泰屋

营业中

休息中

今日又到726號搵食，見到呢間食評好高分就入去試試!香芒蟹肉炒飯，飯炒得好香同埋粒粒分明，芒果肉好大粒同埋夠哂甜! 最驚喜係蟹肉，好有鮮味同埋份量好多，蟹肉肉質夠實而蟹味濃郁，加埋炒飯同芒果一齊食好夾!椒鹽鮮魷，魷魚份量亦都係好多，肉質鮮嫩又唔會太韌好難咬，配合埋炒香既蒜蓉同椒鹽好出色，又惹味!最後就叫咗咖哩軟殼蟹農夫包，咖哩超多而且係正宗既泰式咖哩，加埋成個農夫包又脆同埋又有麥味，已經好正，加埋炸到脆卜卜既軟殼蟹，唔會好油同埋漏，咖哩同蟹都各有風味唔會偏向一邊，真係好有特色又好食!

位於旺角的泰式餐廳, 地方都幾大, 環境都不錯, 而且食物既選擇都算多海鮮到甜品等等都有可以選擇生蝦食泰國菜既靈魂就係生蝦，香港食就不嬲貴既，所以呢個價錢實屬正常價一碟有6隻，用杯黎裝住都幾新奇，但食落又幾方便！！上面既配料齊備，有蒜片同辣椒粒，加埋生蝦醬就係一個完美既組合！非常的咁鮮味！！值得一吃豬頸肉大約有十片既豬頸肉，厚切得黎口感不錯，我個人都幾喜歡厚切既口感味道不錯，好香既bbq風味，點埋泰式辣醬食就冇咁dry!!飲品都非常之多我超鐘意呢個又可以做甜品又可以做飲品!! 超好味

泰國菜真係食極都唔厭的特別係個種辣係特別得黎又令人上癮的冬陰公我地3人點左個細既冬陰公呢個冬陰公超足料, 入面有蝦, 番茄仔, 菇等等既材料湯帶點微辣, 而且好香既泰式香料味道不錯不錯, 豐富既材料很加分飛天通菜通菜很爽口而且不會太老, 吃著吃著很快就KO左碟, 如果份量可以多D就更好了細珍寶拼盤珍寶拼盤包括左有串燒雞翼, 蝦餅, 魚餅同春卷每樣4件, 岩哂我地幾個人SHARE黎食!!最好食係個蝦餅, 外面係脆脆的而入面好香既蝦肉香味點埋泰式甜酸醬食無得頂海南雞半隻水準不錯, 好嫩滑, 仲要係無骨既, 岩哂我呢D懶人!

因為媽咪睇醫生嘅關係經過旺角。突然間同佢心有靈犀好想食泰國嘢。尤其是好出名嘅泰國海鮮炒飯同埋冬陰功。嗰日中午知道佢哋有好多lunch set..爸爸自己做最愛,泰式金邊粉。主要係佢哋炒得好惹味唔太鹹酸酸辣辣。加上泰國嘅香茅花生碎等配料。我要做到色香味俱全。最緊要令人開懷。我自己就比較鍾意佢哋嘅泰式炒飯。主要喺裏邊有好多海鮮料而且用料好講究上昇。我覺得係近半年食過泰國野最好係呢間。裏面配了有粉絲木耳芋頭。金脆而且爽口。加個凍奶茶就冇得彈。😊

天氣凍凍地，好想食下泰國既辣野，飲碗冬陰公湯添。就係附近搵下有無泰國菜食先。記得呢棟大厦好多野食，真係有間食泰國菜喎！🇹🇭就一於揀呢間啦！上到去環境都唔錯喎，夠哂大間又闊落，坐得夠舒服。野食都好多選擇，價錢又唔會話好貴喎！呢度既冬陰公可以叫二人份量😋😋太好喇！份量剛好，可以留肚食其他野。個湯好多料，有大大隻蝦，仲有好多膏添！令到個湯好夠鮮味，又辣辣地好開胃暖身。炭燒豬頸肉🐖燒到夠哂香，唔會話好乾身，肉質juicy.沾少少燒汁醬更加好味。都幾大份。泰式酸辣無骨鳳爪辣度剛好，而且夠哂入味呀。食落好開胃惹味。馬拉盞炒芥蘭🌶碟菜炒到好香，又帶點辣辣地。芥蘭夠新鮮爽脆，食落好解膩。幾鐘意食！牛肉湯河粉個size都幾大，建議兩人share食個湯好濃味，用左香葉洋蔥牛肉汁等調味，令到河粉夠哂味道香濃。牛肉食落都幾重牛味煙韌，唔錯喎！

