泰妹餐廳 (The Wave) (已結業)

呢間餐廳係開放式，所以之前行過見到就已經想試下叫左雙拼飯，有海南雞同泰式咸肉，個咸肉其實類似燒肉咁，個皮好脆😋個海南雞就好滑嫩，點埋佢個醬食好開胃😊個黄油飯好令，我中意撈個黑色汁送飯，會好味好多☺佢個餐包餐飲，叫左泰式奶茶，好好飲丫😍佢係熱飲但唔洗自己落糖，應該係落左糖漿，好香甜😁之後個軟殼蟹咖哩飯都上左，d咖哩好香，個蟹炸到脆一脆，唔洗折蟹殼原隻食真係好方便丫😊同埋中意撈汁送飯既人一定要叫呢個，因為佢d汁係大量，啱啱夠我撈哂成個飯黎食😋呢間泰妹真係泰好味，下次唔洗飛泰國都可以嘆下泰國菜

復活節假約朋友食lunch。見到呢間泰國嘢好似唔錯，於是就walk-in 去咗食。估唔到佢紅日都有set lunch 叫，仲好抵。最後我地叫左兩個set。仲加錢飲菠蘿冰。冬陰公湯粿條同埋軟殼蟹咖喱飯係大份既，味道都ok。如果系尼頭返工放lunch嚟食都唔錯呀！男士們一定食得飽。但係美中不足就係個菠蘿冰，真係好hea...似係罐頭菠蘿加糖水加冰+10幾蚊。下次都係叫返唔洗加錢既野飲算啦😅下次可以晚上再嚟試下

和同事去觀塘Apm行下，到左食飯時間，同事帶左我去The Wave 食泰菜，佢話泰妹好味又抵食，價錢吾貴重要免加一。搭扶助手電梯上一樓就見到，餐廳分左右兩邊，地方整潔，佈置簡約清雅。泰妹無骨海南雞半隻，雞皮爽口，雞肉鮮嫩，已去骨啖啖肉，有三種醬汁跟上，可令雞肉味道提升。泰式豬乾炒河粉：濶身的河粉炒得好夠鑊氣，豬肉入味不硬，又香又夠味，食不停口！原個菠蘿海鮮炒飯：用半邊菠蘿盛載上枱，份量不少。飯炒得好香，材料有青口、魷魚、蝦等，並加入菠蘿粒，令飯有酸甜味道，十分美味！金黃色的炸蝦餅，即叫即炸，外層酥脆，肉質鮮美彈牙。可以點些泰式酸辣醬，更添美味！

唔洗去泰國都可以食到美味的thai Food 的，泰妹的菜式就十分值得推介了。menu 有二人set 或者可以散叫。椰青$38，飲落椰汁十分香，椰青可以自己分開食，大大個十分多果肉，好有口感呢，飲落夠晒清新。原隻波羅炒飯$98波羅炒飯係原個波羅上的, 炒飯配有炒蛋，海鮮，好似蜆咁，仲有提子乾，甜甜地味道夠入味，飯既份量都足夠。Thai 式炒雜菜$68選擇了雜菜，香菇，耶菜，菜心乜都有，少少辛辣，但香口，用黎送飯一流呢。

復活節假期的晚上，同朋友3人行想食泰國野，openrice search見到呢間泰妹評分都幾高，一於去check it out！強烈建議大家想食ge話記得早d book位，餐廳座位唔算少，但問過職員話廚房只有一個爐頭，所以佢地預ge食材有限，而且出餐時間也是考人耐性，如果想食好野，個人認為都值得等ge。海南雞飯最快有得食ge就係海南雞飯，飯入口有陣陣椰香味，雞肉肉質好嫩滑，就算連雞皮食都唔覺油膩，份量同質素以$58來講絕對係性價比高！蛋花黃咖哩大頭蝦火山包足足等左一個鐘先有，真係好大個包！最吸睛係大頭蝦，2隻已開邊，應該係微炸香過。靈魂在於個黃咖哩醬，香濃而不膩！兼且份量都多，唔怕唔夠點，最後我地3個人都太飽食唔哂。泰式炒雜菜完全冇泰式ge味道，只係一碟好普通ge蒜蓉炒雜菜，$68好唔抵食，仲貴過一碟海南雞飯。

