝住，賣相好精緻。生蝦好大隻，個醬有啲辣。

近排食得太多打邊爐同炸雞😝，所以今次要食久違了既泰國菜✌🏻，一行4人，一早book定枱👍🏻，避免要等太耐，一去到就可以入去啦，入到去環境都幾好，坐得好舒服，服務員好好禮貌，1)虾餅，口感麻麻地，唔係咁彈牙，但味道可以既，2）冬陰公炒飯，幾好味，都炒得幾干身，3）炒菜苗，我個人非常喜歡，好夠味，4）沙嗲串燒雞同豬，唔差既，沙嗲醬好好味，但份量少，價錢高😅5）燒雞，燒得比較干身，雞皮唔脆，呢個麻麻地😅，6）泰式魚爐，我覺得呢個係成晚最好食架啦，個湯非常好飲，酸酸辣辣咁，好野味😝， 其實都可以一試，但價格偏貴

期待左嚟依間食好耐，今日終於嚟到了，果然係冇嚟錯，有一個可能係是頭婆嘅肥婆超熱情，又會問下我地啱唔啱食，服務一流！等左幾個字位，我地3個人叫左幾款食，一個泰式拼盆/一個蒜蓉烤包/一個青咖哩鴨/一個清檸明爐燒烏頭/一個飛天通菜泰式拼盆入面有雞亦，春卷，炸虾餅同魚餅，春卷入面料好多好食😊青咖哩鴨就咖哩汁味好香濃，有椰汁味，入面仲有青檸喺度帶到味道好正，配上蒜蓉烤包沾上咖哩汁，正但因為汁多，所以叫多左個白飯撈汁飛天通菜就炒得好夠鑊氣，好食！而重頭氣明爐烏頭，青檸味同魚湯味都好濃，魚亦唔細依間樣樣好，係唯獨個洗手間令我蕩失路，但由於係大廈設施，就冇得計

我們很久沒有吃泰國菜，見到openrice有這𥚃的食評，今晚六點就到，所以只有一檯客人，地方以綠色為主，都幾舒服。我們點菠蘿沙冰($38)，醃肉碎生菜包($82)，串燒雞、豬半打($82)，馬拉盞通菜($72)，原個菠蘿海鮮炒飯($92)菠蘿沙冰，菠蘿味好濃，好味😋😋😋菠蘿炒飯內有青口、臘腸、中蝦、雞肉、提子干、豬肉鬆、蛋絲，份量好大喎。生菜包味道偏濃，用生菜包就剛剛好，後來食得多就覺得都幾辣，我喜歡😍馬拉盞通菜，通菜份量都幾多，馬拉盞味道鮮，夠鑊氣。串燒雞、豬半打，可能燒得唔夠時間，所以唔算好香燒烤味，醃料偏淡，好彩個沙爹醬好味。我覺得都幾低食，碟頭比九龍城的泰菜大，我們吃到最後，連甜品都無食，因為太飽了。

泰式珍寶拼盤睇個名有珍寶有盤，以為份量好巨型，好在都係每樣四件，四個人一人一件就fit哂。春卷即炸，咬落夠脆。蝦餅內部咬落有彈性，口感十足。魚餅口感似香口既魚片。雞中翼不過不失。蟹肉炒飯蟹肉份量唔太多，炒飯有落蛋一齊炒，但蟹肉反而比蛋既味覆蓋左。黃咖哩牛根腩雖然有大大舊辣椒浮係面，但辣既程度對唔食得辣既人黎講叫可接受 。牛腩夠淋，配番咖哩都係冇得輸既組合。豬頸肉個醬幾有特色，豬頸肉切得夠薄，又唔會煎得太燶，咖哩食唔哂仲可以留番黎點豬頸肉，又係另一番風味。

餐廳環境都好大 坐得好舒服 係旺角呢個鬧市黎講 算好難得泰式生蝦刺身 ＄108刺身其實間間都有 呢間特別係醬好香好辣 吾食得辣既話真係食一個隻 已經飽左 飲水飲到飽南瓜皇咖哩海鮮＄148 ＋蒜蓉烤包＄35喱哩海鮮完全吾辣 係甜味既海鮮 岩曬吾食得辣既朋友都可以食 菠蘿咕嚕肉 ＄82甜甜酸酸幾開胃  似中式多過泰式 配白飯一流 哈哈雀仔實物比相得意 有心思 加分

早陣有事要到太子，完成後途經彌敦道726大廈，原來這裡有很多餐廳，決定先吃飯再回去，選擇了很久沒吃的泰菜-泰屋。到達的時間尚早，窗邊位置仍然見到日光，而且座位亦算寬敞，整體環境讓人。感覺舒適醃酸辣鳳爪 $75份量不少，酸辣的比例恰到好處，不會過酸或過辣，鳳爪爽脆有咬感，作為頭盤小食很醒胃。泰式珍寶拼盤 (細）$128拼盤內有蝦餅、魚餅、素春卷及雞中翼。蝦餅外面金黃香脆，內裡爽彈有咬感，啖啖蝦味。魚餅外層香口，內裡紮實彈牙，香料味不會太重。素春卷炸到脆卜卜但沒多餘油份，內裡有粉絲蔬菜絲等，不喜歡重口味的也會喜歡。雞中翼外香內軟，如果雞肉再嫩滑一點便更完美。泰式蛋包金邊粉伴蝦 $82賣相很有趣吸睛，亦算大碟，蝦的質素正常，蛋皮弄成網狀都可以保持沒有太乾，蛋皮底下有芽菜、菜甫、豆腐乾、蔥等配料，金邊粉也炒得夠乾身，口感煙韌帶彈性，味道酸酸甜甜其實不錯，如果可以淡味少許便更好。四式甜品碟 $38由右到左看，有椰汁西米糕、蛋菜糕、千層糕和芋頭糕。椰汁西米糕很重椰汁味，粒粒西米又夠彈牙有咬感；蛋菜糕爽口甜蜜，甜度剛好，而且入口啖啖蛋香；千層糕陣陣椰香班蘭香，口感又軟又煙韌；芋頭糕芋頭味濃，口感完全

香港宜家既食店除左開係商場同係地鋪之外，仲會開係d工廈同商廈入面。就好似旺角彌敦道726號呢幢商業大廈，宜家成個美食集中營咁。位置好，人流就會旺，而且距離太子或者旺角地鐵站都係幾分鐘路程，方便又易搵，所以今晚我同媽媽都黎到呢度搵食。今晚我地去左呢度既2樓，全層都係泰國菜，一出𨋢就會見到個泰國佛象，地方唔算好大，環境都舒服，一d都唔侷促，仲有排玻璃窗，望落景觀都開揚d。Menu呢度主打泰國菜，不過都有印度咖喱同薄餅。泰式炸蝦餅$78呢個炸蝦餅，外面脆口，入面蝦肉爽口彈牙，好味道泰式沙嗲（半打）$82呢個泰式沙嗲可以係豬、牛、雞度揀兩款，我同媽媽就揀左豬同雞，不過串燒麻麻地，因為唔係即叫即燒，食落已經唔熱，肉質比較鞋，但係個沙嗲汁係ok既青咖喱豬$78呢個青咖喱比一般食開既辣，食落有d椰奶味同少少青檸味，都幾惹味，用黎點包同薄餅一流印度油酥餅$35呢個油酥餅外面煎得好酥脆，入面軟棉煙韌，好香口，配埋個青咖喱，好惹味馬拉盞炒泰國椰菜苗$82呢碟椰菜苗大大碟，味道好，不過略嫌佢既椰菜苗老左d，食落唔嫩口