泰妹餐廳 (The Wave) (已結業)

觀塘the wave,麥當勞隔黎有間泰菜,餐廳裝修似飯堂, 勝在價錢貼地, $88冬陰公海鮮湯,大約6碗份量,2個人好夠飲,味道唔辣,酸酸地,好足料,有蝦有青口,魷魚。木瓜沙律太多汁,浸到底果D沙律菜好辣,沙律好滿,又有青口。波羅海鮮飯是原個波羅,炒飯粒粒分明,肉鬆,腰果令海鮮飯更好味,有波羅味,2個人每人2~3碗,又有青口炒飯加青咖哩雞更加好味,青咖哩椰汁味重,甜甜地~終於無青口。雞的肉質滑。兩個人食到好飽都只係$300

喺九龍灣放工想喺公司附近搵吓有冇泰國嘢食發現其實觀塘有一間都幾新裝修嘅工業大廈The Wave 有泰國菜而且多位 於是試下一嚟到就見到好多人都嗌呢度嘅主打火山包於是呢我哋都跟住嗌左個火山包喇跟餐單兩個嘢飲咁第一個呢就係青檸梳打第二個係菠蘿特飲青檸梳打其實又真係梳打水加青檸然後菠蘿特飲呢就係新鮮菠蘿加咗糖水所以大家有興趣去試吓其他呢兩個就唔係咁推介首先其實上左雞湯先嘅雞湯好好呀有好香嘅椰汁味而且有車厘茄份量都唔少其實仲有個火山包上咗啦不過唔記得咗影相呢個火山包果然係佢鋪頭嘅推介首先個包好大其實你可以幻想呢個火山包呢類似龍蝦包一樣都係一個大嘅麵包中間挖空然後呢就有啲汁喺度咁呢個除咗係甜嘅咖喱汁之外我哋仲嗌咗軟殼蟹入邊有成四舊啦咁所以呢份量都幾大原本有啲驚因為泰國菜所以個咖喱會辣但係佢個咖喱竟然係甜咖喱將個包點落去再加軟殼蟹放喺口到係一流淨係個包都已經可以唔停咁樣食👍🏻👍🏻👍🏻👍🏻大推咁仲有其他嘢食啦

話說上一回跟朋友在電話群組內聊天, 大家談起泰國菜, 我給他介紹了觀塘的一所食店. 今天有幸跟這個朋友一起吃中午飯, 他就給我反介紹另一食店, 說這間也相當不錯. 地點方面, 這食店就在觀塘駱駝漆大厦往地鐡站方向後一條街, 可以說是相當容易找到. 我們倆點了兩個午餐, 因為價錢相宜的關係, 每個午餐都加了一個小食, 亦轉了飲品做特飲.  泰式雙併飯 (海南雞拼豬脾) 配有黃油飯, 油香十足. 又跟有三款醬油, 可隨自己喜好享用. 海南雞當然無骨, 皮簿之餘脂肪亦少. 豬脾伴有醬汁, 亦是無骨的, 肉質軟身, 有適當份量脂肪, 皮爽. 蛋花黃咖哩軟殼蟹飯有一整隻軟殼蟹, 蟹入口新鮮香脆, 配上蛋花黃咖喱更添香甜. 班蘭葉包雞彌漫着班蘭香氣, 入口清新不膩. 魚餅有濃郁芫茜味, 很香口.菠蘉冰清甜解渴. 紫籃色的香茅蝶豆花檸檬梳打水感覺很夢幻. 帶微香茅味, 少量蝶豆花香, 較多清新檸檬味. 

