泰妃 (已結業)

附近咁多間都試過晒，今日來泰妃食午餐，點左個咖哩豬頸肉飯叫中辣，但出來似糖水…又水又稀…d野又唔熱…加飯要加錢唔緊要， 但d野唔好食浪漫左d飯。 河粉可能會好少少啦， 但我唔會再來…

每當我經過佐敦，也會想起泰妃的海南雞飯和豬脾飯，今天也不例外 Go Go Go泰式海南雞配油飯 - 油飯雞味十分香濃也煮得很好軟硬適中，主角海南雞更不用說，每一件也閃閃發亮而且會看到有雞汁流出來，未放進口已知道一定嫩滑到不得了，一食已不能停口泰式滷豬脾滷蛋配飯 - 滷豬脾滷得十分香食落有豬的質感喜歡食豬皮的一定會愛上

是日星期二, 平時極少機會可以Lunch Hours 過黎佐敦同老婆撐下枱腳,  原先諗住帶佢去食牛扒, 點知佢想食泰國野... 心諗天時暑熱, Lunch 食泰國野, 實出汗, 唔好啦掛... 因為泰國野一定冇得揀走辣架啦~!! 於是乎, 抱住陪食既心態食.. 每一間泰國餐廳都會放泰式神像O係度, 但係哩一間只係放左兩個餐牌比人睇, 又開O係佐敦, 應該都唔係正宗既泰國菜架啦 (今次應該唔洗食辣啦)當打開個門口之後, 都係見到個女神像O係度, 咁即係話, 牆身都有泰式擺設, 似乎餐廳應該都會幾"辣", 但係又聞唔到好強烈既辣味, 好奇怪. 由於樓下坐滿晒, 侍應叫我地行上去坐, 點知上到去都位坐, 又要行番落黎, 之後仲問我地仲乜落番黎, 有啲安排失當, 於是乎我地O係門外等左15分鐘先可以同人搭檯坐 (冇計, 鬼叫係PEAK Hour 黎)時間無多, 仲要趕番公司快啲叫野食先~ !! 我地就叫左兩個餐, 一個係普通既海南雞飯, 一個係咖哩文咖哩豬頸肉飯由於我貪心, 所以我同老婆share 個飯黎食, 可以一邊食黃色既薑飯嘛XD海南雞飯, 啲雞肉肥美, 竟然食唔到雪藏味, 啲飯我食唔

未婚妻話想食泰餐，剛巧路過入去試吓，點知就瀨咗嘢。先嚟咗個大蝦冬陰公。呢個抵讚，樣靚，味道唔會過辣過酸，濃且厚，香料足，蝦尚算新鮮，9分。減一分皆因香料渣太多一邊飲一邊要lur渣。喺呢個moment 我其實好滿意，已經睇定menu諗住加餸。跟住上嘅馬拉盞芥蘭同青咖喱鷄就令我跌咗落地獄。芥蘭仲好生冇乜馬拉盞味，食落冇聞落都冇。最閉係芥蘭仲有d怪味。青咖喱食落得香料味冇乜咖喱味，四季豆臭青味重，又係未煮倒，咬落好生。鷄肉碎濕濕顔色灰灰黑黑量少。白飯水份過多軟綿綿。呢兩味食咗一半就賣單走喇。其實如果呢兩味餸正正常常，冲住個湯我都會再幫襯及好評。味道我俾3粒星，3粒都係俾碗湯。服務不過不失冇乜特別。應該唔會返轉頭...

今次即興食泰國菜。兩人剛剛係佐敦，就不經不覺到左餐廳門口，由於時間還早，所要不用等，就可以直接入座。今次食左無骨鳳爪，有小小辣，鳳爪做無骨有點難，所以鳳爪都有軟骨，入口不錯的開胃菜。第二道是馬拉盞炒雜菜，平平穩穩，沒特別。第三道是我最有驚喜是椰青海鮮炒飯，一出好香椰青味，及附有椰青甜，但今次食飯比較有少人，食到最後有點飽，建議三人享用。

晚餐食泰國菜。朋友推薦佐敦吳松街，有很多泰國菜。隨便找上一間。泰妃內裡人不多，適合三五知己長坐吹水用點菜前先上個泰國大象啤濕濕口先頭盤，泰國生蝦，中規中矩，說不出好，也説不出差。以為係咖哩，原來係雞湯😂足料雞湯👍肉比湯多。主菜其之一。豬頸肉。夠咬口又夠辣，不錯。主菜其之二。肉片咖哩🤔甜甜地，唔辣。薄餅麻麻，太粉唔層次感。

久違佐敦了，也久違泰菜，剛巧路經泰妃，見店面細細，但有7成滿坐，心想應該不會太差，而且午市都幾啱價，所以拉門而入。今餐叫咗豬脾飯同黃咖喱牛腩飯。豬脾做得好淋，豬皮入口溶化，又唔太鹹，唔錯。黃咖喱牛腩飯分開餸同飯，份頭算大，牛腩亦唔算少，至少唔係得2—3舊，而且都算淋，唔錯，只不過我雖然叫咗大辣，但對於我這辣妹嚟講，跟本毫無意義，所以最後還是加入辣椒粉，增加食慾最後埋單100左右，唔算貴，起碼係飽嘅，而唔係出面咁食咗陣風一樣

