波士頓餐廳

营业中

休息中

同一班朋友行完會展，大家都體力透支，就諗起來据扒。來到門口很多人等位，幸好我們人多，大枱很快就有了。我點了美式什扒—— 有豬、牛、雞、煙肉、腸，每件肉都新鮮好食配上蒜蓉汁，很惹味！餐前例牌有個羅宋或忌廉湯和一個餐包。我選了羅宋湯，太餓忘了拍照 羅宋湯唔係間間都好味，有些很酸什至很咸，這裡的羅宋湯酸酸甜很開胃！由於我太貪心想咩都食啲要左呢份什扒，講究啲就點火焰牛柳或肉眼吧。朋友點的燒春雞好鞋。。好難食到難食的燒春雞，呢度做到了。

如要大家秒答，港式西餐令大家想起甚麼，相信會有「鐵板餐」？「咋一聲」？定係「成身油煙」？ 老牌港式西餐廳有佢 -「波士頓」，生於 1966年，52歲，生肖屬羊，所以它的羊扒應該做得不錯？！ 呢間餐廳我一向麻麻，一來我不太愛吃鐵板，二來也覺得它出品一般，也沒有太多童年回憶。今次同班「飯聚份子」飯局，即興約，地點不是我挑的。本著「敬老」心態，偶一為之，我倒不反對嘅。 被黑掹掹的醬汁掩蓋，憑外表叫人估係乜，估中的機率應該係近乎零。。。 此乃「茄汁焗牛脷意粉」$88，意粉太腍，醬汁燶到苦，牛脷浸到冇哂味，最後放棄收場。 「鐵板鴛鴦扒」$145 出奇地黑椒汁是事先已淋上，上枱時像個洩了氣的波。牛扒、豬扒各一塊，吃了少許，沒有甚麼肉味，只吃到汁的味道。其實在黑椒汁圍攻下，食物是甚麼，已變得不再重要，都一樣味。賣相同樣沒有好到那裡的「茄醬海鮮天使麵」$92，望落仲意為係乾撈米粉。 「焗肉醬千層麵」$96 最後溫提，不知是餐廳正在裝修還是老規矩，要人齊才可入坐，真威。老馬，還是有股霸氣。

營業超過50年 ，當年和現在也是高級牛扒餐廳 ，其中招牌菜 : 火焰牛柳 及火焰雪山甜品至今都沒有在別家餐廳找到 , 以前是小朋友喜歡看的項目之一， 因侍應會預先燃點火再送到你面前 ，真的很有趣 。最近和家人去重溫年輕時的回憶 ，發覺他重新裝修了 ，變得更高雅舒適 ，餐桌之間也算是闊落 ，他的牛柳和醬汁真的很好吃 ，特別是鐵板到之後經過高溫還能保持我要求的生熟程度 ，外面很多餐廳都失水準了 。特別要提甜品火焰雪山一定要試 ，現時在香港已沒有其他餐廳有在做， 外層白色的是蛋白打成的忌廉 ，然後是一層軟綿的蛋糕 ，最裏面就是朱古力雪糕 ，整體吃著時不會很甜 ，但口感很好 ，不過份量比較大 ，建議二至四人吃

前陣子雖然去了快餐店鋸扒，但還是不夠滿足呢所以襯著有天去灣仔~當然要來這家鋸扒的老店，5點45分到還不用排隊(6點左右已經滿座，走的時候已經有一堆人在排隊喇)這裡的扒餐包括餐湯、餐包、意粉/飯和飲品。價錢大約是$140起跳吧我選了 -  T骨牛扒 ($153) 餐湯是羅宋湯，很濃且還有不少的雜菜~味道偏酸。餐包很軟熟牛扒點了五成熟～整體不錯，咬下去很軟稔，還有香醇的肉汁。再加上黑椒汁更為惹味！我妹點的則是 精選羊扒 ($148) 點了三成熟，肉質更為軟嫩～另外配燒汁也不錯喔！不怕吃不飽，因為還有意粉(或飯) ... 如果汁不夠的可和店員說，這樣吃意粉才不會太乾。意粉的口感也是偏硬身點的就是喲最後餐茶點了熱檸檬茶，這茶滿澀的呢！