做完SPA好肚餓，所以同朋友叫左個二人餐。另外食滿200蚊，加1蚊多4隻雞翼，當然要埋啦。點知就比隔離枱既大媽眼紅我地，話我地兩個人點食都咁多野呀，三個人食就差唔多。其實食唔晒又點呢？見到咁多食物，覺得開心未得羅。食唔晒，可以打包既。二人餐$268餐湯：冬陰公海鮮湯真材實料，隻大頭蝦同隻膠匙羹咁大，厚肉鮮味仲有好多其他配料：青口，蝦仁,魷魚，菇菇。湯底鮮甜，微酸辣，超開胃。平均每人有3碗份量佢有慢火熱住，所以可以慢慢嘆。泰式小食拼盤：魚餅，炸蝦餅，斑蘭葉包雞，春卷最愛斑蘭葉包雞，雞肉鮮嫩，仲有陣陣斑蘭葉香味魚餅和蝦餅很惹味，可惜係薄身，大件啲就仲好春卷炸得香脆可口，包著啲肉碎和粉絲，口感層次豐富。記得一定要醮埋跟上黎既泰式醬汁，更加美味。泰式炒雜菜雜菜種類不算多，都係啲一般菜類：椰菜，西蘭花，紅蘿白，芥蘭，菇菌。不過，勝在夠鮮嫩，加埋大量炸蒜頭，變得很惹味。泰式海鮮乾炒河粉好大碟，配料足，有數隻大型青口，蝦仁，魷魚等。河粉非常粗身，切成一片片，口感非常順滑。不過，真係食唔晒，打包左了。一蚊既雞翼超值！炸至金黃色，皮脆肉嫩，加上蒜蓉粒飲品：青檸梳打青檸味出但唔太酸，無糖唔甜，剛好中和冬陰

最近黎親觀塘都中意黎the wave食飯食過好多間都覺得好高質今次就試下呢間泰國菜閒日八點倒黎到都接間坐無虛席我地三個女仔叫左個二人套餐($268)勁扺食！cp值好高！首先黎左鍋湯先 會有爐熱住凍冰冰既天氣都唔驚椰汁雞湯^_^正！小食拼盤 有四種種類送上黎時熱辣辣 一路傾計一路咬下咬最正泰國菜必點既馬拉盞通菜炒得好夠火喉 泰式乾炒海鮮河泰式炒河係我必點主食之一！海鮮都唔少喲仲會包埋甜品同兩杯飲品另外都叫左個肉碎生菜包($68)提提大家唔太食得辣既話一定要叫小辣因為呢間係超級辣！勁香口勁過癮^_^最近仲做緊promotion 如果點得超過二百蚊既 加以加一蚊雞有碟香茅雞翼！堅係超抵唔知幾時完 大家快啲去喇！

又到收工時間，放工梗係想食好野架啦，今天次就去左觀塘the wave 搵野食，見佢平平地就試下啦。因為我同朋友都唔餓，所以食既野唔多。先落既係菠蘿海鮮炒飯，香味同濃味岩岩好，配上肉鬆同腰果，有咬口之餘總咸咸甜甜咁。又多料，青口又唔鞋，真係抵讚架之後呢就係串燒拼盤，共有六串。豬牛雞各2。沙嗲味超級好食又惹味，總燒得岩岩好，肉都好嫩滑。重點係唔貴呀嘛，下次黎我一定會試下佢個芒果糯米飯，我見好多人都有叫，總有客係食完總要外賣多一個走架！

叫左個二人套餐，味道不錯，份量亦足夠。餐入面的湯類揀左椰汁雞湯，食到一排，職員姐姐竟然拎左個爐仔黎，問需唔需要加番熱，好體貼。咁岩做緊優惠，加1蚊有四隻雞翼，好著數。

觀塘興業街The Wave地面的裝置，色彩頗奪目，很能吸引遊人的眼睛停留片刻，最近有新店進駐一樓，其中一間就是我們今晚用餐的「泰妹」。吸引我到「泰妹」的原因是這裏的層層叠蒜蓉包$38，雖然都是美味烘脆的蒜蓉包，但動動腦筋又帶來新意和玩味，我喜歡！食海南雞飯$58是喜歡已經去骨啖啖肉的滋味，油飯不太油膩而且有雞油香味。原隻燒魷魚$88，魷魚肉質新鮮，帶少辣的原隻燒魷魚更惹味！串燒拼盤$98（雞、牛、豬），串燒味道夠，沙爹醬汁味道令串燒錦上添花，我略嫌串燒牛肉燒得較乾身咗少少。泰式濕炒豬肉河$62，濕炒豬肉河有多款蔬菜，豬肉片也多，大大碟很豐富，味道適宜。街坊價，服務好（經常添加暖開水），很滿意！

