泰妃雞 (已結業)

今日經過泰妃雞,見到裡面人頭湧湧,外面個串燒檔睇落去又幾好味，於是就入去試下啦！首先論裝修，認真麻麻，樓底又矮又逼，六人桌根本就係四人枱，仲要焗人搭枱，大家唔識大家,但係又你眼望我望，真係食得唔安落。論味道,最馳名的海南雞飯真係不敢恭維喇!雖然d雞又真係幾滑既,不過就真係淨滑low,無咩雞味,又真係幾無癮!講到d飯,又硬又唔香,點算係海南雞飯呀~咁既質數就要收$38,就真幾搵笨wor~最離譜的是,成日要人轉枱\"就\"你入人,就係超反感我地三個人,原本坐六人枱,之後有2個人入黎搭枱,食到一半,個人走黎叫我地換一換去一張四人枱,嘩!問題係個張四人枱超近廚房位,又近放雜物位,又有陣異味,又dirty,真係超難頂。起初真係超唔願意轉,又咩理由要客食食下同你轉枱呀!你話d野食未黎都好d 啫!!! 下次一定唔會再幫襯!

lunch同肥b食,我叫海南雞飯,雞都滑,但得幾舊,醬唔得,無乜味,飯都無乜味,同幾貴,佐敦食海南風情好食過佢啦!肥b叫碗沙爹牛肉河粉+酸辣湯底,肥b話食唔到酸辣湯底, 但又要加幾蚊都幾貴,河粉普普通通,好細碗,食完佢己經話要再出去食,同d位都幾迫,下次再去mk都係食番西門町穩陣d!

又係為了海南雞飯, 同仔仔試吃。海南雞飯, 垃圾之選, 吃了幾口, 我同仔都唔食, 成碟無乜點郁過。另外叫了海鮮濕炒河, 行貨, 只是免強吃了。一次過, 永不回來。

外面望入去好吸引, 但一入去成個雪柜咁凍, 好不容易轉到一張冇咁凍坐, 叫海南雞飯, 阿姐問飲乜?乜海南雞飯要叫飲野??原來可以擇中湯定茶/啡。湯就中西合碧, 又番咖又西芹, Ｄ飯幾香,黃薑飯重味咗Ｄ, Ｄ醬, i'am sorry, 泰式即是泰式, 一碟酸醬算數, 冇醬油,冇薑蓉。主角-------- 雞, 夠滑, 但, 老兄, 得個滑, 冇雞味, 點攪!!!!ps 真係要來見識這裹的"六人枱""怎樣可以坐到六個人

二人行,時間關係就來吃個快餐,不用花心思左揀右揀,就海南雞飯餐:海南雞的確幾滑,但亦偏肥,但飯就好硬,同行姊妹放棄一半飯,而我勉強接受到,一提之前於灣仔分店的飯軟硬度剛好,相信水準可能不穩定,點海南雞的酸辣汁不俗,惹味

兩個人嚟食，想留肚食糖水，只係叫咗海南雞飯同豬肉串燒海南雞飯想試好耐，最期待係雞油飯，入口香、軟，最適合我呢d鍾意食軟飯嘅人，雞呢，一個字─滑！可惜只得薹蓉，美中不足豬肉串燒隔會至食，已經凍咗，有d失望，汁亦唔香服務好，繁忙時段叫咁少野，要水俾水，再加水都冇托手踭，GOOD~

酒醉未醒，又要準備買醉。暈跎跎，也顧不得小店是如何地痞、如何迫硤，也懶得看餐牌，之前吃過海南雞飯，今回就乾脆點了泰式豬髀飯，靚姐話可以免費跟雞汁飯，幾貼心的設計。四位樓面伙計負責招呼，平均一人應付兩張檯，機動性與EQ差點都不行，期間又傳來侍應小姐被火灼傷的意外。淡黃色雞汁飯，短身的絲苗米，微微的光澤，雖非乾身得粒粒透徹地分開，亦屬乾身之列，幾對版，沒有如勝利小廚般帶著強烈香料味，淡淡的雞汁香幾對口味，不算膩勉強吃了四分一，雞汁飯，近年來腸胃一直不適，鮮能清碟，淺嚐幾口，也算滿足口福。豬髀肉散修修的，肉多皮少，不修篇幅的賣相心中打定輸數，卻想不到皮下脂肪不多，膠質感卻是意想不到的豐腴，質感與賣相成反比，而肉看似「柴皮」，入口卻是軟腍入味，功夫幾到家，若配菜方面落多少少心機，加多兩片青瓜、番茄感覺會更好。走前看看廚窗，泰式的海南雞色水總是金黃油潤而帶光澤，與星馬的海南雞又是兩回事。後記：雞油飯，這裡做的不錯，但較之前吃過真正的雞油飯，這裡感覺自然差上一截，又過了一個開心的Weekend，真開心～