暑假將至，又可以同屋企人開開心心四處玩樂同旅行了，旅行前屋企人行街經過波士頓餐廳，見人山人海，又歷史悠久，必定值得嘗試，结果等左大约半小時就有位，上到餐廳真係人山人海，坐無虛席，入座後覺得好熱，諗住太多人同冷氣未開齊，之後揾個侍應問，可唔可以開大D冷氣，點知侍應話唔好意思已經開到最大，唔係化，開左最大同無開一樣，要求調位，點知结果一樣，都係甘熱，嗰刻覺得好唐突，現今科技先進，社會進步，一間歷史悠久的餐廳居然冷氣都欠缺，點同行內競爭，簡直慌唐，唔好講做生意，唔做生意，都無伙記肯做啦，咁熱，眼見D侍應身水身汗，仲甘落力工作，服務仲保持水準，實在難得，之後有個女經理眼見我地食得甘辛苦，借部私家風扇比我地，又比D冰水我地飲，當堂凉晒，真貼心，但冷氣有問題一定要改善，尤其係炎熱嘅暑假，食物保持到，服務都好好，但環境就有所保留，暫時唔敢再幫襯！今次實屬有個不愉快嘅回憶同經歷。

由於之前嚟食過覺得出品幾好，所以我們今晚再去灣仔盧押道嘅「波士頓餐廳」食晚飯！我們叫咗炸德國鹹豬手嘅外層炸到又乾又硬，一啲都唔酥脆，肉質亦都係「硬實實」咁，一啲都唔鬆軟，簡直係炸到過晒火！T骨牛扒嘅肉質好爽滑鬆化，肉味亦好香濃！厚切西冷扒係咁多款之中我們最欣賞嘅，因真係好厚切，口感非常豐富，肉質相當鬆軟嫩滑，而且亦可以做到我們要求7成熟嘅效果！香煎原條龍脷魚嘅外層煎得好香口脆身，而且可以原片咁撕開魚皮，見到入面係熱辣辣兼相當嫩滑嘅魚肉，至於意粉嘅麵質就極之腍身，無咗應該有嘅煙韌感！

今日係慶祝拍拖紀念日，一早放lunch來到呢間波士頓也要等半個鐘，佢算係舊式西式餐廳，一來到有餐湯飲，不過己凍左，扣分，而個扒就比對上次失色左小小，我個男友都話下次不會再來

有A,B,C三款選擇，揀左煎龍利柳配長通粉，餐湯揀了羅宋湯，有餐包，味道不錯。主菜龍利柳就麻麻地，可能系廉价貨，冇乜口感，下次可能試吓迷你雜扒，着看如何?餐飲叫了熱啡，味道尚可。此店座位很多，但一到中午，好快就坐滿人客!人客須多，上餐都很快。

剛在灣仔修頓球場附近開完㑹,ㄧ行三人行過波士頓,無異議地入去食過快 dinner, 懷舊ㄧ下。好彩不用排隊, 坐下後每人選了自己的至愛餐。 我自己叫了焗海鮮飯, 朋友分别叫了牛尾飯及牛扒薯菜。味道及賣相也只是ㄧ般, 我自己亦沒有很大的回味feel。 可能人老了, 口味和感覺都大大變了。 畢竟我自己最後ㄧ次去已是1978 年, 巳是30年前的事了。 還記得那地方是被鐵板餐弄得ㄧ片煙霧彌漫, 之前還有ㄧ次我是同初戀情人ㄧ起去的, 感覺真是浪漫萬分呢 ! Anyway, 那晚最後還叫了甜品雪山火焰,做得還不錯, 裏面的蛋糕, 雪糕及nuts都配合得好好, 值得再試。 雪山火焰甜品, 正