由於唔就腳既關係，所以平時好少黎觀塘區。呢區有好多工廠大廈，其特色就係工廈入面有唔少唔錯既餐廳，有d仲好出名添!! 是日咁岩有電子產品要黎觀塘維修，咁就當然要食埋個dinner先啦。本身揀左一間餐廳名由數字組成既泰式小店，但晚上7點去到，裡面即使有好多吉位，但原來已經full booking!!....OMG….希望下次黎觀塘區既時間，佢仲係度啦，不竟呢度d餐廳換手率都幾高。因為想食泰菜既關係，結果去左附近既泰妹餐廳過下癮。餐廳有二人同四人套餐，不過望落唔係好岩我地，加上散叫食物都唔貴，最後決定單點。朋友係碳水怪，最中意食米飯，所以點左個豬脾飯 $58。由於本人一直都覺得豬脾好肥而唔敢食，今次係我第一次試呢樣野。上枱果一刻，我地兩個都覺得，餐牌照片真係只供參考….如圖所示，豬肥一堆，豬肉真係少得可憐。朋友話豬脾既香料味正常，不過我就食唔慣，個味有D似藥材。早知都係叫海南雞飯啦…其實我都係碳水怪，不過唔係米飯類，而係麵包類。本身想點個咖哩加薄餅，但原來餐廳無提供薄餅，只有蒜蓉方包磚，不過睇個價錢唔太化算，結果我揀左蛋花黃咖哩軟殼蟹火山包$148。呢款包係其他地方都有食過，一般都係法包質地

餐廳：泰妹餐廳 (觀塘)地址：觀塘興業街4號The Wave 1樓101及103號舖喺觀塘工業區The Wave係一個多元素嘅商業空間，裏面有唔少嘅食鋪、餐廳、辦公室、扭蛋中心等，而一樓除咗有麥當勞之外仲有一間分開兩邊店舖嘅泰妹餐廳🇹🇭雖然係一個開放式嘅餐廳形式，但係都吸引左唔少客人嚟食飯，夜晚八點半嚟到都爆左差唔多八成🤓原隻菠蘿海鮮炒飯($98)每次去親泰國餐廳基本上都會叫嘅一個飯，半個菠蘿殻裝住嘅菠蘿炒飯真係泰國菜必食之選😻菠蘿有另外一個作用就係可以開胃，酸酸甜甜嘅炒飯真係好吸引，裡面仲有唔少料，有魷魚、青口、蝦、臘腸、青豆等泰式炒雜菜($68)呢碟炒雜菜有通茶、芥蘭、椰菜同甘荀四款蔬菜，泰式嘅炒法餐牌就寫係辣嘅，不過食落就一啲辣味都冇，菜式都炒得好香，初頭以為係用蒜乾炒，但原來係用咗濕炒嘅方法去烹調串燒拼盤(雞肉、豬肉、牛肉)($98)雞牛豬三隻肉類各有兩串，每一款串燒都係經過醃製，有少少似用沙嗲汁烤過🤓另外仲有一隻自製嘅黃咖喱汁，不過個人認為唔使點汁就已經好惹味👍🏾泰式雞濕炒河粉($62)炒河粉可以有濕炒或者乾炒兩個選擇，而我就選擇咗叫濕炒河粉，可惜嘅係芡汁仲多過粉，而且呢碟河

