影片
更多
2017-10-03
380 浏览
成日都話要去泰國旅行, 就係為左食餐好既泰國菜, 但又唔係下下都去到九龍城先有得食, 今次去左彌敦道一間泰菜試下, 終於唔洗再去九龍城都食到好味既泰菜啦~~~彌敦道726都唔係第一次黎, 成幢大廈都係美食, 呢間近近地係2樓, 一出Lift就係。雖然我七點鬆啲黎, 但都差唔多滿座, 好彩有book位… 不過二人枱就細張少少, 我黑洞要點好多野食架喎XDD餐牌選擇非常多, 無論係燒物小吃、粉麵飯等等都好多選擇, 揀到天黑都未揀完XD 另外一個特別之處係竟然有印度野叫, 一次過可以食到泰菜同印度菜都幾新奇。柚子鮮蝦沙律 $92柚子沙律可以話係每次泰菜沙律必點!!!因為柚子比起菜做沙律更特別, 呢到柚子沙律好特別, 因為真係用左柚子皮做碗, 同菠蘿炒飯用菠蘿裝住有異曲同工之妙呢!! 份量比起平時用碟裝仲多, 重點係柚子夠鮮甜, 一啲都唔苦澀!!!!正值中秋既福利吧~~~ 而且撈好個汁辣甜度都好夠, 超級開胃!! 蝦都有四五隻, 幾大隻, 蝦肉爽彈紥實! 推介呢個沙律呢~ 生蝦刺身 $108朋友愛吃生蝦, 所以點左個比佢食, 因為本身我唔好食生蝦, 結果我都左一半XD 用酒杯仔裝住呢個pres
彌敦道726都唔係第一次黎, 成幢大廈都係美食, 呢間近近地係2樓, 一出Lift就係。雖然我七點鬆啲黎, 但都差唔多滿座, 好彩有book位… 不過二人枱就細張少少, 我黑洞要點好多野食架喎XDD
餐牌選擇非常多, 無論係燒物小吃、粉麵飯等等都好多選擇, 揀到天黑都未揀完XD 另外一個特別之處係竟然有印度野叫, 一次過可以食到泰菜同印度菜都幾新奇。
柚子鮮蝦沙律 $92
柚子沙律可以話係每次泰菜沙律必點!!!因為柚子比起菜做沙律更特別, 呢到柚子沙律好特別, 因為真係用左柚子皮做碗, 同菠蘿炒飯用菠蘿裝住有異曲同工之妙呢!! 份量比起平時用碟裝仲多, 重點係柚子夠鮮甜, 一啲都唔苦澀!!!!正值中秋既福利吧~~~ 而且撈好個汁辣甜度都好夠, 超級開胃!! 蝦都有四五隻, 幾大隻, 蝦肉爽彈紥實! 推介呢個沙律呢~
生蝦刺身 $108
朋友愛吃生蝦, 所以點左個比佢食, 因為本身我唔好食生蝦, 結果我都左一半XD
用酒杯仔裝住呢個presentation幾特別, 每杯都裝住蔬菜絲同辣椒片做base再加埋主角生蝦, 生蝦好新鮮, 肉質軟滑易入口。由於見啲人話個汁勁辣, 所以叫佢另上個汁, 每隻點左啲黎食, 真係少少已經好辣好刺激呀!!!! 我唔食得辣都忍唔住點多啲, 我諗愛辣之人一定會中意食!
印度烤雞件 $92
身為愛雞之人, 呢款係我次次食印度菜必點既肉類菜式, 今次係泰菜餐廳都食, 質素比起印度餐廳更高!!! 一大塊鐵板裝住六大件雞, 上枱時熱辣辣出哂煙!!! 去左骨好岩我呢個懶人, 有食開呢道菜既人都知通常印度餐廳係一碟4件咁, 但呢到有六件之餘, 件件都好厚肉, 細食啲既食2 3件都飽呀!!!
香料夠惹味又唔會過濃 而且雞肉熟度剛剛好, 內裏仲好juicy, 配左啲洋蔥絲同椰菜絲係底,中和一下雞件既濃味, 好滿意呢道雞!!!! 又一推介呀!!!
朋友想食咖哩但又唔想叫咖哩雞太普通, 就叫左呢個咖哩海鮮農夫包, 一上枱嘩咁大個, 百幾蚊都幾抵! 除左用農夫包做大碗裝住之外, 更切左4件包放側邊方便即刻點咖哩。
咖哩頗為杰身, 辣度可以話無, 係香甜口味既咖哩, 仲食到陣椰漿味道, 海鮮包括左魷魚、青口等, 份量都唔少, 我都食左幾隻蝦, 比沙律既蝦更大隻呢!! 唯一係個包烘得唔夠脆, 我呢啲食包一定要脆卜卜既人就失望了~~ 不過朋友就點咖哩點到停唔口喎…份量真係好大,叫呢個就唔洗再叫粉麵飯lu…
甜品控表示食泰菜唔叫甜品點得?!!
芒果糯米飯 $48
呢個價位既芒果糯米飯已經好少見, 出面有時食七八十蚊都有, 雖然佢個樣唔係特別靚, 但唔會因為平價就減份量, 芒果兩大排份量都足一個, 酸甜度一般, 無過酸既情況, 糯米驟眼睇以為只有白糯米, 原來係有兩層黑白糯米, 黑糯米較乾身而白糯米濕潤度較高, 兩者都幾煙韌, 合格有餘, 影左耐相都仲熱, 所以本身真係幾夠熱
食物無論味道同質素都唔錯, 而且要讚一讚佢個上菜速度真超快…而且又夠熱辣辣, 個沙律未食..啲主菜都上埋, 個枱都放得滿滿, 哈哈! 下次再黎一次過食泰菜同印度菜~~
张贴
