泰好記

营业中

休息中

行過女人街，發現有間新開泰國餐廳！冬蔭公海鮮湯非常足料，而且酸味同辣味都好適中，飲完好開胃！蝦醬炒通菜蝦醬味香濃，而且菜嘅份量好大！串燒三併（共6串）揀左2豬2牛2雞，味道各有千秋，掂埋個沙嗲醬真係無得輸！咖喱炒大蜆蜆肉肥美，咖喱汁超多，當然唔少得要叫埋蒜蓉包同埋薄餅，加埋啲咖喱汁一齊食真係絕配！椰汁沙冰滿滿的椰汁沙冰高過隻杯，真係好誇張！味道亦好好味，飲完好清爽～龍眼冰味道甘甜，好潤喉，而且酸解油膩感！估唔到呢間泰國菜都幾好食，而且員工們都係泰國人，好nice, 服務亦好細心！

旺角好多親民又抵食嘅餐廳，依間泰國菜正宗又好食，仲坐得幾舒服野食選擇都豐富，首先試左串燒六串（$108），揀左豬同牛各三串，個沙嗲醬好香花生同椰奶味道，入口綿滑，豬同牛燒完都唔會好乾，仲幾多汁另外叫左蒜蓉炒椰菜苗（ $78 ），椰菜苗唔係成日都有食，依間仲要炒得幾好，唔會過硬，蒜蓉炒味道啱啱好入味得來唔會鹹最後就試咗泰式青咖喱雞（$78），呢度嘅咖喱加多咗好多椰奶落去，所以入口香得來味道溫和，同雞一齊煮好夾飲品就試咗龍眼冰($30)同椰青($40)，兩款都好清甜，夏天飲更加爽！下次要嚟試埋其他先！

金邊粉整體味道甜酸適中，而且炒得好有鑊氣，兩隻大蝦爽口彈牙，仲有豆腐乾芽菜等配料，唔夠酸仲可以擠少少青檸汁上去，更加惹味。泰式鳳爪＞小午餐跟細嘅泰式鳳爪，無骨鳳爪啖啖肉，味道酸酸辣辣，最適合做開胃菜。泰式生菜包(豬)豬肉粒用泰式香料煮得非常惹味，配埋爽脆生菜，令人食唔停口。明爐青檸蒸烏頭魚烏頭魚肉質鮮甜夠新鮮，食到魚嘅鮮味，有多種泰式配料放喺爐一齊煮，令魚肉越煮越入味，配料椰菜吸左湯既味道同樣惹味。泰式凍咖啡比港式咖啡更甜一些，咖啡味10分香濃。

泰式青咖哩雞 $78薄餅 $30 白飯 $15青咖喱惹味得黎唔會太辣，加入椰奶令味道比較柔和，雞肉切成條狀容易入口比較入味，加入四季豆同少少甜椒絲，增加口感，青咖喱汁都幾多，絕對喺白飯小偷，無論嗌幾多碗飯或者薄餅蘸上咖喱黎食都非常滋味😍胡椒粉絲焗大蜆煲 $160份量十足😍😍😍個煲熱辣辣上枱，聞到好香胡椒味🤤蜆肉頗多，無論粉絲面頭或者食到底都見到蜆肉嘅蹤影，粉絲除左量多，同時都好入味，胡椒嘅辛辣加上芫荽嘅清香，令整煲菜式味道濃而不膩泰式炒芥蘭 $78芥蘭用上蒜頭、紅椒絲、肉碎同豆醬一同炒香，莖葉分開切段，令入口比較容易👍🏻象啤 $38食左香口濃味嘅菜式最高就係beer beer佢🍺呢到啤酒幾抵飲，大大支都係around 三十幾數👍🏻📌泰好記 (旺角)地址：旺角通菜街75-77號地舖評語食物性價比高店員友善🐵推介：🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐

