泰好記

营业中

休息中

金邊粉整體味道甜酸適中，而且炒得好有鑊氣，兩隻大蝦爽口彈牙，仲有豆腐乾芽菜等配料，唔夠酸仲可以擠少少青檸汁上去，更加惹味。泰式鳳爪＞小午餐跟細嘅泰式鳳爪，無骨鳳爪啖啖肉，味道酸酸辣辣，最適合做開胃菜。泰式生菜包(豬)豬肉粒用泰式香料煮得非常惹味，配埋爽脆生菜，令人食唔停口。明爐青檸蒸烏頭魚烏頭魚肉質鮮甜夠新鮮，食到魚嘅鮮味，有多種泰式配料放喺爐一齊煮，令魚肉越煮越入味，配料椰菜吸左湯既味道同樣惹味。泰式凍咖啡比港式咖啡更甜一些，咖啡味10分香濃。