泰屋

营业中

休息中

好耐無食的泰國菜mix好耐無見的朋友。朋友介紹呢間泰屋，環境很舒服，唔會好逼。服務員很幽默，好似好認真，但原來在講笑😊😊😊so nice.食物方面就當然好食啦！因為我最愛泰國菜，呢間泰屋真係都幾有水準。個白菜苗超好食，平時好少見呢種菜，呢度整得好正。冬陰功湯唔會好辣，因為我食唔到太辣。所以啱啱好。還有佢d汁好好味！食咩都可以點呢個汁，但忘記叫咩汁啦！用來點魚食真係perfect.最後仲叫左個芒果糯米飯！糯米的軟硬剛剛好，芒果也是甜的👍🏻👍🏻👍🏻會再黎。

日本菜同泰國菜一向是我的首選， 今晚選擇這間泰國菜位於彌敦道726號2樓， 餐廳感覺開揚， 窗邊可望彌敦道景色， 格局和普通泰國菜餐館差不多， 今晚選擇了生蝦刺身， 黃咖哩牛筋腩， 印度油酥餅， 皇馬拉盞炒椰菜苗， 生蝦刺身，是去泰國餐館必點的前菜， 生蝦肉質鮮甜亦很大隻， 吃得出很新鮮， 伴著蒜頭指天椒和辣汁， 很刺激亦很開胃， 主菜叫了黃咖哩牛筋腩， 配上印度酥油餅， 牛筋腩炆得軟滑入味， 用什菜代替了薯仔清新可口， 酥油餅熱辣辣脆卜卜， 用來點咖哩正， 吃了咖哩十分飽肚最後叫了個椰菜中和一下 最後值得一讚這裏的店員十分有禮貌， 笑容滿面

· 之前有介紹話彌敦道726樓上有特別糖水嚟過呢度原來呢度除左特別糖水外仲有好多美食餐廳㗎今次呢就嚟咗泰屋食個高質泰LUNCH 食泰菜點可以無生蝦刺身😋 生蝦肉好大啖又新鮮好正❤ 叫咗個Lunch Set , 有餐湯配 ，餐湯係冬蔭功湯酸酸辣辣夠開胃飲品方面叫咗 椰汁冰 同 凍咖啡 🌟香葉肉碎煎蛋飯 肉碎，煎蛋撈埋飯食好香好惹味🌟 泰 式 炒 金 邊 粉 蛋香味香濃之餘炒得唔油膩有青口和魷魚嘅海鮮配搭清而惹味幾好食👍🌟 泰式燒豬頸肉

要提前預訂，唔係上到去有排等。先講泰式生蝦，正常水準，只不過用shooter杯裝幾好，蝦肉都新鮮爽口，最怕𠴱啲就咁放上生冰上面𠴱種。馬拉盞炒椰菜苗唔會炒得太老，好食；之後加單叫多個馬拉產炒通菜就麻麻，炒太熟。爐端燒烏頭魚都可以，份量足。🌟最推介既係：冬陰公湯好飲而且好足料，有成2隻大蝦開邊😋燒金莎骨，好入味不會太重口味，肉算好而且鬆身😋更 重點推介係有個叫咩農夫包咖哩焗海鮮 定係 軟殼蟹，唔太記得因爲老婆叫既。好好食。本身咖喱汁整得好食，而且啲農夫包介開之後黐住啲汁好鬼好食。仲要賣相幾靚。可惜，反而我呢道菜唔記得咗影相。😅

泰屋好泰國風味環境好舒適泰式生蝦刺身一上來便被它的擺盤吸引，各玻璃杯都都放上鮮蝦、香葉、辣椒及蒜頭，下面有冰塊，附上泰式酸辣醬汁，中蝦厚身，肉質爽口彈牙。泰式炸魚餅魚餅厚厚的，炸的剛剛好，一口咬下來，有香葉在裡面，泰式風味滿滿，附有泰式雞醬，沾一點更好吃。馬拉盞海鮮炒金邊粉必選炒粉麵之一，炒得很有火喉，金邊粉炒得乾爽分明，麵條彈牙有香味，海鮮配料多多，串燒沙爹 牛 豬有豬與牛兩款串燒，燒烤手法不錯，不會燒得太久變硬，在旁邊的沙嗲醬調得很好，不咸但有香料味道，能突出串燒的燒肉味道。📍泰屋 Sawadee Thai旺角彌敦道726號2樓

星期日想食好少少，慰勞努力工作一週的自己，選擇了位於旺角的泰屋，交通方便，一出地鐵就見到。呢度環境舒適，佈置以綠色為主題，有些植物裝飾，十分清新。先來個金柚鮮蝦沙律，味道清新，十分開胃。炒金邊粉幾有鑊氣，有很多隻大蝦好足料。最中意燒鱔串，一客三串，每串都好有份量，鱔肉大大舊，好有口感。沙爹串燒都好好味，燒得剛剛好，唔會太乾，保留應有肉汁，夠juicy!食完肉又食下菜，青咖哩雜菜好惹味，咖哩汁撈飯食埋。肉鬆茄子好香口惹味，很快就清曬。甜品選擇了鮮雜果黑珍珠涼粉，冰冰涼涼，又唔會太heavy，食完好滿足。呢度幾岩家庭聚餐，下次可以再黎!