上次試左女人街的串燒, 經過見到呢間泰國餐廳的廣告牌, 同朋友講下次要試下, 今晚睇完戲搵飯食, 就黎到呢間泰式餐廳, 燈光光猛, 乾淨企理, 卡位舒服~*馬拉盞炒通菜通菜熱騰騰的很喜歡, 食落鮮嫩爽脆，小小微辣, 惹味可口*明爐青檸蒸烏頭魚烏頭配上酸酸辣辣的湯蒸好上台, 下面有放蠟燭興住熱食, 烏頭魚肉質豐滿新鮮，食落啖啖肉又辣辣地, 好開胃, 餐廳另外仲有一碗酸辣湯附上, 喜歡濕啲朋友可以再加落去點黎食。*燒蝦泰式蛋包金邊粉燒蝦都幾大隻, 蛋煎到剛好,  金邊粉炒到唔會濕, 乾爽, 惹味, 重點係熱騰騰的, 加分*芒果沙冰 ~ 泰式必點飲品, 很香濃既芒果味, 飲落好涼快呀~*泰式奶茶沙冰 ~ 呢款出面餐廳比較小做, 所以試下, 估唔到茶味都幾濃喎要讚一讚女侍應服務態度很好, 其中一位泰國人的女侍應更加笑容甜美, 給客人有親切感, 唔似有啲餐廳會黑面的, 哈哈~ 餐牌有提供二人套餐, 都幾抵食, 下次要黎試下~

位於女人街的新開泰國餐廳✨泰式濕炒海鮮河（$78）鑊氣十足，濕炒後感覺像濕版的乾炒牛河，幾惹味，海鮮有青口、八爪魚、蝦等配菜，配上吸滿汁的河粉，美味而且份量剛好✨泰式咖喱軟殼蟹（$168）軟殼蟹份量好足，至少有兩隻大大隻的蟹～咖喱的奶味濃郁，並添加了燈籠椒和蛋漿，軟殼蟹完美地沾滿了濃郁的咖喱，勁正。另外，蒜蓉包和薄餅更是咖喱絕佳的配搭，包和薄餅同樣烤得香脆，沾著吃一流✨馬拉盞炒椰菜苗（$78）菜類可選擇蒜蓉/泰式/蝦醬/馬拉盞/咸魚炒，今次想吃少少辣，所以選擇馬拉盞炒，椰菜苗外型看似菜心，而口感則比芥蘭軟身點，不錯吃🪄蒜蓉包（$38）🪄薄餅（$30）🪄泰式奶茶沙冰（$35）以香濃的泰式奶茶為基礎，加上冰沙的口感，好涼爽

上週發現這家在女人街新開張的泰國餐廳，價錢親民，上菜速度快，吸引到不少客人到訪。餐廳有提供較優惠的套餐，但由於我們想吃其他菜式，所以決定這次全部單點。燒烤泰式蛋包金邊粉 網紋蛋皮包着金邊粉，上面放上一隻燒蝦，配搭青檸、花生碎等調味料，金邊粉十分惹味，鑊氣充足，帶少許甜味，加入檸檬汁十分開胃。泰式燒魷魚跟大多數的泰國菜餐廳不一樣，這份燒魷魚沒有塗上照燒汁再烤，而是提供酸辣醬汁，少了甜膩的味道，多了一份開胃惹味的口感，十分適合夏天食用。生菜包（豬肉）這裡的生菜包可以自行選擇豬/牛/雞肉，內有大量香料和洋蔥粒增添口感，生菜十分新鮮爽口👍🏻椰汁芒果糯米飯糯米煙韌度適中，芒果味道不酸，加入椰汁一起食用味道恰好。

在旺角女人街揾食，見到呢間泰菜價錢唔貴，而且幾多人食，所幾就同朋友入去食個晚飯。泰式生蝦刺身真係好正！個味道好鮮甜，仲有一啲微微嘅辣味，好開胃！口感好彈牙，蝦肉好鮮嫩好滋味！食落去，就好似喺口中咬住一隻新鮮嘅蝦嘅感覺，加上醬汁夠惹味。呢個細既小食拼盤簡而精有炸蝦球等等，搭配嘅醬料更加加分！炸物金黃香脆，好鬆脆好好食，加上有香料香茅，更有泰式風味。炸蝦餅外層酥脆，內裡嘅蝦肉鮮甜多汁。胡椒粉絲花甲煲幾正！啲花甲新鮮彈牙，個胡椒味濃郁香辣，好開胃！而粉絲夠多又入味，吸收咗啲花甲同胡椒嘅鮮香味，口感滑嫩，令人食得好過癮！啲粉絲仲有啲微微彈牙嘅口感，同胡椒嘅香辣味完美結合。