放工去左太子剪頭髮，想起食泰國菜的泰屋就在附近，之前食過佢地D串燒好好味，剪完髮就叫埋老公一齊再去回味一下。原個椰盅海鮮焗飯：份量不少，奶白色的椰漿充滿椰香又甜美，海鮮材料有大大隻青口、蝦仁、魷魚，都是爽口彈牙，飯是加入三色豆炒過，比較香口，伴均勻椰漿一齊食，香甜美味！海南雞半隻：雞已去骨啖啖肉，雞皮爽口，肉質嫩滑，配有海南雞醬汁，味道辣辣地，可以提升雞味，如果不食辣，可以點薑蓉，咸咸地有薑的香味。油飯：食海南雞配返碗油飯才完美，飯粒粒分明，軟硬適中，又香又夠味！泰式沙嗲(豬、雞)：大大串好抵食，火喉控制得佷好，燒得夠香又入味，肉質鮮嫩，沙嗲醬汁是自家調製，特別好味，令串燒味道提升不少。

太久沒去泰國，想起泰菜有點嘴饞，朋友介紹泰屋，說價錢親民，出品唔錯，這樣當然要試試啦。青木瓜沙律木瓜絲爽脆，混合了花生碎，辣椒絲，洋蔥絲，芽菜，長豆角，青檸汁，糖，魚露等調味醬，開胃又好吃，但朋友就覺得有點辣。醃肉碎生菜包豬肉碎用上青檸汁，紅蔥頭，九層塔和少許辣椒絲一起炒熟。吃的時候用新鮮的生菜包裹著吃，健康又美味。乾咖哩軟殼蟹餐廳推介， 數隻軟殼蟹用上脆漿炸後，在與黃咖哩一同翻炒。軟殼蟹雖然沒有肉蟹那麼鮮甜，但勝在食用時方便，完全不用玷污雙手。

今晚同幾個朋友試左呢間喺旺角彌敦道嘅泰屋💁🏻‍♀️📍位置非常方便, 餐廳裝修幾有泰國風味, 而且格局闊落, 枱同枱之間唔會太近, 好啱一班朋友傾計食飯~~-頭盤▫️冬陰功鮮蝦湯🍲唔會太辣, 啲蝦好新鮮🦐-主菜▫️紅咖喱雞配法式蒜蓉包🥖個蒜蓉包整超級脆都好香, 點埋紅咖喱, 好味到encore多客蒜蓉包😂-另外試左個辣椒膏炒花甲, 啲花甲好肥美😌仲叫左個鐵板蠔仔煎蛋, 因為用鐵板上, 所以黎到枱面仲係熱辣辣出緊煙, 好夠鑊氣又香口❗️炒埋碟馬拉盞椰菜苗已經好飽🐷因為佢哋啲餸碟頭都幾大~~-雖然好飽, 但我地都係唔放過要試埋甜品🙉叫左一客芒果糯米飯share, 值得一讃佢地用左紫色同白色2️⃣隻糯米mixe埋整, 所以有2種唔同口感, 同埋係熱上嘅, 食完暖立立好滿足☺️-依度坐得舒服, 價錢抵食, 下次都會再嚟食😋

