泰仔美食

营业中

休息中

今晚突然想去九龍城食泰菜，無預先上網搵餐廳。見到有咪錶，即刻泊好車，就係附近搵食，經過泰仔，6點幾都有幾枱客，一於試下。點咗3樣食物，炭燒豬頸肉，生菜包碎肉，青口粉絲煲(原來想點大蜆粉絲煲，可惜無大蜆)。推介炭燒豬頸肉，香味十足，肉嫩滑不乾，醬汁酸酸辣辣，好食。生菜包碎肉，比一般的辣，普通。青口粉絲煲，青紅黃好甜好食，但青口無味，可惜。補充，每枱都有碟炸蝦片，香脆，加杯冰凍泰國啤酒，一流配對。可以再幫襯，下次要搵多幾個老友去，可以試埋其他食物。