泰屋

营业中

休息中

約了朋友去旺角食晚飯，就揀了這間泰國菜。有幾款套餐，但兩個人都是散叫化算。本來叫了半打泰式沙嗲牛及豬，但最後就比了豬及雞，都無所謂啦，一樣照食，串燒即叫即燒，表面帶焦香，雞肉比豬肉最出色，既香又嫩滑，沙嗲醬又惹味。之後要了條魚，想要烏頭但缺貨，所以就要了鹽燒鱸魚，原條即燒鱸魚，足足等到最後才上，鱸魚差不多有我手臂長，燒至皮肉分離，裏面夾著些香茅等泰式香料，去掉魚腥味，所以魚肉有淡淡香料清香，而且保留了肉汁，魚肉不乾又嫩滑。另外要了泰式濕炒河，河粉表面舖滿了雜菜及牛肉，幾乎配料還多過河粉，河粉是用了粗身，爽口不腍。最後食埋個四式甜品，有千層糕、芋頭糕、大菜糕及椰汁糕，本身我唔食芋頭，但這個芋頭糕絕對有驚喜，既香又不會太甜，而且熱辣辣蒸起，絕對要試。

突然想食泰國野，但係自己一個又唔食太多，不過又想食下泰國野～所以我去了泰屋，因為之前已來過，覺得不錯，想再一再回味～點了店員向我推的泰屋三星炒飯 $88哎喲超大份的，一人吃不完但真的很好吃，看似簡單的炒飯，包含了多款材料，然後飯又QQ的，推薦大家來吃可以點。印度油酥餅 $35油酥餅不會太乾，是有一點點油油的，如果有點咖哩可以蘸點一起吃。三色冰 $33椰奶加上不同甜甜顆粒帶給你幸福感覺如果下次再來的話，會帶更多朋友來，一起分享美食～

之前係Openrice見到呢間泰菜就已經好想試😆今日終於約左朋友一齊食😋7點領8點去到，唔使等就可以直接入座一打開餐牌，朋友就話要試個椰盅飯個飯椰漿味都幾濃，幾好食叫左個細既拼盤（有雞翼、蝦餅、魚餅同春卷）每款有4件，我地就岩岩好一人一件唔使爭😝我地仲叫左半打串燒、馬拉盞炒通菜、冬蔭公湯同豬肉炒粉絲🍴🍴個菜炒得好入味，正再加埋一人一杯凍飲🥤埋單每人都係百領蚊，下次黎可以試埋其他野食

放工後難得約到朋友聚一聚，想食d東南亞野，係旺角搵左泰屋食飯。地方光猛，坐得唔錯，一開始6:30有幾枱客去到8點幾走個陣逼爆要排隊等位 就知呢度幾受歡迎。前菜小食叫左泰式炸魚餅（$72），金黃炸脆表面入面啖啖蝦肉，配酸甜醬，好好食好開胃。菜方面要左馬拉盞炒通菜（$72），份量好大，兩個女仔食極都仲有。熱辣辣足炒氣，通菜都好新鮮，跟馬拉盞咸咸地，令我呢位食肉獸都欲罷不能！肉方面叫左黃咖哩羊腩（$88）。羊腩味微輕，一開始以為係牛腩，不過勝左份量好大，羊腩肉身諗，非常惹味。飯叫左泰屋三星炒飯（$88），份量真係大到食到頂唔順，足料海鮮加酸酸地既菠蘿粒，大滿足呀！不過可能太濃味，蓋過左本身飯既味道，感覺有d淡。最尾甜品叫左四式甜品碟（$40），有四款泰式糕點，分別係：椰汁西米糕、千層糕、芋頭糕同蛋菜糕。椰汁糕香味濃郁，下面粒粒西米口感一流。啲糕點除左椰汁糕之外都係有兩件，方便share，而且超飽肚。咁多野食，埋單都係400蚊有找，抵食呀！唔怪得知全場滿座！

放假同朋友去了旺角做個Spa鬆一鬆，之後兩個人就去了泰屋食個晨早晚餐。泰式炸蝦餅一份有四件，各開一半分成八份，炸至金黃香脆，蝦肉彈牙。海南雞半隻大部份都已去骨，雞皮爽口不多脂肪，雞肉嫩滑，雖然是冰鮮雞，但沒有雪藏的味道，加上特製的泰式酸甜醬，十分惹味。黃咖喱牛筋腩配印度油酥餅牛筋腩份量十足，牛筋炆至軟腍，牛腩鬆化，咖哩及椰奶味都很香，而且辣味感輕微，適合大眾口味，配上油酥餅，可以徹底嘗到咖哩香味。