好多年跟老公來吃過一次。今天路經，又有時間慢慢吃西餐，於是又走上來。下午一點幾未滿座，仲有卡位𠻹，好開心。可能因為週末，得两個set lunch揀，75蚊有湯有嘢飲，都幾抵。但冇我至愛的牛脷，所以我冇叫到套餐，單點咗份牛脷意粉。牛脷好腍，酱汁都啱啱好，唔會過咸。原以為只喺面鋪咗d牛脷，但原來底都有，一碟意粉中三分之二都係牛脷，真係好重料👍🏻，最終我凈係食哂d牛脷經已好飽了😅。加埋10%，都係95蚊，真係好抵食。

母親節正日唔想比茶樓局住叫set, 一於試試新野，去鋸扒做母親節晚餐！波士頓餐廳聽個名都知有甘上下歷史，但由於裝修過，所以環境都幾新淨幾好坐叫左3個鐵板餐，分別係厚切牛柳、魚柳+牛柳、鴛鴦扒（牛柳+豬扒）厚切牛柳係好ok的，有牛味，肉質嫩滑，配埋意粉餐包同餐飲都係$170，交足貨有餘另外兩個餐既牛柳質素就普通左d, 冇咩味，下次可以skip同場有好多枱叫火焰牛柳，佢會即場放大火黎燒，幾特別，要打卡的話必點

記得之前也介紹過波士頓餐廳🍽這裡是我兒時回憶的地方，但不是常客。今晚，我倆突然想吃火焰牛柳$180，碰巧拍攝到一張很高火焰的相片，真的要開心分享。很喜愛這裡熱騰騰的餐包及羅宋湯我選了黑椒汁及五成熟。但師傅失手了，幾乎9成熟

N年前，爸爸與媽媽約會總會到此餐廳；家庭日也總會與我們到此餐廳。波士頓餐廳像與我們成長，而我們也見證著這餐廳的改變。今天，與父母一同到這裡午餐。我們點了...精選牛柳$172（3款中，大家覺得最好味是它）厚切西冷扒$172美式什扒$165

想平平地有扒食，港式扒房係個好選擇！今日去左試老公話佢細個食過幾好既港式扒房！好好彩！拎左籌等左陣，就聽到職員話full哂喇！一紅湯一白湯白湯係例牌麵粉味粟米忌廉湯紅湯係蕃茄版羅宋湯係細個去餐廳食飯既西湯味啊~~~要左份火焰牛柳同肉眼兩份扒都係要5成熟，但係起碼7成以上！薯角炸得幾香口，個扒中規中矩啦，始終一分錢一分貨！個餐會跟飯或者意粉，要主動叫先會有，侍應唔會提，亦都唔會自動上！埋單200蚊左右一個人呢個價錢，有其他更加好既選擇！

波士頓餐廳下午Lunch時間好多人排隊等位，如果12點上去仲有機會坐卡位，否則就會坐好close啲位！午餐價錢大約60幾至70幾，好平好抵食，所以都吸引好多人嚟午餐！餐湯好creamy比較漏，如果喜歡少少辣可揀羅宋湯！而餐包有少少暖，但可惜硬到咬落去都整損口，因為餐包個底層焗到好硬仲起角！我朋友叫咗鮮茄焗豬扒飯，都好大碟，豬扒幾淋唔韌，味道唔差，豬扒都新鮮！而我叫咗燒汁煑牛扒就失望啦，其實個燒汁好好味，但我唔明點解個燒汁，飯同配菜都係熱，但牛扒竟然係凍，一定係煎咗好耐仲未加汁加飯同配菜，所以牛扒凍晒！客人太多唔係代表廚房太忙就可以求求其其煮，如果天氣熱好容易滋生細菌！凍檸茶算大杯，因為好多餐廳啲餐茶好細杯！