泰好記

营业中

休息中

同朋友路經旺角，試咗呢間泰國菜，點知味道超乎預期🤩🤩喺飲食業艱難嘅狀況下，好想寫一寫，讓大家支持有心嘅食肆🥹🙌🏻🙌🏻我哋揀咗幾道菜，全部都勁好味，而且價錢唔貴😋😙🫶🏻首先想推介佢嘅小食拼盤，裏面有炸蝦餅、炸魚餅、同埋有少少似炸札肉嘅東東。只係$80但係超好味🙌🏻😍而且睇相都知道全部都好脆口，魚肉裏面亦都有好多餡料，非常用心。之後絕對需要推薦佢嘅燒雞🫶🏻🫶🏻🫶🏻我哋叫咗半隻，第一啖食落去已經發覺皮脆肉滑，有好香嘅黃雞油！朋友話因為呢啲黃油，隻雞先可以咁鮮嫩，最難得係個塊皮都燒得好香脆，完全停唔到口。最令人感動嘅係價錢，半隻燒得咁好嘅雞，只係賣$85 🙈泰式炒椰菜苗同埋芒果沙冰。芒果沙冰嘅味道唔係人造味道，都幾好飲。椰菜苗份量頗多。泰式醬雖然有少少辣，但就令到碟菜炒得好香。另外我哋仲食咗一個香葉肉碎煎蛋飯，香葉豬肉辣辣地，而且裏面配有切得好細嘅豆角，送飯一流😚😋總之呢餐整體非常滿意，價廉物美，以後會多多相約朋友嚟幫襯，希望佢哋越做越好🩷👏🏻👏🏻👏🏻

行過旺角女人街，見到一間新開泰菜，門口望入去裝修又企理，地點又方便唔使特登搭車去九龍城，就同友人不約而同選擇試下呢間新餐廳。冬蔭功海鮮湯: 食親泰國嘢都必定要點嘅湯，味道啱啱好，唔會太酸唔會太辣，有菇菌、海鮮和大量香料，幾啱我口味拼盤: 最愛嘅小食之一，蝦餅魚餅春卷，咬落彈牙爽口，而且一定要點埋個泰式醬黎食，好惹味香口。炸皮蛋球: 蝦餅食得多，至從食過(蝦膠包住皮蛋)之後，可謂一試愛上，唔係每間泰國嘢都有呢度菜。泰式沙嗲 (豬/牛/雞)半打: 今次ORDER左豬牛雞各2串，串燒份量足，燒得少許微焦更加香口，而且鎖住肉汁唔會乾身，雞肉好嫩滑，牛肉就味道幾濃點埋上菜提供嘅沙醬黎食，個醬汁仲要有D椰香味喺到，食落味道就更加出色。燒鰂魚: 肉質鮮嫩多汁，魚肚內的芫茜都為這燒魚提供了很到位的調味。炭燒大頭蝦: 切開一半，方便食用，大頭蝦肉質唔錯，而且蝦頭D膏味道都幾鮮甜。咖哩炒大蝦: 唔算太辣，而且辣得黎帶點香料味，所以個蝦都幾惹味下，佢裡面都幾多蔬菜下，碟黃咖哩都幾足料。香酥薄餅: 既然有咖哩汁，自自然然要叫份薄餅點黎食下薄餅烤得好香口酥軟，點埋個咖哩汁黎食就更加滋味。

經開旺角發現通菜街有間新開嘅泰國小店，提供多款價錢親民嘅地道泰國菜，店內環境比想像中大好多，座位十分闊落，令人感覺舒適。店員服務態度親民，上枱速度又快，值得到訪一試。前菜有青芒果沙律，酸甜開胃，爽口美味，令人食慾大開。椰汁雞湯份量十足，椰汁香濃，入口順滑，熱呼呼好暖胃，而且配料夠豐富，雞肉大件，嫩滑唔嚡口，性價比高。菜品選擇好多，椰菜苗比較少食，炒得夠辣，好惹味，掛滿醬汁，咬落爽口、主食有乾炒河，軟身，容易入口，豬肉幾滑，搭配少量蔬菜，整體調味適中，唔油膩，老少咸宜。相對來說海南雞飯就正常發揮，飯粒粒分明，帶淡淡香氣，雞皮偏厚，雞肉份量都唔少。貪心要埋薄餅，煙煙韌韌好好味，而且熱辣辣上，有心機，點咖喱應該好正，可惜太飽了。飲品款色都有唔少，基本上每枱都有點，天氣熱，要咗奶茶同芒果沙冰，賣相一流，堆到滿滿一座山，冰冰涼涼，十分解膩。