今晚與好友在這間泰國餐廳吃，座位座得舒服，環境很好，食物真得好好味，我們叫了杯生蝦沙津，串燒，炸蝦餅，鳳爪，每樣食物味道剛剛好，炸蝦餅炸得脆脆，侍應好好，下次再去

唔係之前openrice睇到都唔知旺角近太子呢邊有呢類全棟都係食肆既商廈之前去上層食吉列牛果時已經留意到呢間泰菜既poster，知媽咪中意食泰國野專程帶佢黎試下～𨋢門一開就見到好有泰國特色既佛像，夠哂地道。餐廳用色以充滿東南亞氣息既綠色同棕色為主，旺角區黎講間隔算幾闊絡，即使二人枱都唔會太逼，擺到四至五碟餸。泰菜必點青木瓜沙律，木瓜絲爽脆無渣，酸甜適中，加上辣椒越食越有辣勁，好開胃。醃肉碎炒得香口，唔會過鹹或過酸，豬肉肥瘦參半，瘦肉既嚼勁混合油膏既爽嫩，口感不油不韌，夾喺生菜中輕盈又惹味青咖哩味道偏甜，無想像中既辣味，但濃郁既椰香為佢扳回唔少分數。第一次見青咖哩同燒鴨呢組配搭，估唔到幾match，連咖哩都充滿鴨肉獨特既羶香，如果什菜多啲食起黎會更滿足羊仔柳先裹上生粉炸香，再伴入配菜同芒果煮成，食落偏甜膩，用料偏向芒果醬多於鮮芒果。外層幾脆口，炸粉偏厚，羊肉選位比較多肥膏，口感一般，呢一味餸不過不失啦

去旺角覓食::: 726整棟都是美食集中地一定找到一家想吃的！來到這家點了推介的冬蔭公鮮蝦炒飯🦐這個好喜歡啊，冬蔭公味很出！炒飯堆疊得很高，其實是超大的一盤，CP值很高🤩然後再來是小食雙拼盤🍤 蝦餅 | 素春捲蝦餅如果彈牙一點我會更愛啊～小食另外多點了一個生菜包🥬肉碎調味比較濃，包著生菜吃很剛好👌🏻最後想點個菜，外食也要多吃菜～～通常我都會點馬拉盞炒通菜啊～比較泰式！不想去不方便的九龍城可以來試試旺角這家啊😋

這間餐廳喺我朋友share畀我噶，今日過來試下喺真噶唔錯渥。我們兩個人點咗四個菜：1.馬拉盞炒通菜$45 超級好味,好新鮮.2.青咖喱豬扒飯$55,唔會太辣,啱啱好,咖喱好香有好濃郁噶椰香味.3.原個鳳梨海鮮炒飯$98,分量好足,料又多,超級抵食.4.青木瓜沙律$36 好清爽噶味道.這餐抵食!

最近天氣炎熱,有口淡淡,朋友提議不如食泰國菜。入到餐廳,座位非常闊落,服務員安排我們坐沙發位,打開餐牌,午市到套餐有不同的選擇，午市套餐全部也是免收+1，價錢合理。有冬陰公湯，有飲品，如果叫特色飲品加$10。我當然立即點了我最喜愛的泰式金邊粉。朋友就選了海南雞飯。海南雞飯（$68）配柚子蜜（$10）海南雞配油飯，厚肉，份量十足，唯獨油飯口味較淡，沒有濃郁的雞油味。泰式金邊粉（$50）配珍多冰（$10）分量十足，大大碟，味道非常濃郁，孫鹹味適中，值得推介。

尋晚突然泰癮起，上網搵下有咩泰國菜好食見到泰屋裝修幾靚，走去試一試距一入去見到啲擺設即刻feel到陣泰國味😁😁可以勉強暫時頂住一下條泰國癮環境都幾乾淨企理，夠光猛，枱與枱之間唔会話排得好密幾好坐生菜豬肉包，我覺得其實一般無咩特別，再炒香啲会好啲酸辣鳳爪，唔算好辣，連我依個唔太食得辣既人都食到蝦餅夠香口，夠脆蝦餅入面都仲有啲原隻蝦肉粒個汁幾香，條魚都滑既仲有多碗湯汁俾你，等你唔会燒到乾哂泰國象啤，食泰國野必備

