泰屋

朋友想食泰國菜，我地就前一日book左呢間餐廳，我地大概7點半左右到達，好彩有book定枱，一開𨋢門已經坐無虛席。
我地一共點左4個餸，首先系小食珍寶拼盤+生菜包

小食珍寶拼盤(小)

雞翼(芝麻好香)、炸蝦餅(蝦好彈牙 可口)、素春卷(春卷餡好豐富 鬆脆)、炸魚餅(有芫茜 但唔難入口 本人十分抗拒芫茜都可以食到)。

沙嗲串燒

沙嗲串燒，揀左豬+雞(肉質好滑、好入味、燒得岩岩好，而且肉唔會痴住竹籤）

泰式大蝦炒金邊粉

泰式炒金邊粉一睇賣相好吸引，通常其他泰國餐廳出品嘅炒金邊粉都系一pat pat，但呢間餐廳完全無呢個問題，加上佢用蛋包住，食落有蛋香，而且蛋炒得唔老，金邊粉唔會好淋，蝦好彈牙 新鮮。

總括而言，呢間餐廳食物好味，價錢又唔算貴，值得一試。