泰妃雞 (已結業)

每一次路過"泰妃雞"也門庭如市,一個人去也未必搭到檯,這一夜看見門口,人不多,就入去.不須多講,要個海南雞飯,套餐包一杯飲品,四十塊錢.泰妃雞的雞不是肥雞,小弟偏好肥一點的雞,想起年前都會廣場的坡系南香,同大角咀的泰系橋泰,她們的雞,肥到皮同肉之間有朕如Jelly的脂肪,實在是美夢.回到現實,面前的海南雞,雞皮很滑,雞肉也一樣地嫩滑,雞味也有一點點.下面的雞飯較乾身,粒粒分明.且充滿雞香.一向少同朋友在旺角逼小店,如果下次有人陪,隻雞會否"肥"一點?搞下爛Gag而已,笑出聲咪拍下手囉.

鍾意食雞o既我搵到啦~因為男友知我鍾意食雞,聽人講呢度好食就帶o左我去...嘩~真係好驚喜呀個海南雞飯超級好味,真係連雞胸都好滑o架,而且又有雞味...而我男友o個個乾炒雞絲河都好一流呀,味道o岩o岩好...唔油o添呀加多碟炒菜仲有個侍應哥哥好好招呼呀~雖然o的位窄o的,不過食得好滿足好開心

因為男朋友是Mk友，反工，放工都會係MK,此店是他帶我去的，我很愛它們的海南雞飯，它們的油飯好味，油度識中，海南雞汁好嘢味，它們有一個２人餐都好底吃，好似＄１９８，我同我男朋友都係大食個隻，都飽到想死，又小食，又可以選擇飯同湯麵，又有菜，又有湯，仲有２杯飲品，係～～仲之好底吃，食物又好味，雖然店鋪好細，但ｄ野好食，都係甘心等同迫．

昨晚去完朗豪酒店參加同學婚禮，之後冇JOIN 到晚宴便閃，行至豉油街附近買點東西，忽然口癮大發想吃串燒，想到這間門外有串燒檔的店子，便走過來買了串雞腎試試味道如何，因為實在冇乜款可揀。點了以後，阿姐即燒，等咗差唔多5 分鐘，雞腎本質不錯，但唔知係咪個爐唔夠熱，只得表面熱，內裡偏凍的，而且個唔知乜汁辣不辣，甜不甜，香不香，認真奇怪。

我o地又o黎食lunch 喇~~除o左例牌的雞飯, 今日仲叫o左香茅豬扒冬蔭公麵,冬蔭公真係好泰式風味, 用齊晒泰式的香料同材料去做, 味道一流!豬扒醃得o岩o岩好, 炸得香口, perfect match 呀!!!

早一排條街周圍搵野食, 又唔知食咩好, 咁又路經呢度, 突然間聞到呢度門口串燒香噴噴, 好吸引喎, 反正都係搵野食, 不如入黎試一試啦!入到去都幾多人, 地方就幾細, 坐位就幾窄幾逼, 坐就一定唔舒服, 不過都係唔理咁多, 拿拿聲叫野食先, 兩口子商量一陣決定叫一碟串燒拼盆同埋一碟炒金邊粉, 另加兩杯飲品!唔使一陣串燒拼盆即刻到, 串燒拼盆有六枝串燒, 豬肉, 牛肉同雞肉各兩枝, 豬肉就燒得好乾身, 好鞋好韌, 唔得; 牛肉就幾鬆好腍, 但就咸左少少, 可以啦; 而雞肉就好滑好鬆, 算係最好; 而炒金邊粉份量都幾多, 炒得都幾香, 係油左少少, 扣少少分啦; 而兩杯飲品就不過不失啦!總括黎講食物質素都可以, 環境地方就細得比較逼喇, 服務一般, 價錢又唔算貴, 師傅覺得如果想平平地食餐泰國菜, 呢度都係一個唔錯選擇, 冇試到海南雞有少少遺憾, 因為見到佢隻海南雞好似好靚, 所以下次都會再黎, 因為師傅好想試下佢海南雞呀!

今次去了金聲戲院旁邊的「泰妃雞」，叫了一客海南雞飯和咖哩牛腩飯。「泰妃雞」的雞雖然軟滑，但是，完全沒有新鮮雞味；咖哩牛腩跟一客麵包，牛腩夠淋夠味，咖哩汁是即時炒香，不過麵包唔夠脆身，上枱時已經"淋"晒>.<清潔：「泰妃雞」燈光亦昏昏暗暗，位與位之間好迫，有污穢壓迫的感覺。

叫左個海南雞飯青咖哩雞飯半打串燒{因為去南丫食上癮。}海南雞飯真係好好味~...........我第一次食,覺得好有雞味好滑.真係好好味.青咖哩雖然好水~不過又夠椰汁味~~好。雞都是一樣的~不過串燒呢............好乾好硬{尢其是牛+豬},不太吸引.要男朋友清左佢。好飽啊竟然食唔哂...........唔知幾錢。要搭枱,好迫。不過服務都幾好..................."而已:都幾抵食的。!!我們不是太健康。唔食菜。