想食泰菜唔一定要去九龍城，油尖旺區都有唔少選擇。是日星期日，周圍都係人，晚飯時間好難搵位，唔想等位嘅唯有選擇樓上鋪。位於旺角彌敦道726號嘅「泰屋」，地點旺中帶靜，食物味道都算正宗。我地一行兩人，叫左三個小食同埋一份主菜。泰式沙嗲：一客串燒有六串，可以從雞、豬同埋牛之中揀兩款，我地揀左雞同埋豬。加入左沙嗲去燒嘅串燒香氣十足，火喉亦都控制得好好，入口一d都唔乾身，肉質仲非常爽口，點住自家製嘅醬汁食，非常好味。醃酸辣鳳爪：泰式鳳爪係泰國菜裡面算係不可缺少嘅小食之一，呢度嘅鳳爪係無骨，咁就唔駛吐骨啦，好方便。辣度方面對於喜歡食辣嘅我黎講都算幾辣，不過食落都算幾過癮。馬拉盞炒通菜：通菜合時無根，炒煮時火候剛剛好，軟硬適中，馬拉盞味香，咸味無過火。黃咖喱雞配香蔥蒜蓉包四件：主菜方面我地揀左黃咖喱，配料可以揀豬、牛、雞或者鴨。加左椰汁整成嘅咖喱真係份外香，入口唔會太辣，加埋爽口滑身嘅雞肉同蔬菜，份量剛剛好，配埋新鮮焗起嘅蒜蓉包食，真係完美嘅配搭啦。埋單每人＄200都唔洗，可以咁優美嘅環境下食到咁正宗嘅泰菜，都算係性價比高。

今日搵食黎到旺角，一早聽聞係旺角道同彌敦道交界位置多左一座好多野食既商業大廈，而今日我地就黎到呢到搵到間泰菜同大家介紹下。一上到2樓，門口已經好泰國風，裝修都以木材為主，環境都唔錯，不過當日去到見到好多團餐既遊客，驚中伏😂但黎左d食物後就安心返好多😂首先我地叫左個小食拼盤開下胃，包括左魚餅，蝦餅同春卷，三樣都非常香口，加埋泰式酸甜醬都幾唔錯，呢個價錢食到算抵👍🏻👍🏻跟住再叫左個炭燒豬頸肉，肉身非常爽脆，加埋泰式辣醬就梗加惹味～仲有值得一提既係佢個椰盅海鮮焗飯，一黎到份量多到嚇親，海鮮都係放面頭為主，椰汁流哂出黎一上台就聞到椰香，抵食!😆最後我地仲叫左個椰青，近排天氣咁熱，飲返個清甜既椰青認真唔錯架😋😋🔹迷你小食拼盤 ($82)🔸炭燒豬頸肉 ($80)🔹原個椰盅海鮮焗飯 ($88)🔸泰國椰青($42)

泰屋位於彌敦道726號2樓，周不時食lunch 都會過黎以到食，因為Set lunch 免收加一服務費餐牌有單點，set lunch，午市特價小食，午市4位套餐， lunch 價錢合理，有湯有飲品，亦可加錢轉其他飲品以到有我勁鐘意食既泰式香葉肉碎煎蛋飯，除了可以做生葉包，其實都可以配白飯，肉碎上加上一隻荷包蛋，香葉混入肉碎炒混，而且夠辣，香氣十足。冬蔭公湯-酸酸辣辣夠開胃青檸梳打-大大杯，夠晒解渴，食辣野最岩飲

今日老公帶我黎泰屋食lunch，食完lunch，行過兩條街就睇裝修材料，好方便。餐廳坐位好大好多，檯與檯之間有一定距離，而且12點半左右，已經愈黎愈多人。冬蔭公湯酸辣醒胃海南雞配白飯（$68）原本想要油飯，但未有，海南雞雞肉已起骨，雞皮爽口，而且雞皮下沒有肥膏，如果雞味濃點會更好+$10紅豆冰紅豆軟腍，超香椰汁味迷你小食雙拼（$82）點了蝦餅和魚餅，蝦餅結實，而魚餅，魚餅又香又辣，沾上泰式辣醬一齊食，酸辣可口