去親旺角都覺得無啖好食, 次次都係米線, 上星期六誤打誤撞去呢間試試, 又唔錯喎﹗兩個人, 6點幾就食晚飯, 唔係好多人, 所以服務都唔錯。叫一個海南雞飯餐($36)同埋個正宗泰式咖哩牛腩跟法包($58), 海南雞餐都幾大碟, 差不多全部都無骨, 而且係超滑, 又無乜雪味喎(其實都預佢係雪雞)，好味﹗而個咖哩牛腩都幾好, 好多汁, 可惜唔夠辣, 牛腩就一DD, 有幾舊都幾韌。而個法包係會焗返熱俾你, 幾細心, 唔錯﹗以後去旺角又多一個平靚正選擇喇~

食泰妃海南雞飯$36 + 青檸梳打(轉餐飲+$5) + 一碟腐乳通菜$12. 雞好夠滑, 細細地一舊好易入口, 配以d 甜酸汁特別開胃. 飯唔係一般油飯而係黃薑飯, 從色水一看便知道了, 但都好好食. 不過個人認為始終係配油飯先夠原汁原味. 青檸梳打夠大杯, 通菜整齊的碟上.

食過2次，第一次食海南雞飯，d 汁好咪架，d 雞都滑，不過飯味淡左d ，好似食緊白飯咁，要落d 汁一齊食先好味。第二次食麵餐，好食架，d 配料又多，一碗都好飽!!有串燒叫，叫左2串，一雞一牛，不錯，d 汁一樣咁好食!!!

食飯時間行過,見未幫襯過就入去試下.望下周圍同對面,見到有人食泰妃雞飯,睇落細碟,D雞好肥但肉好薄,重有D"黃咁咁"飯,好似雞油撈飯,見到都肥,完全冇意欲去叫,於是叫個沙嗲雞絲河配青檸梳打.碗河唔係幾大,沙爹好少,但冬菜就好多!雞絲並非全是雞胸肉,有加其他肉好似背脊同少少脾肉,但冇乜味.青檸梳打就一般.除平D之外都冇乜好.

今日唱k之前同堂妹黎食lunch!叫左個香茅雞翼金邊粉!!d 雞翼岩岩炸好..熱辣辣..好好味^^堂妹叫左個沙嗲肥牛湯河..佢\話個沙嗲湯底好濃好好味!!可能我地唔係太肚餓..所以都夠食!!整體都唔錯..次黎試下d套餐\先!!

叫了冬陰功肥牛河+椰汁涼粉冰, 炸蝦餅, 牛肉串燒牛肉串燒同炸蝦餅都水準普通, 唔特別好食冬陰功肥牛河, 個湯o既冬陰功唔夠,好似餐廳內有越南o既鹹魚露同埋酸魚露我可以自己調教o岩自己o既味道...唯一我滿意的是個椰汁涼粉冰, 椰汁同涼粉o既味好夾, 好解渴見對面個男仔叫左海南雞飯, 用黃薑飯的我食過真的好好食的海南雞飯,係將d雞同埋飯一起放進電飯煲裡煲的,飯應有一層薄薄的光澤, 白中帶少少黃才對,與眼前的大大不同吧我見有不少人叫外賣海南雞飯,下次會試試的

星期日（9/7）同老公行開旺角，熱到想搵間餐廳，行行下聞到一陣好像泰國菜既咖哩味，咁咪四圍搵，看到一間橙色很特別既泰國餐廳。兩個人叫了招牌雞飯，串燒綠咖哩雞飯，連兩杯冷飲，都幾好呀，又唔算貴。在旺角區四圍都係茶餐廳，己食到厭了，好在有餐食泰國菜，都是一個很好既選擇，而且夏天吃泰國菜都後開胃呀，值得一試wor !! ^~^

佢晌灣仔一開我就去試... 都ok既, 尋晚去食旺角呢間, 點返同一樣既野, 就係海南雞飯+炒通菜+串燒豬肉+雞軟骨...d雞一食就覺得冇以前咁好食, 都算唔同鋪唔同c傅, 再食雞軟骨... 係生既, 都算, 我叫人埋黎(係個肥肥地呀姐)同佢講啦, 佢初頭唔出聲er.... 咁我話唔緊要啦, 你計我3串$算喇, (因為叫半打係平d既) 佢一聽到即刻話好..好.. 梗係好啦, 佢一定冇蝕, 但係佢就直刻拎就個3串雞軟骨當住我面拎出個串燒檔度, 我以為佢比個c傅睇下啦.. 原來佢係擺翻上去再燒過, 我叫個3串裏面其中一串係我同男朋友都咬過睇下佢熟唔熟... 見到佢地咁做都即係反胃..同埋諗下會唔會頭先我叫d野都係人地lur出黎既...>_< 唔知邊個會食左我d口水尾/ 我又食左幾多人口水尾呢??