夜晚嚟到the wave，係地下夾完公仔，玩夠就上一層，嚟呢間「泰妹」食好嘢我哋叫咗個火山包，落單嘅時候店員提醒我哋製作需時，要等耐啲點知其實佢同其他嘢食差唔多時間上，唔差太遠農夫包中間挖空，中間嘅包搽上香蒜同牛油，放係一邊可以沾咖哩嚟食滿到瀉嘅黃咖哩好香，入面有蛋花，醬汁椰汁味濃，帶微甜，食唔停口入面嘅炸軟殼蟹好脆，炸得熱辣份量好大好多，蟹肉連蟹腳有四大件，包身亦都好厚，可以索哂咖哩汁有呢個爆漿嘅火山包，真係可以撈好多碗飯因為我哋叫嘅嘢食夠$200，所以店員問我哋要唔要加$1食呢個牛油雞翼好抵咁加咗，牛油雞翼炸香，個皮炸到好似紅燒咁，入面嘅雞肉嫩滑juicy串燒拼盤有豬牛雞各兩串，本身已經用香茅等香料醃好，加上沙嗲醬一齊食，好有街邊小食嘅風味芒果糯米飯嘅芒果好新鮮，又甜飯有兩種：紫色嘅紫米同綠色嘅班蘭糯米飯最後淋上芒果汁同椰漿飯唔夠黏，食落有啲鬆散，醬汁味道偏酸，如果可以甜啲會更好

午市呢度成日都爆，夜晚好彩都多位叫咗個兩人餐，餐飲嚟先左邊嘅係加$12嘅菠蘿冰，唔係想像中嘅黃色菠蘿沙冰，但係菠蘿粒勝在夠新鮮，中和返甜味套餐包嘅青檸梳打味道好refreshing椰子雞湯好大煲，兩個人食，裝到5碗雖然本身已經煮熱煮好，但係都用個火熱住用料都幾豐富，有好多雞肉，菇類同車厘茄比起其他椰子雞湯，呢度嘅湯椰汁味較濃，加上微酸，仲有啲香茅味，整個鍋好香馬拉盞炒芥蘭好惹味，芥蘭幼嫩唔老，醬汁爆炒入味小食拼盤好豐富，啲炸物好新鮮滾熱辣魚餅好重香茅味，蝦餅好結實彈牙米紙卷炸完，完全係泰式春卷，入面嘅肉碎同配料好搭班蘭葉包雞入面嘅雞肉係預先醃好，炸完味道好有泰國風味乾炒河粉鑊氣十足，好似係曼谷街邊舖頭食嘅一樣有蝦球，魷魚，青口，蟹棒，用料足，加上蛋片，雜菜一齊炒，一片片薄薄嘅河粉非常入味最後嘅甜品拼盤好靚，有3種顏色嘅糕點綠白色嘅係班蘭椰汁味，粉紅色同紫色都好特別，糕點嘅質感似大菜糕，食落係爽口清新嘅

係觀塘落堂，勁肚餓，又去wave搵食，見到影相勁靚既雞南雞，我最愛既補骨膠原食物。估唔到下午茶時間都仲咁多人，睇黎好多人同我一樣咁遲食野。 去到仲有set lunch 食，都好多特別野食，不過又一心想補骨膠原，最後都係叫左海南雞併豬脾，不過都有八卦問店員佢地既湯粉，原來粉係佢地廚師自己削，會比外間厚身同彈口。 見埋佢地晚餐餐牌，我決定下次叫埋朋友黎再戰。薏米水加埋青檸，清滯去濕，估唔到泰國野都有呢種飲品。 油飯，佢既醬料全部都係自制，不得不提佢個甜酸汁，橙色既甜甜的，我係咁用黎伴飯食，酸酸地好開胃。 海南雞去骨滑嫰，豬脾入味淋身，入口即溶，食完覺得自己即刻皮膚靚左😂😂

