泰妃雞 (已結業)

有冇咁黑仔，食完一檔難食，過隔離食泰國嘢，想話食碗正正常常生牛肉湯河⋯嚟到賣相已經唔係好得，希望佢難睇但好食！點解個湯底，好似加左糖水咁，D牛肉又老又硬，個河粉更加係夾唔起，每條大約一吋一吋長！頂唔順同老闆反影，佢竟然唔答我，我再講一次，佢終於出聲「係呀⋯」⋯唔通連個天都玩我，咁嘅質數，咁嘅服務態度，竟然生存到，勁！

今次誤打誤撞搵到間都ok好食既平價泰式餐廳，除左服務態度同衞生情況，總體而言都值得推介。食異地食外國菜就肯定貴架啦，不過呢間算係咁，價錢公道都大份，所以抵食。不過佢個價錢係唔包裝修/衞生/服務態度，燥底嘅朋友就avoidd喇⋯⋯入正題，我哋叫以下嘢食。菠蘿炒飯 $54香茅豬扒湯河 $38泰式豬頸肉飯 $60自選半打串燒 $72泰式三色冰 $22泰式珍多冰 $8野飲多數$22（梳打/茶/啡⋯）讚左先。你會見到好多食物都好大份，賣相都好睇，味道都好食。串燒冇得頂，佢燒嘅時候已經落左沙嗲醬，上枱可以再點花生醬（唔知咩名）本身已經好好惹味，然而個醬好食！牛肉好入味，但d筋都少許大舊。雞同豬都好嫩滑！因為姨姨唔食內臟，所以冇試其他，但試左呢幾款，相信其他都一樣好味！泰式特飲：好飲！好重椰奶味，我同姨丈都比較喜歡三式冰>珍多冰，因為珍多冰個餡有少少似藥水jelly糖入面包住馬蹄口味既野。相反三式冰係有大樹菠蘿同椰子食，yumyum!菠蘿炒飯好大碟而且唔孤寒！好多蝦、菠蘿、肉鬆，同大大舊雞肉！仲要係好食，啲飯粒粒分明沾哂黃薑粉，唔會太濕/乾。啲蝦極嫩滑！不過係有d腸未挑乾淨。菠蘿炒飯好食過豬

今晚黎個泰妃夜隔離果個強烈推介要食•泰妃海南雞飯🍛雞食落好滑滑 而且味道食落又真係幾好味將佢連埋個油雞一齊食 又真係無介紹錯啵讚!鍾意食海南雞既你 都要試下🤟🏻

泰妃雞開左好耐㗎喇，好多年前成日同男朋友行波鞋街嘅時候已經成日食，近幾年搬咗，咁啱嗰日想返屋企食飯，疫情嚴重又要叫外賣，所以就諗起泰妃雞，叫咗半隻海南雞啦，豬頸肉，炒通菜，同埋嗌左門口啲串燒，攞到返屋企，豬頸肉差唔多仲係好好味但係份量就少咗好多，再離譜係海南雞，同以前唔同味啦，同埋唔好食，啲皮同啲肉基本上分開晒，個炒通菜就過得去啦，最唔掂係啲串燒，買咗牛肉串燒、雞肉串燒同埋雞園骨面頭竉晒同埋超硬！以後唔會再買！

泰式海南雞飯滑滑的海南雞配上入味的黃薑飯，連醬油也不用加就已經很夠味了。而且黃姜飯入味而不油膩，夏天吃也很易入口。而冬陰功金邊粉比想像中還要微辣（差不多是不辣），主要有冬陰功的酸味。所以不吃辣的話，也不用擔心。總括而言，食物水平不錯，價錢平民， CP值高！

今次黎到都要係門口等左一陣位, 都好快就可以入座, 由於太多人所以都要搭台, 所以坐到會有D迫, ORDER左個海南雞飯, 記得要轉雞脾呀, D肉嫩好多正好多, 食飯個時記得落埋用黎點雞個汁 好正!但係呢 有時D飯就可能多水得制 會比較'爛', 因為我個人就唔鐘意食太'爛'既飯另外再加多個馬拉盞炒通菜,夠哂辣 正!! 由於已經太飽 想叫串燒食都唔落 下次先再試埋串燒

泰國菜係香港人嘅心目中，擁有一個特殊嘅地位。香港嘅泰國菜開到周街都係。但係質素參差。好睇嘅未必好食，好食嘅又未必好睇。仲有啲可能好食得來係偏貴添。今次試呢間泰妃雞。門面睇落冇乜特別。更加有少少殘夠添。喺附近行完街。諗住求其搵啲嘢食。咁就入嚟呢間舖頭食啦。我哋叫咗雞肉串燒同炸蝦餅。串燒有少少燒得過龍。但都唔會話太過乾身。炒貴刁味道出色。而且配料充足。有多種層次嘅味道。最後就係泰式生菜包。肉碎唔會話太辣。而且味道出色。值得大家叫嚟試吓。