椰汁雞湯🥥(大$140）-有嫩香茅、椰奶、嫩雞、車釐子蕃茄、菇、蔥。味道近似冬陰功湯加椰奶。大份夠多料😋。生菜包🥬（$88）-有脆炸蔥，碎米脆，辣椒乾、豬肉係醃過同埋炸過。樣樣嘢都係脆嘅口感非常爽脆。可選牛/豬/雞。燒蝦泰式蛋包金邊粉（ $88 ）-有迷你豆腐卜、芽菜、同蛋包、煮法一啲都唔肥膩。所以蛋包 金邊粉特別入味，可能會覺得偏淡。大頭多膏蝦係另外上。突出咗樣樣嘢嘅鮮味之餘亦都好有色水。唔係炒雜碎。泰式青咖喱（$78）-青咖喱用咗泰式茄子，入口爽脆，圓轆轆，幾特別。可選牛/豬/雞總括：餐廳用料十足，稍微獨特。煮法技巧精湛。位於女人街。設加一服務。

旺角新開咗間泰國菜，座位闊落坐得夠晒舒服！位置方便，性價比高👍🏻串燒三拼 $108豬牛雞各兩串，拎上枱即時聞到好香～外層燒得焦脆，肉汁飽滿，肉質嫩滑～配嘅沙嗲醬都好香👍🏻泰式炒通菜 $78份量好足，唔算太鹹，通菜爽口泰式黃咖喱 $78揀咗雞肉，咖喱唔算辣，質地順滑，配蒜蓉包同薄餅真係絕配😋香葉炒豬肉碎飯$70呢個肉碎好好味😍辣到適中，夠晒香口，名副其實白飯殺手👍🏻泰好記 (旺角)旺角通菜街75-77號地舖

🍴泰式青咖喱牛狼青豆 辣椒 青咖喱帶 d甜辣 牛肉入味彈牙 配薄餅或白飯都正🍴小拼盤 80 蚊炸蝦餅 雞卷 魚卷 各二🐥🐷大大件 雞卷雞味香濃 蝦餅同魚卷夠彈牙🍴泰式奶茶沙冰 35 蚊🧋好香濃奶茶香味 正🍴燒蝦泰式蛋包金邊粉88 蚊🦐金邊粉好爽口足料 連埋香煎蛋包住 好夠蛋香 個醬汁帶 d酸甜 熱辣辣 仲有隻燒大蝦 🍴滷水豬脾飯 70 蚊🐖🍚 豬脾好夠肥美 個豬皮好爽彈 點 d酸辣汁 仲有酸菜 蛋 生菜調味 正🍴泰式皮蛋沙律 68 蚊皮蛋新鮮 葱花辣椒 花生碎 蝦乾粒 連埋皮蛋好入味

带朋友去女人街行街，行到中午係時候食Lunch。1️⃣泰式濕炒海鮮河 $58個河粉係乾炒牛河嗰種，色水好夠，同埋好多材料，無論係雜菜定海鮮都好足料。2️⃣泰式滷水豬脾飯 $62豬脾塊皮整得夠彈牙，肉唔柴，滷得入味。好鍾意佢係有埋啲菜同蛋做配菜。3️⃣泰式海南雞配油飯 $62好香雞味，肉質鮮嫩，配埋油飯一齊食簡直一流。佢配嘅汁係酸辣汁。4️⃣泰式凍奶茶 +$3 & 5️⃣熱柚子蜜 +$0茶底好濃好香，熱柚子蜜正常發揮，只係有啲細杯！

大人小朋友老人家都可以黎食！大人呢就鍾意食冬陰功，明爐烏頭魚，串燒（勁正），生菜包，仲有個咖哩蟹😋一定要叫埋個蒜蓉包點D汁一齊食，正呀～小朋友就鍾意嗰份燒豬頸肉，D肉唔會燒到好乾好硬，串燒、小食拼盤，仲有個老人家小朋友都話好好味哋既濕炒河！同埋佢哋D沙冰真係好好味😋

今日經過女人街見到新開了一間泰國菜。於是入咗去試下估唔到有驚喜🎊海南雞好滑😊 個醬汁好好食炒河超級正！小朋友不停追擊勁快清盤雞卷個味道好好，唯獨係唔夠扎實芒果沙冰都好好飲蒜蓉包超級無敵正！真推薦各位試試！好香好味！坐位坐得好舒服好寬鬆 一啲都唔逼餐廳比我地感覺好乾淨 侍應服務態度都好好

今天朋友於尖沙咀文化中心註冊結婚，新娘是泰國人她離鄉別井遠嫁香港，所以作為朋友的我，明白她思念家鄉的泰國菜，從朋友中，知道旺角通菜街尾新開了一間地道正中泰國菜，所以立刻和友人去嘗試，真的好感謝厨師們，新郎說新娘已經好久冇吃那麼多了，其實，我們只簡單点了泰式鹵水豬手，（超淋超入味），海南雞（肉超軟），木瓜沙律（辣度剛好），干炒肉片河（我們吃完一碟又再叫一碟）還有其他的菜式，真的說不盡啊。雖然我們只是5個人，但大家也一至會再約下次到這店，因為各樓面姐姐好友善，老闆也親力親為，是否一家人呢？我說話太多了，but I m honest to tell you the truth that it is really a shop to give good food n good service to customers 😀