這天放工後，我約了家人外出用膳，經過朋友的介紹，我們決定來到這間泰國菜餐廳試一試，看見店內環境寬敞，餐牌上的選擇很多，還會播著一些音樂，能夠給我一種放鬆的心情，而店內的客人比我預期的多，畢竟餐廳位處於工業區，人們較難發現這間餐廳的存在，因此證明食物的質素應該非常高海南雞飯($58)冇骨的海南雞，令客人食得放心，雞肉皮滑肉嫩，非常新鮮，飯粒分明的黃油飯，質素頗高，爽口微彈的瓜，配上甜豉油，辣醬，十分地道，整體份量很多，十分抵食泰式雞濕炒河粉($62)軟彈煙韌的河粉，爽彈鮮美的菇，爽口微彈的芥蘭，紥實的紅蘿蔔，香稔軟嫩的雞肉，清淡的湯底，令人食得更健康，食物是即點即製的，食物的温度非常熱，整體份量非常多非常豐富馬拉盞炒通菜($68)通菜味道鹹中帶點微辣，十分爽口，非常新鮮，份量十分多，價錢可以接受蝦餅釀皮蛋($68)新鮮蝦肉打成的蝦餅，十分爽脆，用軟綿綿的皮蛋鋪面，用細碎的生菜絲蘿蔔絲鋪底作裝飾，配上甜酸醬，味道酸酸甜甜，令人十分開胃，份量非常多煎蠔仔餅($88)煎成金黃色的蠔仔餅，賣相很吸引，配上辣中帶點酸的醬汁，十分特別，蠔十分新鮮，軟綿綿的蛋，份量延多，再用大量的芽菜鋪底，價錢絕對可

約舊同事飯局，今次揀咗觀塘The Wave一樓嘅《泰妹》。餐廳格局簡簡單單，乾淨企理。三個人食，點了個二人套餐 ($268)，另外加了個青木瓜沙律 ($58) 和青咖喱蝦 ($68)。青木瓜沙律 ($58)，冇乜賣相可言，淡而無味。跟住上嘅係青咖哩蝦，味道一般，蝦固然不是新鮮貨色，泰式茄子數量比蝦還要多出好多。小食拼盤有春卷丶魚餅丶蝦餅及斑蘭葉包雞，質素一般，蝦餅特差。泰式海鮮炒河，欠缺火候，唔好食。冬陰海鮮湯是全晚較為有水準的製作，微酸微辣，味道不錯。馬拉盞炒通菜，質素一般。至於四式甜品，猶如吃擦膠一樣，不值一提，我也忘記拍照。我還加多$12，配個芒果沙冰特飲，飲得出不是新鮮芒果製作，加了人工味道和色素，非常可惜，同樣令人失望。三個人$468埋單，每人150蚊左右，食晚飯嚟講唔算貴，不過食物質素差，將貨就價非常明顯，性價比非常低的一餐。

The Wave 租了空地給餐廳，多了很多選擇，和朋友到APM行街，中午到這裡搵食。泰式蝦炒金邊粉 $62大大一碟，蝦的份量多，加上雞蛋及芽菜一起炒，甜度剛好，金邊粉軟硬度適中，上面加上花生碎，令口感更佳。泰式豬脾飯 $55切成一粒粒的豬脾，配有菜心及半隻蛋，豬脾肉質嫩滑，肥瘦剛好，而且醃得入味，飯還加上甜汁，正！蕃石榴沙冰 +$12午餐加12蚊轉特飲，蕃石榴味濃，不會過甜，用新鮮水果打成，必試。

食物味道不錯，不過服務質素真系好耐。去到大概系7點幾八點，餐廳都半滿座，入座安排尚算不錯如果你行埋去問有冇位的話，其實坐落真系好迫。第一道海南雞飯其實上臺已經唔係好熱，因為佢上錯隔離台，係隔離臺搬番過來比我地。到第二道才豬肉濕河呢，已經系完成海南雞飯15分鐘忍無可忍出去追單先上到臺。唉，第日真系唔會再來全程冇人理過我地張兩人臺。知道呢間係試業鋪頭，人手有限是現實飲食業問題。至少同客人講大概等幾耐，落單果陣問下要5要杯水或者你叫客人自助都好過一個有得食一個冇得食系度齋等咁老尷丫