最近都係度發掘平食😹今次又比我發現到一間泰國嘢😆就係喺豉油街新寶戲院隔離嘅🐔泰妃雞～👇🏻門面有啲啲舊，但正所謂人不可貌相，真係要入去試下先知好唔好食😹上網睇過原來佢係粉嶺🍴泰國廚房(食過幾好食，有食評)嘅分店～所以更加要試下！一開始我就係比佢呢個特價餐牌吸引咗😹👆🏻只係27蚊！就有碗粉！不過嘢飲要加錢😹除咗粉，都有優惠午餐飯👇🏻，當然無粉咁平啦～👆🏻正價餐牌👇🏻有2至4人套餐、粉🍜、飯🍛、小食🍢呢次就豪一豪😹叫咗🐷豬頸肉金邊粉($37)，事關豬頸肉係要加10蚊，其他料就27蚊～不過豬頸肉係幾多嘅👍🏻而且唔會好乾，食落啖啖肉架😹金邊粉就中規中矩，正常水準～另外我都加咗10蚊要一杯珍多冰🍹佢呢度啲珍多冰除咗有嗰啲綠色嘅粉條、大樹菠蘿之外，仲落咗少少海底椰，所以有幾種唔同嘅口感👍🏻係非常足料嘅，同時都有濃濃嘅椰子味～

開P嚟講食物係要多元化，今次除咗日本野仲有泰國野，本來只打算要個菜同豬手飯, 睇MENU 好多選擇, 於是花心基因又發作🤦‍♀️,最後ORDER 0左好多野,飽到顛。《豬手飯》🤗豬手好稔, 好好味, 飯又多, 仲跟飲品《通菜》黃0左, 賣相麻麻, 不過味道幾好, 份量又多。《蝦餅》共4件, 好大件, 好香口, 有口感《串燒》雞全翼 X 3, 牛X2, 豬X2, 串串都好有份量, 不過就燒得唔係好夠香《炒雜菜》有芥蘭，菇，椰菜…好味, 不過油0左0的咁多野外賣自取都只係HKD288,💁‍♀️真心抵食

🥢旺角老牌泰國餐豬手飯炒金邊粉 🥢呢間門口有姐姐燒串燒的泰國店大家應該唔陌生，因為在旺角開業多年，主打食雞，今次唔食雞，食豬脾飯同炒金邊粉🥢泰式豬脾飯$60 +$5 紅豆冰肉很多皮好少，感覺比平時的豬脾飯多肉🥢泰式金邊粉 $60 跟凍檸茶炒到熱辣辣，即叫即炒，金邊粉質地煙韌可口🥢食品質素不過不失啦，夠曬熱即叫即炒，但係少少唔好就係，入店時無店員幫我地探熱，同埋望到麵檔入面的姐姐除口罩用手拿食物進食，期間有不斷傾計，衛生意識有待加強

呢間野之前未食過，咁就試下，以為小店會出色啲，點知完全出事，同朋友叫左干炒豬肉河同雞絲無鑊氣，唔夠味，炒通菜完全無味，小食拼盤無驚喜，平常野，只試了三樣野，肚餓都食唔到一半，真心唔好食，另外杯奶茶，在無咩冰嘅情況底下，絕對係啖到唔似奶茶，估計茶底太熱，可能其他野會好啲，但我唔會再試，大家唔怕可以試下。雖然只係250元左右嘅消費，但係感覺佢比返250蚊我要我再食我都要唸唸，畢竟要用200字黎寫食評評價佢，唔到好難食我都唔想咁做，我都係唔想大家中伏啫，至於除左野食，其他都無問題，服務同環境唔洗理，因為小店我明白，大家要食唸下先啦

呢間野食左好多年，估唔到相隔幾年間(有幾年唔係旺角做野)仲有得食大大碗泰式♦️沙嗲雞絲湯河都只係$27 真係冇加個價，大碗，好味又抵食。超多雞絲，肉嫰，沙嗲湯底超好味例湯冇咩味精，油都好少加例湯$8 每日唔同款 特價時間12:30至18:00 多款選擇，咖啡/奶茶+$8，泰式飲品+$10就有一杯 $35就有個滿足lunch，抵。 📍泰妃雞旺角豉油街74號地舖#抵食之選 #泰式#湯河#旺角#hkfoodieblogger

Yeah! 襯糧尾食平D! 今日去左旺角食「泰妃雞」其實一睇餐牌就覺得好吸引，有好多選擇，主打係海南雞飯同豬脾飯😍因為好少restaurant會有豬脾，我地就叫左依款，配埋飲品都只係$60❤️仲有炒芥蘭（$52）同埋串燒（$13/串）兩個人食好抵食😊🍴豬脾用魯水整過，所以特別入味，而炒芥蘭亦好香，串燒就加埋特色秘製甜芥辣醬，真心好味！雖然唔係會坐得舒服既restaurant 少少茶餐廳食完就走feel，但食物質素真係唔錯！

夜晚行過見到掛左好多隻雞 就諗起好耐冇食雞飯 就入去食啦叫左個雞飯餐+份蝦餅D雞唔錯 唔會鞋都有雞味🐔飯就唔夠味比較淡,正常溫度唔會係冷飯👍個汁酸+小小辣,幾好蝦餅1份4件味道正常幾好,大件,唔會勁厚炸粉可以Encore😋最後食唔晒打包,有人一齊叫就好啦🙁餐仲包一杯凍飲我叫咗凍好力小冰,非常難飲🤮🤮冇味冇成,飲左幾啖就冇飲啦!曬咗😑呢個價錢黎講味道可以!一個人食推介下次黎試吓個豬髀先🐷都想食🤣

旺角行行下街肚餓，又唔想食太油膩既小食，入去食個湯河醫下肚先。坐低望完餐牌，估唔到一碗湯河$26咁平！豬頸肉湯河👍👍😋份量唔少，豬頸肉好好味，河粉好滑，清湯底，但依然好有味，唔油膩。意想不到舖仔細細但做得咁用心！間店最出名係海南雞飯，留返下次試！