泰妃雞 (已結業)

聽聞此店的海南雞飯好食. 所以與朋友一試. 我們點了海南雞飯及串燒. 串燒味道不過不失. 但海南雞飯卻叫人有點失望. 雞沒有雞味, 飯唔香而且好像飯焦般硬. 食物以外, 環境及服務態度也很差, 所以一定唔會有下次.

今日試左2人晚餐\A ($178)1) 冬陰公-- 唔錯丫, 不過d蝦只是爽口沒有蝦味2) 小食拼盆-- 串燒好味呀; 蝦餅唔錯(似酒樓炸蟹球); 春卷都ok啦3) 海南雞飯-- 雞肉起哂骨, 又唔太肥, 個飯唔油不過唔夠香, 個醬汁好味好醒胃呀, 整體ok啦4) 去骨鳳爪-- ok啦, 不過太大portion了, 食唔哂5) 炒通菜, 好味又唔算太油, 喜歡!6) 特式飲品-- 我們揀左青檸梳打, 大大杯解渴一流都好抵食丫~~

琴日同老公一齊, 5:30左右, 入左泰妃雞食野.本來諗住叫一個下午茶餐, 然後加D特式小食試下o既. 想要B-52炸蛋, 個名得意丫嘛, 不過話廚房未有喎…咁我地又想叫一個泰式生菜包, 都係未有喎…咁係咪下午茶時段, 只可以食下午茶餐呢?結果, 只係要左一個下午茶餐(香矛雞翼湯河+ 珍多冰, $20 + $8) 同2串雞軟骨, 2串雞腎.個湯河幾好味, 不過隻雞翼唔係好熟透. 食到裡面見咁紅, 我都唔敢食. 而家禽流感咁勁, 雞都係煮熟D好喎…杯珍多冰好椰汁feel, 似飲椰汁多D. 不過我都鍾意飲椰汁o既, 所以都OK.串燒雞軟骨同雞腎都幾普通, 唔算好食, 又唔難食.黎碗湯河時, 我好細聲咁同老公講, “叫人羅隻碗丫”. 咁個侍應就已經好醒目咁遞隻碗過黎. 抵讚!不過, 開餐期間, 有滴水滴中我個後背, 應該係冷氣滴水, 所以環境要扣番分.仲未食到乜野有特色的食物, 只可說食下午茶餐就幾抵…

$36,海南雞反，d雞又薄又少，反沒有香味，以招牌菜而言，吾得

之前去過灣仔店食過, 知道旺角有分店真係好開心, 所以即刻走去食啦見到menu有好多choice但係又唔知好無食, 都係叫番個豬手飯$36(包飲品)! 不消一會就有得食啦, 今次d豬手飯皮多過肉, 開頭都感到好似好肥, 但係一啖咬落, 個d皮真係好煙un, 又唔會油淋淋, 好入味, 好正啊~~~~~~~~反而肉就好似un左d, 有d鞋口, 加左汁的飯真係食極都唔夠, 令人好開胃!!朋友食海南雞, 雞就好似少左d, 五至六件咁啦, 但係好滑好正, 個汁香辣好味道~當朋友夾左一舊豬手食個時都話係意想不到咁正, 重要番叫多舊啊~~環境都係個d迫迫地, 不過張sofa仔都算好坐, service都好快, 有求必應, 價錢一般啦, 始終$36都唔算話特別抵, 但係好味無計!下次要食下佢泰式炒粉同串燒先得!!

剛剛在上星期六(即2月18日), 走到旺角整手機, 所以順到在附近找嘢食, 入到一間叫"泰妃雞"食店, 裝潢得很清雅, 店內仍有很多食客, 原來此店有下午茶供應, 食物都以泰式為主, 我就叫了一個沙爹牛肉米線+熱飲, 只是$20大元, 低食!! 大家可以一試!!