蛋汁咖哩軟殻蟹法包盅 - 無咖哩味泰式炒金邊粉 - 又乾又無味珍多冰 - 無味，淡，無比糖水咸檸檬雪碧 - 好鹹泰式肉碎生菜包 - 味道ok，但有沙既好失望！！貴之餘又唔好食！無下次

行行下又肚餓，見到間裝修幾正既泰國餐廳，二話不說去食！酸辣脱骨鳳爪又酸又辣既野最岩我呢個酸辣鳳爪好好味！佢唔會好辣但又有d酸咼，岩我口味呢d天氣實在係好想食呢d凍凍地又酸酸地既野食！不過鳳爪分量比較少，反而d葱呀，菜呀就有好多泰式海南雞配油飯呢一個飯餐係有埋例湯既，係紫菜湯！又幾好味幾多紫菜！個海南雞都唔錯，d肉幾滑又無咩骨！雖然係油飯，不過就差dd，有部分飯太過硬，好似未煮熟咁不過如果以lunch黎計，個分量真係

快食lunch快速分享，只點了一個豬頸肉湯河。(本來諗住食多碟雞翼，不過1碟5隻太多肉所以都係留返下次先~)湯河個湯底非常足料，充滿泰式香料，非常惹味，蘿蔔燘得好稔，仲有一粒粒炸豬皮，配葱花洋葱，淨係飲啖湯都已經覺得好濃郁好有層次。每一口河粉都連湯一起吃，更加滋味。豬頸肉帶點點爽口，而且沒有醃得太咸，好啱女仔食。份量都夠，趕時間嘅晏晝是不錯選擇。平民泰菜四十幾蚊一個lunch連飲品我覺得好合理。

生蝦8隻 $108最正常，因為只需要解凍就能上菜青咖哩魚似乎混合了生粉水般，怪味醬配無味魚搭四小片不鬆不軟的所謂薄餅香葉肉碎炒飯泰式餐廳最難失手的簡單菜色都能做得不好吃！泰式芥蘭我沒看錯吧~整碟只有菜葉，有一兩片菜葉有連一丁丁菜梗，芥蘭菜葉一般不是直接丟掉的嗎？菜葉炒得很生，難以咬開，很油，基本上餐廳所有東西都用同一個醬，同一個生粉獻，抱歉，我吃不下~

星期六下午一時，要在佐敦覓食，本以為一定會好多人爭食，於是在寶靈街附近開始遊走了幾條街，希望找到一間心水食店。行經了2間韓國菜館，自己好鍾情韓國菜，可惜伴侶只愛韓國燒烤……繼續走向前，突然發現泰妃門外宣傳寫有海南雞飯（伴侶的至愛之一），伴侶望了一眼，說不用再考慮了，我們便按自動門入內坐下。各自選了心頭好，價錢都唔貴先來的是海南雞飯套餐（連湯及飲品）紫菜湯夠熱，味道不錯，飯不會太油，雞實在好味道，伴侶非常滿意。再來是無骨鳳爪及鹵豬脾肉金邊粉鳳爪好入味，夠辣但又不會辣到令人食唔到，份量足夠。另外，鹵豬脾肉對我實在是驚喜，好味道，賣$40碗簡直抵食，份量也很足夠，色香味俱全。一邊食，伴侶一邊四圍望，說為何午飯時間都這麼少人，店內只有一半人用膳，但這裡的食物實在好食，希望只是午市人少，晚市會有較多的生意啦！我們一定會再來的！！！P.S. 原來這裡晚上18:00-23:00還可以包場，最少廿人，最低消費二千（平日）或二千五（五、六、日），實在好想試下包場與朋友分享這裡的泰式美食呢

跟朋友尼食泰式嘢，本身對泰式食物一般，所以純粹本住試食嘅心態尼到，結果出乎意料咁好食。肉碎生菜包，值得一試！肉碎合適的辣，配以爽口嘅生菜，一流！至於，咖哩雞飯及金邊粉亦相當不錯，尤其金邊粉，唔似其他舖咁濕，好味^~^

來到佐敦最令人想吃的澳洲牛奶公司卻逢星期四例行休息,在附近還可找什麼好吃?左望右望老婆同事推介了這家很不錯,今天順路試一試。門口簡約的裝修掛著平實的餐牌,人流生意似乎不多。走進餐廳,環境整潔,家庭式的管理較平民化和實惠的感覺。點了個炸蝦餅熱烘烘,剪成细细份很易入口青咖哩牛肉很香咖哩味,牛肉很嫩滑蒜容飽也香噴噴碎肉茄子好大份,加上泰式香葉有特色很有水準的泰國菜

係九龍公園游完水後, 本身想食金太郎, 但係平時都可以食, 行行下又想試下佐敦的泰國菜~真心多~在open rice見到這裡有間泰菜, 於是就搵到來, 門口個姐姐係咁推介我們生蝦剌身, 但係我食蝦會敏感, 所以都係無點到~入到來環境裝修得好靚, 完全唔似係佐敦食飯~很寧靜, 幾似高級餐廳~冬陰公湯: 好好味, 辣度都幾辣, 中間有兩隻大蝦, 感覺好似之前去了泰國食的冬陰公湯一樣~(85分)豬肉生菜包: 豬肉內唔係好在唔係多肥肉, 因為我好怕豬肉生菜包內佔70%係肥肉, 滿意~(75分)椰青海鮮焗飯: 面頭的飯好有椰汁味~還有些海鮮, 兩個人食剛剛好~(75分)