最近去咗喺旺角嘅泰屋食飯，顧名思義佢梗係食泰國嘢㗎啦，佢哋嘅價錢幾實惠，份量都唔細，幾抵食我哋就叫咗冬陰公鮮蝦湯，佢有分大同埋細兩個size，我哋就叫咗細，分出嚟都有三至四碗另外叫咗個泰國馬拉盞炒椰菜苖，個菜炒得好香好夠鑊氣，馬拉盞嘅鹹香真係好好食另外叫咗個辣椒膏炒花甲，啲花甲真係好大隻呀，個辣椒膏醬汁仲好好味添食泰國嘢有點少得咖喱呢，我哋就叫咗個紅咖喱雞配蒜蓉法包，法包上邊嘅蒜蓉又多又香，點啊紅咖喱汁好正啊另外仲叫咗個清邁鐵板蠔仔蛋，啲蠔仔都幾大隻仲要好多，好似唔駛錢咁最後甜品就叫咗個先芒果糯米飯，佢哋嘅糯米飯用咗白糯米同埋紫糯米，一次過食到兩種味道同埋口感，大滿足

去到旺角想食泰國嘢就上網搜尋吓有咩好食，見到呢間評語都唔錯就去試吓！七點左右去到雖然無訂位但都好快俾人帶入座位，環境睇落都整潔，而且好快就有菜單睇因為我地都好肚餓所以打算叫兩個主菜，首先叫左個泰式豬頸肉炒飯同軟殼蟹咖喱農夫包！因為我同行既朋友唔太食得辣，所以就無叫到冬陰公湯，首先上菜嘅係豬頸肉炒飯，首先上菜速度都好快，5分鐘左右就已經有得食，而且肉嘅份量都好多，上菜嘅時候都熱辣辣證明佢係即叫即炒但問題就係之後個咖喱爆好耐都冇上菜，追問之下先發現原來佢哋落錯單，最後等左半個鐘先有得食其實佢份量都好大，呢一點係值得讚嘅但係我嫌個包烤得唔夠脆，而且咖喱都偏鹹，頭三四啖都幾好食，但食得越多就越覺得鹹，要飲多啲水其實佢軟殼蟹都好足料，炸得都好脆，但叻喱方面同等待嘅時候太長就真係扣左分～ 不過呢餐都唔算太貴既，服務質數都唔錯

好耐冇食泰國嘢，呢間泰國餐廳價錢經濟實惠，份量適中，係平價lunch之選🤩🤩🎀乾炒泰國金邊粉好多枱都有叫呢個金邊粉，似係餐廳嘅招牌菜🤨🤨味道甜甜酸酸，又有好多海鮮，加上香茅、花生碎等配料，色味俱佳，令人非常開胃🤪🤪🎀春卷拼蝦餅春卷有好多材料，例如粉絲、木耳、芋頭等，食落甘脆爽口，不過感覺似係中式春卷多啲🤣🤣蝦餅炸得彈牙可口，配上甜辣醬，更添滋味😝😝🎀珍多冰珍多口感煙韌，加上濃濃嘅椰漿，味道清甜可口😙😙🎀鮮芒果糯米飯有齊熱辣辣嘅黑白糯米，芒果都算甜，配埋香濃嘅椰汁，口感層次豐富☺️☺️

同姊妹們一行五人聚餐當然食大家最愛既泰國菜啦📍旺角- 泰屋餐廳座位寬闊，裝修偏向大自然色調，坐得又舒服，重點有窗邊卡位坐。🍴泰式生蝦刺身 $108必食生蝦🤤超級爽口又夠大隻，回味無窮，食到唔想停！🍴醃酸辣鳳爪 $78開胃之選😋 酸酸味味之餘有少少辣(個人認為可能更辣)爽口，份量算足！🍴冬蔭公鮮蝦湯 $108 (大size)個人唔太好太椰奶味既冬蔭公湯但呢間泰國餐廳既冬蔭公湯完全合我口味偏酸又惹味👍🏻而且d料又好足又多！重點係d鮮蝦好大隻！新鮮！🍴馬拉盞炒通菜 $70通菜色水有光澤，鮮綠色，夾埋d汁料食一流🤤🍴泰式炸蝦餅 $78皮炸得好薄好脆，餡又大又夠味，配搭泰式甜酸醬食勁正🍴泰式明爐烏頭 $178魚身上面鋪滿配菜，滿到就瀉，豐富到爆🤣魚又夠大條，魚肉算滑身，汁好清甜，不過點酸辣汁食very good👍🏻🍴鮮芒果糯米飯 $48呢個就一上台就秒被k.o個個都話好正想追多碟，事關芒果好鮮香，糯米又清甜，十個正！