個海南雞飯買成36蚊，唔算平，呢個價錢可以有更好選擇，o的雞肉好“鞋”，點o個個汁唔夠味，黃薑飯略硬及乾，不過我老公個lunch set 咖哩牛肉飯佢話幾好wor！

飯很很軟，雞很鮮嫩，比勝利道個間乾淨及環境較寬敞，禮貌亦很好，那晚有個女waitress問我重有無last order,我當時不知已１１點,我問佢地收幾點，佢話唔緊要，你慢慢食，其他多數都到收工時間都好似趕客咁，此店有如此服務很好，我會再幫趁．

一心黎食海南雞飯,果然無令我失望雞好滑,唔太肥,由其係層皮,好薄,有d咬口個汁好味道,唔太辣,例湯係冬瓜雞腳湯,無味精,連鹽都好似無乜點落,好清最驚喜係泰式豬手飯,因為之前無食過'泰式豬手',所以都係以為類似咸豬手,切片上點汁食,上到檯發覺個樣咁似扣肉o既,食落好稔,甜甜地好入味~比海南雞仲要高分呢!

一個拼盆, 一個雞飯好多小食都唔錯, 唔知食咩於是食拼盆, 正夠熱樣樣2 件, 同女朋友食armarm 好前一排去左泰國, 食過雞飯返黎係泰妃雞食覺得雞黎講差唔多滑, 好有雞咩, 比好時更更好食不過飯好好好硬硬都頂唔順

Ordered pockchop take away ($32). 2 pieces only. Taste ok la....But, no next time.

為食同事早前極力推介灣仔分店，今日途經旺角，決定與男友一試。雖然早上食左家鄉雞，晏晝又食左切雞瀨，但仍無阻興致。男友要海南雞飯。雞好得，好滑，有雞味，勁在無骨。黃飯就無乜油，不過尚算ＯＫ。我覺得佢地整Ｄ雞與敝壽堂（家母！）的出品味道非常近似，因此此食評充滿個人感情....哈哈。十分鐘內己清碟。上完雞飯就到我既干炒牛河。本來都諗住一定好灰，但上檯時熱辣辣，勁開心。因為熱最緊要，夠熱就算吾係太好食都可以接受...講番碟河粉，色、香、味都有excotic感覺。三爬兩撥就清晒。唯一要彈就係咸左Ｄ。其實響旺角黎計，呢間野吾算特別好坐，但衛生都算係幾好架。雖然啖啖肉好過癮，但由於本人愛「輪」骨，下次一定會要要一碟雞，慢慢嘆......值一提既係，呢樹叫汽水係支裝，雪到凍一凍，正呀！

前晚幫襯過, 叫了海南雞飯($36), 咸魚炒芥蘭($30)竟然敢以海南雞飯為招倈. 但碟飯一上黎就以經唔似樣. 飯, 只係得個黃色, 但完全無味, 同白飯無分別. 雞, 起骨就唔詃做晒全套, 唔好起d唔起d. 同埋亦唔滑溜同雞味, 應該將貨就價, 選材未夠好.咸魚炒芥蘭, 呢碟似樣d, 夠鑊氣, 證明後鑊係有料之人.但係三十蚊既價錢, 得大排檔油菜既份量. 喂, 閣下老幾呀, 夠膽收咁既價錢?環境, 太逼了, 但這個都是一般旺角食肆特式.服務, serve我那邊的哥仔算是不俗. 但坐對面既情侶就比較唔好彩, 叫了幾次先有人拎碗隻仔俾佢.如果一心要試泰式海南雞飯既, 千萬唔好試呢間, 會令你完全失望.最後, 建議老闆, 有d野唔係打個名就學得來, 與其畫虎不成反類犬, 不如正正經經畫番隻狗好過.

今日lunch 時去食...1 點10 分度去到..都唔full..叫o左個雞飯同個set...上檯後發現雞飯係一條條去骨雞絲...再加一d 黃色o既飯...我估係黃彊飯啦...d 飯比較乾...d 雞就有一半係雞胸肉...一半係脾...唔係太特別..反而另叫一個黃咖喱牛肉飯....係今日o既午餐...28 蚊送茶...凍飲加2 蚊...好足料...好多牛肉...咖喱都好香好甜...唔錯!!

叫個泰式海南雞飯，雖然細碟D，但係整得幾好。碟咸魚炒介蘭都得好。唯一唔好既地方係唔可以坐得耐。