泰妹的thai 菜抵食夠好食，記得上次同朋友黎過呢到食夜晚飯，唔洗加一之如味道仲好好。今次我地叫左幾樣野share 食。香葉肉碎生菜包$68生菜一籃夠新鮮，加埋炒香左既肉碎，食thai 菜不得不食生菜包呢。Thai 式蝦炒金邊粉$68金邊粉份量超級大碟，真係十分抵食呀。呢個價錢同份量，已經夠兩三個人share 食。金邊粉十分彈牙，蝦亦新鮮，味道好濃郁。香茅雞亦$38香茅雞亦好香口，整得好入味。原隻燒魷魚$88酸酸甜甜的配搭夠特別，魷魚新鮮彈牙口感ok

夜晚OT，想公司附近求其食個麵然後her her返翻去做嘢。平時去東廣場，今日試wave裡面嘅「泰妹」。之前食過lunch，今次試彩虹河粉，$52，算合理。間餐廳有兩邊，8:30pm去到其中一邊算full, 另外一邊無人。環境雖然叫做坐餐廳外，都尚算舒適。呢碗彩虹河粉上枱算快，一片片嘅粉皮加d豬肉丸，魷魚，都幾好食, 湯底唔咸, 適中. 我無特別叫飲品, 但侍應好自動自覺比咗杯暖水我. 成件事唔錯, 下次再OT, 值得再黎幫襯吓~

今日去左觀塘接朋友放工, 經過大間老麥原來搬左去對面 the wave, 諗住過去八卦下, 一上電梯見到大大個泰妹招牌, 餐廳分左2邊, 一上到去就係open area, 對面又有另一舖位, 見仲未太多人就決定試下睇左陣餐牌, 有選擇困難症ge 我地都係揀2人餐好了, 至尊二人套有齊泰國菜必食ge 冬蔭海鮮湯, 馬拉盞炒芥蘭 同泰式原隻菠蘿海鮮炒飯冬蔭海鮮湯成窩上, 而且仲好足料雜錦串燒小食拼盤泰式海鮮粉絲沙律馬拉盞炒芥蘭蜂蜜洛神花茶 & 香茅蝶豆花檸檬梳打上菜速度都好快, 成檯野食樣樣都想試唔知食咩先好直到泰式原隻菠蘿海鮮炒飯都上埋, 先發現我地叫左幾樣都係海鮮~ hahaha眼闊肚窄, 呢個2人餐足夠3個女生份量呢~

最近喺觀塘同朋友上瑜珈堂💪，所以要成日喺觀塘覓食!!! 今次就試試The wave嘅泰妹喇!!除左正常餐牌，仲有兩款二人餐可以選擇，都幾多元化呢。兩款二人餐都有齊湯，小食，主菜，蔬菜同甜品飲品，至尊餐就有多樣沙律。同朋友最後決定食普通二人餐，太飽做運動唔太好呢。🔸椰汁雞湯🔸唔食得辣嘅朋友揀左椰汁雞湯，用料好多呢，有好多雞肉同菇，飲落酸酸地，有少計椰汁味同香茅味，好味!🔸小食拼盤🔸份量都唔少，蝦餅同春卷都炸得香脆，魚餅冇腥味，而且香葉包雞肉質都軟嫩，唔錯唔錯~🔸泰式海鮮乾炒河粉🔸有鑊氣呢，河粉炒得乾身，海鮮蔬菜份量多，蝦肉爽彈，魷魚柔嫩唔韌!!!🔸馬拉盞炒芥蘭🔸食落唔會油膩，蒜味濃郁，唔太咸，芥蘭好爽脆。左🔸 香茅蝶豆花檸檬梳打 🔸香茅味剛剛好，酸酸地，睇住啲顏色轉變，好治癒。右🔸 香茅青檸薏米水 🔸朋友的薏米水，佢都話唔錯，春天去濕一流呀!!🔸泰式甜品拼盤🔸色彩繽紛的大菜糕，最鍾意右下嘅椰汁班蘭糕，唔太甜，爽爽地，都唔錯呢!泰妹餐廳裝修年輕開揚，坐得舒服，價錢唔太貴，附近返工嘅朋友又多一個lunch選擇!!