我今日放工後，順道約同好友去位於旺角通菜街75-77號地舖的泰好記食泰式晚餐，環境舒適開揚，好有泰國風情，坐得舒服。我點左個2人套餐$299，另外點左個燒牛肉$98。2人套餐有泰式木瓜絲沙律、椰汁雞湯、泰式炒椰菜菜苗、菠蘿炒飯、泰式甜品（椰汁香芋西米糕）2件、飲品係熱柚子蜜及泰式奶茶沙冰。牛肉燒得外香內嫩，牛肉味濃，好咬口又好味；泰式木瓜絲沙津好清爽；椰汁雞湯材料豐富，好好飲；椰菜菜苗好特別，炒得青綠又有咬囗；菠蘿炒飯（無用菠蘿殼，較為衛生）好香菠蘿味，配菜豐富；甜品好味，奶茶沙冰好清爽，柚子蜜清甜。

朋友介紹新開泰國🇹🇭菜好味😋👍🏻店員很nice 😊點了蒜蓉通菜🥙泰式炒金邊粉🥘生蝦🦐豬頸肉沙律🥗黃咖喱豬🐷蒜蓉包🍞性價比高👍🏻會再次光顧😊

今日食既一家係位於旺角既泰菜，原本以為冇咩人食，點知越食越多人，先知原來呢間都幾出名既冬蔭公河粉冬蔭公湯底好濃郁，酸酸辣辣，好開胃，河粉好滑，配料都好豐富。泰式生蝦生蝦好新鮮，肉質爽口彈牙，配埋酸辣醬汁，好惹味。烤蒜蓉包蒜蓉包烤得好香脆，蒜蓉味好香，好適合配湯食。泰式生菜包生菜包好新鮮，配料好豐富，有肉碎、花生、辣椒等等，包埋一齊食，口感好豐富。超地道嘅泰國菜，無意中知道係一家泰國人主理嘅泰式餐廳，食物嘅質素非常高

呢間餐廳環境好靚入到去好似去左泰國甘，叫泰好記，個名都真係"太好記"haha,位於通菜街75號，地點方便易揾，入面既職員友善，而且服飾都著埋泰國衫好有地道feel,我地叫左一碟大蝦蛋炒金邊粉，雞蛋成個網甘包住熱辣辣炒好左既金邊粉配埋青檸汁調味好開胃。芒果糯米飯必食推介糯米飯超軟綿綿，紫米同白糯米飯加埋椰汁好正，芒果唔會好酸。燒牛肉：牛肉軟淋唔會鞋口，配埋bbq辣醬好惹味。海南雞叫左半隻份量相當多同抵食，而且雞肉去晒骨同好軟淋。

耶子雞湯出色，擺上枱時陣香味已經感覺到係濃郁而且外觀望落係足料，真係見到有耶子係入面！試第一口湯時，陣陣清香耶子味，而且唔會完全蓋過雞既鮮味到咬落雞肉時，又會感受到喺肉質入面有番個耶子味慢慢浮面，值得一試！！心

新開旺角泰菜，地點方便，推介金邊粉、柚子沙律、燒豬頸肉👍🏻👍🏻👍🏻金邊粉味道不錯，有豆乾、花生粉、大蝦等等，材料豐富！🥰蛋包金邊粉的蛋皮有不規則洞洞，富有美感！😻咖哩和柚子沙律很有泰國的味道 讚！🫶🏻老闆超級好人，請我哋食特特特大芒果糯米飯🙏🏻🙏🏻

平時食泰國菜通常去九龍城，但最近發現旺角新開左間泰菜館，一樣係泰國廚師主理，重點係座位舒適，價錢仲好抵食！我地午市時間點左馬拉盞豬頸肉炒粉絲$62、冬陰功湯河$54，加埋跟餐小食泰式鳳爪同蝦餅只係加$12😍一定要叫埋！另外再點左生菜包同馬拉盞炒椰菜苗，放假食飽D😂最先上枱係泰式鳳爪同蝦餅，鳳爪好爽口，配埋個夠晒酸辣泰式汁非常惹味！蝦餅熱辣辣好彈牙，只係加$12嘅小食都好有水準！👍🏻之後到冬陰功湯河同馬拉盞豬頸肉炒粉絲，冬陰功湯好濃味，令河粉好入味，馬拉盞豬頸肉炒粉絲，粉絲炒得夠哂乾身，而且食到底都仲有煙出，證明夠鑊，豬頸肉厚切而且有好多件，份量十足👍🏻馬拉盞炒椰菜苗同樣鑊氣十足，最後嘅生菜包上枱已經聞到超香，拿起生菜，將香辣嘅肉碎放到新鮮生菜，清新又惹味😍大愛🫶🏻