【泰菜之夜】今晚約埋屋企人去旺角的泰屋開餐，呢度位置方便，又坐得舒服。大家都肚子餓了，叫了很多菜式分享，好豐富。♥️串燒白鱔 $148燒得香脆，點些酸辣汁食非常美味，鱔夠厚身又爽。♥️青咖哩雜菜 $72青咖哩少少辣，西蘭花、四季豆及紅蘿蔔入味。♥️串燒沙爹 $85半打選了牛及豬，好大串，啖啖肉，沙爹醬甜甜辣辣惹味。♥️乾炒泰式蛋包金邊粉 $88賣相好令，份量都幾多，有很多蝦，爽口。♥️泰國金柚鮮蝦沙律 $98每次食泰國菜必點，味道清新，金柚夠清甜，好開胃。♥️香葉肉碎炒茄子 $78非常香口，好送飯的菜式。♥️泰式鹹青檸七喜 $33解渴解辣一流，好fresh♥️蜜糖雞中翼 $62為女女而點，她話好好味，一個人食左5隻。♥️鮮雜果黑珍珠涼粉 $30小朋友最愛七彩繽紛的甜品，女女大愛。

6:30 去到無乜吾洗排隊，7點開始人多，坐滿哂人。張枱比較細，擺吾到幾多野食。 【迷你小食拼盤】（蝦餅/魚餅/素春卷，任選兩款）$82揀左魚餅同蝦餅，魚餅好juicy，炸到熱辣辣又香脆。【泰國金柚鮮蝦沙律】$98帶點甘澀且滑甜既柚子肉，結合埋甜甜濃縮嘅椰漿sauce，成個味道好balance，【冬蔭功海鮮湯粉】$78呢個辣到酸度剛剛好，吾係好食辣既人，味道夠哂濃厚好正，不過就好多渣。【馬拉盞海鮮炒河】$88有魷魚、青口、蝦，再加埋加左醬油炒到勁香既蛋，河粉又煙韌，成碟野勁有鍋氣。

朋友想食泰國菜，我地就前一日book左呢間餐廳，我地大概7點半左右到達，好彩有book定枱，一開𨋢門已經坐無虛席。我地一共點左4個餸，首先系小食珍寶拼盤+生菜包雞翼(芝麻好香)、炸蝦餅(蝦好彈牙 可口)、素春卷(春卷餡好豐富 鬆脆)、炸魚餅(有芫茜 但唔難入口 本人十分抗拒芫茜都可以食到)。沙嗲串燒，揀左豬+雞(肉質好滑、好入味、燒得岩岩好，而且肉唔會痴住竹籤）泰式炒金邊粉一睇賣相好吸引，通常其他泰國餐廳出品嘅炒金邊粉都系一pat pat，但呢間餐廳完全無呢個問題，加上佢用蛋包住，食落有蛋香，而且蛋炒得唔老，金邊粉唔會好淋，蝦好彈牙 新鮮。總括而言，呢間餐廳食物好味，價錢又唔算貴，值得一試。

今日突然想食泰國菜，上網睇到呢間咁多讚，一於嚟試下，唔嚟到都唔知原來呢度成棟大廈都係食肆，真係發現新大陸。上到嚟環境都幾舒服，順帶一提佢連廁所都花過心思，係泰式裝修。今晚我最欣賞嘅係佢個冬陰公湯，佢因應香港人口味調左個辣度，但係酸度甜度都做得好好，而且冇咁辣令個湯更易入口，香料都好足，好好飲。而佢隻大蝦仲環係有膏嘅，好甜👍🏼🤤然後就係佢個馬拉盞椰菜苗，椰菜苗唔係度度有，要真係椰菜苗咁嫩更加唔係次次中，但佢啲菜苗夠嫩，好食。跟住佢個生菜包都唔錯，份量好多，只係比較偏重左個辣味而唔夠香，比較淡，如果可以咸多小小會仲正。最後仲有個鹽燒鱸魚，可能因為地方所限，佢似乎唔係生燒，而係蒸熟左先燒，所以肉質唔夠滑，但係香料都好足，夠香。而我覺得食泰式燒魚嘅精髓係個泰式辣汁，佢呢個差左個青檸，如果加埋會更加fresh更加好味。飲品嗌左杯椰汁冰，好重椰奶味，好香，甜度岩岩好。👍🏼