下午和男友到旺角’泰妃雞’lunch, 食物質素普通, 但服務差劣:沙嗲雞絲粉–D汁甜架, 雞絲少. 第一次食到無沙嗲味的沙嗲汁.雞翼飯–好似白飯+ 雞翼, 無咩汁, 不過D雞翼OK的.叫泰式串燒, 但比左串燒餐飯. 我地無要.個伙記好負氣話我地叫錯. 但Order時我地仲指住menu話要串燒, 無話要餐飯. 我地一面食佢一面講, 無理佢諗住食完就走. 跟住個老細話杯凍飲唔收錢.找數時,個老細好串咁話: 唉!杯凍飲當請你啦! 我地費使埋佢.最過份係踏出門時, 個伙計仲走出門口話我地錯, 好似搶佢錢咁! 同佢講番因由, 佢就一輪咀係度嘈(好煩ar!) 最後要個老細叫走. 此店的食物唔算好味, 服務差劣,小事化大不斷煩擾人, 要blacklist.

尋晚同男朋友去左呢度食晚飯, 我地點左3樣野...1) 海南雞飯(普通, 無咩雞味...)2) 青咖哩牛腩飯(個汁好甜, 椰汁好香, 不過牛腩好硬)3) 咸魚炒介蘭(真係一大舊咸魚...超咸..)呢間野食物係OK既, 不過我就覺得太迫, 坐得好唔舒服, 同埋太多人, 佢仲規定一定要搭檯, 因為我地一入去, 個個waiter已經話, 你地2個要坐埋一邊!!個度到寫明"必須搭檯" , 埋單$11x, 不過應該唔會再去, 因為我唔係太鐘意搭檯.....

因為之前係灣仔食過一次所以今日和友人到了這裡食午餐今日點了1. 泰式豬髀飯2. 泰式小食拼盤泰式豬髀飯，"D"肉好"林", 原本以為好肥，但食落又唔覺，正!泰式小食拼盤，有串燒兩串、蝦餅兩件(一開二，共四件)、"唔知咩"葉包雞兩件、春卷兩條(一開二，共四件)。串燒無係門口即燒個D咁好食，蝦餅口感OK，包雞有一件好似整得太熟，春卷就OK啦!!食物整體上OK，但係D座位就真係唔係咁OK。六人枱根本係四人枱，仲要叫人地座埋D比返個位佢，咁樣唔係咁好...但係旺角人多的地方.....算係OK咁啦

睇o左今期的雜誌推介香港至正泰國菜,第一位係位於豉油街的<泰妃雞>,今晚等老公放o左學, 就一齊去食喇!八點鐘, 店內座無虛席, 唔知係咪太多人睇到雜誌所以慕名而來呢?必食當然係海南雞飯啦($38)!雞肉嫩滑, 雞皮亦唔肥又冇骨, 超水準!黃黃的油飯平均地浸出黃薑味同雞味, 正~不過醬汁調得酸o左d 喎, 都係泰國o既好食d!我點了咖哩牛腩, 牛腩份量算多, 又炆得o岩o岩好~不過個咖哩汁唔算有驚喜喎, 唔太重咖哩味跟上的法包有烘過, 但烘完係硬多過脆(雖然法包天生都係硬硬地),有待改進喎!見到d 串燒同冬蔭功都好想試, 不過已經好飽, 留待下次啦~

2007年8月4日。泰妃雞。泰妃雞也是我以前在灣仔上班常常去的餐廳,所有同事都愛吃它的招牌雞飯，有點像海南雞飯。雞很滑。 1．泰妃雞飯2．青咖喱豬扒飯3．綠豆冰4．鹹檸soda味道沒有兩樣，雞與飯都仍然好吃。水準依然。青咖喱有點甜，不辣。豬扒薄了點，味道OK。

真係好平雞好得，但唔係最高班飯更好牛湯河冬蔭公底好食好飲椰汁冰啱啱好推介2thumbs up

幾天前同朋友行過，便試試她的午餐，本來有衝動想點海南雞的，但一見湯河只需十元，就沒有可能不叫了。朋友點了沙爹牛肉米線，我點了沙爹雞絲湯河，因為天氣太熱，我們點了泰式特飲，菠蘿柑桔蜜和菠蘿青檸蜜。沙爹味道有少少甜，一點都不辣，味道都算是香。至於雞絲就一點都不馬夫，食時完全感到共鮮嫩的口感，好似朋友所講：用十元的價錢食起碼十五元的湯河，非常抵。加上飲了清甜的特飲，熱氣立即消失得無影無踪。