午餐時，D同事問我揾泰妹好唔好，仲陰陰咀話D雞好正！聽到我眼突突，但佢地又話我諗多咗。原來佢地講緊嘅係「泰妹」。係一間係WAVE新開泰國菜。一坐低，就每人先來一碗例湯。細細碗，但都幾足料。我叫咖喱軟壳蟹。咖喱好香，好甜，一D都唔辣。軟壳蟹好酥脆甜美。白飯煑重你米，好大份，食晒下午好眼瞓。雞拼豬脾飯D雞好滑，算係哩區最正。D油飯好香，D豬脾好嫩。一次满足三個願望。泰國炒河D河粉好滑漏。肉有雞，豬，牛。份量亦不少。

因為上次食完1988落返去停車場見到一架寫住泰妹既貨車，一google就發現原來前身係做food truck ，宜家有間餐廳。睇完個menu，見二人餐$238有幾多野食幾抵，就約左朋友仔黎試下。去到waiter俾左menu我地，我地點完野食先發現個價錢唔到，menu啲野亦都有啲唔同，再拎返openrice見到個$238二人餐佢睇，佢先話呢個有，係另外一個menu，個下真係覺得好似俾人坤咁！你明明有另一個menu，但唔俾人揀，好似焗人揀個貴啲既餐。佢個三百幾蚊既menu只係多左個小食同餐飲多啲選擇，唔值俾多成舊水！好啦講返佢啲野食，冬蔭功湯入面有隻巨型河蝦，但係啲肉質梅梅地，完全唔好食唔新鮮！個湯亦都太過鹹。後面碟金邊粉亦都麻麻地，羅望子既味唔夠香濃突出，亦都唔夠鑊氣。至於無影到既炒通菜亦都普通，無鑊氣，馬拉盞唔夠香。反而串燒有啲驚喜，燒完都重幾juicy，意外地有燒泰國茄子，以前對呢樣野食印象唔好，因為個次食好生好苦澀，但呢度燒得夠熟，有汁。俾左泰式甜酸辣醬、沙嗲醬同酸辣汁，但點完無人個覺得可以提升啲串燒，特別係個沙嗲汁好甜，唔多夾。餐飲點左凍泰式奶茶同熱青檸水，泰茶俾左原銹鋼飲筒，呢

早上跟兩個寶貝看完戲，下午和老公到觀塘逛友和，逛完後覺得有點餓，所以去了附近找吃的，發現原來麥記搬了去The Wave。其實這裏有很多餐廳，最後我們選了吃泰妹，因為價錢實惠，食物看起來也不賴😜我點了碗湯粉《冬陰海鮮湯金邊粉》，追加了小吃《魚餅》。每個餐都配了一碗中湯，這次是蕃茄薯仔湯。湯粉份量不少，我一直吃一直吃，好像吃不完似的😂我吃到海鮮有蝦子，魷魚，青口，蟹棒等。還有菇菌類，生菜。湯底對我來說味道剛好，酸辣味適中😋 至於魚餅，咬一口，香茅的味道充滿整個口腔，這味道我很喜歡，好香，肉質彈牙。飲品方面，我點了特飲《番石榴沙冰》，顏色很漂亮，番石榴味香濃，愛!👍🏻老公點了飯類《泰式去骨海南雞飯》，還追加了雞腿。我試了一口，飯很香，雞肉很滑，連雞皮也一起吃了😜這個飯還配了三種醬汁，由左至右分別有酸甜雞醬，甜豉油，辣雞醬，我覺得辣雞醬比較惹味。小食點了春卷，很脆不油膩，好吃😋飲品方面也點了特飲《芒果沙冰》。

第一次黎食二人套餐，幾多野揀。食物質素整體不過不失，一定冇得同九龍城正宗泰菜比較嫁啦，不過性價比都算唔錯。冬蔭公虎蝦幾大隻，幾足料。但湯就唔夠酸。小食拼盤係好多野食 ，但雞翼冇味串燒太乾，我同朋友咬左好耐，又整斷左筷子。。。waitress都有即刻道歉換新俾我地，反應算快。落單時佢地不停話飛天通菜好辣，但我同朋友都覺得佢有啲誇大，可能香港好多人小小辣就話好辣頂唔順😂之後到豬肉碎生菜包，炒得幾香但唔係好夠重口味，不過都合格既。金邊粉就有啲太甜，隻蝦都係得甜味。最後埋單每人$200都算抵食，計埋野飲。不過有機會先再encore啦。