今日同朋友去左試依間樓上舖泰國菜！一出Lie見到地方都寬敞 枱與枱之間吾會逼啲裝修都幾有泰國Feel我地今次五個女仔食， 但好多野都想食！所以叫叫下叫左好多餸泰式生蝦刺身蝦身吾稱得上大隻 但好新鮮 肉質好彈牙泰式酸辣鳳爪好夠酸夠味 如果再辣小小會更惹味！炸蝦餅本身對蝦餅冇乜興趣 不過見朋友話好不絕即管試下 真系相當吾錯！ 外皮好脆口又夠熱 入邊好彈牙！冬陰公海鮮湯 (大)好足料 啲蝦相當大隻 仲要有幾隻!夠酸夠辣 吾會太重椰味馬拉盞炒通菜夠味 吾會炒到老哂！同平時食既差吾多 不過不失粉絲什菜煲依個好吾錯 啲粉絲好正 索哂啲汁除左有幾款菜之外 仲有紅蘿蔔 粟米仔個d明爐烏頭我系故意整走哂啲配菜先影條魚因為條烏頭真系好肥好厚肉肉質結實但又吾老 點生蝦汁食系絕配菠蘿炒飯啲飯粒粒分明 但吾會炒到好乾 菠蘿好甜芒果鴛鴦糯米飯就算幾飽都要食既甜品啲糯米飯熱辣辣勁好食！ 啲芒果超甜總結我一定會再黎食！ 樣樣餸水準都好吾錯

同阿媽出街食飯，佢成日都會揀食泰菜，今次我就做定research😆見openrice呢間泰屋評價幾好，就決定趁星期日帶阿媽黎試下！呢到啲Set Lunch勁多選擇，價錢仲好實惠。平均包埋野飲都係50蚊左右。青咖哩雞飯$55我叫左個青咖哩雞飯。由於食過唔少餐廳既青咖哩質素都幾参差，所以原本都唔係太大期望，但冇諗過呢碟認真好味喎！熱辣辣，味道濃郁之餘啲雞既份量都唔少。配白飯一流。乾炒泰國金邊粉$50見隔離幾枱都有叫金邊粉，阿媽就跟風叫左😂我都食左啲，感覺幾正宗。賣相亦十分吸引，有大大隻魷魚🦑、青口和蝦，配料十足，撈埋花生碎和辣椒粉更加入味。馬拉盞炒通菜$45我地仲叫多左碟菜一齊食，勁大碟。通菜爽口又青嫩，加左啲辣椒絲更加正。最後每人嘆左杯熱奶茶☕️ 飽到上心口😂 埋單都係得150，超抵食！

朋友話哩間泰國餐廳唔錯所以今日就去試吓，一入到餐廳無論裝飾同埋感覺都做到似泰國既，加埋泰文既歌真係幾relax💓💓餐廳地方都算大，加上我早上去，一入去就有位喇，食物方面都好全面，好多泰國名菜都有嗌咗半隻海南雞，雞都大隻既，雞味夠濃而且每個部位都好嫩滑呀💓💓另外，值得一推既係佢既醬，好正宗既泰式醬汁呀，個醬真係可以將海南雞既味道層次提高哂，好正呀😘😘清邁鐵板蠔仔蛋勁多蠔，每粒蠔都好重味，蠔愛好味真係唔好錯過😚加上煎到唔太燶蛋，兩樣野加埋仍然都係咁夾既，蠔仔蛋下面鋪左勁多呀芽菜，芽菜食落去好清新呀，一道菜兩種唔同既口感係特別既☺️☺️最後我叫左泰式烤羊架加青咖哩🥳🥳羊架係用咁鐵板咁上，上菜既時候鐵板仲係（辣）緊個羊架，咖哩汁係另上嘅，羊架嘅羊味我覺得岩岩好😋😋而且肉汁都鎖到喺羊肉果度，加上肥膏同肉嘅比例啱啱好，咖哩唔算好辣，中間加左椰汁，反而令到咖哩有陣香味喎，搞到我特登叫左碗白飯黎送咖哩，佢既咖哩係真心出色既☺️☺️總體黎講泰屋既野食的確唔錯既😜😜