星期六出黎旺角食中午，去TOP行街之餘就黎左726呢棟食肆既大廈搵食。今日就揀去2樓既泰屋，貪佢啲lunch set 平平地😂上到去地方都還好，雖然唔係好大但座位都闊落，大窗邊所以好光猛，令人感覺精神啲。難得佢星期六都有set lunch🍱仲要唔駛加一，普遍既餐都係50-60蚊，好抵呀揀左炒金邊粉同炒公仔麵，落左單好快就先上例湯🍲估唔到唔駛加一既套餐仲有埋湯！奶白色既椰汁🥥雞湯，飲落又幾重酸甜味，又有香茅味，雞味就唔係好重，你可以幻想係唔辣既冬蔭功，仲有啲菇同香茅，夏天飲好適宜，又開胃醒胃！餐飲叫左凍檸茶，加3蚊好合理。炒金邊粉好多海鮮🦐🦑🐟，而且份量都好夠，有埋基本配料好似香茅同花生🥜碎咁，食落有鑊氣又唔太油，大大碟又好食，唔怪得我地見每一枱都叫😂炒公仔麵同樣份量巨大，配菜十足，有粟米仔、椰菜蘿蔔等🥕🌽🥬我揀左豬扒🐷，幾碗好煎好既豬扒一齊炒好惹味！不過由於佢落左辣椒🌶️，所以個公仔麵都有啲辣😚🤪怕辣既就要小心由於咁抵食，所以加多個馬拉盞炒通菜，足料又好味，賣單都係160兩個人，抵食又舒適😋性價比高👍🏼

今次我地揀左去旺角食泰國菜，726彌敦道成幢大廈都好多食肆，又近地鐵站，好易搵一開𨋢已經係餐廳，地方都幾寬敞，樓底都高，餐廳內亦都有不少既泰式擺設同佈置一黎就叫個生蝦刺身試下先，蝦爽口彈牙，生蝦刺身夠新鮮就無敵，配埋個生蝦辣汁，絕配青木瓜沙律，青木瓜好爽口，成碟個味辣辣地好清新既感覺泰國金柚鮮蝦沙律，金柚好清甜，加埋個泰式沙律汁同炸蒜，甜甜辣辣，作為前菜好醒胃泰式珍寶拼盆有蝦餅，魚餅，素春卷同雞中翼，蝦餅外皮脆脆的，魚餅有陣好香既檸檬葉味，點埋泰色辣醬，好惹味炭燒豬頸肉醃得好入味，肉質燒得岩岩好，好嫩又好食菠蘿什菜炒飯，塞到滿滿的，材料十足，好夠飽馬拉盞海鮮炒河，雖然個賣相一般，但味道係不錯的，馬拉盞既配搭好少會失手食泰國野點少得叫芒果糯米飯，芒果清甜但偏細同略嫌椰漿太多，都算不錯既旺角黎講呢間泰國菜都算不錯，不過都幾多人，記住訂定位食就唔洗等位啦

餐廳位置相當方便，旺角站一行2分鐘就到👍.咁我叫左三樣野食，包括生蝦同咖喱炒飯蜆，而佢有一味餸係相當驚喜，好推介比大家，佢叫🦐椰汁海鮮湯，相信好多人去泰國餐廳都必點冬陰功湯，但呢間大家可以叫椰汁海鮮湯，佢味道都好似冬陰功湯，酸酸辣辣，香矛味淡好多，椰汁味都好淡，我諗佢個椰汁係釣左其他味道更出，令成碗湯甜啲，加上佢用嘅海鮮唔係雪藏包，裡面嘅蝦同魷魚都有味，唔似其他咁成陣雪味同雪到咩味都冇，相信大家食完都會好中意🙂

突然邀請朋友食飯 最後揀咗好耐就嚟咗泰屋， 去到時候第一個印象地方比較細， 但最喜出望外的是食物非常好味 我哋叫咗個 咖哩蝦，蝦都是其次，重點是個泰國咖哩汁 非常之好食，辣度剛剛好， 非常適合香港人口味。 之後就叫我最喜歡的馬拉盞通菜， 同其他舖頭的通菜不一樣， 油利情況同辣度都控制得好好， 不會太油， 最後就是叫了一個椰汁雞湯， 又酸又辣， 非常之開胃。

呢排收工行旺角條路無以前咁迫多左黎旺角食飯，今次嚟咗旺角食泰國菜幾出名嘅泰屋。點咗以下:馬拉盞炒通菜 通菜幾大碟，啲葉又青又綠，雖然唔算好嫩，不過馬拉盞好惹味最後都係成碟清晒。原個菠蘿海鮮炒飯 係好大個既原個菠蘿上。有好多餸，有大蝦2隻，好爽。青口仔2隻，魷魚2塊，好腍。飯底都好香咖哩味，炒得好香噴噴。特色軟殼蟹 好大碟。軟殼蟹外層嘅炸粉漿好香好脆。食得出係即炸嘅我呢碟。泰國椰青 Size好大個，夠凍好清甜。椰汁西米糕意料之外幾好食，椰汁味好濃，甜蜜蜜。